Sonte, 8 tetor fillon edicioni i dytë i festivalit ndërkombëtar të romanit grafik “GranFest”. I njëjti do të zgjasë deri më 10 tetor.
Ceremonia e hapjes së “GranFest” do të mbahet në amfiteatrin e Bibliotekës Kombëtare, me fillim nga ora 19:00.
Këtë vit pjesë e këtij festivali do të jenë artistë të ndryshëm ndërkombëtarë si: Aude Mermilliaud, Salome Joly, David Prudhomme, Stefano Casini, Sonia Dechamps, Judith Vanistendael, Lilie Sohn dhe të tjerë.
Të gjithë artistët pjesëmarrës janë fitues të çmimeve të ndryshme ndërkombëtare e gjithashtu, edhe librat e disa prej tyre do të botohen nga “GranFest” dhe do të prezantohen në këto netë./KultPlus.com
Nesër fillon edicioni i dytë i festivalit të vizatimeve komike dhe romanit grafik “GranFest”, i cili do të zgjasë tre ditë, shkruan KultPlus.
Më 8 deri më 10 tetor në Prishtinë do të mbahet Festivali Ndërkombëtar i Romanit Grafik ‘GRAN Fest’.
Ceremonia hapëse e këtij festivali do të mbahet në amfiteatrin e Bibliotekës Kombëtare, nesër nga ora 19:00.
Edicioni i këtij viti të ‘GRAN Fest’ ka të ftuar artistë të ndryshëm si: Judith Vanistendael, Edith, Lilie Sohn, Aude Mermilliaud, Salome Joly, David Prudhomme, Stefano Casini, Sonia Dechamps, Shpend Kada dhe Dardan Luta./ KultPlus.com
Nesër fillon edicioni i parë i festivalit të vizatimeve komike dhe romanit grafik “GranFest”, i cili do të zgjasë tre ditë, shkruan KultPlus.
Në ditën e parë të këtij
festivali, Aleanca Franceze e Prishtinës në bashkëpunim me Ambasadën e Francës,
kanë organizuar takim me artisten franceze Aude Samama. Takim ky i cili do të
mbahet nesër, më 10 maj nga ora 11:00 në Aleancën Franceze të Prishtinës.
Po ashtu gjatë ditës së
nesërme do të bëhet edhe hapja e ekspozitës së vizatimeve komike
“Spirou4rights”, nga ora 17:00. Ekspozita do të mbahet në Aleancën Franceze
në Prishtinë, ku të pranishëm do të jenë ambasadori francez në Kosovë, artistin
francez Frank Margerin dhe përfaqësueses të shoqërisë civile Nora Jusufi.
“Spirou4rights” është
një ekspozitë në partneritet me Gazetën Spirou, Komisionerin e Lartë të Kombeve
të Bashkuara për të Drejtat e Njeriut dhe Aleancën Franceze. Kjo ekspozitë
paraqet deklaratën e të drejtave të njeriut dhe secili artikull i deklaratës ilustrohet
nga një karikaturë komike të një artisti të Spirout si për shembull: Emile
Bravo, Tome dhe Janry, Darasse etj.
Sipas “Spirou4rights” në
vitin 2018, bota festoi 70 vjetorin e Deklaratës së Përgjithshme e të Drejtave
të Njeriut. Edhe pse i hartuar pas Luftës së Dytë Botërore, ky dokument
themelues është po aq i rëndësishëm sa në vitin 1948.
Gazeta Spirou bashkohet
në përpjekjet për fushatën e përvjetorit të nisur nga Zyra e OKB-së për të Drejtat
e Njeriut, me një çështje të veçantë në të cilën disa artist të shkëlqyer komik
ilustrojnë artikujt e Deklaratës së Përgjithshme.
Për të përcjellë sa më
shumë që të jetë e mundur, vlerat e mishëruara në Deklaratën e Përgjithshme e
të Drejtave të Njeriut, vizatimet komike, me atributet e tyre grafike dhe gjallëruese,
janë një mjet ideal komunikues drejt një audience më të gjerë.
Festivali “GranFest” fillon nesër, me datën 10 maj dhe përfundon të shtunën me 12 maj, ky festival u mundësua nga ambasada e Francës në bashkëpunim me Aleancën Franceze të Prishtinës. / KultPlus.com
