Shtyhet rihapja e Disneyland për shkak të Covid-19

Disneyland Paris, destinacioni i parë turistik privat në Europë, ka shtyrë datën e rihapjes më 2 prill, për shkak të krizës shëndetësore që ka përfshirë kontinentin, sipas një komunikate të publikuar sot në llogarinë e saj në Twitter.

“Duke marrë parasysh situatën shëndetësore aktuale në Europë, Disneyland Paris nuk do të hapet më 13 shkurt ashtu si ishte njoftuar më herët”, theksoi i njëjti burim.

“Nëse kushtet e mundësojnë këtë, ne do ta rihapim Disneyland Paris më 2 prill 2021”, shtoi burimi.

Megjithatë, kjo datë “ka të ngjarë të ndryshojë” në varësi të kontekstit shëndetësor, paralajmëron parku.

Pas ndërprerjes së aktivitetit të saj mes 13 marsit dhe 15 korrikut, Disneyland Paris, që punëson 17.000 persona njerëz, është mbyllur përsëri që nga 30 tetori.

Drejtoria e këtij parku nuk parashikon një kthim të aktivitetit në normalitet (ekuivalente me 2019) para vitit 2022, sipas një burim sindikal i treguar në dhjetor.

Globalisht, grupi Disney planifikon të shkurtojë 32.000 vende pune në aktivitetet e tij në lidhje me parkun zbavitës deri në fund të gjysmës së parë të 2021, përfshirë 28.000 në SHBA, për shkak të ndikimit të epidemisë./ata/ KultPlus.com

Shtyhet rihapja e Disneyland në ShBA

Rihapja e Disneyland do të vonohet përtej 17 korrikut, njoftoi ”Walt Disney Co” në një deklaratë, por pa dhënë detaje të mëtejshme për datën.

“Kalifornia ka bërë me dije se nuk do të japë udhëzime për rihapjen e parkut deri pas 4 korrikut”, deklaroi kompania.

Gjithashtu kompania tregoi se është në bisedime me sindikatat e saj të punonjësve, disa prej të cilave kanë ngritur shqetësime për rihapjen e parkut, pasi rastet me COVID-19 vazhdojnë të rriten. /KultPlus.com

Do të rihapet Disneyland në Shanghai

Disneyland do të rihapet në Shanghai më 11 maj, meqë pjesa më e madhe e Kinës po i kthehet normalitetit.

Sidoqoftë, numri i vizitorëve do të jetë i limituar dhe detyrohen t’i respektojnë mast mbrojtëse kundër COVID-19, si distanca sociale.

Po ashtu, vizitorët dhe punonjësit obligohen të mbajnë maska. Disney vlerëson se ka humbur mbi 1 miliard dollarë fitime për shkak të koronavirusit./KultPlus.com