Dëshirat e fundit të Princit Philip, bashkëshortit të Mbretëreshës Elizabeth II, i cili vdiq në prill, do të mbeten të vulosura edhe për 90 vjet, për të mbrojtur “dinjitetin” e mbretëreshës.
Duka i Edinburgh vdiq më 9 prill në moshën 99 vjeç.
Për më shumë se një shekull, konventa ka kërkuar që, pas vdekjes së një anëtari të shquar të familjes mbretërore britanike, t’i bëhet një kërkesë Kryetarit të Divizionit të Gjykatës së Lartë të saj, në Londër, që dëshirat e fundit të të ndjerit të vulosen…
Në një vendim të lëshuar dje, magjistrati Andrew Mc Farlane urdhëroi që testamenti i Princit Philip të vuloset për 90 vjet.
Edhe pas këtij afati, testamenti do të hapet vetëm në privatësinë e familjes.
“E ndjeva të nevojshme se, për shkak të pozicionit kushtetues të Sovranes, është e përshtatshme që të ketë një praktikë të veçantë në lidhje me vullnetet mbretërore (…) për të ruajtur dinjitetin e Sovranes dhe të anëtarëve të ngushtë të familjes së saj”, shkroi Mc Farlane.
“Ndërsa mund të ketë kuriozitet publik për atë se çfarë rregullimi privat një anëtar i Familjes Mbretërore mund të zgjedhë të bëjë në vullnetin e tij, nuk ka asnjë interes publik të vërtetë që publiku të jetë në dijeni të këtij informacioni krejtësisht privat”, shtoi ai.
Mc Farlane theksoi, gjithashtu, se “interesi i medieve në këtë drejtim është komercial” dhe se “shkalla e publicitetit që ky publikim ka të ngjarë të tërheqë do të ishte shumë e gjerë dhe plotësisht në kundërshtim me objektivin e ruajtjes së dinjitetit të sovranit”./ /ervo/KultPlus.com
Një jetë përkrah Mbretëreshës Elizabeth, kjo është mënyra se si Princi Philip, i cili ndërroi jetë më 9 prill në moshën 99 vjeçare, kujtohet në një ekspozitë të dëshiruar fuqimisht nga sovrani britanik dhe e organizuar në Kështjellën Windsor.
Me titull “Prince Philip”, ekspozita e hapur nga sot deri më 20 shtator u organizua nga Royal Collection Trust.
Ajo paraqet para publikut pjesë të rralla nga koleksionet mbretërore, përfshirë veshjen ceremoniale dhe kurorën e mbajtur nga princi gjatë kurorëzimit të Elizabetës II në 1953.
Karrigia zyrtare e Filipit, e cila zakonisht gjendet në holl, është gjithashtu e ekspozuar, madje edhe tryeza e tij personale, të cilën ai e mori si një dhuratë martese nga Hekurudha Kanadeze e Paqësorit në 1947.
Por ka edhe disa sende mjaft të pazakonta, duke përfshirë një koke pendë dhuruar Dukës së Edinburgut nga fiset vendase kanadeze dhe një ftohës ekstravagant të verës në formën e një karkaleci gjigand, dhuratë e presidentit, Georges Pompidou gjatë një vizite shtetërore në Francë në 1972. /atsh/ KultPlus.com
Ndarja nga jeta në moshën 99-vjeçare e Princit Philip, krijoi mjaft hidhërim në oborrin mbretëror në Britani.
Funerali i Princit Philip, u realizua para dy ditësh, por ajo që ra në sy, është gjesti i bukur që Mbretëresha Elizabeth, gruaja e tij prej 73 vitesh, la mbi arkivolin ku prehej princi.
Me një shënim të shkruar me shkrim dore, mbretëresha theksonte fjalët: “Të dua” dhe “Lilibet”.
“Lilibet”, është një fjalë e krijuar nga Princi Philip dhe Mbretëresha Elizabeth, që kur ishin fëmijë dhe nënkuptonte dashurinë e madhe mes të dyve.
Kujtojmë se Elizabeth u shfaq e vetme gjatë funeralit, për shkak të rregullave anti-Covid dhe në ceremoni morën pjesë vetëm 30 persona./ KultPlus.com
Ceremonia e varrimit e Dukës së Edinburgut është parë nga 13 milionë shikues televiziv në Britani.
