45 vjet nga kupola e parë e Bibliotekës Kombëtare

Më 23 qershor 1977, gazeta më e madhe e kohës “Rilindja”, raportoi se në objektin e Bibliotekës Universitare dhe Krahinore, sot Bilbioteka Kombëtare “Pjetër Bogdani”, u vendos kupola e parë ikonike.

Prej 99 kupolave, e para e vendosur më 22 qershor, u bë lajm, pasi ishte vendosur në një prej objekteve më të rëndësishme të kohës.

Kupola ishte prodhim i kompanisë “Kopershmit” nga Hamburgu i Gjermanisë. Aty ndër të tjera thuhej se kupolat tjera do të vendoseshin deri në fund të korrikut të ’77-s, dhe se i gjithë objekti do të inaugurohej më 29 nëntor 1977. Por, objekti u lëshua në përdorim më 1982.

Arkitekt i këtij objekti ishte kroati i njohur Andrija Mutnjakoviq./Na ishte një herë/ KultPlus.com

Të mërkurën mbahet ceremonia e ndarjes së çmimeve vjetore në fushën e arteve pamore

Së shpejti do të mbahet ceremonia e ndarjes së çmimeve vjetore në fushën e arteve pamore, përcjellë KultPlus.

Sipas Ministrisë së Kulturës, Rinisë dhe Sportit, ngjarja do të mbahet më 15 qershor 2022 (e mërkurë) në orën 14:00, në Bibliotekën Kombëtare të Kosovës “Pjetër Bogdani”. / KultPlus.com

Fahrije Hoti pranon çmimin ‘Evropianja e Vitit’, BE-ja “të bashkuar në premtime” për Kosovën

Uranik Emini

Mbrëmë në Bibiliotekën Kombëtare të Kosovës është shënuar Dita e Evropës, me ç’rast Zyra e Bashkimit Evropian në Kosovës i ka ndarë edhe çmimin tradicional “Evropiania e Vitit”, Fahrije Hotit, ku fillimisht ishte bërë një thirrje që të votohet një individ apo instuticion që ka kontribuar më së shumti në promovimin e vlerave evropiane në Kosovë gjatë vitit të fundit, andaj dhe Fahrije Hoti është votuar më së shumti për këtë emërtim, shkruan KultPlus.

Shefi i Zyrës së Bashkimit Evropian dhe Përfaqësuesi Special i BE-së në Kosovë, Tomas Szunyog, e hapi këtë mbrëmje me një fjalim shumë të veçantë kushtuar Ditën së Evropës dhe rëndësisë që vendet e Ballkanit Perëndimor kanë për BE-në.

“9 maji është dita e kremtimit të unitetit dhe fatit të përbashkët të Unionit tonë dhe partnerëve tanë në Ballkanin Perëndimor. Në këtë frymë, këtë vit duam të shprehim mirënjohjen ndaj evropianëve të shumtë që na ndihmuan ta kapërcejmë krizën e koronavirusit dhe që çdo ditë punojnë për ruajtjen e paqes dhe prosperitetit në Evropë. Siç ka thënë Robert Schuman: Evropës i duhet një shpirt, një ideal, dhe vullenti politik për t’i shërbyer këtij ideali. BE-ja i ka vënë në jetë këto fjalë, duke u përballur e bashkuar me krizën e shkaktuar nga pandemia COVID-19 dhe agresionin aktual rus kundër Ukrainës”.

Szunyog e falënderoi Qeverinë e Kosovës për rrështimin e kësaj të fundit me BE-në, duke vendosur sanksione ndaj Rusisë dhe gatishmërisë së tyre për të mirëpritur e strehuar efugjatë dhe gazetarë nga Ukraina.

“Dua të theksoj se kjo ditë na përket të gjithëve. Kjo ditë u përket kosovarëve po aq sa u përket qytetarëve të BE-së dhe përfaqëson kremtimin e vlerave tona të përbashkëta, duke përfshirë unitetin, solidaritetin, paqen, demokracinë dhe sundimin e ligjit dhe respektimit të të drejtave të njeriut. Këto nuk janë fjalë të zbrazëta, por vlera themelore të përbashkëta për të gjithë popujt e Evropës, që i kanë sjellë kontinentit tonë prosperitet të padëgjuar më parë në historinë tonë. 

Ambasadori theksoi se e ardhmja e Kosovës është në BE dhe nuk ka alternativë tjetër.

“Pa Ballkanin Perëndimor BE-ja nuk do të jetë e plotë, ndërkohë që agresioni rus kundër Ukrainës i ka bërë edhe më të rëndësishme përpjekjet tona të përbbashkëta për avancim në rrugën evropiane të Kosovës dhe Ballkanit Perëndimor”.

Ai u shpreh krenar për progresin që ka arritur Kosova me mbështetjen e Bashkimit Evropian dhe shteteve të tjera anëtare.

Shefi i Zyrës së BE-së në Kosovë e mbylli këtë fjalim duke uruar Ditën e Evropës.

Pas tij, kryetari i Kuvendit të Kosovës, Glauk Konjufca, u ftua për një fjalim rasti, ku edhe bëri thirrje të vazhdueshme që tani është momenti më i përshtatshëm që Kosova të bashkohet në familjen e madhe evropiane.

“Pikërisht sot në këtë përvjetor po ballafaqohemi poashtu me një realitet të ri i cili është shumë ndryshe prej asaj që jemi mësuar, së paku qe dy dekada ta kemi në Evropë. Që nga 24 shkurti i këtij viti kur presidenti rus Vladimir Putin urdhëroi ushtrinë e tij ta pushtojë Ukrainën, jemi duke jetuar një realitet të ri shumë të rrezikshëm dhe me plotë dhimbje nga ajo se çka po shohim dhe ajo që po e përjeton populli ukrainas sot”, deklaroi Konjufca.

Konjufca bashkëndjeu me Ukrainën, duke kujtuar edhe luftën e fundit në Kosovës.

“Siç e dini, populli dhe Republika e Kosovës ende i kanë të hapura plagët, e të freskëta dhimbjet dhe të paharrueshme traumat e përjetuara nga agresioni i Serbisë, si dhe nga pushtimi që u manifestua me gjenocid, prandaj mund të them se ne për së afërmi mund të bashkëndjejmë me përjetimet nëpër të cilat po kalon në këtë kohë të vështirë populli i Ukrainës. Unë dua të ritheksoj dhe t’iu bëjë thirrje përfaqësuesve evropianë se jemi në një moment përcaktues të integrimit evropian për Republikën e Kosovës, andaj pikërisht në këtë ditë duhet të zotohemi bashkë për ta mbrojtur e për ta përshpejtuar konsolidimin e projektit të Bashkimit Evropian duke e integruar edhe Kosovën, por së bashku edhe me 6 vende të tjera të Ballkanit Perëndimor në mesin e vendeve të Bashkimit Evropian”.

