‘Nëse do të më japësh frymë më dhuro Kohën, ajo është gjithçka që vdekatarët kanë’

Posted on by Kult Plus

Poezi nga Ilire Zajmi

Dhurata

Për fundvit mos më bli unazë diamanti, parfum me erë jasemini.
Biletë për një udhëtim ëndrrash
Dua të më dhurosh Kohën
Pak kohë të marr frymë. Një grimcë kohe të buzëqesh
Të mbyll sytë e të udhëtoj në një tjetër botë

Më nevojitet pak kohë.
Të arratisem të qaj ngeshëm të shoh qiellin e përflakur.
Mjegullnajën sipër qytetit pa shpirt
Se di si u katandis koha ime
Në rrugët e pista gotat e zbrazura kafeneve të mykura
Në pako cigaresh muhabete të panjohurish

Nëse do të më bësh një Dhuratë
Më fal pakëz kohë. Një orë një minutë pak sekonda vetëm një çast
Të bëhem njësh me gazin e një fëmije
të puth me buzët e etura të një të dashuruare.
Jam mbretëreshë e shfronësuar bjerrakohëse
Mos më sill as lule as libra.
Në do të më dhurosh diçka më dhuro pak kohë
E nëse s’e gjen askund për ta blerë
Grabitja atyre që shesin gjakun me këste, trupin me fajde
Vidhjau atyre që iu tepron së shijuari bota nga mërzia
Atyre që vrasin miza e pështyjnë veten në pasqyrë.

Nëse do të më japësh frymë më dhuro Kohën
Ajo është gjithçka që vdekatarët kanë. / KultPlus.com

Kampionati i Rafting në brigjet piktoreske të lumit Vjosa, garë dhe promovim i turizmit në Përmet

Posted on by Kult Plus

Përmeti mikpriti për herë të 8-të Kampionatin Kombëtar të Rafting 2025 në lumin e fundit të egër të Europës – Vjosa duke e kthyer për dy ditë me radhë, në datat 11 dhe 12 prill, në shtëpinë e sportistëve amatorë e profesionistë të cilët lundruan dhe konkurruan për çmimin e madh.

Nën kujdesin e veçantë të Bashkisë Përmet, ky eveniment kombëtar u zhvillua nga Federata Shqiptare e Rafting dhe merrnin pjesë 8 ekipe nga lumenjtë , Vjosa, Osumi, Drini të Zi, Bënçë, Bistricë, Shkumbini dhe Drinos.

Ministrja e Turizmit dhe Mjedisit, Mirela Kumbaro theksoi se “ky kampionat në Përmet dhe trajnimet e guidave të reja, janë një prej atyre ngjarjeve me nivel të lartë profesionalizmi dhe shumë domethënëse për zhvillimin e qëndrueshëm dhe gjithëvjetor”.

Kampionati Kombëtar për Rafting 2025 shënoi një nivel të ri konkurrence dhe bashkëpunimi në ujërat e Vjosës Edicioni i 8-të i Kampionatit Kombëtar Shqiptar të Rafting, i zhvilluar në Përmet, shënoi një hap të rëndësishëm për zhvillimin e sporteve ujore në Shqipëri.

Presidenti i Federatës Shqiptare të Rafting, Zamo Spathara, u shpreh se profesionalizmi, gara dhe miqësia mes skuadrave e ngritën nivelin e këtij edicioni.

Krahasuar me vitet e mëparshme, ky edicion ishte dukshëm më konkurrues dhe me një pjesëmarrje më të gjerë ekipesh nga të gjitha trevat, falë edhe organizimit paralel me javën stërvitore për guidat e reja të rafting.

Vjosa – lumi i fundit i egër i Europës – ofroi një skenë perfekte për garat, veçanërisht në muajin prill, kur niveli i ujit është optimal për rafting.

Spektakli nisi me një start masiv dhe dinamik, ku ekipet u hodhën në ujë me gomone dhe garuan krah për krah në një kurs teknikisht sfidues, që kulmoi me një përballje emocionuese në segmentin poshtë urës së qytetit të Përmetit.

Kjo ngjarje përmbylli me sukses katër ditët intensive të stërvitjes dhe garës. Ambicia e radhës për Federatën Shqiptare të Rafting është ngritja e një kampi të përhershëm për rafting në qytetin e Përmetit, i pajisur me porta sllallomi, për të rritur kapacitetin organizativ dhe konkurrues të sportit në nivel kombëtar dhe ndërkombëtar.

Lumi Vjosa, me rrjedhën e tij të qëndrueshme gjatë gjithë vitit, ofron potencialin ideal për këtë vizion.

Fitues i parë i Kampionatit u shpall Vjosa me kapiten Aldo Sakollari, lumi Bënça në vend të dytë me kapiten Pajtim Vraniçin dhe Vjosa 2 në vend të tretë me kapiten Jonas Ibrahimin./ KultPlus.com

‘Nuk di si je dhe më mungon ta di’

Posted on by Kult Plus

Poezi nga Charles Bukowski

S’rreshta kurrë së menduari për ty,
do doja aq shumë të ta them.

Do doja të shkruaja se më pëlqen të kthehem,
Se më mungon dhe të mendoj.
Po s’të kërkoj.
Madje s’të shkruaj as njatjeta.
Nuk di si je.
Dhe më mungon ta di.

Ke projekte?
Buzëqeshe sot?
Ç’ëndërrove?
Do dalësh?
Ku do t’shkosh?
Ke ëndrra?
A hëngre?.

Do t’më pëlqente të mund të kërkoja.
Po s’kam forcë.
Dhe as ti nuk e ke.
Dhe at’herë rrimë e presim më kot.

Dhe mendojmë.
Dhe kujtomë.
Kujtohu se të mendoj, se ti nuk e di, por ty të jetoj çdo ditë, që shkruaj për ty.

Dhe kujtohu se të kërkosh e të mendosh, janë dy gjëra të ndryshme.
Dhe unë të mendoj, po s’të kërkoj./ KultPlus.com

Osmani në Turqi takohet me kryediplomatin kenian, paralajmëron vizitë në Kenia

Posted on by Kult Plus

Presidentja Vjosa Osmani është takuar me ministrin e Jashtëm të Kenisë, Ve Musalia Mudavadi, në Turqi ku shkoi për të marrë pjesë në një forum.

Osmani tha se e ka falënderuar atë për vendimin për njohjen e pavarësisë së Kosovës, ndërsa tha se me të ka folur për fushat e bashkëpunimit mes dy vendeve.

Ajo tha se këto do t’i konkretizojnë gjatë një vizitë që e paralajmëroi në Kenia.

“Pas vendimit historik për njohjen e Kosovës nga Kenia, në Turqi u takova me Ministrin e Jashtëm të Kenias, njëherësh Kryesekretarin e Kabinetit Presidencial, z. Musalia Mudavadi, të cilin e falënderova edhe një herë për këtë hap të rëndësishëm, i cili kontribuon për paqen e stabilitetin afatgjatë në rajonin tonë. Diskutuam për fushat e bashkëpunimit me interes të përbashkët, të cilat do t’i konkretizojmë gjatë vizitës zyrtare në Kenia dhe përgjatë rrugës sonë të përbashkët si aleatë dhe partnerë”, ka shkruar ajo. 

Kenia njohu pavarësinë e Kosovës muajin e kaluar, duke u bërë kështu shteti i 118-të që e njeh Kosovën./ KultPlus.com

Osmani pret që Kongresi ta kalojë rezolutën që kërkon drejtësi për të mbijetuarit e dhunës seksuale gjatë luftës në Kosovë

Posted on by Kult Plus

Kongresistët amerikanë përmes një rezolute të propozuar kanë kërkuar drejtësi për të mbijetuarit e dhunës seksuale gjatë luftës së fundit në Kosovë.

Për këtë rezolutë të propozuar ka shkruar presidentja Vjosa Osmani, e cila tha se pret që ajo të miratohet.

Kongresistët amerikanë përmes një rezolute të propozuar kanë kërkuar drejtësi për të mbijetuarit e dhunës seksuale gjatë luftës së fundit në Kosovë.

Presidentja Vjosa Osmani tha se e pret “me padurim” miratimin e kësaj rezolute, ndërsa ka falënderuar kongresistët amerikanë.

