Etiketë: Hasi jehon

“Hasi Jehon” një aset i mbrojtur shtetëror

Posted on by Kult Plus

Festivali folklorik “Hasi Jehon” është listuar si aset i mbrojtur në kategorinë e trashëgimisë kulturore e shpirtërore. Në vendimin e ministrit të Kulturës, Rinisë dhe Sportit,  Hajrulla Çeku, thuhet se festivali “Hasi Jehon”, është institucion unik i ruajtjes, prezantimit, bartjes dhe promovimit të vlerave të trashëgimisë kulturore shpirtërore të shqiptarëve.

“Festivali shërben si një shkollë edukative për ruajtjen, bartjen e promovimin e trashëgimisë kulturore e shpirtërore të gjeneratave të reja”, thuhet në vendim.

Organizatorëve të festivalit vendimin ia dorëzoi, Vjollca Aliu, drejtoreshë e Departamentit të Trashëgimisë Kulturore, në natën e tretë të edicionit të 33-të të festivalit “Hasi Jehon”.

Drejtori i festivalit “Hasi Jehon”, Haziz Hodaj, shprehu kënaqësinë për këtë arritje të festivalit, të cilin ai ka organizuar dhe drejtuar për shumë vjet. Këtë arritje ai ua dedikoi themeluesve dhe të gjithë kontribuesve që prej themelimit të SHKA “Malësori”, që është nikoqire e festivalit, tha Hodaj. Ai tha se festivali do të shërbejë si një qendër edukative, ku do të edukohen të rinjtë për të bartur në brezan trashëgiminë kulturore e shpirtërore shqiptare.

Festivali folklorik “Hasi Jehon” është themeluar më 1976 nga Shoqëria Kulturore Artistike “Malësori” dhe të rinjtë e fshatit Gjonaj, të Prizrenit. Në dy dekadat e fundit festivali është zgjeruar me aktivitete të shumta dhe ka marrë karakter kombëtar, ku marrin pjesë shumë grupe artistike nga të gjitha viset shqiptare.

“Hasi Jehon” ruan dhe kultivon:paraqitjet burimore dhe koreografi profesionale, vallet autentike, burimore shqiptare, këngë popullore e folklorike, kostume e veshje tradicionale të të gjitha trevave shqiptare, lojëra popullore, ritet e ceremonitë tradicionale, instrumentet muzikore, etj. /rtklive /KultPlus.com

Sonte fillon edicioni i 33- të i festivalit “Hasi Jehon”

Posted on by Kult Plus

Në Gjonaj të Hasit sonte fillon Festivali tradicional folklorik “Hasi Jehon”.

Drejtori i festivalit, Haziz Hodaj, thotë se janë bërë të gjitha përgatitjet e duhura për mbarëvajtje sa më të suksesshme të edicionit të 33-të të këtij festivali. Ai ndjehet i lumtur që pas periudhës dy vjeçare, si pasojë e pandemisë, “Hasi Jehon” po rikthehet në shtratin e tij në Kodrën e Pajtimit.

Sipas tij, interesimi i grupeve artistike për të marrë pjesë në festival ka qenë tejet i lartë, ndërsa njofton se nga ky edicion, është vendosur një rregullore re dhe grupeve pjesëmarrëse iu është kërkuar që programin e tyre t’ia përshtatin kritereve të reja të ruajtjes së trashëgimisë shpirtërore të festivalit, pasi Festivali është në proces të pranimit nga Ministria e Kulturës që të jetë si aset në mbrojtje të përhershme.

Në edicionin e radhës së festivalit ” Hasi jehon”, do të marrin pjesë 16 grupe artistike nga hapësirat mbarëshqiptare, ndërsa tradicionalisht festivali hapet nga nikoqiri SHKA “Malësori” nga Gjonaj.