Përpos televizionit, shërbesa u dha edhe në radio dhe në disa kanale të ndryshme Youtube.
Në këtë platformë lansimi i drejtëpërdrejtë i BBV regjistroi 7.5 milionë shikime globale deri sot në mëngjes.
Figurat për lansimin online në Youtube të Familjes Mbretërore, nuk ishin të qasshme, por ishte e treta në listën globale të Youtube trending, e cila e bën një matje për një person.
Një program special i BBC Tëo, ku u dha funerali i edituar i të gjithë ngjarjes, u shikua 1.31 milion herë.
Në 2002, më shumë se 10 milion veta shikuan varrimin e Mbretëreshës Elizabeth The Mother, në Mbretërinë e Bashkuar – megjithëse ajo ceremoni u mbajt të martën.
Në vitin 1997, varrimi i Diana, Princesha e Uellsit, u shikua nga 31 milion njerëz – një shifër rekord e audiencës.
Rreth 13.1 milion veta përcollën transmetimin e BBC-së për martesën e Dukës dhe Dukeshës së Sussex në 2018./ KultPlus.com
Arkivoli i Princit Filip të Britanisë është ulur të shtunën në qemerin mbretëror derisa pjesë e gjithë ceremonisë ka qenë edhe gruaja e tij, Mbretëresha Elizabeta II.
Në ceremoninë e 17 prillit kanë marrë pjesë 30 persona, për shkak të pandemisë së koronavirusit.
Princi Filip, burri i Mbretëreshës Elizabeta II për 73 vjet, ka vdekur më 9 prill pasi ka kaluar një muaj në spital, ku është trajtuar nga disa komplikime në zemër dhe një infektim.
Ai ka vdekur në moshën 99-vjeçare.
Ai është varrosur në Kështjellën Windsor, një kompleks gati 1,000 vjeçar në perëndim të Londrës.
Një gjithë Mbretërinë e Bashkuar është mbajtur një minutë heshtjeje për ta nderuar Princin Filip.
Himnet dhe muzika do të reflektojnë lidhjet e Princit Filip dhe shërbimin e tij gjatë Luftës së Dytë Botërore, dhe më shumë se shtatë dekada të mbështetjes së Mbretëreshës Elizabeta, e cila mbush 95 vjet, javën tjetër.
Në mesin e pjesëmarrësve në ceremoninë e varrimit ka qenë Princi William dhe vëllai i tij Harry, i cili është bartur në Kaliforni me gruan e tij amerikane Meghan.
Gruaja e Harryt, Meghan është shtatzënë me fëmijën e dytë të çiftit, dhe është këshilluar që të mos udhëtojë, andaj pritet ta shikojë gjithë ceremoninë nga shtëpia e saj në Shtetet e Bashkuara./ KultPlus.com
Princi Philip, Duka i Edimburgut dhe bashkëshorti i mbretëreshës Elizabeth II, do të varroset sot në Pallatin Windsor në atë që do të jetë një ceremoni e vogël familjare për shkak të kufizimeve të Covid-19.
”Varrimi do të fillojë në 14:40 me arkivolin që largohet nga kështjella, pasuar nga një marshim funerali dhe një minutë heshtje në të gjithë vendin”, sipas Pallatit Buckingham.
Në përputhje me rregulloret shëndetësore aktualisht në fuqi në Angli, vetëm 30 të ftuar do të marrin pjesë në ceremoni, shumica prej tyre anëtarë të familjes mbretërore.
Mbretëresha Elizabeth II, katër fëmijët e çiftit, tetë nipërit, mbesa dhe nipi i Mbretëreshës dhe tre kushërinjtë e saj do të jenë të vetmit të pranishëm./atsh/ KultPlus.com
Tre ditë pas vdekjes së Princ Philip, Daily Mail ka siguruar kopjen origjinale të çertifikatës së lindjes së Dukës së Edinburgh-ut.
Dokumenti i publikuar ka shkrim dore të ashtuquajtur Katharevousa Greke, një version purist i greqishtes së re, nga një prift i quajtur Spiridon Tryfonas në ishullin e Korfuzit.
