“Dasma e madhe” me 200 gra nga Shqipëria në Kosovë

200 gra nga rajone të ndryshme të Shqipërisë të martuara në Kosovë, janë bërë pjesë e një dasme të përbashkët.

Nën organizimin e Ambasadës së Shqipërisë në Kosovë, ato janë mbledhur për të treguar përvojat nga më të ndryshmet gjatë viteve të kaluara në shtëpinë e dytë.

Drenica nga Tropoja dhe Agroni nga Prishtina janë çifti më i ri i mbrëmjes. Vajzën e tyre e pagëzuan me emrin Dua, transmeton tch.

Muharremi dhëndri më i vjetër në Shqipëri i pranishëm në event tregoi se iku nga fatkeqësia në vitet e 80-ta duke mos e besuar se një fat i mirë do t’i vinte.

Ambasadori Qemajl Minxhozi u shpreh i lumtur që shumë nga gratë janë me profesione të rëndësishme në shoqërinë kosovare.

Përveç grave të ftuara sonte, janë edhe afër 2000 të tjera nga treva të ndryshme të Shqipërisë që kanë zgjedhur të bëhen nuse Kosove. / KultPlus.com

Si përshkruhej dasma shqiptare e viteve 80-të në mediat franceze

“Të qara me ulërima deri sa të dëgjonte i fundi i katundit ose i lagjes…, se kështu e donte zakoni”.

Media franceze e përshkruante ceremoninë e dasmës, të qarat e nuses si të ishte dita e saj më e tmerrshme.

Gazetari shqiptar Ilir Seci e ka publikuar foton e faqes së parë të njërës prej tyre, ku shfaqet nusja në ditën e saj më të lumtur duke qarë me sa fuqi ka.

Në krah të saj është i vëllai, i larë me lot gjithashtu, pasi po përcjell nga dera motrën e tij nuse. Një pamje “tmerri” të ditës së dasmës e përcjell në vitin 1980 një media franceze në faqen e parë të saj.

Më poshtë mund të lexoni një pjesë të tekstit të përkthyer në shqip:

“Të qara me ulërima deri sa të dëgjonte i fundit i katundit ose i lagjes…, se kështu e donte zakoni”.

Kjo është një ndër detajet e rëndësishme të ceremonisë së dasmave të vajzave shqiptare në komunizëm. Është një zakon që në fakt është trashëguar më herët.

Nuk ishte reflektim i emocionit të ditës, kur vajza lë shtëpinë e prindërve, por se përmes të qarave duhet të tregojë se sa shumë i doje prindërit e sa e “fisme” ishe, se nuk dëshiron të lije prindërit “për të shkuar të burri”, përcjell NjëKomb.

Këtë adet duhet ta respektonin të gjitha nuset, në momentin kur vëllai apo një i afërm tjetër i familjes, i merrte prej krahu për t’i përcjellë tek pragu i derës, atje ku ishin krushqit duke pritur ta marrin në dorëzim.

Në të shumtën e rasteve dhëndri mungonte mes krushqve. Nusja e dhëndëri shiheshin në fund të ceremonisë në shtëpinë e dhëndrit, madje të hënën, një ditë pas dasmës, sepse nusja merrte me vete një krushkë, e cila flinte atë natë me nusen në shtëpinë e dhëndrit”, këto zakone të ceremonisë martesore shqiptare janë përcjellë në mediet franceze në vitin 1980./ KultPlus.com