Filmi “IFIREHS” nga Ben Apolloni sonte premierë në Kino ABC

Filmi “IFIREHS” me skenar dhe regji të Ben Apollonit vjen premierë sonte në Kinemanë ABC, shkruan KultPlus.

Ky film i metrazhit të shkurtër, është i bazuar në ngjarje të vërtetë.

Producente e filmit është Erza Ramku e cila njëherit edhe luan një ndër rolet kryesore në film.

Në film luajnë edhe: Valon Nuhiu, Erza Ramuka, Edona Berisha- Bekteshi, Gjelbrim Emini, Asdren Selimi, Rexhep Ramuka,

Drejtor fotografie i filmit është Fisnik Halili, editor Avdi Thaci, skenograf dhe kostumograf Ardian Kadriu, tonist dhe dizajn i audios Engjëll Mahmuti, ndërsa make-up artiste Lirije Laqi etj.

Filmi vjen premierë sonte në ora 19:00. / KultPlus.com

Kinemaja ABC fillon vitin me premierën e filmit “Juliet, Naked”

Premiera e parë për vitin 2019 që do të shfaqet në kinemanë ABC është premiera e filmit “Juliet, Naked”, shkruan KultPlus. 

Filmi do të shfaqet nga dita e enjte më 10 janar, në ora 20:00 dhe 22:00, duke vazhduar çdo ditë në të njëjtat terminë.

Annie (Rose Byrne) është e mbërthyer në një marrëdhënie afatgjatë me Duncan (Chris O’dowd) – një tifoz i ngulët i rokerit të panjohur Tucker Crowe (Ethan Hawke). Kur demoja akustike e hitit të Tucker thyen rekordin 25 vjet më parë, lirimi i tij çon në një takim që ndryshon jetën e vetë rokerit. Bazuar në romanin e Nick Hornby, “Juliet, Naked” është një tregim komik për shanset e dyta të jetës.

Në kinemanë ABC do të shfaqet edhe filmi për fëmijë “Ralph breaks the internet” 3D, në ora 16:00 ndërsa gjatë vikendit në ora 14:00 dhe 16:00. 

Gjashtë vjet pas ngjarjeve të “Wreck-it Ralph”, Ralph dhe Vanellope, tani miq, zbulojnë një wi-fi router në arkadat e tyre, duke i çuar në një aventurë të re. Djaloshi i keq i video lojërave Ralph dhe shoqja e tij e keqe Vanellope Von Schweetz duhet të rrezikojnë të gjitha duke udhëtuar në World Wide Web në kërkim të një pjesë zëvendësuese për të shpëtuar videon e Wanellope, “Sugar Rush”.

Po ashtu do të jetë edhe filmi “Bumblebee”, në ora 18:00. Film ky aksion, aventurë dhe fantastiko-shkencor. 

Gjatë arratisjes në vitin 1987, Bumblebee gjen një strehë në një qytet të vogël të plazhit të Kalifornisë. Charlie (Hailee Steinfeld), në majën e kthesës së moshës 18 vjeçare, përpiqet për të gjetur vendin e saj në botë, zbulon Bumblebee, të dëmtuar dhe të thyer nga beteja. Kur Charlie e ringjall atë, ajo shpejt mëson se kjo nuk është një makinë e zakonshme, e verdhë./ KultPlus.com

Tubim Përkujtimor dhe shfaqje të dokumentarit, kushtuar koreografit shqiptar Agron Bajrami në Prishtinë

Nesër në ambientet e Kinemasë ABC në Prishtinë, mbahet Tubimin Përkujtimor për koreografin dhe drejtorin e Shkollës Shqiptare të Vallëzimit SHOTA në Zvicër, Agron Bajramin, i cili u nda nga jeta me 12 mars 2018 në moshën 54 vjeçare.

Ai ishte edhe veprimtar i dalluar i çështjes kombëtare, ushtar i Ushtrisë Çlirimtare të Kosovës, ishte piktor në teknikën pirografi dhe punoi si kameraman e montazhier në një televizion zviceran.