Dokumenti kishte zënë pluhur në një arkiv komunal të vendosur në një kazermë të vjetër të Ushtrisë Britanike që ndodhet brenda kalasë Veneciane me pamje nga Qyteti i Vjetër i Korfuzit.
Çertifikata përshkruan detaje se si Princi i Greqisë, babai i FIlipit paraqiti djalin para priftit dhe hedh dritë mbi orën dhe ditën e lindjes. Sipas çertifikatës, Princ Philip kishte lindur 10 të mëngjesit të 28 majit 1921.
Filipi në të vërtetë lindi në 10 qershor 1921 por ekspertët thonë se lindja e tij u regjistrua duke përdorur kalendarin e vjetër Julian, i cili ishte ende duke u përdorur në Greqi në fillim të Shekullit 20.
Në çertifikatë thuhet, ndër të tjera, se nëna e foshnjës është Princesha Alice, babai i së cilës, Princi Louis i Battenberg , lindi në Pallatin Ëindsor.
Theksohet gjithashtu se gjatë pagëzimit të foshnjës në Kishën Ortodokse Greke, atij zyrtarisht iu dha emri “Filipi ” nga Mbretëresha ‘Nënë Olga “.
” Ishte një nder i madh për gjyshin tim të ishte një nga kumbarët e Princit Philip” tha 70-vjeçari Vasiliki Maniarizi, i cili është një farmacist në ishull.
Ai shton: “Edhe pse nuk e kam takuar kurrë, babai im më kishte treguar historinë e pagëzimit të tij shumë herë. Unë jam krenar për gjyshin tim.”
Sipas Daily Mail, çertifikata ofron një vështrim të fshehtë në 18 muajt e parë të trazuar të jetës së Princit Philip, i cili vdiq të premten në moshën 99 vjeçare.
Burri i ardhshëm i Mbretëreshës Elizabeth lindi në Mon Repo, një vilë me pamje nga deti Jon.
Thuhet se ai lindi në tryezën e kuzhinës së pallatit, e cila u përdor më pas nga familja mbretërore e Greqisë si një rezidencë verore.
Familja e Filipit u detyrua të largohej nga Korfuzi në dhjetor 1922, pasi babai i tij u arrestua dhe u akuzua për tradhti pas Katastrofës së Azisë së Vogël. Familja e tij u arratis.
Me bojën e qëruar dhe fasadën e veshur me kohë, madhështia e Mon Repo është zbehur në shekullin e kaluar, megjithëse dhomat elegante në katin e parë, të cilat tani strehojnë një muze, japin një shije të së kaluarës së saj mbretërore.
“Shenja e vetme e dukshme e marrëdhënies me Filippos është një pllakë blu dhe e kuqe e shkruar në Greqisht dhe Anglisht, pranë qytetit të hyrjes” , shkruan Daily Mail.
Të premten, një buqetë me gjashtë trëndafila të bardhë u vendos pranë portës, me një kartë ku shkruhej “Pusho në paqe Princi Filip, Duka i Edinburgut”.
Lynn dhe Vivian Church, dy nga 6,000 britanikët që jetojnë në ishull, vizituan vendin për të hedhur lule dhe për t’i dhënë haraç burrit “i cili qëndroi si një shkëmb pranë Elizabetës gjatë gjithë jetës së saj”.
Ja çfarë shkruhet në çertifikatë
Në Korfuz, më 24 tetor të vitit 1921, unë, o nënshkruar i Kishës së Krishtit Tonë Shpëtimtarit, e cila ndodhet në mjediset e Pasurisë Mbretërore Mon Repos, deklaroj se Lartësia e Tij Mbretërore Princi Andreas (Andrew) i Greqisë , 39 vjeç, djali i mbretit tonë të ndjerë George I, lindur në Athinë dhe banues në Korfuz, u paraqit para meje.
Ai më paraqiti një foshnjë mashkull të porsalindur dhe deklaroi se ai lindi të premten më 28 maj 1921 në orë 10 në shtëpinë e tij nga Princesha e saj Mbretërore Aliki (Alice), 36 vjeç, vajza e Louis, Princit të Battenberg, i lindur në Kështjellën Windsor.
