“Eja të shkojmë në Prishtinë” (VIDEO)

Që nga viti 1980, grupi “Gjurmët”, janë ata të cilët kanë sjellë hite që vështirë të harrohen, shkruan KultPlus.

Ky grup me vokalist Migjen Kelmendin mbahen mend për tekstet e fuqishme që tash vijnë shpesh në disa remake nga këngëtarët e rinj, por asnjëherë nuk tingëllojnë ashtu siç i sillnin “Gjurmët”.
Sot po e kujtojmë këngën “Në Prishtinë”, një këngë e këndshme e që sjellë shumë nostalgji.

Në Prishtinë
njerëzit shkojnë e vijnë
me autobus me makinë
të gjithë takohen në Prishtinë
ndërtojnë shtëpinë kërkojnë lumturinë
bëjnë një tufë fëmijë diku në periferi
çfarëdo që mbjell aty mbin

Në Prishtinë në Prishtinë
prandaj eja te shkojmë në Prishtinë
me çika të mira t’rrimë
o eja të shkojmë në Prishtinë
në çajtore çaj të pimë
ta marrim dhe çiftelinë
t’ia themi për dashurinë
o eja të shkojmë në Prishtinë
me çika të mira t’rrijmë
o eja të shkojmë në Prishtinë
në çajtore çaj të pimë
ditë për ditë, mot për mot
xhepat zbrazët zemren plot…

Dy filma shqiptarë shfaqen sonte në Prishtinë

Sonte në kinemanë ABC, në Prishtinë, vijnë dy filma shqiptarë të cilët kanë korrur suksese nëpër festivale të ndryshme ndërkombëtare, shkruan KultPlus.

“Dita zë fill”, me regji të Gentian Kocit, është filmi i cili është propozim i Shqipërisë për Oscar. Ky film vjen sonte në kinemanë ABC, në Prishtinë, pra më 7 dhjetor e enjte me fillim nga ora 20:00.

“Dita zë fill”, tashmë është edhe film i çmimeve, pasi që, aktorja e këtij filmi Ornela Kapetani ka fituar çmimin “Zemra e Sarajevës”, si aktorja më e mirë e festivalit, sikurse që ky film ka fituar edhe çmimin ‘Golden Sun’, filmi më i mirë në Cinedays Fest of European Film. Ky film flet për një nënë e cila bashkë me foshnjën e saj vendosin të jetojnë me një grua të vjetër dhe të sëmurë. Në film luajnë: Ornela Kapetani: Suzana Prifti, Hermes Kasimati, Adele Gjoka…

Ndërsa menjëherë pas përfundimit të këtij filmi në kinemanë ABC, vjen filmi horror shqiptar “Bloodlands”. Ky film zë vend në terminin e orës 22:00 në kinemanë ABC, ndërsa shpalos historinë e një gruaje të thjeshtë e cila dhunohet, mbetet shtatzënë dhe stigmatizohet nga banorët e lagjes së saj.

Në këtë film me rolet e tyre luajnë aktorët: Suela Bako, Ilire Vinca, Gëzim Rudi, Emiljano Palali, Alesia Xhemalaj, dhe ky film është prodhim australiano- shqiptarë./ KultPlus.com