Në këtë Tubim Përkujtimor, do të përkujtohet puna, veprimtaria dhe kontributi i Agron Bajramit për kulturën shqiptare me Shkollën Shqipe të Vallëzimit SHOTA, të cilën ai e themeloi në vitin 1993.

Me këtë rast do të shfaqet edhe filmi dokumentar kushtuar Agron Bajramit me titull “Të mësohemi të ecim shqip” realizuar nga Llesh Nikolla.

Tubimi Përkujtimor mbahet më 23 mars në Kinemanë ABC-Prishtinë, duke filluar nga ora 13:00.

Tubimin Përkujtimor e organizon Shkolla Shqiptare e Vallëzimit «Shota» nga Zvicra në bashkëpunim me Shoqërinë Kulturo-Artistike «Bajram Curri» nga Prishtina./ KultPlus.com

Dy filma shqiptarë shfaqen sonte në Prishtinë

Sonte në kinemanë ABC, në Prishtinë, vijnë dy filma shqiptarë të cilët kanë korrur suksese nëpër festivale të ndryshme ndërkombëtare, shkruan KultPlus.

“Dita zë fill”, me regji të Gentian Kocit, është filmi i cili është propozim i Shqipërisë për Oscar. Ky film vjen sonte në kinemanë ABC, në Prishtinë, pra më 7 dhjetor e enjte me fillim nga ora 20:00.

“Dita zë fill”, tashmë është edhe film i çmimeve, pasi që, aktorja e këtij filmi Ornela Kapetani ka fituar çmimin “Zemra e Sarajevës”, si aktorja më e mirë e festivalit, sikurse që ky film ka fituar edhe çmimin ‘Golden Sun’, filmi më i mirë në Cinedays Fest of European Film. Ky film flet për një nënë e cila bashkë me foshnjën e saj vendosin të jetojnë me një grua të vjetër dhe të sëmurë. Në film luajnë: Ornela Kapetani: Suzana Prifti, Hermes Kasimati, Adele Gjoka…

Ndërsa menjëherë pas përfundimit të këtij filmi në kinemanë ABC, vjen filmi horror shqiptar “Bloodlands”. Ky film zë vend në terminin e orës 22:00 në kinemanë ABC, ndërsa shpalos historinë e një gruaje të thjeshtë e cila dhunohet, mbetet shtatzënë dhe stigmatizohet nga banorët e lagjes së saj.

Në këtë film me rolet e tyre luajnë aktorët: Suela Bako, Ilire Vinca, Gëzim Rudi, Emiljano Palali, Alesia Xhemalaj, dhe ky film është prodhim australiano- shqiptarë./ KultPlus.com

Nesër nis Java e Filmit Izraelit në Prishtinë

Bashkësia Hebreje – Bet Israel Kosova në bashkëpunim me Ambasadën e Izraelit në Beograd, nesër më 16 nëntor hapin Javën e Filmit Izraelit në Prishtinë, shkruan KultPlus.

Mysafir special në natën e hapjes do të jetë Alona Fisher Kamm, ambasadore e Izraelit në Beograd.

Hapja e Javës së Filmit Izraelit fillon me shfaqjen e filmit dokumentarë “Ben Gurion” nga regjisori Izraelit Yariv Mozer.

Java e Filmit Izraelit në Prishtinë nis nesër më 16 nëntor me fillim nga ora 19:00 në Kinemanë ABC ndërsa zgjat deri më 18 nëntor./ KultPlus.com

“Kësulat”, sjellë tregimin e realitetit të luftës në Kosovë nga një këndvështrim i baraspeshuar

Filmi “Kësulat” i cili vjen nën regjinë e Alan M. Trow është shfaqur sot premierë për herë të parë për mediat në ekranin e Kinemasë ABC. Para gazetarëve ky film shpalosi jetën e dy familjeve, shqiptare dhe asaj serbe, të cilat njihen prej kohësh dhe kanë fqinjësi të denjë, në një fshat Kosove, shkruan KultPlus.

