Etiketë: puglia

Tre komuna arbëreshe në Puglia shpallen zona kulturore të mbrojtura

Posted on by Kult Plus

Ministri i Shtetit dhe drejtuesi politik i Partisë Socialiste për diasporën, Taulant Balla, mori pjesë në Festivalin “Vëllazëria”, që u zhvillua në rajonin e Puglias në Itali.

Festivali u hap zyrtarisht në prani të ministrit dhe përfaqësuesve të institucioneve vendore italiane, duke theksuar rolin e kulturës arbëreshe si urë lidhëse mes dy popujve.

Në këtë aktivitet, tre komunat arbëreshe, Casalvecchio, Chieuti dhe San Marzano di San Giuseppe, u shpallën zyrtarisht zona të mbrojtura kulturore të Puglias, në një akt simbolik që thekson rëndësinë e ruajtjes së trashëgimisë kulturore të komuniteteve arbëreshe.

Ministri Balla vlerësoi rolin e arbëreshëve si “shembulli më i bukur i ruajtjes së gjuhës dhe traditave tona kombëtare për më shumë se pesë shekuj”.

Ai theksoi se arbëreshët dhe diaspora shqiptare në Itali përbëjnë “një urë të fortë lidhëse mes dy popujve tanë”, duke nënvizuar rëndësinë e përfshirjes së diasporës në ruajtjen e identitetit kombëtar.

Festivali “Vëllazëria” u zhvillua më 26 dhe 27 korrik në Casalvecchio di Puglia, në edicionin e tij të tetë, duke bashkuar mbi 100 artistë, këngëtarë dhe valltarë nga komunitetet arbëreshe të Italisë dhe nga Shqipëria, veçanërisht nga Vlora.

Për dy ditë, pjesëmarrësit morën pjesë në aktivitete kulturore, artistike dhe gastronomike, me koncerte, diskutime, ekspozita dhe dreka e darka të përbashkëta në sheshe./atsh/KultPlus.com

“Epopeja e Gjergj Kastriot Skënderbeut”, vepra gjigande në Puglia në kuadër të trashëgimisë kulturore

Posted on by Kult Plus

Është zbuluar në Casalvecchio të Puglias vepra murales e titulluar “Epopeja e Gjergj Kastriot Skënderbeut”, një vepër eksperimentale dhe novatore, e krijuar nga Shoqata Stornara Life Aps, si pjesë e ‘Sthar Lab’ të Rajoni i Pulias, për rritjen dhe përdorimin e trashëgimisë kulturore.

Projekti ndjek elementin karakteristik të Casalvecchio: origjinën e tij arbëreshe dhe ruajtjen e trashëgimisë jomateriale historiko-gjuhësore, me synim krijimin e elementeve të tërheqjes materiale, për të rritur turizmin e fshatit. Hapësirat e përdorura për “Artin e Rrugës” janë identifikuar në bazë të një shtegu që nga jashtë qytetit (muri rrethues i varrezave) kalon përmes Bibliotekës së Komunitetit, e cila ka një seksion kushtuar letërsisë arbëreshe dhe, përmes shkallëve të “Via Grieco”, lidh qendrën historike me muralin arbëresh të përfunduar më parë. Artisti argjentinas Alaniz Emanuel (@alanizart) dhe francezja Margot Calliadan (@ margay_art-) kanë krijuar një përfaqësim të heroit kombëtar shqiptar, i cili dominon qendrën e Casalvecchio, dhe një betejë të famshme në hyrje të qytetit.

Por projekti nuk ka përfunduar me këtë murales. Përgjatë rrugës “Via Grieco”, do të krijohet një mural i shkruar që do të lidhë krijimet e reja me pemën e vëllazërisë së krijuar më parë. Projekti është pjesë e një sërë iniciativash për promovimin e trashëgimisë kulturore arbëreshe që administrata komunale e Casalvecchio ka promovuar prej disa vitesh për të gjeneruar kohezion social, me synim rritjen me pjesëmarrje të ofertës kulturore dhe konsolidimin e strukturën e komunitetit.

Në përurim ishin të pranishëm autoritetet rajonale dhe lokale, presidenti i Stornaralife, Lino Lombardi, artistët që kanë krijuar veprën dhe Presidenti i Qendrës së Studimit Akander, Antonello D’Arcangelo. Si dhe hoqatat Tallandishat të Katundit dhe Yllazët të Rëgjenda./diasporashqiptare/ KultPlus.com

“Nga formati analog, tek ai digjital”, kinemaja si trashëgimi që duhet ruajtur

Posted on by Kult Plus

Një seminar 3-ditor trajnimi është duke u organizuar nga Arkivi Qendror Shtetëror i Filmit me ndihmën e Fondacionit “Antonio Gramshi” (Fondazione Gramsci di Puglia), si pjesë e projektit “Për një rrjet institucionesh kulturore midis Puglias dhe Shqipërisë”.

Projekti është financuar nga Rajoni i Puljes, me qëllim forcimin e aftësive teknike në fushën e restaurimit, digjitalizimit, vlerësimit të trashëgimisë historike filmike, si dhe përfshirjen e publikut si pjesë aktive e saj.

Seminari me temë “Nga formati analog, te ai digjital – Kinemaja si trashëgimi që duhet ruajtur”, nisi sot dhe do të vazhdojë edhe në datat 6 e 7 korrik, në mjediset e AQSHF.

Fondacioni Gramsci di Puglia, rifilloi veprimtarinë e tij në Shqipëri, pas 3 vjet ndërprerjeje, për shak të pandemisë së COVID-19.

Punën e tij, fondacioni, do ta nisë me këtë seminar trajnimi në fushën e restaurimit dhe rivlerësimit të trashëgimisë kinematografike, për të vazhduar me tej me punë të tjera. Trajnuesi i këtij projekti të konsideruar si i pari i të tjerëve që do pasojnë, është Marco Lena, kërkues shkencor në Archives Audiovisuelle Senegal, ku ka ndihmuar në ruajtjen e trashëgimisë lokale. / KultPlus.com

Peshkimi, arkeologjia, turizmi dhe natyra, pjesë e edicionit të tetë të “Mercati della terra e del mare”

Posted on by Kult Plus

Peshkimi, arkeologjia, turizmi dhe natyra do të jenë pjesë e edicionit të tetë të “Mercati della terra e del mare” (Tregjet e Tokës dhe Detit), në Pulia ku flitet për brigjet e adriatikut mes Pulias dhe Shqipërisë.

Ky edicion përfshin tregje, gatim, workshope, konferenca e forume si dhe udhëtime. Aktiviteti do të mbahet për tri ditë, 9-11 gusht 2021.

Në këtë event përfshihet edhe arkeologjia, ku do të diskutohet mbi vendet me ujë të ëmbël që për mijëvjeçarë kanë qenë vendi ideal për jetën njerëzore. / KultPlus.com