Festivali  Folklorik  “Hasi Jehon 2022 ”

Programi:Dita e parë ( 5 maj 2022 , ora 18.00 hapja e ekspozites se bukes)

1.     SHKA  “ Malësori “ – Gjonaj

2.     SHKA  “Çeta e Profetëve” –  Krumë

3.     Kengetaret: Hamit Kastrati dhe Klevi Gaxha

4.     Emin Sallahu – Melodi me Okarinë

5.     AKV   “ Deçani ”  –  Deçan

6.     Kengetarja:  Blerina Dibra

7.     AEK   “ Katarina Josipi ” – Zym

Dita e dytë ( 6 maj 2022 ora 18 e 30 min )

1.     SHKA “ Bajram Curri ” – Prishtinë

2.     SHKA “ Kastriotët ” – Ferizaj

3.     SHKA “ Rapsha” – Tuz

4.     SHKA  “ Zëri i Kosovës ” – Fushë Kosovë

5.     SHKA  “ Minatori i Ri ” – Kizhnicë

6.     SHKA  “ Kemajl Aziz i” – Viti  

 Dita e tretë  ( 7 maj 2022 ora 18 e 30 min )

1.     SHKA  “ Bajram  Curri “ – Krushë e Madhe

2.     SHKA  “ Bresana” – Bresanë

3.     Rapsodi: Jeton Fetahu

4.     Ansmabli  “ Besa “ –  Kavajë

5.     SHKA “ Shqiponja “ – Shkup

6.     AFA  “ Rugova ” – Pejë

7.     SHKA  “ Malësori ” –  Gjonaj. / KultPlus.com

Përfundon festivali ‘Hasi Jehon’

Posted on by Kult Plus

Ansambli “Çeta e Profetëve” nga Kruma e Hasit të Shqipërisë fituese e edicionit të 32 te Festivalit “Hasi Jehon”.

Me ndarjen e çmimeve ka përfunduar mbrëmë nata e tretë, nata finale e edicionit të 32 të Festivalit “Hasi Jehon”. Juria e përbërë nga Sami Piraj (kryetar i Jurisë), Asim Canolli, Hysen Dida, Dilaver Kryeziu  dhe Muhamet Lushaj ka bërë ndarjen çmimeve tradicionale të Festivalit. Samir Piraj, kryetar i Komisionit tha në fjalën e tij se “Festivali ka arritur që të trajtojë probleme më esenciale të vlerave të trashëgimisë shpirtërore dhe asaj muzikore”.

“ Edhe ky edicion është spikatë me shumë karakteristika që e shenjëzojnë si një ngjarje të shënuar kulturore. Natyrisht, e ka pas shumë vështirë të qëndroj në ballë të problemeve të cilat janë praktikisht të pranishme në jetën tonë siç është Covid 19 dhe problemet tjera. Megjithatë ka shumë karakteristika që e shenjëzojnë si Festivalin unikat tash për tash në Kosovë dhe ky eveniment, kjo ngajrje kulturore shpresoj që të jetë pjesë e ruajtjes insttitucionale të trashëgimisë shpirtërore dhe materiale. E them për shumë arsye dhe njëra ndër to është organizimi kaq dinjitoz i Ansamblit “Malësori” si gjenerator faktikisht realizues i këtij Festivali në krye me kryetarin Haziz Hodaj” tha Sami Piraj.

Ai në vazhdim i shpalosi çmimet.

Çmimin “Malësori” e fitoi Ansambli “Çeta e Profetëve” nga Kruma e Hasit

Çmimi “Malësorja” iu nda për Ansamblin “Deçani” nga Deçani

Çmimi “Lahuta” iu nda Ansamblit “Bresana” nga Bresana

Çmimi “Nazmije Totaj” iu nda këngëtares  Mamure Belaj nga Kaçaniku

Ritali më objektiv Ansambli “Bresana” nga Bresana

Grupi më i dalluar i rapsodëve nga “Hajvalia”  nga Hajvalia

Kostumet autoktone “Deçani” nga Deçani

Koreografia më e mirë Ansambli “Bajram Curri” Prishtinë

Grupi më i mirë i vallltarëve “Anamorava” Viti

Dyshja më e mirë e valltarëve dyshja e Ansamblit “Deçani” nga Deçani

Vallatarja më e mirë Rilindë Gjonbalaj “Vuthaj” Mal i Zi

Valltari më i mirë Fahri Musa nga Ansambli “Anamorava” Viti

Rapsodi më i dalluar Përparim Brati nga Kruma

Orkestra më e dalluar “Bajram Curri” Prishtinë

Instrumentisti i dalluar I takon Muharrem Dibrës nga Kruma e Shqipërisë./KultPlus.com