I pari i Kuvendit përmendi edhe pjesën e orientimit të Kosovës përkrah vendeve të BE-së sa i përket sanksioneve ndaj Rusisë dhe adresimin e institucioneve të Kosovës me veprime konkrete në këtë drejtim.

“Ju ftoj që së bashku të kontribuojmë të gjithë që qytetarët e Kosovës sa më shpejt të gëzojnë liberalizimin e vizave, për të cilën të drejtë aq shumë kemi punuar së bashku dhe jemi angazhuar për reforma sipas standarteve të nivelit evropian. Pa Kosovën, mozaiku i familjes së bashkuar të Evropës nuk mund të quhet i plotësuar, si dhe vetë ideja mbi të cilën qëndrojnë të fuqishme themelet e BE-së’, përfundoi ai.

Në anën tjetër, pas dy fjalimeve erdhi edhe te momenti për të cilin ishin mbledhur të gjithë njerëzit në sallë, e që kishte të bënte me ndarjen e çmimit “Evropiania e Vitit” për Fahrije Hotin. Fillimisht u bë prezantimi i të nominuarve të tjerë dhe më pas u bë edhe dorëzimi i çmimit.

Hoti këtë çmim ia kushtoi gjithë grave të Kosovës, e sidomos ato që humbën më të dashurit e vetë, humbën burrat, humbën fëmijët dhe janë bërë model për të tjerët.

“Unë ndjehem shumë e privilegjuar sot këtë çmim. Ky çmim i dedikohet të gjitha grave të Kosovës. Të gjitha ato që humbën më të dashurit e vetë, humbën burrat, humbën fëmijët dhe janë bërë model për të tjerët. Sakrifica e grave të Krushës, bashkë me mua, ka qenë një rrugëtim i suksesit, nuk e kemi mendu dhimbjen për të kaluarën por të ardhmën e fëmijëve tanë. Faleminderit të gjithëve, ata që iu bashkuan këtij rrugëtimi, më votuan dhe më përkrahën, e unë sot jam e ndershme që jam pranë juve këtu”, përfundoi ajo duke falënderuar edhe një herë të pranishmit dhe mbështetësit.

Të izoluar në zemër të Evropës, qytetarët e Kosovës duhet të mbledhin dokumente për të cilat nuk kanë dëgjuar kurrë më parë, në mënyrë që të rrisin shpresën e tyre për të aplikuar për vizë. Përkundër faktit se shteti më i ri në Evropë mund të udhëtojë pa viza vetëm në katër shtete, më pak se çdo shtet tjetër në botë, megjithatë kjo nuk e pengon Kosovën që ta festojë vit pas viti 9 majin, Ditën e Evropës

Rruga e Kosovës drejt liberalizimit të vizave filloi në vitin 2012 kur Komisioni Evropian dorëzoi Udhërrëfyesin për Liberalizimin e Vizave për Kosovën. Por edhe pse vendet e tjera të Ballkanit Perëndimor kanë arritur që të marrin mbështeteje për liberalizimin e Kosovës, një premtim i tillë nuk i është plotësuar edhe Kosovës. /KultPlus.com

Hapet “Java e Frankofonisë”, do të sjell një program të pasur kulturor artistik

Mbrëmë në Bibliotekën Kombëtare të Kosovës është mbajtur ceremonia e hapjes së “Javës së Frankofonisë” organizuar nga Ambasada Franceze në bashkëpunim me ambasadorët e shteteve frankofone.

Edicioni i 22-të i kësaj ngjarje do të sjell një program të pasur kulturor artistik që përfshin aktivitete të shumta në fushën e artit, kulturës, sportit, trashëgimisë, inxhinierisë, njohurive mbi BE-në, dhe tema të tjera mbi aktualitetin.

Të pranishëm në hapje ishin personalitete të shumta ndërkombëtare dhe vendore përfshirë këtu, Ambasadorja e Francës në Kosovë, Marie-Christine Butel, Ambasadori i Zvicrës, Thomas Kolly, Ambasadori i Kanadasë për Kosovë dhe Kroaci, Alan Bowman, shefi i ri Zyrës Diplomatike të Belgjikës në Kosovë, Julien Sassel, Ministri i Kulturës, Hajrulla Çeku e të tjerë.

Ceremonia u mbyll me një recital nga sopranoja, Besa Llugiqi, me përcjellje të pianistit dhe pedagogut të muzikës, Mizbah Kaçamaku. / KultPlus.com

Nesër në BKK promovohet “Tregimet e tranzicionit” nga autori Stefan Çapaliku

Nesër në Bibliotekën Kombëtare të Kosovës do të promovohet libri më i ri i autorit Stefan Çapaliku, përcjell KultPlus.

Libri i autorit mban emrin “Tregimet e Tranzicionit”. Ndërkaq, ngjarja do të filloj nga ora 14:00.

Promovimi i librit do të moderohet nga shkrimtari Ag Apolloni. / KultPlus.com

Promovohet monografia ‘Dijetarë shqiptarë në Perandorinë Osmane’

Në Bibliotekën Kombëtare të Kosovës sot u promovua libri “Dijetarë Shqiptarë në Perandorinë Osmane (1880 – 1912) nga autorët Sadik Mehmeti, Hatixhe Ahmedi, Ramadan Shkodra, botim i Bashkësisë Islame të Republikës së Kosovës.

Kjo është vepra e parë me karakter enciklopedik e botuar nga BIRK, por është e para edhe në Kosovë dhe në trojet shqiptare, në të cilën përfshihen dhe ndriçohen, – biografitë e 195 personaliteteve shqiptare që kanë dhënë kontribut në jetën arsimore, kulturore dhe fetare gjithandej ku vepruan, pra edhe në viset shqiptare në fundin e shekullit XIX dhe në fillim të shek. XX.

Në këtë ngjarje morën pjesë Ministri i Kulturës, Hajrulla Çeku, kryetari i BIRK-ut, Myftiu Naim Tërnava, Kryeshefi ekzekutiv i Agjencisë së Arkivave të Kosovës, Bedri Zyberaj, profesorë të Universitetit të Prishtinës, dhe personalitete tjera.

Ministri Çeku në fjalimin e tij foli për rëndësinë që kanë hulumtimet e tilla për kulturën, trashëgiminë, arsimin dhe historinë e vendit tonë, ndërsa përgëzoi autorët për punën dhe përkushtimin rreth pasqyrimit të biografive të personaliteteve të shquara të dijes nga të gjitha trojet shqiptare.

Ndërsa, Myftiu i Kosovës, Naim Tërnava, tha që kjo monografi është një projekt i cili ka ndriçuar veprimtarinë e shumë personaliteteve shqiptare të panjohura deri më tani që kanë vepruar në periudhën e Rilindjes Kombëtare Shqiptare./KultPlus.com

Videoklipi i veçantë i këngës “Akoma po të pres” nga grupi 403 (VIDEO)

Grupi 403, të cilët me këngët e tyre janë kthyer në vulë të muzikës shqiptare bashkë me shumë grupe të tjera muzikore, po gëzojnë frutet e rikthimit, shkruan KultPlus.

