Katedralja “Notre-Dame” do restaurohet sipas konceptit të shekullit ’19

Presidenti francez ka vënë traditën dhe nuk ka rënë pre e modernizmit për restaurimin e katedrales “Notre-Dame” në Paris. Vepra monumentale e katolikëve, siç transmeton oranews, pritet të nisë rindërtimin vitin e ardhshëm pas zjarrit që e shkrumboi pjesërisht prillin e vitit e kaluar.

Katedralja e njohur franceze, “Notre-Dame e Parisit”, do të rikonstruktohet siç ka qenë para se të digjej pjesërisht nga zjarri i vitit të kaluar.

Një komision arkitektësh, mbrojtës të trashëgimisë kulturore dhe vetë presidenti Emanuel Macron vendosën se godina simbol e kryeqytetit të Francës duhet restauruar me idetë origjinale të shekujve të mëparshëm, dhe të mos i nënshtrohet modernizmit.

Flakët aksidentale të 15 prillit 2019 shkrumbuan çatinë dhe rrëzuan majën spirale të katedrales duke përshkuar deri në brendësinë e ndërtesës.

Disa prej sendeve më të çmuara fetare dhe artistike u arrit të shpëtohen para se zjarri të përhapej.

Për monumentin 850-vjeçar, kreu i shtetit kishte sugjeruar muaj më parë që çatia dhe spiralja mund të rindërtohen me alternativa më bashkëkohore.

Kjo shtyu arkitektë nga e gjithë bota të propozojnë projekte të veçanta dhe të pazakonshme, mes tyre plane për mbulimin e tërë çatisë me pishinë apo me hapësirë të gjelbër.

Të enjten, komisioni i posaçëm u shpreh se kryevepra gotike e kryeqytetit por edhe spiralja e saj duhet të restaurohen duke respektuar tërësinë, koherencën, harmoninë dhe traditën.

Procesi i rindërtimit pritet të nisë vetëm vitin e ardhshëm dhe presidenti Macron ka vënë si objektiv vitin 2024 për realizimin e tij, që të përkojë me mbajtjen e Lojërave Olimpike.

“Notre-Dame e Parisit” është kisha kryesore e kryeqytetit francez dhe më e njohura në mbarë botën, dhe ka pritur më shumë se 12 milionë turistë çdo vit në të kaluarën. /KultPlus.com

Notre Dame rifillon të marrë jetë

Puna për riparimin e katedrales së Notre Dame, të dëmtuar keqazi, rifilloi sot, pasi ajo ishte pezulluar për shkak të kufizimeve të koronavirusit.

”Rindërtimi filloi siç ishte planifikuar, të hënën”, sipas ”Etablissement Public”, organit përgjegjës francez.

“Mos prisni që 150 punonjës të jenë duke punuar brenda katedrales”, i tha transmetuesit BFMTV drejtori i Notre Dame, Patrick Chauvet.

”Përkundrazi, vetëm një ekip i vogël arkitektësh dhe zyrtarësh do të lejohen. Ata duhet të përgatisin kthimin e punonjësve”, theksoi ai, transmeton KultPlus.

Riparimet e katedrales, që u dëmtua shumë nga një zjarr i madh më shumë se një vit më parë, u pezulluan në mes të marsit.

Pas zjarrit, presidenti francez, Emmanuel Macron premtoi se katedralja do të rindërtohej brenda pesë viteve, një premtim që ai riafirmoi më 1 janar. / KultPlus.com

Imazhet e para që tregojnë dëmtimet brenda Katedrales Notre Dame (VIDEO)

Katedralja e Notre Dame mbrëmë u përfshi në flakë dukë bërë kështu që të shkatërrohet një pjesë e saj, duke përfshirë këtu kryesisht çatinë dhe kumbonaren, shkruan KultPlus.

Kjo ndodhi ka lënë të shokuar të gjithë e sidomos dëshmitarët e rastit. Shumë prej tyre janë parë të tmerruar , e disa të tjerë duke kënduar lutje.

Pas një beteje të vërtet kundër zjarrit, rreth 400 zjarrfikësit që rrezikuan jetën e tyre për të shpëtuar atë që mbetet nga katedralja e Notre Dame në Paris, duket sikur ia dolën.

Autoritetet kanë deklaruar që struktura e jashtme e katedrales do të shpëtojë.

Ndërkohë autoritetet religjioze që shërbenin në katedrale njoftuan se reliket më të çmuara, si ajo që cilësohet si kurora me gjemba e Jezusit, kanë shpëtuar dhe janë në një vend të sigurt.

KultPlus ju përcjellë një video të realizuar nga CNN ku shfaqen pamjet e para që tregojnë dëmtimet e Katedrales Notre Dame. / KultPlus.com

‘Arti dhe historia shkatërrohen para syve tanë’: Dëshmitarët e ndajnë tmerrin e tyre ndërsa Notre Dame është zhytur në flakë

Katedralja e Notre Dame u përfshi në flakë të hënën në një shpërthim të zhurmshëm që shkatërroi pikën parisiane, duke e lënë qytetin, Francën dhe bashkësinë ndërkombëtare të shqetësuar.

Flakët që filluan në mbrëmjen e hershme shpërthyen nëpër çatinë e katedrales shekullore dhe e përfshinë kumbonaren, e cila u rrëzua shpejt pas gjithë çatisë.

Ndërkohë që një pëlhurë e madhe e tymit shpërtheu nëpër qytet dhe hiri ra në një zonë të madhe, parisianët dhe turistët mbetët duke shikuan këtë pamje të tmerrshme, ndërsa të tjerët iu drejtuan mediave sociale për të shprehur pikëllimin e tyre, shkruan DailyMail.

“Shekuj të artit dhe historisë u shkatërruan para syve tanë. Kjo ndërtesë ka qëndruar që nga Mesjeta. Kjo është absolutisht shkatërruese”, shkroi një përdorues i Twitter.

Më vonë në mbrëmje, qytetarët u mblodhën në qytet për të thënë lutje dhe këndonin himne para kishës së Shën Julien Les Pauvres, ndërsa flaka masive vazhdoi vetëm disa qindra metra larg.

KultPlus ju sjellë disa fotografi të cilat përcjellin trishtimin e qytetarëve kur panë me sytë e tyre shkatërrimin e Katedralen Notre Dam. / KultPlus.com