“Falënderoj ligjvënësit amerikanë që kërkuan drejtësi për të mbijetuarit e dhunës seksuale gjatë luftës gjenocidale të Serbisë kundër popullit të Kosovës. Zërat e të mbijetuarve tanë – si ai i Vasfijes dhe i Shyhretes – thyen heshtjen dhe u dhanë forcë mijëra të tjerëve. Për të gjithë ata, drejtësia nuk është një zgjedhje – ajo është një e drejtë e mohuar prej kohësh. Derisa i afrohemi 14 Prillit – Ditës Kombëtare të Kosovës për të Mbijetuarit e Dhunës Seksuale gjatë Luftës – kjo njohje është një hap i fuqishëm përpara. Pres me padurim miratimin e kësaj rezolute”, tha ajo në një postim në X./ KultPlus.com

Kafeja e mëngjesit

Posted on by Kult Plus

Poezi nga Jasques Prevert


Ai hodhi kafe
Në filxhan
Hodhi qumësht
Në filxhanin e kafesë
I hodhi sheqer
Kafes me qumësht
Me lugën e vogel
E përzjeu
E piu kafen
Dhe vuri filxhanin mbi tavolinë
Pa më folur
Ndezi një cigare
Bëri rrathë
Me atë tym
Shkundi hirin
Në taketuke
Pa më folur
Pa më shikuar
U ngrit
Vuri kapelen në kokë
Veshi xhaketën e shiut
Sepse binte shi
Dhe doli jashtë
Nëpër shi
Pa një fjalë
Pa më shikuar
Dhe unë
Futa kokën
Mes duarve
Dhe qava / KultPlus.com

Ukraina mund të ndahet si Berlini pas Luftës së Dytë Botërore, thotë i emisari amerikan në Kiev

Posted on by Kult Plus

Ukraina mund të ndahet si Berlini pas Luftës së Dytë Botërore, ka thënë i dërguari i presidentit amerikan Donald Trump në Kiev, pasi Rusia vazhdon të rezistojë në pranimin e një armëpushimi.

Keith Kellogg dukej se sugjeronte se vendi mund të ndahej në zona kontrolli, me trupat britanike dhe franceze si pjesë e një “force sigurie” në perëndim dhe forcat e Moskës në lindje, shkruan The Guardian.

Midis tyre do të ishin forcat ukrainase dhe një zonë e çmilitarizuar, por SHBA nuk do të siguronte asnjë forcë tokësore, pretendoi ai.

 “Ju pothuajse mund ta bëni të duket si ajo që ndodhi me Berlinin pas Luftës së Dytë Botërore, kur kishit një zonë ruse, një zonë franceze dhe një zonë britanike”, tha ai për gazetën Times.

Kievi ende nuk ka komentuar mbi këto deklarata.

Donald Trump i lëshoi ​​një paralajmërim të rrallë Vladimir Putinit përpara bisedimeve midis të dërguarit special të presidentit amerikan, Steve Witkoff dhe presidentit rus, duke thënë në platformën Truth Social se “Rusia duhet të lëvizë”.

Putini u shfaq në televizionin shtetëror duke përshëndetur Witkoff në bibliotekën presidenciale të Shën Petersburgut në fillim të negociatave dhe agjencitë shtetërore të lajmeve thanë më vonë se bisedimet zgjatën më shumë se katër orë.

“Tema e takimit: aspektet e zgjidhjes së Ukrainës”, tha Kremlini pas takimit.

I dërguari i Putinit, Kirill Dmitriev, i cili u pa në pamjet e lajmeve që shoqëronte Witkoff duke dalë nga një hotel në qytet, i quajti bisedimet produktive, sipas agjencisë shtetërore të lajmeve të Rusisë Tass./ KultPlus.com

KFOR – Njësia e Inteligjencës, Vëzhgimit dhe Zbulimit në Kosovë bëhet me komandant të ri

Posted on by Kult Plus

KFOR ka njoftuar se sot është zhvilluar ceremonia e ndërrimit të komandës së Batalionit të Inteligjencës, Vëzhgimit dhe Zbulimit, e cila u mbajt në Kampin “Film City” në Prishtinë.

Në njoftimin e KFOR shtohet se këtë ceremoni e ka drejtuar komandanti i këtij misioni Gjeneral Major Enrico Barduani.

‘Komandanti në largim, Nënkolonel Giovanni De Santis, ia dorëzoi flamurin e NATO-s Komandantit të ri, Nënkolonel Salvatore Salvaggio – të dy nga Ushtria Italiane’’, thuhet në njoftimin e KFOR.

Postimi:

Sot, Komandanti i misionit të udhëhequr nga NATO, KFOR, Gjeneral Major Enrico Barduani, drejtoi ceremoninë e ndërrimit të komandës së Batalionit të Inteligjencës, Vëzhgimit dhe Zbulimit, e cila u mbajt në Kampin “Film City” në Prishtinë.

Komandanti në largim, Nënkolonel Giovanni De Santis, ia dorëzoi flamurin e NATO-s Komandantit të ri, Nënkolonel Salvatore Salvaggio – të dy nga Ushtria Italiane.

Gjeneral Major Barduani shprehu mirënjohjen e tij për Nënkolonelin De Santis për udhëheqjen dhe përkushtimin e treguar, duke vlerësuar nivelin e lartë të gatishmërisë dhe profesionalizmit të personelit të njësisë. Ai gjithashtu i uroi suksese Nënkolonelit Salvaggio në detyrën e re.

KFOR vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një ambient të sigurt dhe të qetë për të gjithë njerëzit dhe komunitetet që jetojnë në Kosovë, si dhe për të garantuar lirinë e lëvizjes, në çdo kohë dhe në mënyrë të paanshme.

KFOR punon në bashkëpunim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në rolin e vet si reagues të sigurisë./ KultPlus.com

‘Streha e Nemun’, tragjikomedia që pasqyron dramën në kërkim të dashurisë dhe barrën e rëndë të vetmisë

Posted on by Kult Plus

Flonja Haxhaj

Mbrëmjen e 10 prillit, skena e Teatrit Kombëtar të Kosovës u transformua në një hapësirë intime reflektimi teksa u shfaq repriza e shfaqjes “Streha e Nemun”, shfaqje kjo që sfidon emocionet dhe mendjen përmes një rrëfimi të thellë dhe të ndjeshëm. Me regji nga Ilir Bokshi, shfaqja mysafire ‘Streha e nemun’ vjen si një tragjikomedi që pasqyron brengën dhe dramën e brendshme njerëzore, shkruan KultPlus.

E frymëzuar nga teksti “Liza në Maj”, shfaqja ‘Streha e nemun’ shpërfaq një realitet modern që lufton kundër vetmisë, ngjyrosur përmes lojës së aktorëve edhe me doza komike.

Shfaqja ka në qendër personazhin kryesor, Lajzelotën, një infermiere 35-vjeçare, e cila kalon përmes labirinteve të vetmisë, dashurisë së parealizuar dhe nevojës për përkatësi. Personifikuar nga aktorja Albulena Kryeziu Bokshi, Liza na prezanton një figurë të një gruaje të ndërtuar me përplot kontradikta dhe ndjeshmëri, duke pasqyruar botën e brendshme dhe dilemat bashkëkohore të kohës.

Gjatë gjithë shfaqjes, publiku ndjek takimet e Lizës me një sërë burrash të ndryshëm, secili prej tyre me karakter më të ndryshëm se tjetri. Këto figura mashkullore, të luajtura me ndjeshmëri dhe finesë nga aktorët Ledion Zoi dhe Adrian Morina, përfaqësojnë aspekte të ndryshme të marrëdhënieve njerëzore. Por, çdo takim i Lizës, sado premtues, përfundon me tragjedi, secili nga burrat që hyn në banesën e Lizës vdes, duke e lënë atë gjithnjë e më të vetmuar dhe të brishtë emocionalisht.

Këto humbje të njëpasnjëshme ndërtojnë një simbolikë të fortë mbi zhdukjen e shpresës dhe frikën që e përndjek njeriun në epokën bashkëkohore, vetminë.

Liza, në përpjekjen e saj për të gjetur dashuri dhe një vend ku të përkasë, përballet me një realitet të hidhur ku çdo afrim sjell më shumë boshësi.

“Streha e nemun” është më shumë se një rrëfim, është një pasqyrë përballë njeriut të sotëm, që në heshtje kërkon dashurinë, kuptimin dhe një strehë të sigurt në kaosin e brendshëm.

Regjisori Ilir Bokshi, e vlerëson shfaqjen “Streha e Nemun” si një bashkëpunim të suksesshëm ndërmjet artistëve dhe institucioneve kulturore nga Kosova dhe Shqipëria. “Kjo është një shfaqje e mbështetur nga Ministria e Kulturës në Kosovë, bashkëprodhim me Ministrinë e Kulturës së Shqipërisë. Ka qenë një punë e mirë bashkë me aktorët, ka pasur një harmoni mes secilit dhe në fund doli një projekt me të cilin po mburremi. Kjo shfaqje ka pasur një impakt të madh edhe tek publiku, një impakt që nuk e kemi pritur”, tha bokshi, duke shtuar më tutje se vlerëson se publiku ka nevojë për shfaqje të tilla kur përveç se shohin art, edhe argëtohen.

Ndërkaq, për aktoren Albulena Kryeziu – Bokshi, interpretimi i rolit të Lizës ka qenë një përvojë e veçantë. Në një prononcim për KultPlus, ajo shprehu emocionet e saj për suksesin e shfaqjes.