Hektor Gjurgjiali, tekstshkruesi dhe solisti i këtij grupi na shfaqet në forma të ndryshme në këtë këngë.

Varësisht sipas tingullit që del nga një instrument i caktuar, edhe pamja e videoklipit ndërron. Sinti, kitara klasike e ajo elektronike, fizharmonika si dhe bateritë, janë ato të cilat sjellin magjishëm këngën “Akoma po të pres”, teksa zërin e dytë e performon Arta Selimi.

Kjo këngë është komponuar nga Hektor Gjurgjiali dhe është incizuar në vitin 1995 në Tiranë. / KultPlus.com

Biblioteka Kombëtare merr ngjyrë rozë në shenjë solidarizimi me ato që luftuan dhe po luftojnë me kancerin e gjirit

Bibloteka Kombëtare e Kosovës ka marrë ngjyrë rozë në shenjë solidarizimi me ato që luftuan me sëmundjen e kancerit të gjirit, ato që fituan betejën dhe si kujtim për ato që humbën jetën nga kjo sëmundje, përcjell KultPls.

Njoftimin e ka bërë ish-presidentja e Kosovës, Atifete Jahjaga përmes një postimi në Facebook.

“Bibloteka Kombëtare e Kosovës në rozë për të gjitha ato që po luftojnë sëmundjen e kancerit të gjirit, për ato që fituan betejen e si kujtim për ato që i humbëm!”-ka shkruar ajo./KultPlus.com

Nesër nis edicioni i dytë i festivalit “GranFest”

Nesër fillon edicioni i dytë i festivalit të vizatimeve komike dhe romanit grafik “GranFest”, i cili do të zgjasë tre ditë, shkruan KultPlus.

Më 8 deri më 10 tetor në Prishtinë do të mbahet Festivali Ndërkombëtar i Romanit Grafik ‘GRAN Fest’.

Ceremonia hapëse e këtij festivali do të mbahet në amfiteatrin e Bibliotekës Kombëtare, nesër nga ora 19:00.

Edicioni i këtij viti të ‘GRAN Fest’ ka të ftuar artistë të ndryshëm si: Judith Vanistendael, Edith, Lilie Sohn, Aude Mermilliaud, Salome Joly, David Prudhomme, Stefano Casini, Sonia Dechamps, Shpend Kada dhe Dardan Luta./ KultPlus.com

Adrian Berisha ju drejtohet fëmijëve në muajin e ndërgjegjësimit të kancerit: Nuk jeni vetëm, mos u dorëzoni

Shtatori shënon muajin e ndërgjegjësimit të fëmijëve të prekur nga sëmundja e kancerit. Ndërkaq, sot në Bibliotekën Kombëtare të Kosovës, pikërisht për të shënuar këtë muaj janë ndezur dritat në kupolat e Bibliotekës, përcjell KultPlus.

Kjo nismë u organizua nga Komuna e Prishtinës, ndërkaq me një mesazh tejet prekës, erdhi drejtori i Kulturës në Komunën e Prishtinës, Adrian Berisha i cili përmes një statusi në rrjetin social Facebook, ndau me ndjekësit e tij historinë e tij personale si një fëmijë i prekur nga kanceri.

Berisha, ndër të tjera bëri thirrje që këta fëmijë të mos dorëzohen asnjëherë.

Më poshtë gjeni statusin e plotë të Berishës.

Kam qene vetem 16 vjec, kur u diagnostifikova me kancer. Atekohe, semundja kishte shu andrren time femijerore duke me detyru ne nderpre futbollin.

E di shume mire se si mund te ndihen femijet, te cileve u kumtohet lajmi se vuajne prej nje prej semundjeve me te renda qe njeh njerezimi. E di shume mire se si eshte me u friku, me humb shpresen dhe me pa njerezit ma te dashur rreth teje me lutje e merzi per ty.

Une isha nje prej qindra e mijera femijeve te botes qe luftojne me kancerin cdo vit. Por ia dola. Me ndihmen e familjareve, profesionisteve mjekesor dhe me deshiren e madhe per me vazhdu jeten.

Po, andrra per futboll u shua. Por jo edhe vullneti per jeten. Dhe dhimbja u shendrru ne motiv per me punu, edhe per Adrianin si femije por edhe per femijet e tjere si Adriani.

Sonte ndezem dritat e Bibliotekes Kombetare, duke iu bashkuar si Komune thirrjes per solidarizim me femijet e prekur nga kanceri. Muaji shtator eshte edhe muji i ndergjegjesimit per kancerin tek femijet.

Ajo qe dua te ju them krejt femijeve te cilet po perballen me kete semundje, eshte kjo:

Nuk jeni vetem. Dhe semundja, jo domosdo eshte fundi.

Mos u dorezoni! / KultPlus.com

“Histori shkodrane në fotografi” nga Pjetër Logoreci, promovohet në Bibliotekën Kombëtare

Sot, në Bibliotekën Kombëtare “Pjetër Bogdani” në Prishtinë, është promovuar libri-fotoalbum “Histori shkodrane në fotografi” nga Pjetër Logoreci.

Ky libër sjell fotografi të panjohura të Shkodrës që janë nxjerrë nga arkivat austriake 1908/ 1917, shkruan KultPlus.

Duke dhënë një përshkrim të shkurtër për librin, autori thotë se kapitulli i parë është kapitulli i Shkodrës, ku janë të paraqitura fotografi të vjetra të qytetit, ndërkaq në kapitullin e dytë janë të paraqitura masakrat e Malit të Zi në Shkodër, në të cilin janë të paraqitura fotografitë e shkodranëve të vrarë, të vdekur nga uria, malazezët duke plaçkitur pazarin e Shkodrës të nxjerra nga arkivat austriake.

Në kapitullin e tretë, Logoreci ka paraqitur fotografi të personalitete shqiptare që kanë studiuar dhe kanë lënë gjurmë në Vjenë.

Pothuajse të gjitha fotografitë në këtë libër-fotoalbum janë bardh e zi, përveç fotografive në kapitullin e fundit në të cilat janë të paraqitura kartolina që austriakët kanë bërë për Shkodrën, për ushtarët austriakë me rastin e kërshëndellave dhe pashkëve, që ua dërgonin familjeve të tyre në Austri.

Logoreci shton se në këtë libër kanë qenë të pasqyruara edhe disa fotografi të Ahmet Zogut, të pa shpërndara më herët, mirëpo, këtë kapitull autori është detyruar ta largojë nga libri për shkak të numrit të faqeve./ KultPlus.com

Petrit Halilaj fillon përgatitjet për instalacionin e ‘Lule Mosmëharro’ (FOTO)

Autostrada Biennale, në edicionin e saj të tretë, bashkë me edicionin e 5-të të Javës së Krenarisë në Kosovë, në bashkëpunim me Bibliotekën Kombëtare të Kosovës “Pjetër Bogdani” dhe Manifesta 14 Prishtina, do të sjellin për publikun kosovar ekspozitën e famshme “Lule Mosmëharro 2020 – 2021” nga Petrit Halilaj dhe Alvaro Urbano.