Festivalit ‘Hasi Jehon’ propozohet që të marrë statusin e asetit në Mbrojtje të Përhershme

Posted on by Kult Plus

Mbrëmë në Shtëpinë e Kulturës “Reshat Çoçaj” ka nisur edicioni i 32 e Festivalit “Hasi Jehon” me jehonën e lajmit që Festivali “Hasi Jehon” do ta merr statusin e asetit në Mbrojtje të Përhershme. Edhe edicioni i 32 ka nisur me ekspozitën e Prodhimeve të bukës të përgatitura në shtëpi nga gratë hasjane ose në furra modërne duke e bërë një lidhshmëri mes të vjetrës dhe modernes.

Haziz Hodaj drejtor i Festivalit tha se është bërë traditë hapja e ekspozitës së prodhimit të bukës

“Para se të nis proframi festiv e Festivalit “Hasi Jehon” traditë tanimë është edhe hapja e ekspozitës së prodhimit të bukës, me të cilën Hasi ka mbijetu nëpër shkeuj, ka ekzistu nëpër shekuj dhe i ka mbijetu shumë sfidave, pra buka është simboli jonë….edhe bujarisë, edhe i fisnikrisë edhe i mbijetesës, kështu që këto dhejtë vitet e fundit e kemi pa obligim që këtij evenimenti t’ia bashkëngjesim edhe këtë pjesë të festës” tha Haziz Hodaj.

Më tej ai tha se në “në kushte të zakonshme ne e kemi bërë edhe demonstrimin e gatimit në ambiente të Festivalit. Gra hasjane kanë gatuar në magje, kanë pjekë pite këtu, kanë pjekë flija, por tani jemi në kushte pak më të rënda dhe këto gatime, shumica janë gatime të shpisë, që i kanë bërë gratë tona, por edhe furrat për ta bërë një lidhshmëri në mes të të vjetrës dhe modernes”.

“E vlerësoj prezencën e juaj në këto kushte të rënda, pak specifike. Pran meje e kam drejtorin e Qendrës Rajonale të Mbrojtjes së Trashëgimisë, Samir Hoxha, i cili është iniciator që Festivali “Hasi Jehon” ka kapërcy në Komisionin Departamentit të Trashëgimisë të Ministrisë së Kulturës për të hy në mbrojtje të shtetit. Po e presim një vendim final, vetëm nga Komisioni Paralamentar dhe realisht pas kësaj Festivali “Hasi Jehon” do të jetë një pasuri shtetnore e jona, e cila do ta ketë përkujdessjen shtetërore.

Unë besoj që e kemi meritu një status të tillë sepse Festivali “Hasi Jehon” tashmë është njëri ndër Festivalet më të vjetra, sepse mosha e tij është 45 vjet, këtë vit, ndërsa është edicioni i 32” tha Haziz Hodaj.

“Sigurisht se jam shumë i lumtur me statusin që po na ipet sepse ne e kemi pas obligim që kemi punu me vite, që të ua bartim gjeneratave të reja një status më të sigurt për Festivalin Hasi Jehon. Jemi mundur që duke filluar prej kësaj sofre këtu edhe në skenë t’i plasojmë vlerat tona të trashëgimisë shpirtësore sepse kjo është alfa dhe omega e Festivalit “Hasi Jehon”.Pas marrjes së këtij statusi do të jemi edhe më të obligueshëm që këto vlera edhe t’I hulutmojmë, edhe t’I kultivojmë, por ti plasojmë edhe në skenë për t’ua bartë” tha Haziz Hodaj.

Skënder Zogaj: Hasi e ka njohur që në lashtësi shejtninë e bukës prandaj një sofër që jep bukë jep gjithëçka

Skender Zogaj, poet dhe publicist (ish kryetar e Komunës se Fushë Kosovës) tha se sot ka ardhur këtu “nga dëshira e thellë e një dëshmitari të hershëm, që në këto treva është luftu me shpirtin e njerëzve sepse 50 vjet më parë edhe qendrat më të mëdha të Kosovës ishte vështirë të thuhet një fjalë e mirë, të thuhet një këngë, të thuhet një varg etj. Hasi i njohur për thatësinë i ka ushqy së paku nja shtatë shtete të Rajonit tonë sepse kanë qenë mjeshtrit kryesor dhe është shumë e bukur dhe shumë simbolike sepse shejtnia ka të bëjë me bukë dhe Hasi e ka njohur që në lashtësi shejtninë e bukës prandaj një sofër që jep bukë jep gjithëçka”.

