Poezi nga Mark Deda
Vrasësi në sofër
Po hek Nana shaminë e ballit,
Me duré n’kry nisë me vajtu.
Ka thirrë vllau, vrasësin e djalit,
Midis sofrës ma ka pru.
Kush tradhëton vllanë dhe Kosovën,
Kjoftë mallku për njëmijë vjet.
Kush anmikut ja shtrinë dorën,
Hapt me duré vorrin e vet./ KultPlus.com
Poezi nga Mark Deda.
Djepi bosh
Pse moj Hanë ti nuk mi zgjove,
Fmitë e mi që i mori gjumi .
Sa shpejt prehnit zot mi more,
Toka egër mi përkundi.
Sot derdh lot guri dhe deti,
Gjithë shqiptarëve zemra plasë .
N’pabesi , mallku tërmeti,
Gurët mbi fmi i ka përplasë.
Por Shqipnia s’thotë mbarova,
Do t’kalojnë dhe ky kjahmet .
Në Shqipni ka ardhë Kosova,
Me ndihmu Nanën e vet.
Do kalojnë dhe kto tërmete ,
Do vine ndoshta ndoj stuhi.
Por shqiptarët n’pes kontinente ,
Me ty janë gjithmonë Shqipni.