Filmi nis me pamjet e tymit dhe flakës në shtëpitë e djegura gjatë pranverës së vitit 1999, duke treguar më pas jetesën e banorëve shqiptar dhe atyre serb , para afrimit të luftës me shpejtësi. Në fokus të filmit paraqitet fqinjësia e një mjekut të fshatit, (Albanit) i cili mjekon edhe babin e sëmurë të fqinjit të tij serb (Draganit). Mirëpo ky raport i kushton atij me kërcënime të vazhdueshme, duke u trajtuar si tradhtar nga bashkëfshatarët, e veçmas nga Besniku, një anëtar aspirues i Ushtrisë Çlirimtare të Kosovës.

Filmin pason me ngjarjet pas pushtimit të menjëhershëm nga ushtria serbe, ku i gjithë fshati hidhet në panik dhe eksod masiv, ndërsa në mesin e tyre edhe Dr. Albani, i cili në anën tjetër përballet me rezistencën e babit të tij (Tefikut) për të qëndruar në shtëpinë e tij, për të cilën thotë se kishte dhënë besën që nuk do ta braktis. Derisa fshati zbrazet, Tefiku dhe fqinji i tij serb dëshmojnë fqinjësinë e tyre duke ndihmuar njëri-tjetrin në momente të vështira, madje pas vdekjes së babit të fqinjit serb (Draganit), të dy e varrosin atë në dy rite të ndryshme fetare.

Për të sjellë të plotësuar ngjarjen e luftës, veçantia e këtij filmi vjen përmes gërshetimit të rrëfimeve reale brenda skenave të filmit edhe përjetimet e këtyre personazheve: Brahim Asllani dhe Rifat Ali Bilalli, nga zona e Drenicës dhe Nazim Shahin Veseli dhe Ujup Maliqi nga Zona e Podujevës. Ky gërshetim sipas skenaristit të filmit, Jim Tihofsit vjen për t’i ofruar shikuesit më afër realitetit dhe për t’i vendosur të gjitha tregimet brenda kontekstit të filmit.

Blerim Kaçiu në një konferencë për media të mbajtur sot pas shfaqjes së filmi, ku të pranishmit kishin mundësi të flasin më shumë rreth filmit, ai thotë se pika më e fortë e filmit është se sjellë baraspeshimin e të dy anëve.

“Veçantia e filmit është që nuk anon nga asnjëra anë, duke e lënë shikuesin të vendos se në cilën anë po shkon, filmi nuk e ka për qëllim orientimin nga njëra anë apo tjetra. Filmi e ka qëllimin vetëm tregimin e realitetit të luftës në Kosovë nga një këndvështrim më i baraspeshuar” , ka thënë Kaciu.

Në rolet kryesore në këtë film janë: Selman Jusufi, Bislim Muqaj, May-Linda Kosumovic, Ismail Kasumi, Fatime Sefaj, Jimi Tihofsi, Meli Qena, Labinot Lajçi, Furtuna Aliu, Avni Abazi, Besfort Daka dhe Nuhi Matoshi.

Ismail Kasumi i cili në këtë film është paraqitur në rolin kryesor të mësuesit serb (Draganit) tregon për vështirësitë sa i përket përdorimit të gjuhës serbe.

“Unë e kam pasur më të lehtë për shkak se jam nga Maqedonia , mirëpo gjuha maqedonase ka shumë dallime me aksentin dhe gjuhen serbe, mirëpo fatmirësisht me ndihmën e disa kolegëve dhe disa shokëve dhe shoqeve serbe , të cilët më kanë ndihmuar në aspektin e realizimit të gjuhës dhe ndihmën e producentit Blerim Kaçiut e cili e flet mirë gjuhën serbe besoj që jam kam dalë mjaft mirë”, ka treguar Kasumi.

Duke filluar nga sonte, filmi do të shfaqet për një javë rresht në repertorin e rregullt të Kinemasë ABC, çdo ditë në ora 20:00.

Distribuimi i këtij filmi është bërë në Kosovë dhe ky film do të shfaqet edhe në disa qytete të tjera të Kosovës, nga e hëna në Prizren ndërsa me datë 24 tetor në Mitrovicë. Premiera në Angli vjen me datën 4 nëntor. / KultPlus.com