Unë sinqerisht nga zemra i uroj këta njerëz sepse këta kanë ditë me qëndru dhe konsidreoj së patriotizmi kryesor i njerëzve në këtë botën tonë është puna që nis nga buka dhe përfundon te kënga. Hasi është i njohur dhe jo që është Hasi I Prizrenit por unë mendoj që Hasi me punën e vetë është duke ndërruar këtë rend sepse jam I bindur që shumë shpejt Prizreni ka me thënë Prizreni i Hasit. Dhe unë uroj që Prizreni të jetë i Hasit.

Samir Hoxha drejtor i QRTK-së: Festivali “Hasi Jehon” propozohet që të merr statusin e asetit në Mbrojtje të Përhershme

Samir Hoxha drejtor i QRTK-së tha se për të është nder dhe kënaqësi e veçantë që sot në këtë edicion të 32 të Festivalit “Hasi Jehon” .

“Të jem pjesëmarrës sikurse edhe herave të tjera që e kemi ndjek nga afër në funksione dhe pozicione të tjera dhe Hazizi po na e lenë meritat neve, po na e kemi kry detyrat dhe përgjegjësit në përputhje me mandatin që e kemi si Institucion bartës i Ministrisë së Kulturës. Kontributi dhe merita kryesore i takon banorëve të Hasit, i takon Hazizit dhe bashkëpunëtorëve të tij, të cilët e mbajtën Festivalin edhe në rethana okupimi dhe pas luftës tha Samir Hoxha dhe shtoi… “Prozpozimi i QRTK-së për ti dhënë statusin e mbrojtur ligjor këtij Festivali në kategorinë shpirtërore… besoj fuqishëm që brenda këtij viti deri në vitin e ri do të formalizohet nga ana e Institucioneve, në këtë rast nga Këshilli I Kosovës për Tashëgimi dhe pastaj do të aprovohet edhe nga ministri dhe jam i bindun që nga viti i ardhshëm, përkujdesi shtetnor përveç atij komunal do të jetë me i shtuar. Do te jëtë obligim shtetnor përkujdesja e duhur dhe të merituar për këtë Festival”.

Hasi Jehon është njëra ndër ngajrjet më të rëndësishme, më të konsoliduara dhe më të vjetra në Kosovë

Pas “Ekspozitës së bukës”, në skenën e Festivalit “Hasi Jehon” Haziz Hodaj ka thënë se është i emocianuar edhe i gëzuar edhe krenar.

“Hasi Jehon është njëra ndër ngajrjet më të rëndësishme, më të konsoliduara dhe më të vjetra në Kosovë, në të cilën kultivohetet, ruhet, hulmutohet dhe plasohet në skenë vlera e trashëgimisë sonë shpirtërore. Malësori vjen me një program ekskluziv duke ia dediku kësaj trashëgimie, historisë sonë, trashëgimisë sonë për të cilën jemi shumë krenarë” tha Haziz Hodaj.

Na vazhdim më “Dasmën hasjane” është paraqitur mikpritësi, ShKA “Malësori”, ndwrsa pas saj janë paraqitur Ansambli “Çeta e Profetëve” nga Kruma e Hasit. Grupi Polifonik “Shpati”, SHKA “Bresana” nga Bresana dhe këngëtari Masar Sinani. /KultPlus.com

SHKA “Bajram Curri” fitoi çmimin e parë në “Hasi Jehon 2020”

Posted on by Kult Plus

Festivali i cili ndër vite ka ruajtur dhe promovuar folklorin burimor shënoi edicionin e 31-të të organizimit, shkruan KultPlus.