Sot, përmes një postimi në faqen zyrtare të Autostradës Biennale, janë publikuar fotografitë e përgatitjeve të instalacionit të Petrit Halilajt, ”Lule Mosmëharro”.

Kanë mbetur vetëm edhe pak ditë deri në hapjen zyrtare të kësaj ekspozite. Ekspozitë kjo e cila do të hapet më 30 qershor, kurse për publikun e gjerë do të jetë e hapur prej 1 korrikut deri më 11 shtator të këtij viti. / KultPlus.com

Promovohet ‘Katalogu i andrrave’, studimi i parë antropologjik i modelit tradicional të interpretimit të ëndrrave në Kosovë

Era Berisha

Përvojat diversive të njerëzve ku ëndrrat e tyre shtrihen në një horizont ku ekzistenca, realiteti, imagjinata, frymëzimi dhe krijimi gërshetohen në një proces që rëndom është deshifruar nga dikush, shfaqen në librin ‘Katalogu i Andrrave’ nga Iliriana Lira Blakaj dhe Bjeshkë Guri, libër ky i cili për herë të parë shpalos iniciativën për mbledhjen e simboleve të ëndrrave dhe praktikave të interpretimit të tyre sipas modelit tradicional në Kosovë, me ç’rast dje u promovua në ambientet e Bibliotekës Kombëtare të Kosovës, shkruan KultPlus.

Në hapësirën ku edhe u promovua libri, të vendosura ishin edhe kopjet e librit të cilat rrëmbenin vëmendjen e të pranishmëve me dizajnin dhe afishet e realizuara, duke përgatitur kështu audiencën për një diskutim që ndonëse flet për botën e ëndrrave dhe jo vetëm, është ngjallur edhe një interesim për të hyrë thellësisht në kuptimin kyç të ëndrrave, përmbajtjes dhe interpretimit të tyre në kudër të individit apo kolektivit.

‘Katalogu i Andrrave’ sjell për herë të parë një indeks me kategori, simbole, interpretime, praktika, intervista, teori dhe përvoja të ndryshme lidhur më ëndrrat në një pikëpamje etnografike, antropologjike dhe psikanalitike, me ç’rast dëshmohet rëndësia e modelit tradicional që fillon qysh nga antikiteti e deri më sot, ku trashëgimia kulturore shpirtërore shqiptare përfaqësohet përmes simboleve dhe përfshirjes së dokeve, zakoneve dhe pikëpamjeve të shoqërisë sonë shqiptare.

Kështu nisi edhe diskutimi ku pjesë e panelit ishin dy autoret: Iliriana Lira Blakaj dhe Bjeshka Guri si dhe profesori Dr. Arsim Canolli dhe ilustratorja Urtina Hoxha.

Fillimisht, autorja Iliriana Blakaj tregoi se si ka lindur ideja për të krijuar një libër të një konteksti të tillë.

“Ideja ka lindur nga një zhvillim i punimit të temës së diplomës në master ku ëndrrat kanë qenë një temë periferike që janë mbledh përgjatë atij studimi ku vërejta që mungon një studim etnografik, antropologjik, detar e të tjera. Kështu, dola në terren për ti mbledhur një nga një këto simbole dhe interpretimet e tyre të njëjta”, ka theksuar Blakaj për të pranishmit.

Sipas saj, ky libër është një dokumentim i simboleve dhe interpretimeve të tyre, dhe një studim i vogël antropologjik sepse siç ka theksuar tutje ajo, ëndrrat dhe antropologjia shfaqen gjithmonë përmes një prizmi i cili ndërlidh ëndrrat me sensin e vetvetes ku shoqëria apo individi cilëson veten që pason në një pretendim jo gjithmonë të saktë.

“Ëndrrat nuk janë vetëm një akt imagjinativ ku personi mendon një simbol dhe e interpreton atë por është mbajtëse e një kulture, prandaj edhe mund të studiohet dhe kuptohet pozita, rolet dhe statuset shoqërore si dhe aktet imagjinative si: loja, ekzistenca, realiteti, jeta dhe vdekja”, theksoi tutje ajo.

Për Blakajn, ky katalog përmban një indeks apo listë të simboleve për të zbuluar diçka në lidhje me shqiptarët dhe përgjatë analizës së saj, siç ka treguar ajo, ka vërejtur se indeksi i përket një jehone antike ku interpretimi i ëndrrave i përngjan edhe kohës së lashtë si p.sh Egjipti, me ç’rast po përsëritet skema e njejtë qysh nga antikiteti.

“Simbolika e ëndrrave në kulturën shqiptare dhe përjetimi i tyre është trajtuar edhe nga Abdonat Kurti ku ai trajton ëndrrat në një mënyrë të shpejtë duke i cilësuar si të pa rëndësishme për tu trajtuar tutje por që puna e tij flet për komunitetin e Dukagjinit në Shqipëri. Kurse Revista Leka, dokumenton një trajtim të gjatë ku portretizohet kozmologjia e shoqërisë shqiptare”, përfundoi Blakaj.

Ndërsa, profesori Arsim Canolli foli rreth rëndësisë së një studimi të tillë ku tregoi për tre aspektet kryesore të këtij libri dhe punës etnografike që është vlerësuar si një hyrje studimore e veçantë që sjell freski në studimet etnologjike dhe antropologjike.

“Është një hyrje studimore që ëndrrat i sjell për herë të parë në interpretim, analizë, shqyrtim, krahasim dhe teori antropologjike. Ky libër pra ka një peshë si studim serioz antropologjik ku puna etnografike në terren ka qenë sfiduese sepse edhe pse ekziston një skemë e vogël pa njohuri të autorit, kjo punë e vërteton skemën në vitin 1937”, potencoi Canolli.

Sipas tij, simbolet në ëndrrat tona në kohërat e hershme janë pak a shumë të njëjta si sot. Prandaj, intervistat, puna në terren, bashkëbisedimet prej Medvegjës në Junik e prej Gjilanit në Istog deri në diasporë, Canolli tregoi të jenë pikërisht këto elementet kyçe në këtë katalog.

“Evidentimi i modelit tradicional të interpretimit të ëndrrave, bartja e modelit tradicional të intergjykimi si një mbijetesë qysh nga antika e deri më sot dhe guximi i autores në kuadër të teorive, janë pesha dhe fuqia e këtij studimi”, përfundoi Canolli.

Po ashtu, bashkë autorja e librit, Bjeshkë Guri shpalosi punën e terrenit të tyre dhe mendimeve të ndryshme të interpretimit të intervistuarve.