“Çdo gjë rreth shfaqjes po shkon shumë më mirë se sa që e kemi paramenduar sepse kemi pasë shumë punë intensive sa që nuk kemi menduar për rezultatin. Premiera ka shkuar shumë mirë, gjithashtu edhe reprizat në Tiranë, Gjakovë dhe sonte në Prishtinë. Vërtet është një rol i bukur, jam me fat sepse rolet e grave rrallë gjenden, sidomos kur janë kryesore dhe kaq voluminoz siç është roli i Lizës”, tha Kryeziu – Bokshi.

Ajo theksoi gjithashtu rëndësinë sociale të temave që trajton shfaqja, të cilat shpërfaqin një realitet bashkëkohor sidomos kur bëhet fjalë për pozitën e grave në shoqëri.

“Është një realitet i hidhur i cili përkon me shoqërinë tonë, me trysninë që i bëhet grave në përgjithësi pas moshës 35-vjeçare që të martohe, është vërtet e dhimbshme. Shfaqja gjithashtu trajton edhe temën e vetmisë, e cila është e pranishme tek shumë njerëz. Jam e lumtur me gjithë punën që kemi bërë dhe shpresoj që shfaqja të vazhdojë rrugëtimin e saj edhe në qendra të tjera sepse edhe publiku e ka mirëpritur shumë deri më tani,” përfundoi ajo.

Ju kujtojmë se shfaqja ‘Streha e nemun’ është një shfaqje mysafire e cila pati premierën në Teatrin kombëtar të Kosovës më 25 mars. Pas premierës, shfaqja pati reprizën në Tiranë, Gjakovë dhe mbrë në Prishtinë./KultPlus.com

Festa si akt rezistence: Ekspozita “Fuqia e Dëshirës” e Jetmir Idrizit në Galerinë Kombëtare të Kosovës

Posted on by Kult Plus

Në një botë ku identitetet shpesh margjinalizohen, ku zërat e ndjeshëm shtypen dhe realitetet queer shpërfillen, ekspozita më e re që është hapur në Galerinë Kombëtare të Kosovës vjen si një ftesë për të parë, për të ndier dhe për të kuptuar. “Fuqia e dëshirës”, ekspozita personale e artistit Jetmir Idrizi, sjell një rrëfim të thellë dhe të fuqishëm vizual mbi jetën dhe rezistencën e komunitetit LGBTQIA+ në Brazil nëpërmjet lenteve bardh e zi që ndërthurin artin, politikën dhe humanizmin.

E kuruar nga Camille Cousin, kjo ekspozitë shkon përtej estetikës – ajo është një dëshmi, një dokumentim dhe një akt solidariteti me trupat që nuk ndjekin normat, me zërat që nuk heshtin dhe me shpirtërat që kërkojnë të jetojnë të lirë. Përmes një cikli fotografish të realizuara gjatë dy periudhave të ndryshme politike në Brazil, Idrizi nuk na ofron vetëm një dritare drejt kulturës queer, por na sfidon të rimendojmë çfarë do të thotë të jesh i lirë në një shoqëri që shpesh i vendos kufij dashurisë dhe identitetit.

Kjo është më shumë se një ekspozitë. Është një deklaratë. Është një hapësirë ku festa dhe vetë-pohimi bëhen akte të rezistencës, ku karnavalet dhe ballot shndërrohen në forma të dukshme të fuqisë kolektive, dhe ku çdo fotografi është një përpjekje për të ruajtur kujtesën e trupave që refuzojnë të fshihen.

Fotografitë në këto seri janë realizuar gjatë dy periudhave të ndryshme politike në Brazil. Periudha e parë, nga viti 2015 deri në 2017, përkon me shkarkimin e Presidentes Dilma Rousseff në vitin 2016, ngjarje kjo që shënoi një ndryshim në drejtim më konservator dhe parapriu ngritjen e së djathtës ekstreme, duke kulmuar me zgjedhjen e Jair Bolsonaros në vitin 2019. Periudha e dytë, nga viti 2023 deri në vitin 2024, pason rikthimin e Luiz Inácio Lula da Silva në pushtet, moment i ri shprese për çështjet sociale, përfshirë të drejtat e LGBTQIA+.

Jetmir Idrizi ka një marrëdhënie të veçantë me Brazilin – një vend që fillimisht e vizitoi për arsye të tjera, por që shumë shpejt u bë “shtëpia e tij e dytë”. Ishte viti 2015 kur ai nisi për herë të parë të fotografonte jetën queer në Rio de Janeiro – një fillim i papritur për një projekt që sot rezonon fuqishëm në skenën ndërkombëtare.

“Kur kam fillu këtë projekt në 2015, kam shku për krejt diçka tjetër, por përfundova duke e dashur atë vend që sot e quaj shtëpia jem e dytë,” thotë ai. “Në atë kohë, në Kosovë flitej shumë pak për identitetin gjinor dhe seksualitetin. Mendoj që në këto 10 vitet e fundit ka pasë përparim, por ende ka shumë hapësirë për dialog dhe për ta kuptuar më mirë komunitetin LGBTQ”, është shprehur ai për KultPlus.

Për Jetmirin, fotografia bardh e zi është mënyra për të shkuar përtej sipërfaqes. Ajo i ndihmon të fokusohet në thelbin e subjektit, në shpirtin e tij – pa shpërqendrimet që sjell ngjyra.

“Unë gjithmonë fotografoj bardh e zi, sepse besoj që përmes kësaj forme më lehtë e kap shpirtin e një personi. Ngjyrat marrin shumë prezencë, dhe për këtë arsye përqendrohem te bardh e zi”, shtoi ai.

Në shikim të parë, pamjet nga karnavalet braziliane, ballo dhe shfaqje drag duken si momente feste dhe lirie absolute. Por, siç tregon vetë artisti, realiteti është shumë më kompleks.

“Nëse i shohim këto foto, na duket sikur në Brazil të drejtat janë më të mëdha, por në fakt Brazili është një ndër vendet që vret më së shumti persona transgjinorë. Prandaj për mua ka qenë shumë me rëndësi të bëj këtë projekt – jo vetëm për ta dokumentuar, por edhe për të rritur ndërgjegjësimin”, u shpreh tutje artisti.

Idrizi e sheh lidhjen mes politikës dhe të drejtave të njeriut si thelbësore. Projektin e nisi pak para rënies së qeverisë progresiste të presidentes Dilma Rousseff dhe u rikthye për të dokumentuar jetën queer në periudhën pas rikthimit të presidentit Lula da Silva.

“Pushteti ka shumë të bëjë me të drejtat e njeriut. Me ardhjen e Bolsonaros, të drejtat e komunitetit LGBTQ u shtypën rëndë. Por tash, me Lula da Silva si president, kemi parë ndryshime që dikur as nuk mund t’i imagjinonim – si për shembull dy deputetë transgjinorë që janë sot në parlament. Kjo është historike, dhe po ndodh në një kohë kur në vende të tjera si SHBA po shohim një shtypje të fuqishme të të drejtave të komunitetit trans”, tha ai.

Në këtë kontekst të ndërlikuar, ekspozita “Fuqia e dëshirës” shërben si një akt rezistence, kujtese dhe vizibiliteti. Por ajo çfarë është ndoshta më prekëse, është mënyra se si Jetmiri ka zgjedhur ta paraqesë këtë realitet – jo përmes viktimizimit, por përmes fuqisë.

“Shtypja nuk paraqitet në imazhet e mia. Nuk kam dashur të viktimizoj komunitetin, por t’i paraqes ata në mënyrën më të bukur, duke festuar me ta, si gjatë karnavaleve. Sepse edhe ajo është një formë qëndrese”, shtoi tutje ai

Për Jetmirin, ky projekt nuk është vetëm një punë artistike, është një thirrje për empati, dialog dhe kuptim. Një dëshmi që liria për të dashur, për të jetuar dhe për të qenë vetvetja nuk është diçka që duhet të negociohet.

Kuratorja Camille Cousin, e cila për herë të parë bashkëpunon me Jetmir Idrizin, shpreh entuziazmin dhe vlerësimin e saj për këtë bashkëpunim artistik.

“Ishte hera e parë që punonim bashkë dhe që në momentin e parë që e takova, u mahnita nga energjia dhe thellësia e punës së tij. Për mua është kënaqësi e veçantë të kuratoj një ekspozitë në Kosovë dhe ta ndaj këtë rrëfim kaq të fuqishëm me publikun këtu”, u shpreh ajo.

Në një kohë kur shumë pjesë të botës ende luftojnë për të njohur dhe respektuar identitetet e ndryshme, ekspozita “Fuqia e Dëshirës” e Jetmir Idrizit është një kujtesë e fuqishme se arti është një mjet i papërmbajtshëm për të sfiduar kufizimet shoqërore dhe për të krijuar hapësira për dialog. Përmes syve të artistit, komuniteti LGBTQIA+ në Brazil shpërfaq një histori të qëndresës, krenarisë dhe forcës, duke theksuar se liria për të dashuruar, jetuar dhe qenë vetvetja është një e drejtë që nuk mund të mohohet. Me këtë ekspozitë, ai na inkurajon të shohim botën me një sy të ri, më të hapur, më të ndjeshëm dhe më të kuptueshëm./KultPlus.com

Vdes Rashid Krasniqi, tekstshkruesi dhe kompozitori i këngës ikonike ‘Mallëngjimi’

Posted on by Kult Plus

Ka vdekur në moshën 93-vjeçare veterani i Lëvizjes Nacional Demokratike Shqiptare, Rashid Krasniqi, përcjell KultPlus.