I nisur në vitin e largët 1975, si festival i shoqërive kulturo artistike të Rajonit të Hasit dhe i quajtur dasma hasjane, sot festivali “Hasi Jehon” është shndërruar në dasmë gjithëshqiptare. Këtë e dëshmoi edhe një herë organizimi në kushte të vështira pandemike, ku fshati Gjonaj mirëpriti 12 konkurrentë.

“Hasi Jehon 2020” kësaj radhe u organizua nën mungesën e publikut, mirëpo me mesazhin e ruajtjes së vlerave dhe traditës shqiptare.

Ashtu siç e do natyra garuese e këtij Festivali, u ndanë edhe çmime përgjatë edicionit të 31-të.

Me çmimin e parë “Malësori” u vlerësua Shtëpia Kulturo-Artistike “Bajram Curri” nga Prishtina.

Drejtori i Festivalit, Haziz Hodaj, ndau çmimin “Jehonë hasjane e kulturës” dhe disa mirënjohje, në 45 vjetorin e themelimit të Shtëpia Kulturo-Artistike “Malësori”, për disa personalitete që kanë dhënë kontribut të veçantë për “Malësorin”, dhe për festivalin “Hasi Jehon”.

Përderisa u përmbyll edicioni i 31-të, u kumtua që edicioni i radhës do t’i hap dyert e Hasit për konkurentët më 2, 3 dhe 4 maj, sipas datave tradicionale të organizimit në kushte normale. / KultPlus.com

Në Gjonaj sot nis festivali “Hasi Jehon”

Posted on by Kult Plus

Në Gjonaj të Hasit sot nis edicioni i 29-të e festivalit folklorik “Hasi jehon 2018”.

Në orën 18, në Kodrën e Pajtimit në Gjonaj të Hasit me ekspozitën e prodhimeve të bukës, zeje kjo më të cilën hasjanët janë të njohur jo vetëm në Kosovë, nis edicioni i 29-të i festivalit “Hasi jehon” 2018.

Në natën e parë paraqiten 7 ansamble, ndërsa, siç është traditë, festivalin e hap Shoqëria kulturo artistike mikpritëse “Malësori”.

Haziz Hodaj drejtor i festivalit njofton se çdo gjë është e gatshme që të nisë dasma e madhe hasjane.

“E veçanta e natës së parë të festivalit dhe e edicionit të 29-të është se Këshilli Organizativ i festivalit, për vepër jetësore në ruajtjen e traditës së folklorit burimor do ta nderojë me mirënjohje instrumentistin emblematik, me prejardhje nga Hasi, Shaqir Hotin” njfoton Hodaj.

Shaqir Hoti në natën e parë para publikut, që në festivalin “Hasi jehon” tradicionalisht është me numër të madh, do të performojë me instrumentet e tij.

Për tri net në Gjonaj të Hasit, përveç mikpritësit ShKA “Malësori”, me programet e tyre të ruajtjes së traditës nga mjediset që vijnë do të paraqiten 12 shoqëri kulturo artistike nga Kosova, Shqipëria, Maqedonia dhe pjesa shqiptare e Malit të Zi.

Në natën e parë përveç ShKA “Malësori” do të paraqitet: Pallati i Kulturës “Pjetër Bogdani” nga Kruma e Hasit të Shqipërisë, ShKA “ Bajram Curri” nga Krushë e madhe, ShKA “Zëri i LLapushës” nga Carralluka e Malishevës, ShKA “Jonuz Ramadani” nga Vitia, ShKA “Bajram Shabani” nga Kumanova, ndërsa mbrëmjen e parë do ta mbyll AAF “Rugova” nga Peja.

Edhe këtë vit për ansamblet më të dalluara do të ndahen çmimet tradicionale: Malësori (çmimi i parë), Malësorja (çmimi i dytë), Lahuta (çmimi i tretë), dhe çmimi për këngëtaren më të mirë që e mban emrin e këngëtares hasjane Nazmije Hoxha, Me mirënjohje për vepër jetësore këtë vit do të nderohet Shaqir Hoti, ndërsa do të ndahen çmimet për koreografinë më të mirë, për rapsodin më të mirë, valltarin më të dalluar, valltaren më të dalluar, ritualin, instrumentistin më të dalluar dhe çmime të tjera tradicionale./ KultPlus.com

Në fillim të majit vjen Festivali folklorik ‘Hasi jehon’

Posted on by KultPlus

Me 3,4 dhe 5 maj mbahet edicioni i 29 i Festivalit folklorik “Hasi jehon”

Për 29 vjet me radhë fillim maji, në Gjonaj të Hasit, i mbledh organizmat folklorik të gjithë gjeografisë shqiptare, në festivalin “Hasi jehon”, për ta shndërruar këtë eveniment kulturor, në këto 29 vjet, njërin ndër festivalet me fanatikë në ruajtjen dhe kultivimin traditës shqiptare.