Gjatë pagëzimit të tij të porsalindurit iu dha emri Philippos (Philip) nga kumbarët e tij, përkatësisht Mbretëresha e Madhërisë së saj Mbretërore Nëna Olga, e përfaqësuar nga Lartmadhëria e saj Princesha Olga, vajza e Lartmadhërisë së Tij Mbretërore Nikollaos i Greqisë dhe Komuna e Korferatave, e përfaqësuar unanimisht nga Kryetari i Bashkisë Z. Alexandros S. Kokotos dhe Z. Stylianos I. Maniarizis, president i Këshillit Bashkiak.
Akti i regjistrimit u përpilua në prani të dëshmitarit, Theodoros Chrysovitsianos, i biri i Nikolaos, vjeç 45, mjek, i lindur në Korfuz dhe Konstantinos Alamanos, djali i Perikliut, 39 vjeç, avokat, i lindur në Korfuz, dhe të dy këshilltar bashkiakë .
Akti i regjistrimit është nënshkruar ligjërisht nga unë, i paraqituri dhe dëshmitarët./ KultPlus.com
Kryeministri britanik Boris Johnson nuk do të marrë pjesë në funeralin e Dukës së Edimburgut për të lejuar pjesëmarrjen e sa më shumë anëtarëve të familjes, në sfondin e kufizimeve antiCOVID-19.
Një zëdhënës i kryeministrit tha se “Si rezultat i rregulloreve të COVID-19, vetëm 30 persona mund të marrin pjesë në varrimin e HRH Princit Philip, Duka i Edimburgut”.
“Kryeministri gjatë gjithë kohës ka dashur të veprojë në përputhje me atë që është më e mira për familjen mbretërore dhe kështu, për të lejuar praninë e sa më shumë anëtarëve të familjes, nuk do të marrë pjesë në varrim të shtunën”.
Varrimi i Dukës do të bëhet në Kështjellën Ëindsor më 17 prill, por do të jetë ndryshe nga përcjelljet tipike mbretërore, me publikun që do të duhet të qëndrojë larg për shkak të pandemisë.
Fëmijët, nipërit dhe mbesat e familjes së Dukës priten të jenë midis 30 të pranishmëve./atsh/ KultPlus.com
Varrimi i Princit Philip do të bëhet më 17 Prill në Kalanë Windsor në një ceremoni familjare që do të jetë e mbyllur për publikun, kanë bërë të ditur zyrtarët e Pallatit Buckingham në Londër.
Princi ka ndërruar jetë në moshën 99 vjeçare të enjten, ndërkaq këtë të shtunë në Britaninë e Madhe për të pati nderime me gjuajtje armësh.
Duka i Edinburgut u nderua me gjuajtje të 41 armëve në të gjithë vendin, duke përfshirë Kullën e Londrës, Kalanë e Edinburgut, anijet në Gjibraltar si dhe anijet e Marinës Mbretërore në det, shkruan Euroneës.
Organizimi i funeralit do të bëhet sipas rregullave të vendosura nga Qeveria e Britanisë së Madhe, duke u zbatuar masat kundër përhapjes së COVID-19.
Në varrimin e të ndjerit do të marrë pjesë edhe Princi Harry, i cili vitin e kaluar ishte larguar nga familja mbretërore dhe ka shkuar për të jetuar në Kaliforni të Shteteve të Bashkuara të Amerikës me gruan dhe djalin e tij./ KultPlus.com
Princi Philip është duke festuar ditëlindjen e 98-të në privatësi, por në mediat sociale, Mbretëresha dhe familja e tij po ia shënojnë publikisht.
Duka dhe Dukesha e Cambridge dëshiruan që të ndajnë disa fotografi të bukura të tij në Tëitter dhe në Instagram, njofton Klan Kosova.
“I dëshirojmë një ditëlindje të lumtur të Lartësisë së Tij, Dukës së Edinburghut”.
Një fotografi tregoi çiftin mbretëror në vitin 2016 duke përshendetur në drekën e Patronit, e cila u mbajt për të shënuar përvjetorin e 90-të të madhështisë së tij.
