Regjisori Marin Scorsese feston 79 vjetorin, njëri ndër figurat kryesore të Hollywood

Njëra ndër figurat kryesore të epokës së re të Hollywood, padyshim që është Martin Charles Scorsese, i cili sot feston ditëlindjen e 79-të, shkruan KultPlus.

Scorsese është një regjisor, producent, skenarist dhe aktor amerikan, i cili ka prodhuar disa prej filmave më të shikuar ndonjëherë ndërkombëtarisht.

Goodfellas, Taxi Driver, Raging Bull, The King of Comedy, Mean Streets janë vetëm disa filma prej krijimtarisë së jashtëzakonshme të cilën e posedon tanimë 79 vjeçari.

Filmat e tij ndihen të gjallë, tërheqës – edhe kur personazhet e tij janë mafiozë ose përbindësha. Ato janë vepër e një besimtari të vërtetë.

Shumë njerëz nuk bien dakord se cili është filmi më i miri i tij, por padyshim që Goodfellas i dha një emër të madh regjisorit në fjalë./KultPlus.com

Filmi i ri i Martin Scorsese mund të jetë filmi western i fundit që realizohet si i tillë

Filmi me kauboj i shumëpritur i Martin Scorsese “Killers of the Flower Moon” më në fund është në procesin e produksionit.

Kasta e aktorëve që do të jenë pjesë e filmit përfshin Leonardo DiCaprio, Robert De Niro, Jesse Plemons dhe Lily Gladstone, transmeton KultPlus.

“Killers of the Flower Moon” përcjell një hetim të një serie vrasjesh të disa banorëve të pasur të Osage County, në fillim të viteve 1920.

Jesse Plemons luan në rolin e Tom White, agjentit të FBI që është duke hetuar për vrasjet, që është edhe karakteri tradicional i heroit të filmit.

Ky rol ishte paraparë për Di Caprion, mirëpo ai ishte më i interesuar të luante Ernest Burkhart, nipin e një fermeri të pasur (De Niro).

“Killers of the Flower Moon” pritet të lansohet në vitin 2022. / KultPlus.com