“Paslufta e ka sjell një valle të individualizimit pasi që para luftës ka mbizotëruar një mentalitet fisnor ku privatja nuk ka qenë e elaboruar. Puna jonë në terren ka shpalosur rrëfimin e të intervistuarve rreth përshkrimit të simboleve ndaj kohës së kaluar ku ata iu referoheshin si një model i ndodhive të kaluara”, thotë Guri.

Sipas saj, personat deri në moshën 25 vjeçare në kujtesën e tyre e kanë pasur kur gjyshërit e tyre janë referuar modelit tradicional. Prandaj, vegëza linguistike që shërben për të studiuar fenomenologjinë e përvojës së ëndrrave, theksoi ajo tutje se ka të bëjë me faktin që çdo ëndërr fillon me fjalët: ‘kom pa andërr’ ose ‘e pash një andërr’.

“Shumica e simboleve të kafshëve janë negative në një anë duke portretizuar të keqen prandaj na dhuron një përshtypje se ende jemi shumë të ndrojtur me njëri-tjetrin dhe e shpërfaqim këtë model kur bëhet fjalë për kafshët”, përfundoi Guri.

Për dizajnin dhe ilustrimet e kopertinës së këtij libri, kanë punuar Urtina Hoxha dhe Elvira Thaçi.

Kopertina e këtij libri portretizon minjt si model tradicional përfaqësues dhe kuptimin se brengat, humbja dhe e keqja janë trauma dhe konflikte të brendshme por që të cilat kanë një potencial të pa shtershëm dhe njerëzit mund të arrijnë të bëhen më të mirë duke zgjedhur pyetjet e brendshme ekzistenciale. Për autoren pa ‘miun’ brenda nesh, nuk ekziston një përgjigje në jetën tonë. Prandaj, rreth punës së ilustrimit dhe dizajnit foli edhe njëra nga ilustratoret, Urtina Hoxha.

“Së pari e kemi pasur një inspirim nga rikthimi i interpretimit të më të moshuarve për vizatimet dhe ilustrimet që ndodhen brenda. Pastaj, dizajni dhe faqosja është menduar të jetë më klasik që të ketë një ndjenjë të librave të asaj kohe ku prindërit ose gjyshërit tanë janë rritur”, thotë Hoxha.

Sipas saj, kur është filluar të punohet në ilustrime kemi marrë mendime nga njerëzit e tjerë se çfarë mendimi kanë ata rreth ilustrimeve tona ku secili ka pasur mendime të llojllojshme vizuale të interpretimeve. Prandaj, interpretimet e tyre rreth simboleve janë kthyer në realitet përmes këtyre ilustrimeve.

Kështu krejt në fund, ky libër solli një diskutim mbi studimin antropologjik të modelit tradicional të interpretimit të ëndrrave në Kosovë, ku dëgjuesi hyri në botën e brendshme dhe të jashtme të pikëpamjeve që dallonin nga njëra-tjetra por edhe vegëzat e tyre mbesin për po të njëjtën rrënjë; ëndrrën.

Ky projekt është realizuar në kuadër të platformës Heritage Space e cila implementohet nga CHWB Kosova dhe financohet nga Qeveria Suedeze. / KultPlus.com

Biblioteka Kombëtare e Kosovës dhe ajo e Izraelit nënshkruajnë Memorandum Mirëkuptimi

Biblioteka Kombëtare e Kosovës “Pjetër Bogdani” dhe Biblioteka Kombëtare e Izraelit kanë nënshkruar Memorandum Mirëkuptimi, përcjellë KultPlus.

Memorandumi i Mirëkuptimit synon zhvillimin e një partneriteti të bazuar në bashkëpunimin që përfshin fushat shkencore, profesionale, të digjitalizimit dhe të veprimtarive kulturore.

Ky Memorandum do të kontribuojë në një kuptim më të thellë të nevojave të partneritetit, duke përfshirë:

Shkëmbimin e koleksioneve, të botimeve të vendeve përkatëse, shkëmbimin e informacionit bibliografik në dispozicion të tyre dhe që është me interes të përbashkët;

Bashkëpunimin shkencor, përmes të të cilit të dyja bibliotekat do të promovojnë shkëmbimin e informacionit shkencor dhe hulumtimin në fondet e tyre të trashëgimisë;

Shkëmbimin e informacionit bibliografik dhe njohurive teknike-teknologjike, për t’i zhvilluar praktikat profesionale në lidhje me teknologjitë e reja dhe standardet ndërkombëtare, që përbëjnë një mundësi për të zhvilluar shërbime cilësore për studiuesit në kontekstin tonë;

Shkëmbimin e praktikave, ekspertëve dhe profesionistëve nga fusha e digjitalizimit, përfshirë shkëmbimin e materialeve bibliotekare dhe sigurimin e qasjes në burimet digjitale të të dyja institucioneve, në përputhshmëri me  legjislacionin në fuqi për mbrojtjen e të drejtës së autorit dhe të privatësisë. Bibliotekat do të ndërmarrin nisma për projekte të përbashkëta në fushën e digjitalizimit si shkëmbimin e infrastrukturave digjitale me interes të përbashkët shkencor/kulturor.
Po ashtu, Biblioteka Kombëtare e Kosovës dhe Biblioteka Kombëtare e Izraelit do të bashkëpunojnë në fusha të ndryshme, si: organizimin e konferencave, ekspozitave, promovimeve të botimeve të rëndësishme të autorëve dhe/ose studiuesve kosovarë ose izraelitë apo edhe të huaj, aktiviteteve të përbashkëta kulturore/shkencore me karakter kombëtar dhe ndërkombëtar, si dhe promovimin e historisë gojore – të rrëfimeve dhe dëshmive për bashkëjetesën, miqësinë dhe solidaritetin historik midis popullit shqiptar dhe popullit hebre.

Ky memorandum do të avancojë vullnetin për bashkëpunim midis të dyja institucioneve më të larta bibliotekare të të dy shteteve, për të përfaqësuar vlerat e kërkimit në informacion, të bashkëveprimit dhe të bashkërendimit sipas interesit të veçantë, që përfshin promovimin nga të dyja institucionet të kulturës dhe historisë kosovare dhe hebraike, nga perspektiva bashkëkohore dhe historike.

Përfaqësuesit e Bibliotekës Kombëtare të Kosovës dhe të Bibliotekës Kombëtare të Izraelit do të vijojnë tashmë komunikimin për të çuar përpara, nëpërmjet hapave konkretë, bashkëpunimin midis tyre.​ / KultPlus.com

Biblioteka Kombëtare e Kosovës shënon Ditën Botërore të Librit me veprimtari online

Era Berisha

Për të shënuar Ditën Ndërkombëtare të Librit dhe të Drejtës së Autorit, Biblioteka Kombëtare e Kosovës “Pjetër Bogdani” erdhi me një sërë aktivitete, duke përfshirë promovimin e projektit të titulluar “Kujtesa e Kosovës: Tregimi i historive për Bibliotekën Kombëtare të Kosovës” dhe insertimin e video-intervistës për librin shqip të titulluar ‘’Evokim i së kaluarës’’, në hapësirën e Këndit Amerikan, shkruan KultPlus.