Përveç veprimtarisë së tij publicistike, Krasniqi do të mbahet mend si tekstshkrues dhe kompozitor i këngës ikonike ‘Mallëngjimi’ të interpretuar nga Muharrem Qena.

Po ashtu Rashid Krasniqi është enigmatic i parë shqiptar.

Në vijim, KultPlus ua risjell këngën ‘Mallëngjimi’./KultPlus.com

“Prada” blen shtëpinë e modës “Versace” në një marrëveshje me vlerë 1,4 miliardë dollarë

Posted on by Kult Plus

 “Prada”- e themeluar në vitin 1913, në Milano nga Mario Prada – njoftoi blerjen e shtëpisë së modës “Versace” nga grupi luksoz amerikan “Capri Holdings Limited” – në kuadër të një marrëveshjeje me vlerë 1,25 miliardë euro (1,4 miliardë dollarë), sipas AP.

Që prej vitit 2018, “Versace” ka qënë në pronësi të “Capri Holding”, e cila përfshin Michael Kors dhe Jimmy Choo.

“Capri Holdings Limited” pagoi 2 miliardë dollarë për “Versace”, por pati vështirësi për të pozicionuar në krye shtëpinë e modës italiane me siluetat e saj seksi dhe modelet me ngjyra të ndezura.

Dikur Michael Kors Holdings Limited – Capri Holdings Limited – është një kompani multinacionale e modës, me qendër në Londër dhe zyra operative në Nju Jork.

Ajo u themelua në vitin 1981 nga stilisti amerikan, Michael Kors. Në vitin 2015, kompania numëronte më shumë se 550 dyqane dhe mbi 1500 butikë në dyqane në vende të ndryshme./KultPlus.com

Zbulohen 4 aktorët kryesorë të filmave “The Beatles”

Posted on by Kult Plus

Paul Mescal dhe Barry Keoghan janë konfirmuar si pjesë e kastit të aktorëve që do të luajnë anëtarët e grupit “The Beatles” në katër filma të rinj. Aktori i Normal People dhe Gladiator II, Mescal do të portretizojë Sir Paul McCartney, ndërsa ylli i Saltburn, Keoghan do të hyjë në “petkun” e Ringo Starr.

Supergrupi i aktrimit do të luajë gjithashtu Harris Dickinson, i cili së fundmi është parë përballë Nicole Kidman në Babygirl, si John Lennon.

Dhe Joseph Quinn do të shkojë nga Marvel’s Fantastic Four në Fab Four, duke luajtur George Harrison në kadrilogjinë e ekranit të madh, i cili do të drejtohet nga Sir Sam Mendes.

Regjisorit fitues të Oscqar-it iu bashkuan katër aktorët për shpalljen në konventën CinemaCon në Las Vegas të hënën. Çdo film do të fokusohet në një anëtar të ndryshëm të grupit legjendar.

“Secili tregohet nga perspektiva e veçantë e vetëm njërit prej djemve. Ato kryqëzohen në mënyra të ndryshme, ndonjëherë të mbivendosura e ndonjëherë jo. Ata janë katër qenie njerëzore shum të ndryshme, me histori po ashtu shumë të ndryshme. Por, së bashku të katër filmat do të tregojnë historinë e grupit më të madh në historinë e muzikës”, tha Sir Sam.

Filmat do të dalin në afërsi me njëri-tjetrin në Prill  tw vitit 2028.

“Thjesht ndjeva se historia e grupit ishte shumë e madhe për t’u përshtatur në një film të vetëm, dhe se duke e kthyer atë në një mini-serial televiziv thjesht nuk ndihej mirë”, sqaroi regjisori i filmave.

Por, le të mësojmë pak më shumë për secilin prej katër aktorëve që do të kenë rolet protagoniste:

Paul Mescal , 29 vjeç, fitoi famë në Normal People të BBC-së në vitin 2020. Ai vazhdoi të luajë në filmat e mirënjohur “Aftersun”, për të cilin u nominua për Oscar, dhe “All of Us Strangers”, ndwrkohw luajti rolin kryesor në vazhdimin e “Gladiator-it”. Përveç portretizimit të Sir Paul McCartney, ylli irlandez do të shihet si një gjeni tjetër krijues britanik, William Shakespeare, në adaptimin filmik të romanit të vlerësuar me çmime Hamnet.

Harris Dickinson është bërë yll falë Maleficent, “The King’s Man”, “Triangle of Sadness” dhe “Where the Craëdads Sing”, përpara se të luante dashurinë e Kidman në Babygirl. Britaniku 28-vjeçar gjithashtu mori një nominim për çmimin Bafta TV për A Murder at the End of the World.

Barry Keoghan ka ndoshta ngjashmërinë më të madhe me Beatle-n e tij, bateristin Ringo. Aktori irlandez është më i moshuari i kuartetit të aktrimit në moshën 32-vjeçare dhe është një nga yjet më të njohur në Hollywood, pasi është nominuar për një Oscar për “The Banshees of Inisherin” përpara se të drejtonte kastin e hitit kult Saltburn.

Joseph Quinn luajti Eddie Munson në sezonin e katërt të “Stranger Things” të Netflix, ishte në “A Quiet Place”: Day One dhe u shfaq së bashku me Mescal në Gladiator II. Para se të shfaqej si kitaristi Harrison, 31-vjeçari londinez do të shihet si Johnny Storm/Human Torch në “The Fantastic Four”: First Steps dhe dy filma “Avengers”.

Edhe pse disa filma të mëparshëm si “Backbeat”, “Nowhere Boy” dhe “I Wanna Hold Your Hand” kanë përshkruar “The Beatles”, kjo është hera e parë që të katër anëtarët e grupit dhe pronat e tyre kanë dhënë të drejta të plota të jetës dhe të muzikës për një film me skenar./KultPlus.com

Poezia e Asdrenit kushtuar Kosovës dhe Çamërisë, botuar në gazetën, ‘Tomori’ në vitin 1941

Posted on by Kult Plus

Poezia e Asdrenit, poetit të madh kombëtar, kushtuar Kosovës dhe Çamërisë është botuar në gazetën “Tomori” më 28 nëntor 1941, në 29-vjetorin e shpalljes së Pavarësisë së Shqipërisë.

Në gazetën “Tomori” poezia është titulluar: “Shqipëria e Madhe”

Mir’ se erdhe midis nesh, o e bukura Kosovë!

Mir’ se erdhe motër, po të them dhe përsëri,

Mbas vuajtjeve  dëshmove gjatas që dhe provë

Të hysh hirplotë në gjinjt e Mëmës Shqipëri.

Me vrer në buzë prisje të gjeje pak ndihmë e dritë

Ta ngrehësh vehten prej njëj territ të pafund,

Me flijime pa numër  dhënë ditë për ditë,

Të ngopej bisha, sot përdhe, pa shpirt që u mund…

Me vargje trupin lidhur, kombi më gjakpirës

Pak frymë për të marrë vehten nuk të linte,

Të çorri faqe e sy me thonjt e tij grirës,

Me drapër gjith po korrte pleq dhe të rinj.

Dhe zëri t’ ishte shuar, lotët e syve tharë

Në fshamë e mbytur dhe në vojtje pambarim,

Ndër aq vjet s’pe një ditë pak të mbarë:

E zhveshur edhe e zbathur pa pikë përdëllim!

Një copë truall nuk të linte për jetesë

As bukë për fëmijët s’kishe për ushqim,

Dëshirë e tija: farë e jotja të mos të mbesë:

Në dhe të huaj larg të shporte me qëllim!

Mundime tmerri që s’tregohen dot me fjalë

Grabitje me pahir te gjësë pa pushim,

Në trollin tënd ai të kishte si një halë,

Çdo çast për ty s’mendonte veçse për shkatërim!

Sa burra nuk e derdhën gjakun kot së koti,

Për një të drejtë shpirt që dhanë me një plumb,

Mëshirë s’gjenin as kur binin pika loti,

Shtëpin’ e plengun zjarri kur ua bënte hi e shkrumb!

Kish heshtur kënga pleqërishte dhe dasmore

Lahutë-e fyell derthnin tingull vajtimtar,

Me drojë dilte bjeshkës vajza malësore,

Kurrkujt si qeshte buza, në aq tym e zjarr!…

Dhe ti e shetrenjta Çamëri si trime e rallë

Dikur që të ngjallej  greku pate falur gjak,

Si mirënjohje flijimi  prite plumb në ballë;

Pa faj dhe miq dëshmorë  ranë keq në lak!

