Shoqëria e dramës “Dora D’Istria” në Worcester më 1941 (FOTO)

Më katër korrik 1923 komunitet shqiptar në SHBA do të shihte për herë të parë Faik Konicën e letrave, në rolin e regjisorit të teatrit, ku do të ngjiste në skenën e “Arlington Theatre”, Boston tragjedinë “Otello” përkthyer në shqip nga vet shkrimtari shqiptar.

Konica nuk ishte i vetmi shqiptar në SHBA që bëri art në gjuhën shqipe.  Sipas të dhënave të komunitetit shqiptarë në Worcester ka ekzistuar një shoqëri e dramës e cila mbante  emrin ‘Dora D’Istria’.

Gjatë sezonit artistik të viti 1941 kjo shoqëri ka vënë në skenë dramën shqiptare “Karl Topija” (1923) të Kristo Floqit.

Në këtë foto kortezi e Albanian Community of Worcester është trupa e plotë e aktorëve të shfaqjes. / dp/ KultPlus.com

Kënga origjinale e Zef Jubanit dedikuar Princeshës Dora d’Istria

KËNGË

lavdie për zonjën e nderuar dijetare në shkrim

DORA D’ISTRIA

Prej Zef Ndokë Ilia Jubanit

Ti je një yll, e na shndrit Arbërinë,

Me dije, me të mira, e me bukuri ;

Me dashurinë tënde, je duke na përtërirë,

Një gazmend të madh e një lumturi.

Drita e mendjes tënde është duke lulëzuar,

Si drita e syve të tu është sjellë mbi ne ;

Perëndia për të mirën tonë te ka krijuar,

E me sjellë mbarë dhenë tonë ti ke le.

Ndërhyj ti pra je mbretëresha,

Që Dora d’Istria të emërojnë,

Prej Shqipërie je Begtaresha,

Që gjithkund e këtu të nderojnë.

Po ! Shpresa e ëmbël je për ne,

Pse zemra jote është fort e mirë,

Sjelli sytë e tu, e mos harro këtë dhe,

E të kesh edhe për ne mall e dëshirë./KultPlus.com

Rikonstruktohet “Dora d’Istria”, Veliaj: Nuk paska kënaqësi më të madhe se të transformosh shkollën

Këtë shtator nxënësit e shkollës 9-vjeçare “Dora d’Istria” do të kenë një ambient krejtësisht të ri. Bashkia e Tiranës ka rikonstruktuar ambientet e kësaj shkolle dhe ka shtuar sipërfaqen e ambienteve të reja që pritet të sjellë dhe ulje të numrit të nxënësve nëpër klasa duke rritur edhe cilësinë në mësimdhënie.

Lajmin e mirë e ka dhënë kryetari i Bashkisë së Tiranës Erion Veliaj, i cili përmes një postimi në twitter ka publikuar disa nga fotot e transformimit rrënjësor që ka pësuar shkolla “Dora d’Istria”, institucion në të cilin ka studiuar ai vetë dhe dy ministret, ajo e Mbrojtjes Olta Xhaçka dhe Ogerta Manastirliu, ministre e Shëndetësisë dhe e Mbrojtjes Sociale.

“Ej @xhacka_olta & @GManastirliu – shiheni pak ish-shkollen tone 20 Vjetori – sot Dora D’Istria! Nuk paska kenaqesi me te madhe se te transformosh shkollen ku jemi rritur vete! Ish nxenes ne @BashkiaTirane & @AlbGov bashke per Tiranen qe duam”, shkruan Veliaj.