Nga kjo ngjarje, si aktivitet i dytë i radhës është promovuar projekti që u prezantua nga Gresa Maliqi, e cila njëkohësisht është menaxhere e projektit ‘’Kujtesa e Kosovës – histori gojore’’, ky promovim erdhi pas veprimtarisë së parë të mbajtur online mbi librin shqip në Bibliotekën Kombëtare të Kosovës.

“Evokim i së kaluarës”, e cila u hap nga fjalët e Drejtorit të BKK-së Fazli Gajraku dhe pasoi me fjalën e rastit të ministrit të Ministrit të Kulturës, Rinisë dhe Sportit Hajrulla Çeku, e që po ashtu u diskutua nga ish-drejtori i BBK-së Mehmet Gërguri, ish-shefi i Departamentit të Koleksioneve të Rralla Nehat Krasniqi, ish-shefi i Departamentit të Katalogimit Muharrem Halili, ish-bibliotekarja referale Zejna Fejzullahu dhe ish-bibliotekarja për zhvillimin e koleksioneve Jehona Halili.

Për të folur më shumë rreth këtij projekti i cili do të nisë rrugëtimin e tij së shpejti, e pranishme në një veprimtari të zhvillua virtualisht ishte vetë Gresa Maliqi.

“Ishte kjo ngjarje tejet e rëndësishme e cila na ka shtyrë ta fillojmë një projekt të ri, i cili do të jetë njëri ndër projektet më të fuqishme qe e ka pasur Biblioteka ku do të dokumentohen, mblidhen, ruhen dhe promovohen kujtimet dhe përjetimet e secilit që i ka kushtuar Bibliotekës një pjesë të madhe të jetës”, tregon Maliqi.

Sipas saj, duke pasur parasysh që personat e lartpërmendur janë dëshmitarë që do të mund të promovonin gjithçka që Biblioteka Kombëtare Kosovës ka kaluar, e të cilët Maliqi i ka falënderuar të gjithë ata që kanë kaluar kohën më të madhe në Bibliotekë, e për çka edhe do të mblidhen e dokumentohen të gjitha rrëfimet në mënyrë që në të ardhmen të jetë e sigurt se gjeneratat e reja do ta dinë me përpikëri se nëpër çka ka kaluar Kosova dhe libri shqip.

Për fund, ajo ka treguar se të gjitha këto rrëfime do të xhirohen e transkriptohen duke gjetur fundin e tyre në një botim për të cilën Maliqi shpreson dhe beson shumë se do të jetë njëri ndër botimet më të rëndësishme e më të vlefshme që ka Biblioteka Kombëtare e Kosovës.

Pas këtij prezantimi, BKK, si aktivitet të tretë dhe njëkohësisht të fundit ka zhvilluar një aktivitet të titulluar: Pasurimi i koleksioneve të bibliotekave të Kosovës”, me donacione nga vetë BKK dhe si përfitues do te jetë Biblioteka e ShFMU “Ibrahim Mazreku” në Malishevë. / KultPlus.com

‘Kujtesa e Kosovës: rambouillet’, ekspozita e retrospektivës në 13 vjetorin e Pavarësisë

Për nder të Pavarësisë së Kosovës, të mërkurën Biblioteka Kombëtare e Kosovës “Pjetër Bodani” hap dyert e saj nëpërmjet një ekspozite, shkruan KultPlus.

“Kujtesa e Kosovës: rambouillet” ekspozon fotografi të pa-publikuara të fotoreporterit Asllan Krasniqi që japin pamjet e ngjarjeve nga Konferenca e Rambujesë dhe e Parisit në vitin 1999.

Nëpërmjet kësa ekspozite që hapet në ora 11:00 më 17 Shkurt, kremtohet 13 vjetori i Pavarësisë së Kosovës. / KultPlus.com

BBK ekspozon veprimtarinë e Fishtës, Dodë Gjergji: Fishta ka shprehur vuajtjet e popullit shqiptar

Xhemile Hysenaj

Biblioteka Kombëtare e Kosovës sot hapi dyert për ekspozitën ‘Për Atmé e fé Gjergj Fishta’, ekspozitë kjo që para adhuruesëve të Fishtës do të shpalosë libra, artikuj e dorëshkrime të papublikuara deri më tani për autorin, shkruan KultPlus.

Ishte Fazli Gajraku, drejtori i Bibliotekës Kombëtare, ai i cili e bëri edhe hapjen zyrtare të kësaj ekspozite. Ai para të pranishmëve deklaroi se është vepra dhe puna e Gjergj Fishtës ajo e cila e pasuron institucionin e Bibliotekës Kombëtare, pasi në këtë bibliotekë ka rreth 20 vepra të rralla të Gjergj Fishtës dhe 120 monografi mbi këtë autor.

‘Interesimi për t’u marrë me këtë figurë të shquar e ka rritur botimin e shumë veprave të ndryshme mbi figurën e Gjergj Fishtës’, potencoi tutje Gajraku.

Gajraku poashtu deklaroi se ajo çfarë kjo bibliotekë po tentojë të arrijë përmes kësaj ekspozite, janë dy objektiva: e para, të ndërtohet koleksioni sa më i madh mbi veprën e Fishtës dhe e dyta të krijohet një katalog i duhur për figurën e këtij të fundit.

Fjalën e mori edhe Zv.Ministri i Kulturës, Engelberd Zefaj, i cili potencoi se Fishta ishte një shembull i qëndrimeve të palëkundura politike, ndër të tjera, ky i fundit ju referua Fishtës edhe si një shëmbëlltyrë e kulturës.

‘Sot në hapjen e kësaj ekspozitë me libra, artikuj e dorëshkrime të dhe për shkrimtarin kombëtar, Gjergj Fishta, me rastin e 80 vjetorit të vdekjes së njërit prej kolosëve më të mëdhenj të historisë, kulturës e të letërsisë shqiptare, si asnjëherë tjetër e kuptojmë vlerën e madhe që ka ruajtja e trashëgimisë së shkruar e të shtypur, trashëgimi kjo e cila na e kthjellon vështirmin që kemi për të kaluar e në të njëjtën kohë vizionin për të ardhmen’, potencoi tutje Zefaj.

I fundit, por jo për nga rëndësia, ishte edhe Imzot Dodë Gjergji, i cili me fjalët më të mira e ngirit lart figurën e Fishtës.

‘Nëse italianët mburren me Danten dhe gjermanët me Gëten, atëherë ne shqiptarët mburremi me Fishtën, sepse Fishta ka qenë pena më e hollë e të gjitha kohërave, që ka ditë të shprehë shpirtin tonë shqiptar, ka ditë të shprehë vuajtjet e popullit tonë dhe ka ditë t’i nxjerrë në pah pasuritë shpirtërore të një populli’, u shpreh Imzot Dodë Gjergji.