Mirë se erdhe pranë Mëmës, vajzë-e dëshiruar

Plot mall o bijë e shumëvojtur Çamëri,

Në gjinjt’ e saj të ngrohtë drejt në kraharuar

Gjith po të priste pa durim me dhempshuri.

Dy bija të përmallshme, Gurë të paçmuar

Si dy florinj të ndritshëm derdhur bukuri,

Mi ball të Shqipërisë, Mëmës së-adhuruar,

Si hyj po ndritni, ju, Kosovë e  Çamëri!

Dy zotër të pashpirt me të egër se dy bisha

Mbë nj’anë serbi, fis i poshtër gjakatar

Ndaj tjetrës greku dhelpër, vrasës gënjeshtar;

Dy faqezes pa Perëndi, me kryqe-e kisha!

Me shufra dhe shuplaka, grykës dhe tërkuza,

Për ‘ta ju s’ishit veç një farë bagëti,

Ata me tallje, juve ju përcilte buza:

Po kthenje fjalë, ca më keq, si mjerë ti!

Por Ora-e fundit, Ora e tmerrit e shpërblesës

Çdo faj me të përdhunë bërë që s`e fal

Pluhur dhe hi u-bënë shkelësit e Besës

Rrufe mërije Zoti rrymën që s’ia ndal!…

Dikur Dodona plakë parathoshte Fatin

Që çdo shpirtlik e çojnë Hyjit drejt në Ferr

Dhe sot po gjith ata mizorët më të ngratin

E marrin shpagën prej njëj gjyqit që të therr!

Kur më të dobtin don e shkel me të përdhunë

Ndeh dorë lakmimtare me padrejtësi

Më shpejt a von të pret po gjith ajo furtunë

Që s’le pa mos përmbysur çdo paudhësi!

Ju me vullnet të fortin tuaj s’u-përkulët

Çdo sulm të bishës e përballtë me guxim,

Se vetëm kombet jetë-skllavë dhe shpirt-ulët

Durojnë zgjedhën qafës, pa një murmurim.

Mbërdhe përfare ranë hekurat e rënda

Përjetë-u shduk tirania që s’durohej dot

Sot flamuri kuq-zi ndeh flatrat siç i kënda

Mbi viset ku Shqiponjat motit qenë zot!

Sot Djell i ri ju ngrohn me rreze çlirimtare

Sot zgjedha e rëndë-e robërisë mori fund

Mëngjezi-i ndritshëm njaj prandvere shkëlqimtare

Mbi tokën t’uaj po përhapet me sa mund;

Sot ndër qytetet dhe katundet gazi ndjehet

Vëllazërimi-i tërë Kombit  plot hare

Me këngë dhe kremtime populli dëfrehet

Fatlum  për atë se lindi Jetë krejt e re!

Çdo Vatër e Kosovës  dhe e Çamërisë

Le të tërhidhet me vallzime të pafre

Se Terri perëndoj, arthi Drita e Lirisë

Mbi malet tona po shëndris një qiell pa re.

Që tash, o burra djem, ju mbetet juve barra

T’i bëni ballë çdo rrezikut që ju del,

Të shohë vendi i ynë ditë më të mbara

Me vrrull t’a mbroni, këmbë-armiku kur e shkel!

Me krenari vazhdoni trimërinë e motshme

Qysh nga të Parët tanë mbetur trashëgim

Hovplot forcoheni me diturit’ e sotshme

Mos merrni Fenë parasysh për një Bashkim.

Si burra plot vullnet kësaj fatlume radhe

Të bëhemi me ndihmën e të Madhit – Zot,

Një Komb i fortë në një Shqipëri të Madhe

Që mundi i aq Dëshmorëve të mos vejë kot.

Fatosavet dhe Prijsavet u-qofshim falë

Me ne, dy kombe miq, që derdhën gjak bujar

Nër luftra ngadhnjimtare zot që kanë dalë

Kurorë Nderi plot shkëlqim për çdo luftar!

 Ushtrive të lavdishme Mike dhe Mbrojtare

Me krahun e pathyershim vetëtimtar

Q ëu-shëmb  armiku më mos ngrehë krye fare:

Nderime-e Mirënjohjen t’onën, shqiptar!

Asdreni

(“Tomori” 28 nëntor 1941). /KultPlus.com

“Mirror”: Vlora e ngjashme me Costa del Sol, por pa turma turistësh

Posted on by Kult Plus

Vlora në Shqipëri është e ngjashme me Costa del Sol të Spanjës dhe ofron mot të ngrohtë dhe pamje idilike dhe duhen pak më shumë se tre orë për të mbërritur atje nga Britania e Madhe, shkruan Ashley Bautista për të përditshmen britanike “Mirror”.

Disa xhevahire më pak të njohur të Evropës po tërheqin turistët falë diellit, detit dhe peizazheve mahnitëse këtë pranverë dhe verë.

Spanja, Franca dhe Italia zakonisht mbeten destinacionet kryesore, por vendpushimet dhe brigjet e njohura të Spanjës po përjetojnë një fluks vizitorësh çdo vit. Shumë turistë janë në kërkim të disa vendeve më të qeta për një pushim.

Vlora – një qytet i mrekullueshëm – ngjan me Costa del Sol – një vendpushim popullor në Spanjë.

Më pak e mbushur me njerëz – ndërkohë që ofron plazhe të bukura dhe peizazhe piktoreske – Vlora është vendi i përsosur për të shijuar ditët me diell këtë pranverë dhe verë.

Është qyteti i tretë më i populluar në Shqipëri, i vendosur në pjesën jugore të vendit dhe i rrethuar nga ultësirat e Maleve të Vetëtimës – përgjatë brigjeve të deteve Adriatik dhe Jon.

Ky qytet i bukur ofron të gjitha kushtet për pushime ëndrrash me temperatura që variojnë nga 15 gradë Celsius deri në 23 gradë Celsius – me motin që pritet të bëhet shumë më i ngrohtë në javët e ardhshme – dhe që është vetëm tre orë e 10 minuta larg nga aeroporti i Londrës.

Rajoni shqiptar njihet edhe për vreshtat dhe kantinat e gjera të verës, ku produktet më të njohura janë “Vloshi” dhe “Shesh i Zi”.

Gastronomia e saj gjithashtu ka fituar popullaritet, pasi ndërthur shijet tradicionale shqiptare me ndikimet mesdhetare dhe italiane.

Gatimet e njohura përfshijnë; byrek, fërgesë, tavë kosi, qifqi, shëndetli, raki, pite, bakllava dhe varietete të mishit dhe prodhimeve të detit.

Aktivitetet që mund të bëni në Vlorë

Vlora njihet për plazhet e saj mahnitëse. Ujërat janë të pastra kristal dhe ka shumë restorante dhe kafene rreth bregut për vendasit dhe vizitorët.

Plazhet më të njohura janë Plazhi i Vjetër, i Radhimës dhe i Orikumit me pamje nga deti Jon.

Gjithashtu, vizitorët mund të eksplorojnë Monumentin e Pavarësisë dhe Sheshin e Flamurit, të cilat njihen si vendet ku Shqipëria shpalli pavarësinë e saj nga Perandoria Osmane në vitin 1912.

Shëtitorja e Vlorës ofron gjithashtu pamje mahnitëse të detit dhe është vendi i përsosur për të shëtitur dhe shijuar atmosferën mesdhetare.

Një nga monumentet më të famshme në Vlorë është Xhamia e Muradies, e cila daton në shekullin XVI, e njohur për arkitekturën e saj osmane.

Gjithashtu, turistët mund të vizitojnë edhe Manastirin e Zvërnecit, i cili është një vend tjetër fetar.

Për ata që janë më aventurierë, aktivitete të tjera përfshijnë udhëtime me varkë në ishullin e Sazanit dhe Gadishullin e Karaburunit – të cilat janë vendet perfekte për të eksploruar shpellat e fshehura, për të bërë zhytje dhe not.

Sidoqoftë, çmimet mund të rriten gjatë pikut të sezonit turistik, midis qershorit dhe gushtit, çmimet mund të shkojnë deri në 316 paund.

Për turistët që ende janë në mëdyshje se ku duhet të kalojnë pushimet – Vlora në Shqipëri premton një atmosferë të shkëlqyer larg zhurmës dhe kaosit të qytetit.

Gjithashtu, ky qytet bregdetar është më pak i mbushur me turistë krahasuar me destinacionet e tjera të pushimeve dhe kujt nuk do t’i pëlqente një arratisje më e qetë?/atsh/KultPlus.com

Ministri Çeku përgëzon ekipin e filmit “Të gjithë e thërrasin Rexhon” për çmimin në Festivalin BIF në Bari të Italisë

Posted on by Kult Plus

Ministri i Ministrisë së Kulturës, Rinisë dhe Sportit, Hajrulla Çeku, përmes rrjeteve sociale ka njoftuar se ka pritur në kabinetin e tij ekipin e filmit “Të gjithë e thërrasin Rexhon”, që është fitues i çmimit për filmin më të mirë në festivalin BIF në Bari, Itali.

