‘Kush i copëton zorrët e foshnjës 18 muajshe?’

Shkruan: Arbër Selmani

Kush i copëton zorrët e foshnjës 18 muajshe?
Kush?

Kujt i plasë për foshnjën
së cilës
ia nënshkruam traktatin e vdekjes?

Kujt?

A del më shumë tym prej një ndërtese në gërmadha
A prej një Putini
A prej një njeriu mut
A prej një foshnje që lëshoi të fundit klithmë sot?

Kë ta kapë për fyti tash kjo nënë?
Kah t`ia mbajë këmbëve ky babë?
Kush numëron sa pika gjak u shtrydhën nga një kokë e vogël
e një foshnje?
Kush i pastron të vjellurat e fëmijëve poshtë bombardimeve?

Në Ukrainë, Kirillin sot e vranë, Kirilli është i vrarë
… se duhet të jetojë lufta, nafta, Kremlini, punëtorët nuklearë
… të përgjakur, rrugëve jetojnë ukrainasit me kokën e çarë.

A buzëqesh sot, nëse ka Zot, ajo dorë e prekur prej një nëne ruse?
… dora që vrau një bebe, një jetë të mbështjellur në çarshaf lufte
… dora ruse, dora ruse, e vran Kirillin, po vran fetuse.

Në Ukrainë, Kirilli është tash në nëntokë
… nuk i ha palla botës as atij mizorit për një fëmijë më pak
… Kirill, gjuaje Putinin me granata, prej ku fle tash, o foshnje pafat, gjuaje me gjak… /KultPlus.com

Foshnja e humbur në evakuimin e Kabulit ribashkohet me familjen

Kaosi i madh që kishte ndodhur në Afganistan vitin e kaluar, rezultoi që një djalë i vogël të ndahet me prindërit e tij, për t’u ribashkuar në vitin 2022, përcjell KultPlus.

Pasi që talibanët morën kontrollin e vendit përmes një grusht shteti, një numër i madh i afganëve po largoheshin nga vendi i tyre të dëshpruar.

Sohail Ahmadi, një foshnje dy muajsh, iu dorëzua një ushtari amerikan mbi një gardh, për ta mbrojtur atë nga shtypja, ndërsa mijëra njerëz shtyheshin për të hyrë në aeroportin e Kabulit.

Por sapo familja e tij ishte brenda, Sohail nuk gjendej askund.

Sohail soon after being born

Pas një kërkimi të furishëm por të kotë për foshnjën, babai i tij Mirza Ali Ahmadi, i cili kishte punuar si roje sigurie në ambasadën amerikane, nëna Suraya dhe katër fëmijët e tjerë të tyre u dërguan në një fluturim evakuimi për në SHBA.

Për muaj të tërë ata nuk e kishin idenë se ku ishte djali i tyre i vogël.

Foshnja ndodhej në Kabul, ku një taksist 29-vjeçar i quajtur Hamid Safi, e kishte gjetur në aeroport dhe e kishte çuar në shtëpi për ta rritur si të tijin.

Më pas, familjet janë marrë vesh mes-veti për të dërguar foshnjen në Amerikë, gjithashtu edhe familjen e Hamid Safi. /KultPlus.com

Mohammad Qasem Razawi, grandfather of baby Sohail Ahmadi, holds his grandson

Prindërit emërojnë foshnjën e tyre sipas një kompanie të internetit për të fituar 18 vjet WiFi falas

Një çift zviceran ka emëruar vajzën e tyre të vogël sipas një kompanie të internetit, për të përfituar shërbime falas për 18 vite.

Çifti e quajti vajzën e tyre Twifia, sipas kompanisë së telekomit Twifi, e cila kishte vendosur një reklamë që premton 18 vjet shërbim falas në internet për këdo që do të vendoste emrin e fëmijës së tyre si të kompanisë.

Ofruesi zviceran i internetit kishte thënë që shërbimi falas do të ofrohej për çdo familje që do të vendoste emrin e porsalindur Twifius nëse është djalë dhe Twifia nëse është vajzë.

Shërbimi falas do të ofrohej derisa fëmija të arrijë moshën, dmth., 18 vjeç.

Për të përfituar nga shërbimi falas në internet, prindërit e të porsalindurit të quajtur pas kompanisë zvicerane të telekomit do të duhet të ngarkojnë një kopje të certifikatës së lindjes në faqen zyrtare të Twifi.

Oferta është ende aktive.

Sipas mediave lokale zvicerane, çifti nga Graubünden, të cilët janë në të 30-tat e tyre, regjistruan emrin e vajzës si Twifia në certifikatën e saj të lindjes. Çifti, megjithatë, kërkoi anonimitet dhe refuzoi të zbulonte emrat e tjerë të fëmijës.

Gazeta zvicerane Blick citoi babanë e foshnjës Twifia të thoshte: “Ne duam të mbetemi anonim për ata që na rrethojnë sepse nuk duam të justifikojmë veten për këtë. Sepse akuza për të shitur emrin e fëmijës sonë na goditi rëndë. Edhe ne kemi pak turp ”.

Çifti thuhet se ka planifikuar të përdorë paratë që kursen në faturën e tyre të internetit për të filluar një llogari kursimi për vajzën e tyre, të cilën ajo mund të përdorë më vonë. / KultPlus.com

Edukatorja e mbytë foshnjën duke ia zënë frymën me jastëk (VIDEO)

Edukatorja nga Ukraina, 51 vjeçare është arrestuar nga autoritetet e vendit për shkak se vrau foshnjen duke i zënë frymën me jastëk.

Arrestimi ka ndodhur pasi janë publikuar pamjet e tmerrshme.

Policia ka njoftuar se vajza ka vdekur nga të vjellat për shkak të probleme të frymëmarrjes pasi i shkaktoi edukatorja me jastëk.

E në vend që edukatorja Irina Sukhanova, të raportojë në polici ajo madje ka tentuar t’i zhdukë pamjet nga kamerat, por policia i ka rikthyer ato si prova që shërbyen për arrestimin e saj.

Sukhanova para policisë ka thënë “Ajo që unë i vendosa fëmijës ishte vetëm një forcues special e cila do të shërbente për mbrojtjen e fëmijës nëse ajo rrëzohej, kështu nuk do të lëndohej.”

Ajo është arrestuar dhe rasti është duke u hetuar edhe më tutje për shkak se kishte hapur edhe një çerdhe pa leje të autoriteteve.

Më poshtë shikoni pamjen e tmerrshme: