Etiketë: Be the one

“Be the one” e Dua Lipës, nën interpretimin e grupit të vajzave kroate (VIDEO)

Posted on by Kult Plus

“Lumnize” është një grup i njohur kroat, i cili është bërë i njohur përmes performancave live dhe tejet origjinale, shkruan KultPlus.

Kohë më parë ky grup kishte sjellë një version të këngës “Be the one”, të Dua Lipës. Në kuadër të këtyre falënderimeve grupi, kishte shkruar: Faleminderit Dua Lipa për muzikën e mrekullueshme.

Me këtë video ky grup kishte marrë një vëmendje të madhe, ndërsa po ashtu këtë këngë e kishin kënduar edhe në njërën nga skenat e koncerteve të tyre. KultPlus ju sjellë videoklipin e coverit të këngës dhe pamje nga koncerti i grupit Lumnize.

Soliste e këtij grupi është Marcela Orosi, Matilda Oroši interpreton në kitarë, Tea Mišković në bas dhe Irena Rogović në tambur./ Kultplus.com

Londra ndriçohet me këngën e Dua Lipës në sfond (VIDEO)

Posted on by Kult Plus

Me qindra e mijëra njerëz janë bashkuar në rrugë për të parë fishekzjarrët dhe për të festuar Vitin e Ri 2018 në Britaninë e Madhe. Ndërkohë rreth 10 mijë njerëz kanë blerë bileta për ta shijuar këtë ngjarje, në të cilën krahas fishekzjarrëve kanë dëgjuar edhe këngën e Dua Lipës “Be the one”, përcjellë KultPlus.

Më shumë se 10,000 fishekzjarrë ndriçuan qiellin në çdo ngjyrë. Kjo ngjarje zgjati rreth 12 minuta, ndërsa “The London Eye”, ishte elementi kryesor rreth të cilit ndriçonin fishekzjarrët.

Në ngjarjen e këtij viti u dëgjuan zërat e këngëtareve femra, për të shënuar kështu edhe 100 vjetorin e dhënies së votës nga gratë. Në mesin e shumë këngëtareve, në këtë ngjarje të njohur botërore nuk ka munguar as zëri i këngëtares nga Prishtina, Dua Lipa. Këngëtarja Lipa ka paraqitur në Instagramin e saj një pjesë të transmetimit të hitit të saj “Be The One”, dhe ka ndarë me fansat emocionet e saj lidhur me këtë ngjarje.

“Be The One u lëshua gjatë ndezjes së fishekzjarrëve në Londër, ndërsa unë ndihem si një nënë krenare. Përshëndetje 2018”, ka shkruar këngëtarja në rrjetin e saj Instagram.

Po ashtu gjatë kësaj ceremonie festive janë dëgjuar edhe këngë të Aretha Franklin, Annie Lennox, Florence Welch dhe Ariana Grande. /KultPlus.com