“I përgëzova për këtë arritje të jashtëzakonshme dhe shumë të merituar”, ka shkruar ministri Çeku.

Tutje, ai ka shkruar se ky produksion shqiptar nga Maqedonia e Veriut, ku luajnë edhe dy aktorët nga Kosova, Adriana Matoshi dhe Afrim Muçaj, sjell një histori shumë të veçantë e origjinale për publikun, duke trajtuar temën e migrimit, ndërsa suksesi i tyre është një shembull i fuqisë që ka bashkëpunimi mes artistëve tanë, kudo që ndodhen./KultPlus.com

‘I vetmi limit për arritjet e së nesërmes, janë dyshimet e së tashmes’

Posted on by Kult Plus

50 shprehje frymëzuese që do ta motivojnë secilin

“Suksesi nuk është përfundimtar, dështimi nuk është fatal, guximi për të vazhduar përpara ka rëndësi.” – Winston Churchill

“Më mirë të dështosh me origjinalitet, se sa të kesh sukses me imitim.” – Herman Melville

“Rruga te suksesi dhe rruga drejt dështimit janë pothuajse gjithnjë e njëjta.” – Colin Davis

“Suksesi zakonisht u shkon atyre që janë duke e kërkuar.” – Henry Thoreau

“Mundësitë nuk ndodhin, ne i krijojmë.” – Chris Grosser

“Mos ki frikë të heqësh dorë nga e mira për të shkuar drejt një të mire më të madhe.” – John Rockefeller

“Kam zbuluar se sa më shumë punoj, aq më shumë fat kam.” – Thomas Jefferson

“Ka dy tipe njerëzish që do të thonë se nuk mund të bësh diferencën në botë: ata që kanë frikë të provojnë dhe ata që kanë frikë nga suksesi jot.” – Ray Goforth

“Njerëzit e suksesshëm bëjnë atë që njerëzit e pasuksesshëm nuk bëjnë. Mos uro që të ishte më e lehtë, uro që ti të ishe më i mirë.” – Jim Rohn

“Mos u bëj një njeri suksesi, bëhu një njeri vlerash.” – Albert Einstein

“Kurrë mos iu ndaj bindjeve të nderit dhe qëllimit të mirë.” – Wiston Churchill

“Boll ndoqe paratë, ndiq pasionin.” – Tony Hsieh

“Sukses do të thotë të kalosh nga dështimi në dështim pa e humbur entuziazmin.” – Winston Churchill

“Kreditet e suksesit tim ia jap këshillës më të mirë.” – GK Chesterton

“Do të të jap një formulë për suksesin? Është e thjeshtë. Dyfisho normën e dështimit. Po mendon për dështimin si armik të suksesit. Por nuk është e gjitha. Mund të dekurajohesh nga dështimi ose të mësosh nga ai, kështu që vazhdo dhe bëj gabimet e tua. Bëj ç’të jetë e mundur. Kështu e gjen suksesin.” – Thomas Uatson

“Nëse nuk do të rrezikosh të zakonshmen, duhet të përshtatesh me të.” – Jim Rohn

“Ata që janë aq të çmendur sa mendojnë se do ndryshojnë botën, ata e bëjnë.” –Anonim

“Bëj çdo ditë një gjë që të frikëson.” – Anonim

“Progresi i vetëm është të dalësh nga zona e rehatisë.” – Muchael Bobak

“Njerëzit që kanë sukses kanë vrull. Sa më shumë arrijnë, aq më shumë duan të arrijnë, dhe aq më shumë e gjejnë mënyrën për të arritur suksesin.” –Tony Robbins

“Mos lër frikën e humbjes të jetë më e madhe se dëshira për të fituar.” – Robert Kuyoaski

“Sukseset më të mëdha nuk ndodhin brenda natës, kërkojnë kohë.” – Steve Jobs

“Testi i vërtetë nuk është si të shmangësh dështimin, sepse s’do mundesh, por si ta përballosh atë.” – Barack Obama

“I vetmi limit për arritjet e së nesërmes, janë dyshimet e së tashmes.” – Franklin Roosvelt

“Karakteri nuk zhvillohet me thjeshtësi, por nëpërmjet përvojës së vuajtjeve dhe gjykimit. Forcohet shpirti, rritet ambicia dhe arrihet suksesi.” – Helen Keller

“E vetmja mënyrë për të filluar është të heqësh dorë nga të folurit dhe të fillosh ta bësh.” – Walt Disney

“Luftëtari i suksesshëm është një njeri mesatar por i fokusuar.” – Bruce Lee

“Nuk ka sekrete për suksesin. Është rezultat i përgatitje, punës së shumtë dhe mësimit nga dështimi.” – Colin Powell

“Suksesi duhet të jetë i lidhur me veprimin. Njerëzit e suksesshëm vazhdojnë të lëvizin. Ata bëjnë gabime por nuk heqin dorë.” – Conrad Hilton

“Nëse me të vërtetë do të bësh diçka do ta gjesh mënyrën. Nëse jo do të gjesh justifikim.” – Jim Rohn

“Nuk mund të të jap formulën e suksesit, por të jap formulën e dështimit që është t’i kënaqësh të gjithë.” – Herbert Suope

“Suksesi nuk është çelësi i lumturisë. Lumturia është çelësi i suksesit. Nëse e do atë që  bën atëherë do jesh i suksesshëm.” – Albert Schveitzer

“Suksesi nuk është thjeshtë të arrish në jetën tënde. Por edhe të inspirosh të tjerët t’ia arrijnë”– I panjohur

“Rrëzohu 7 herë e ngrihu 8 herë.” – Proverb japoneze

“Disa njerëz ëndërrojnë për suksesin, ndërsa të tjerët zgjohen dhe punojnë për të.” – I panjohur

“Nëse e ëndërron mund ta arrish.” – Walt Disney

“Ndryshimi mes asaj që je dhe asaj që do është ajo çfarë bën.” – I panjohur

“Një njeri i suksesshëm është ai që ngre një ndërtesë me tullat që hodhën në drejtim të tij.” – David Brinkley

“Për të patur sukses, dëshira për sukses duhet të jetë më e madhe se frika nga humbja.” – Bill Cobsy

“Për të pasur sukses, në fillim duhet të kemi besim se ne mundemi.” – Niko Kazanzaqis

“Shumë nga dështimet në jetë ndodhin nga njerëz që u dorëzuan duke mos ditur se sa pranë suksesit ishin.” – Thomas Edison

“Mos u huto nga kritikat. Kujto që shumë njerëz kanë ecur vetëm për shkak të atyre që e kafshuan.” – Zig Ziglar

“Sekreti i suksesit është ta bësh gjënë e zakonshme në mënyrën më të mirë të mundshme” – Jon Rockefeller

“E di që je në rrugën e suksesit nëse bën punën tënde, dhe nuk pret të paguhesh për të.” – Oprah Winfrey

“Ekziston një forcë e madhe brenda çdo njeriu, që kur lëshohet, mund të bëjë çdo dëshirë, çdo ëndërr realitet.” – Anthony Robbins

“Sekreti i suksesit është të dish atë që askush nuk e di.” – Aristotel Onasssis

“Dështova në mënyrën time për të pasur sukses.” – Thomas Edison

“Asgjë të vlefshme që bëra nuk ishte aksidentalisht, as shpikjet e mia nuk erdhën aksidentalisht. Jo, kur kam vendosur se çfarë rezultati dua, punoj për të deri kur të vijë.” – Thomas Edison

“I vetmi vend ku suksesi vjen përpara punës është vetëm në fjalor.” – Vidal Sassoon

“Vazhdo të ecësh, shanset janë të pengohesh, ndoshta kur nuk e pret. Por nuk kam dëgjuar për një njeri të suksesshëm që të rrëzohet dhe të qëndrojë ulur.” – Charles Kettering/filozofia.al / KultPlus.com

Muse-X çel siparin, Tirana kthehet në vendtakimin e industrisë muzikore, dialogut kulturor dhe bashkëpunimit rajonal

Posted on by Kult Plus

MUSE-X, ekspofestivali i parë i Muzikës dhe Arteve Kreative në Shqipëri dhe në Ballkan, çeli sot siparin në sheshin “Italia” në Tiranë, duke e kthyer kryeqytetin në vendtakimin e industrisë muzikore, dialogut kulturor dhe bashkëpunimit rajonal.

Në ceremoninë e organizuar me këtë rast ishin të pranishëm ministrja e Shtetit për Rininë dhe Fëmijët, Bora Muzhaqi, zëvendësministrja e Ekonomisë, Kulturës dhe Inovacionit, Lira Pipa, drejtori i Agjencisë së Industrisë Kreative në Bashkinë Tiranë, Jonid Jorgji, përfaqësuesja e Muse-x në Mbretërinë e Bashkuar, Emina Curic, përfaqësues të industrisë muzikore, artistët këngëtarë dhe të ftuar të tjerë të linjës.