Ái poashtu theksoi se sfida e Fishtës dhe e shumë të tjerëve për dhe e atdhe, është britma që nuk do të shuhet kurrë.

Ekspozita ‘Për Atmé e fé Gjergj Fishta’ e cila u realizua nën mbështetjen e Ministrisë së Kulturës, Rinisë dhe Sportit, do të qëndrojë e hapur deri më 11 janar të vitit 2021. / KultPlus.com

Ekspozitë për Gjergj Fishtën nesër në Bibliotekën Kombëtare të Kosovës

Biblioteka Kombëtare e Kosovës do t’i hapë dyert nesër për një ekspozitë krejtësisht të veçantë, shkruan KultPlus.

“Për Atmé e fé Gjergj Fishta” quhet ekspozita e cila do të shpalos libra e artikuj që gjenden në koleksionet e BKK-së dhe dorëshkrime të papublikuara deri më tani për Gjergj Fishtën.

Ekspozita hapet më datë 30 dhjetor, në ora 11:00 dhe do të mbyllet më 11 janar 2021.

Veprimtaria do të mbahet duke respektuar masat mbrojtëse kundër Covid-19. / KultPlus.com

Liridona Bregovina: Kosova ky vend me mentalitet diskriminues, me infrastrukturë përjashtuese

Sot teksa shënohet dita ndërkombëtare e personave me aftësi të veçanta, shumica e institucioneve publike nuk kanë infrastrukturë të duhur për këtë kategori të shoqërisë, shkruan KultPlus.

Pikërisht për këtë ka reaguar edhe Liridona Bregovina, e cila nëpërmjet shpërndarjes së 3 postimeve me fotografi, ka pasqyruar gjendjen diskriminuese për personat me aftësi të veçanta për hyrje në Bibliotekën Kombëtare, studime në Universitetin e Prishtinës, përkatësisht Fakultetin e Shkencave Matematiko-Natyrore.

KultPlus ua sjell të plota reagimet e Bregovinës:

Nese nje person ne karroce, i verber, me distrofi muskulore apo ndonje tjeter aftesi te kufizuar fizike don me hy ne biblioteke kombetare e ka te pamundur. Kosova ky vend me mentalitet diskriminues, me infrastrukture perjashtuese

Nese nje i verber, i cili e perdor shkopin don me kry studime ne UP e ka te pamundur, sepse mungon infrastrukutra(pllakat relievore)

Nese nje student qe perdor karrocen don me i vazhdu studimet ne FSHMN apo ne Fakultetin Filologjik e ka te pamundur.Te pamundur, sepse infrastruktura e perjashton ate. / KultPlus.com

Nesër nënshkruhet memorandumi për rrëfimet e të mbijetuarve të masakrës së Krushës së Madhe

Minstria e Kulturës, Rinisë dhe Sportit bashkë me Bibliotekën Kombëtare të Kosovës do të nënshkruajnë nesër memorandum bashkëpunimi për projektin e rrëfimeve të të mbijetuarve të Krushës së Madhe, shkruan KultPlus.

Duke filluar nga ora 12:00 në ambientet e Bibliotekës Kombëtare të Kosovës do të nënshkruhet memorandumi i bashkëpunimit për mbështetje financiare të projektit “Kujtesa e Kosovës: Rrëfimet e të mbijetuarve të masakrës së Krushës së Madhe”.
I pranishëm do të jetë edhe kryeministri i vendit, Avdullah Hoti. / KultPlus.com

Biblioteka Kombëtare e Kosovës themelon programin zyrtar kombëtar të arsimimit bibliotekar

Për herë të parë në historinë e zhvillimit bibliotekar në Republikën e Kosovës, falë ndihmesës dhe përkrahjes që Ambasada Amerikane në Kosovë i ka dhënë Bibliotekës Kombëtare të Kosovës, do të implementohet projekti “Biblioteka në shërbim të komunitetit: Themelimi i një programi kombëtar në fushën e arsimimit bibliotekar dhe kulturor”.

Ekspertë amerikanë të fushës së bibliotekarisë dhe shkencave të informacionit do të punojnë gjatë një viti për të ndihmuar bibliotekarët dhe specialistët e informacionit në Kosovë për të themeluar një program kombëtar në fushën e arsimimit bibliotekar dhe kulturor, si një komponent i rëndësishëm i programit mësimor profesional për biblioteka.

Ky program, që duhet të lidhet me seminare dhe kurse trajnimi në nivel kombëtar, do të ndihmojë bibliotekarët dhe specialistët e informacionit në dijet teorike dhe praktike, për të ruajtur kompetencat dhe për të mbajtur në dijeni për çështjet e zhvillimit dhe avancimit të dijeve bibliotekare dhe shkencave të informacionit.

Nisma për hartimin e një programi kombëtar të aftësimit bibliotekar ka filluar në vitin 2018, në kuadër të Javës së Bibliotekës në Kosovë – me temën: “Arsimimi dhe trajnimi bibliotekar”, në të cilën veprimtari ishte i angazhuar edhe dr. Robert Montoya, profesor i Shkencës së Bibliotekarisë dhe Informacionit, i cili, më pas, nëpërmjet programit Fulbright ka punuar edhe për zhvillim të plan-programit për arsimim bibliotekar që do t’i shërbente themelimit të programit studimor të studimeve bachelor në kuadër të Universitetit të Prishtinës.

Arritjet e këtij projekti do të jenë hartimi dhe vënia në zbatim e programit të trajnimit bibliotekar që del nga struktura administrative e Bibliotekës Kombëtare të Kosovës. Pra, Biblioteka Kombëtare e Kosovës, pas realizimit të këtij projekti, përkatësisht themelimit të këtij programi, merr zotimin për përgjegjësitë që i përkasin edhe me Ligjin për bibliotekat, për akreditimin dhe më pas implementimin e programit kombëtar të trajnimit dhe aftësimit profesional të vazhdueshëm, duke organizuar edhe provimin profesional për punëtorët bibliotekarë.

Kjo do të mundësojë që Biblioteka Kombëtare e Kosovës të jetë, gjithashtu, qendër metodike për zbatimin e standardeve dhe të rekomandimeve të institucioneve dhe asociacioneve përkatëse ndërkombëtare në veprimtarinë bibliotekare dhe të informacionit bibliotekar.

Në Kosovë deri më tash nuk ka ekzistuar një infrastrukturë e duhur arsimore dhe trajnuese për të mbështetur shërbimet kryesore të ofruara nga bibliotekat. Si përgjigje ndaj këtij problemi, bibliotekat e Kosovës, të cilat mbështesin komunitetin e përdoruesve e të hulumtuesve të tyre, do të kenë mundësinë të përgatisin një kuadër profesional nëpërmjet një modeli të zbatueshëm dhe të qëndrueshëm të trajnimit bibliotekar që mund të zhvillojë dhe përmirësojë, sipas standardeve të njohura bibliotekare, shërbimet e bibliotekave për qytetarët e Kosovës.