Një fragment i përditshmërisë së lashtësisë, dasma, festa, por edhe fragmentet e betejave të kapërcimit të shekujve vijnë në festivalin Hasi jehon, si këngë, si valle, si trashëgimi, të cilin e ruajmë ndër gjenerata si mision të shenjtë.

Edhe këtë vit me 3, 4 dhe 5 maj në Gjonaj të Hasit mbahet festivali “Hasi jehon”, edicioni i 29. Organizmat që kultivojnë folklorin burimor nga e gjithë gjeografia shqiptare edhe në këtë edicion, do të jenë pjesë e dasmës së madhe hasjane.

Haziz Hodaj, drejtor i festivalit “Hasi jehon” njofton se janë përzgjedhur Shoqëritë kulturo artistike nga e gjithë hapësira shqiptare.

“Janë seleksionuar dhe përzgjedhur ShKA-të grupet artistike dhe rapsodët nga gjithë hapësira shqiptare: nga Maqedina, pjesa shqiptare e Malit të zi, Shqipëria dhe sigurisht dominojnë grupet nga Kosova”, njofton Hodaj.

Organizatori i festivalit ShKA “Malësori” ka bërë të gjitha përgatitjet dhe çdo gjë është e gatshme për fillimin e festivalit.

“Është bërë gati programi, renditja e paraqitjes së organizmave pjesëmarrës, ndërsa siç është traditë e festivalit, hapjen dhe mbylljen e festivalit e bënë mikpritësi ShKA “Malësori”

Festivalit i prinë ekspozita e prodhimeve të bukës, kësaj zejeje, me të cilën hasjanë dallohen dhe veçohen jo vetëm në Kosovë, por edhe në shumë shtete.

E veçanta e festivalit Hasi jehon, përveç pjesëmarrjes së Shoqërive Kulturore Artistike, është numri i madh vizitorëve, në Kodrën e pajtimit, për tri ditë sa zgjatë festivali.

PROGRAMI I EDICIONIT TË 29 TË FESTIVALIT “HASI JEHON”

Dita e parë me 3 maj. Në orën 18 hapja solemne. Programet fillojnë në orën 18 e 30

1. ShKA “Malësori” – Gjonaj (hapja solemne)

2. Pallati I Kulturës “Pjetër Bogdani” – Krumë (Has)

3. ShKA “ Bajram Curri”- Krushë e madhe

4. ShKA “Zëri i LLapushës” – Carrallukë (Malishevë)

5. ShKA “Jonuz Ramadani” – Viti

6. ShKA “Bajram Shabani” – Kumanovë

7. AAF “Rugova” – Pejë

Dita e dytë, 4 maj. Programi fillon në orën 18 e 30

1. “ ShKA “Zëri i Kosovës” – Fushë Kosovë

2. ShKA “Hajvalia” – Hajvali

3. Shka “Bilal Golemi” – Gjirokastër

4. ShKA “Tingujt e vendlindjes” – Stagovë ( Kaqanik)

5. ShKA “Anadrini” – Dejn (Rahovec)

6. ShKA “Shote Galica” – Drenas

7. Ansambli “Shqiponja” – Shkup

Dita e tretë, 5 maj. Programi fillon në orën 18 e 30

1. ShKA “Muharrem e Xhevat Qena” – Ramajë

2. ShKA “Rapsha” – Drumë (Tuz)

3. ShKA “Bresana” – Bresanë

4. ShKA “Lahuta e Malcisë” – Gjilan

5. AF “Mati” – Burel (Mat)

6. ShKA “Malësori” – Gjonaj (përmbyllje e festivalit)