Muse-X ka bërë bashkë mbi 100 kompani prestigjoze dhe profesionistë të ndryshëm të industrisë së muzikës dhe arteve nga e gjithë Evropa, Mbretëria e Bashkuar, si dhe nga Rajoni, të cilët kanë ardhur në Tiranë dhe për tre ditë me radhë Sheshi “Italia” do të mbushet me argëtim, konferenca dhe tedtalks.

Muse-X synon krijimin e një platforme ambicioze ku ekonomia kreative është protagoniste kryesore. Ndërkohë që netët përgjatë 11-13 prill, do të zgjasin deri në mesnatë, ku skena gjigande e muzikës do të ndizet nga tre koncerte të muzikës elektronike, hip – hop dhe rock&roll, për të gjithë publikun.

Ministria e Shtetit për Rininë dhe Fëmijët, Bora Muzhaqi e konsideroi këtë aktivitet si një hapësirë ku bashkohet, arti, muzika, teknologjia dhe rinia për të ndërtuar një të ardhme ndryshe.

“Në këtë botë që ndryshon gjithnjë e me ritme më të shpejta, ku krijimtaria është kthyer në një kapital dhe talenti në një aset zhvillimi është jetike që të rinjtë tanë të kenë hapësira reale për të shprehur veten dhe për të ndërtuar rrugët e tyre drejt suksesit. Muse-x është pikërisht kjo hapësirë, një mundësi konkrete që të rinjtë shqiptarë dhe nga e gjithë bota që merren me fushën e muzikës, të mund të takohen me profesionistë të fushës për të shkëmbyer ide e për të ndërtuar partneritete. Si qeveri ne jemi të vendosur që ta bëjmë këtë frymë mbështetëse një realitet të përditshëm”, tha Muzhaqi.

Zv.ministria e Ekonomisë, Kulturës dhe Inovacionit, Lira Pipa theksoi se, “kjo ngjarje i jep një vëmendje të veçantë komunitetit artistik shqiptar dhe ky event premton një tri ditësh të mbushur plot aktivitete, me panele, me beteja repi, dhe spikera nga e gjithë bota”.

“Ky është një organizim unik jo vetëm për Tiranën por ndoshta edhe për Ballkanin, duke tërhequr një interes të gjerë nga kompani dhe organizatorë të ndryshëm. Kjo nismë na pëlqen se, lidhet edhe me vizionin që ministria ka pasur, për programet për grantet për kulturë dhe krijimtari”, tha ajo.

Në vitin kur Tirana është shpallur si kryeqyteti i mesdhetar i kulturës dhe dialogut, nuk mungonte në këtë event edhe përfaqësuesi i Bashkisë së Tiranës, Jonid Jorgji i cili tha se, “jo shumë vite më parë nuk mendohej që ky event do të bëhej në Tiranë. Sot në Tiranë vijnë artistë të huaj dhe më vjen mirë që Tirana është sot një epiqendër e artit dhe kulturës”.

“Muse-X nuk është thjesht një panair por një ekspofestival i bazuar në tri shtylla, Ekspozita, konferenca dhe festival”, u shpreh ideatori dhe themeluesi i Muse-X, Luel Muhametaj.

“Ne duam të vendosim unitetin në Ballkan, pasi duhet t’a pranojmë jemi vende të vogla, me tregje dhe popullsi të vogla. Prandaj duam të bëhemi një “portë e artë” për kompanitë internacionale që duan të hyjnë në vendin tonë”, tha ai.

Muhametaj theksoi gjithashtu se për tri ditë radhazi sheshi “Italia” do të kthehet në vendin e dritave, ngjyrave si dhe ritmeve të eleltronikës, hip-hopit dhe muzikës rrok.

Në të njëjtin linjë ishte dhe Emina Curic, përfaqësuese e Muse-x në Mbretërinë e Bashkuar. Ajo tha se, “ ne e ndërtuam Muse-x si platforme për të formalizuar, bashkuar, dhe për të aktivizuar industrinë e muzikës në Ballkan”.

Këtë event të rëndësishëm të përmasave botërore e përshëndeti dhe Alban Kastrati, drejtori i marrëdhënieve me mediat i “Sunny Hill Festival”, që njihet nga mediat botërore si krijim i Dukagjin Lipës, babait të Dua Lipës. Ai tha se, rajoni jonë mund të bëjë ngjarje të mëdha, të sjellë një frymë të re dhe pse jo në skenat tona të performojnë artistë ndërkombëtar.”

Eventi vijoi me një sërë aktivitetesh nga Ansambli Kombëtar i Këngëve dhe Valleve Popullore, Ansambli “Hyjnesha” i Graz-it në Austri dhe një tjetër detaj interesant që nuk mund të kalonte pa u vënë re ishte fakti që Drejtori artistik i Unum Festival dhe themeluesi i Secret Society, i dhuroi Albania Dj Academy 200 disqe Vinyl./atsh/KultPlus.com

40 vite nga vdekja e rapsodit Dervish Shaqa

Posted on by Kult Plus

Dervish Shaqa ishte rapsod i shquar popullor dhe i njohur në të gjitha trevat shqiptare. Shaqa lindi në Llukë të Epërme të Deçanit më 1912 dhe vdiq më 11 prill 1985.

Devish Shaqa deri në vitin 1956 jetoi në Kosovë, mirëpo në këtë vit iu desh të lëshonte Kosovën për shkak të përndjekjes nga aksioni i njohur “mbledhja e armëve” që ndërmerrte në atë kohë Sigurimi i Punëve të Brendshme i Jugosllavisë (UDB-ja) kundër shqiptarëve.

Ai së bashku me kolegun e tij të këngës Demush Neziri, u vendosën në Rashbull afër Durrësit. Aty e vazhdoi shprehjen e ndjenjave nëpërmjet këngës që për të ishte e vetmja mënyrë e shprehjes së dhimbjes që kishte për familjen dhe vendlindjen që për të ishin të ndaluara. Këtë e shpreh në këngën “Kur ta ktheva Kosovë shpinën, e lash borë e gjeta dimën…”.

Dervish Shaqa në Shqipëri e vazhdoi traditën e këndimit të historisë së vendlindjes së tij. Në vargjet e këngëve të tij të përcjella me çifteli përshkruhen kullat e gurta të Dukagjinit, figurave kombëtare, patrioteve te devotshëm, trimave e luftëtarëve të atdheut.

Në Rashbull, Dervish Shaqa arrin të themelojë e të udhëheqë grupin e rapsodit. Po me këtë grup në vitin 1968 prezantohet për herë të parë në Festivalin e Folklorit Kombëtar ne Gjirokastër.

Që nga kjo kohë së bashku me kolegun e tij rapsodin Demush Neziri prezantojnë një sërë këngësh të cilat për disa gjenerata ende janë të njohura si p.sh.: “Ç`janë këto gjamë që i bjen era”, “Prej Prokuplje deri n`Nish”, “Moj e mira porsi bora”, këngët për Azem dhe Shote Galicën, Nak Berishën e shumë të tjera…

Pjesa më e madhe e regjistrimeve muzikore të bëra nga Dervish Shaqa dhe kolegu i tij gjenden në arkivin e Radio Tiranës.

Përpos këngëve popullore dhe të përpunuar nga ai vetë, për Dervish Shaqën ka kompozuar edhe kompozitori Tish Daija si këngën “Festë të madhe ka sot Shqipëria” që për disa vite ka dominuar në përsëritjen e saj në Radio Stacionin e Tiranës

Populli ku ai kalojë pjesën më të madhe të jetës së tij e mban mend si këngëtar të lindur që këndon për këngën dhe jo për para. / KultPlus.com

Presidentja Osmani u takua me Presidentin e Republikës së Sierra Leones, Julius Maada Bio

Posted on by Kult Plus

Presidentja e Republikës së Kosovës, Vjosa Osmani gjatë qëndrimit në Antalya, u takua me Presidentin e Republikës së Sierra Leones, Julius Maada Bio.

Ajo është shprehur se në Antalya, ka pasur kënaqësinë të takohet me Presidentin e Republikës së Sierra Leones, Julius Maada Bio.

“Diskutuam për forcimin e marrëdhënieve bilaterale ndërmjet dy shteteve. Gjithashtu, diskutuam edhe mundësitë konkrete të bashkëpunimit në fusha të ndryshme të interesit të përbashkët”, ka shkruar Osmani.

Tutje, ajo ka shtuar se kanë shkëmbyer ftesat për vizita respektive në vendet tona, për t`i forcuar më tej lidhjet tona miqësore dhe për të hapur kapituj të rinj bashkëpunimi./KultPlus.com

“Heritage Marionettes” ngre punëtori krijuese dedikuar fëmijëve

Posted on by Kult Plus

Projekti “Heritage Marionettes”, i udhëhequr nga organizata Digital Future, mblodhi së bashku nxënësit e shkollës 9-vjeçare “Emin Duraku” në Tiranë si pjesë e një serie punëtorish krijuese.