Biblioteka Kombëtare e Kosovës synon që ky projekt të ketë ndikim afatgjatë në arritjen arsimore dhe aftësimin e bibliotekarëve të Kosovës.

Biblioteka Kombëtare e Kosovës, përmes këtij projekti, synon krijimin e bazës së përhershme për një program trajnimi të përvitshëm, të qëndrueshëm, të destinuar t’u ofrojë bibliotekarëve të Kosovës aftësi profesionale në përputhje me standardet ndërkombëtare të të nxënit dhe të arritjeve, siç artikulohen nga Federata Ndërkombëtare e Shoqatave dhe Institucioneve të Bibliotekave (IFLA) dhe Shoqata e Bibliotekave Amerikane (ALA), të cilat përmbajnë udhëzimet kryesore për edukimin dhe trajnimin e vazhdueshëm për profesionistët e bibliotekave.

Vlera e këtij projekti, i cili financohet nga Ambasada Amerikanë në Kosovë, është mbi 40 mijë euro.

Projekti do të realizohet me ekspertët amerikanë: Dr. Robert Montoya, Dr. Sean Pessin dhe Dr. Gregory Leazer – profesorë në Universitetin e Kalifornisë në Los Anxheles, ShBA. / KultPlus.com

Biblioteka Kombëtare dhe 99 kupolat e saj karakteristike (FOTO)

Ndërtesa e Bibliotekës Popullore Universitare (sic quhej në atë kohë) filloi të ndërtohet në vitin 1975, dhe u hap plotësisht për lexues në vitin 1981. Ajo kishte një hapësirë prej 16,500m2, dhe do të njihej nga 99 kupolat e saj karakteristike.

Biblioteka Kombëtare është institucioni me i madh biblotekar i Kosovës i themeluar nga Asambleja e lokalizuar në Prishtina. Misioni i bibliotekës është për të përmbledh, të ruaj, të promovoj dhe ta bëjë të arritshëm trashëgiminë dokumentare dhe intelektuale të Kosovës. Përmban ekspozita dhe mban një arkiv me gazeta kombëtare.

Njihet për historinë e saj unike dhe stili i ndërtesës është i dizajnuar nga arkitekti Kroat Andrija Mutnjaković, por me polemika për pamjen e jashtme te saj.

Këshilli Udhëheqës i Bibliotekës Universitare të Kosovës:

Presidente: Sheherzade Shkrelji,
Anetar: Bozika Zdravkovic, Aferdita Raifi, Bujar Shehu, Idriz Mehmeti, Avdi Zeka, Jorgovanka Popovic, Lavdrie Domi, Milena Milentijevic, Saide Ahmetaj, Stojana Pavlicic, Remzije Bimbashi, Shyqeri Haliti,
Anëtar të jashtem: Prof. dr Mazllum Hasimija, Dr. doc. Dusan Kosanovic, Igjlale Mehmeti, Tahir Berisha, Violeta Peshku, Nazmi Rahmani, Svetomir Arsic, Hajredin Gashi, Hamdi Shala, Hamit Hamiti.

Foto: Fotografi e dokumente të vjetra/historike / KultPlus.com

Gajraku rizgjedhet drejtor i Bibliotekës Kombëtare edhe për një mandat

Biblioteka Kombëtare e Kosovës “Pjetër Bogdani” do ta ketë përsëri drejtor Fazli Gajrakun, shkruan KultPlus.

Ai është rizgjedhur në këtë detyrë edhe për një mandat të ri.

Gajraku ishte në krye të këtij posti për 4 vjet, ndërsa në konkursin që është mbajtur arriti t’i mposhtë kandidatët tjerë, për ta vazhduar detyrën e drejtorit edhe për një mandat. /KultPlus.com

Sot në 75 vjetorin e themelimit të Bibliotekës Kombëtare, lexoni disa fakte rreth saj

Biblioteka Kombëtare sot shënon 75 vjetorin e themelimit të saj, duke qenë kështu institucioni më i madh dhe më i rëndësishëm bibliotekar i Kosovës, shkruan KultPlus.

Kjo bibliotekë është themeluar në vitin 1944 nga Ansambleja e lokalizuar në Prishtinë, me një mision që përfshinte dhe vazhdon të përshfijë përmbledhjen dhe ruajtjen e trashëgimisë dokumentare dhe intelektuale të Kosovës.

Në vijim mund të lexoni disa fakte jo shumë të njohura rreth Bibliotekës Kombëtare të Kosovës.

-Kjo bibliotekë njihet për stilin e saj të veçantë, që herë ka hyrë në listën e objekteve të shëmtuara e herë në ato më të veçanta.

-Biblioteka edhe pse me lokacion në Kosovë, është dizajnuar nga arkitekti kroat, Andrija Mutnjaković.

-Biblioteka Kombëtare është themeluar nga Kuvendi i Kosovës dhe koleksionet e saj janë një thesar i i çmuar të trashëgimisë kombëtare, rajonale dhe asaj botërore.

-Selia e Bibliotekës Kombëtare dikur ka qenë në Prizren.

-Për shkak të rrethanave historike dhe politike nëpër të cilat ka kaluar Kosova, Biblioteka Kombëtare dhe Universitare e Kosovës, ka kryer funksionin nën praktikat dhe shtrëngesat e sistemit ideologjik e politik, duke u njohur me emra të ndryshëm, si: Biblioteka Krahinore, kur është themeluar më 1944 deri më 1952, Qendra Bibliotekare e KAKM-së (1956-1961), Biblioteka Popullore Krahinore (1961-1970), Biblioteka Popullore dhe Universitare e Kosovës e Metohisë (1990 – 1999).

-Nga viti 1999, ky institucion qendror bibliotekar i Kosovës njihet me emrin: Biblioteka Kombëtare dhe Universitare e Kosovës, duke kryer funksionin si qendër e informacionit bibliotekar në nivel kombëtar, që mbledh, përpunon dhe ruan materialet bibliotekare me vlerë dokumentare për kulturën, artin dhe shkencën.

-Biblioteka Kombëtare dhe Universitare e Kosovës në Prishtinë, Kosovë është gjithashtu edhe një monument i trashëgimisë kulturore. Ky monument është i kategorisë “Arkitekturor”, i miratuar me numër 3639.

-E ndërtuar në vitin 1974 dhe e dizajnuar nga arkitekti kroat Andrija Mutnjakovic, biblioteka si tërësi arkitekturore paraqet një kombinim të kubeve dhe kupolave dhe i takon tipit të arkitekturës të “regjionalizmit të ri”.

-Biblioteka gjithsej ka dy amfiteatro, një me 150 + 40 ulëse dhe një me 75 ulëse. / KultPlus.com