Fëmijët eksploruan trashëgiminë e pasur kulturore të Shqipërisë, përmes punimeve artistike dhe aktiviteteve ndërvepruese, duke parë imazhe të disa siteve të cilat janë restauruar falë programit EU4Culture. Të frymëzuar nga këto site, fëmijët krijuan vepra arti, duke shfaqur imagjinatën dhe talentin e tyre.

Fëmijët u argëtuan duke sjellë në jetë idetë e tyre të veçanta. Kjo nismë mbështetet nga programi i granteve të EU4Culture, i financuar nga Bashkimi Evropian dhe i zbatuar nga UNOPS në partneritet me Ministrinë e Ekonomisë, Kulturës dhe Inovacionit.

Ky projekt po zbatohet në partneritet me Qendrën Kombëtare të Kulturës për Fëmijë dhe ka si qëllim të edukojë brezat e rinj mbi kulturën dhe traditat tona, si dhe të frymëzojë kreativitetin e tyre./atsh/KultPlus.com

153 vite nga lindja e Asdrenit, autorit të Himnit të Flamurit

Posted on by Kult Plus

Aleksandër Stavre Drenova i njohur si Asdreni ka lindur më 11 prill 1872 në Drenovë të Korçës, dhe ishte njëri nga poetët me të njohur shqiptarë.

Asdreni, të cilit i kanë vdekur prindërit derisa ishte ende i ri, u detyrua të braktiste shkollën e mesme dhe të mërgonte në Rumani më 1889. Ai bëri punë të ndryshme dhe kaloi një jetë me vështirësi.

Mori pjesë gjallërisht në përpjekjet e kolonisë së shqiptarëve të Bukureshtit në luftën për çlirimin kombëtar dhe u shqua si veprimtar i saj. Nisi të shkruante poezi dhe publicistikë nga fillimi i shek. XX. Në krijimet e para poetike, të cilat i përmblodhi në librin “Rreze dielli” (1904), Asdreni vijoi traditat e poezisë së Naim Frashërit, lartësoi dashurinë për atdheun, nxiti bashkatdhetarët të rreshtoheshin në luftën për çlirim nga zgjedha turke.

Vepra më e rëndësishme e Asdrenit, “Ëndrra e lotë” (1912) shquhet për pasurinë e motiveve, frymën demokratike dhe nivelin e denjë artistik. Në krijimet e këtij vëllimi poeti demaskoi ashpër pushtuesit e huaj, i këndoi heroizmit të masave popullore në kryengritjet e armatosura të viteve 1911-1912, fshikulloi parinë frikacake dhe oportuniste, e cila iu resht detyrës ndaj atdheut («Zëri i kryengritësve», «Krerëve tradhëtorë», «Çpërblimi»).

Te ky vëllim u përcaktuan tiparet themelore të krijimtarisë së Asdrenit: fryma luftarake, karakteri demokratik, interesimi për problemet shoqërore, notat e ligjërimit të gjallë. Ajo shënoi një hap në kalimin nga romantizmi te realizmi në letërsinë shqiptare. Në krijimtarinë e Asdrenit motivi i luftës për çlirim kombëtar u ndërthur me idenë e luftës shoqërore, në shumë vjersha gjeti pasqyrim pakënaqësia e njeriut të thjeshtë ndaj shoqërisë borgjeze të kohës, është gjithashtu autor i Himnit të Flamurit, një himn kombëtar për të gjithë shqiptarët.

Ngjarja që pasoi, shembja e shtetit të lirë kombëtar, shkaktuan tek poeti një dëshpërim të thellë, që u shpreh në krijimet e periudhës 1914-1920 («Shqipëria më 1914» etj.). Në gjysmën e parë të vitit 20, nën ndikimin e lëvizjes demokratike, poezia e Asdrenit përjeton një hov të ri. Në një sërë veprash të kësaj kohe poeti shprehu aspiratat e masave popullore për drejtësi shoqërore.

Në heroin e poemës “Burri i dheut” (1920), Asdreni mishëroi përfaqësuesin e vegjëlisë që derdhi gjakun më 1920 për dëbimin e pushtuesve italianë dhe për një të ardhme më të mirë. Në këtë periudhë poeti shkroi një radhë vjershash të rëndësishme si «Hymni i festës», «Fisnikët e Shqipërisë», «Republika shqiptare», në të cilat demaskoi forcat e vjetra shoqërore dhe antipatriotike, që përvetësuan frytet e sakrificave të masave popullore në luftën për çlirim dhe nisën të sundojnë vendin sipas interesave të tyre. Dështimi i Revolucionit Demokratikoborgjez të qershorit 1924 e forcoi frymën e pesimizmit dhe të fatalizmit në krijimtarinë e Asdrenit (Psallme murgu, 1930, dhe një varg krijimesh poetike të viteve 30).

Herë-herë poeti u përpoq të çlirohej nga ndikimet moderniste: në poemën «Trashëgimi» (1935) kritikoi qeverinë për krizën ekonomike e cila në atë kohë kishte përfshirë thuajse mbarë rruzullin. Vëllimin e vet të katërt Kambana e Krujës nuk e botoi dot me gjallje. Në vjershat e viteve të fundit të jetës përshëndeti ngadhënjimin e revolucionit popullor në Shqipëri.

Poeti, publicisti dhe patrioti shqiptar, Asdreni, vdiq më 1947 në Bukuresht, Rumani./KultPlus.com

“Jeta dhe vdekja” në pikturat e artistit Faton Kryeziu në galerinë “GOCAT”

Posted on by Kult Plus

“Life and death” (Jeta dhe vdekja) titullohet ekspozita e parë në Shqipëri të artistit Faton Kryeziu, punët e të cilit janë ekspozuar në galerinë GOCAT.

Së bashku me kuratoren Suzana Varvarica, Kryeziu paraqiti gjithsej 25 piktura të formatit të madh të punuara në teknikën vaj në pëlhurë.

Me ngjyra dinamike dhe tekstura të forta, Faton Kryeziu bën një rrëfim të thellë mbi ciklin e jetës dhe vdekjes, duke ftuar publikun në një dialog përtej telajos. Në këtë ekspozitë, hapësira bashkëkohore e galerisë GOCAT shndërrohet në një udhëtim artistik ku drita dhe errësira, fillimi dhe fundi, takohen në një harmoni dinamike.

Kuratorja Suzana Varvarica është shprehur se, për piktorin Faton Kryeziu “Jeta dhe Vdekja” është realiteti, ku gjithçka që ka fillim, ka dhe fundin e vet.

Tematika që artisti ka zgjedhur të sjellë në këtë ekspozitë të parë në Shqipëri është “Kosova e djegur”, sjellë gjithashtu në pranverë duke lulëzuar, si një vrojtues i mirë i asaj që ka përjetuar, ose i asaj që i ka ndodhur vendit në të cilin jeton. /atsh/ KultPlus.com

“Projekti Mozart”, artistët e rinj në koncert me Orkestrën Simfonike të TKOBAP-së

Posted on by Kult Plus

Teatri Kombëtar i Operas, Baletit e Ansamblit Popullor ka hapur dyert e skenës për artistët e rinj, duke krijuar hapësira për eksperienca të mirëfillta për studentët.

“Projekti Mozart” sjell në skenë jo vetëm talentet e Universitetit të Arteve, por edhe ato të Liceut Artistik “Jordan Misja”, i cili mbrëmjen e kaluar u përfaqësua nga pianisti Erbli Zade.

Të rinjve u është dhënë mundësia të luajnë shoqëruar nga Orkestra Simfonike e TKOBAP-së, nën drejtimin e dirigjentit Gridi Kraja. Ky projekt nuk është thjesht një koncert, por një mundësi reale për të rinjtë që duan të rriten profesionalisht, duke bashkëpunuar me artistë dhe struktura të nivelit më të lartë artistik.

Në kuadër të këtij bashkëpunimi ndërinstitucional, pianisti Erbli Zade interpretoi nga W.A. Mozart, Piano Concerto Nr. 12 in A major K. 414.

Koncerti i pianos nr. 12 në la maxhor k.414 është një ndër tre veprat që Mozarti shkroi në fund të vitit 1782 për sezonin e koncerteve në Vjenë. Ai do të shkruante 17 koncerte për piano për Vjenën, 15 prej tyre midis viteve 1782-1786.

Erbli Zade studion prej 10 vitesh në Liceun Artistik “Jordan Misja” në Tiranë nën udhëheqjen e pedagoges Mirela Tushe Vongli. Ai është fitues i shumë çmimeve kombëtare dhe ndërkombëtare si: Pianisti i Ri, Konkursi EPTA, Konkursi Pianistik për të Rinj “Frederic Chopin”, Tirana Talent, PianoFest BITOLA, Vienna Gala Fest etj.

Më herët ishin Hera Marku dhe Odesa Meti, dy studentë të talentuara të pianos në Universitetin e Arteve, të cilat patën privilegjin të performonin së bashku me Orkestrën Simfonike të TKOBAP-së në kuadër të “Projektit Mozart”./atsh/ KultPlus.com