Biletat e fazës së dytë të Unum Festivalit shiten në kohë rekord – Vetëm 10% të mbetura

 
Vetëm pak javë kanë mbetur nga festivali i shumëpritur Unum, dhe organizatorët kanë njoftuar se 90% e biletave janë shitur, duke e bërë këtë vit një nga eventet më të nxehta në rajon.

Festivali Unum i këtë viti ka një lineup mbresëlënës prej mbi 90 artistësh ndërkombëtarë dhe lokal, duke përfshirë disa nga emrat më të mëdhenj të muzikës elektronike. Adhuruesit e muzikës elektronike në qershor do kenë mundësinë të kërcejnë për 6 ditë e 6 netë nonstop nën tingujt e Marco Carola, Hot Since 82, Ricardo Villalobos, Beduin, Sonja Moonear dhe shumë të tjerë.

Festivali do të zhvillohet në plazhin idilik të Shëngjinit, në Shqipëri dhe premton të jetë një eksperiencë e paharrueshme për të gjithë ata që do të marrin pjesë. Nga data 1 deri më 6 qershor, të pranishmit e festivalit mund të zhyten në muzikën dhe kulturën e rajonit, duke shijuar një mjedis të bukur të bregdetit shqiptar.

Unum Festival është shndërruar tashmë në një prej festivaleve më të pritura të vitit në Shqipëri. Me një line-up kaq të plotë, është e zakonshme që biletat të shiten në kohë rekord, dhe tani vetëm 10% e tyre janë në dispozicion për blerje. Biletat në këtë fazë kushtojnë 59 euro dhe pas përfundimit të kësaj faze, do të jenë në dispozicion me çmim 79 euro. Biletat mund të blihen online në faqen zyrtare të Festivalit Unum ose përmes partnerëve të tyre zyrtarë të biletave, Rave dhe Gowild.

Opsionet e akomodimit janë gjithashtu të disponueshme përmes web faqes të Unum Festival, me një sërë opsionesh që i përshtaten të gjitha buxheteve.

Drejtohuni tek www.unumfestival.com për detaje të plota dhe informacione tjera për biletat dhe akomodimet. / KultPlus.com

Kanë mbetur edhe 1 muaj deri në Epizode Albania Festival

Momenti për Festivalin Epizode Albania është shumë afër. Tani jemi në muajin Gusht dhe entuziazmi për në Festival veçse po rritet më shumë. Shumë shpejt, fansat nga e gjithë bota do të vërshojnë drejt Shëngjinit për eventin e shumëpritur që do të zhvillohet në datat 15-19 Shtator për një jave spektakolare.

Festivali zhvillohet në plazhin e Shëngjinit, një vend i bukur i rrethuar nga malet dhe nga plazhe e atraksione të tjera. Ka gjithashtu shumë aktivitete tjera brenda festivalit, duke përfshirë joga, face painting, dhe area për të bërë plazh.

Festivali tashmë ka shpallur formacionin e tij me yjet botërore, emra si Apollonia, Berlin’s Cinthie, Equinoxx dhe bashkëthemeluesi i mëparshëm i Solid Grooves PAWSA të konfirmuar për setet në festival, si dhe Enzo Siragusa, Dan Andrei.Ms. Mada and Yaya.
Duke përzier talentet rajonale me emra të njohur ndërkombëtarë, programi 24-orësh do të sigurojë që nuk do të humbisni asnjë lindje apo perëndim të diellit pa tinguj muzikor.

Epizode Albania ju sjell më të mirat në muzikën elektronike, me artistë nga e gjithë bota që performojnë një gamë të gjerë stilesh. Nga ritmet tekno që pulsojnë nëpër altoparlantët e SEA Stage deri tek tingujt minimalë që thumbojnë mbi SHELL Stage, që çdo vizitorë të kthehet nga Epizoda me përjetime të paharrushme!

Performancat e shumëpritura do të vijnë nga Dixon, Janaret, Sweely dhe youANDme, ​​me Loco Dice, Francesco del Garda, Traumer dhe Quest të konfirmuar gjithashtu.

Edhe këtë vit padyshim pritet që të ketë vizitorë, sikur kishte Shtatorin e kaluar, ku plazhi i Shëngjinit u mbush me të rinjë nga e gjithë bota.

Biletat individuale për 5 ditë të festivalit tani janë në shitje për 109 €, biletat grupore me çmim 259 €. Për vendet e Ballkanit është një çmim special prej 65€. Biletat mund të blihen në internet nëpërmjet faqes së internetit të Epizode: www.epizode.eu apo tek partnerët e shitjes; Rave Travel https://www.rave-travel.com/ dhe Gowild https://www.gowild.al/

Formacioni i plote (a-z)

Airrica / Alban Hi-Dini / All shadows / Altin Boshnjaku / Apollonia / Artil / Biirdperson / Bronski / Cap / Christian AB / Christian Löffler / Cinthie /Chklte/ Dan Andrei / David Gtronic / Dixon / Djebali / Enzo Siragusa / Equinoxx / / Franziska Berns / Hameed / Herodot / Janeret / Kiasmos (Janus Rasmussen) / Kirik / Likatek / Loco Dice / Maher Daniel / Mahony / Marcel / Marin Biočić / Marko Nastić / Matias Aguayo / Move D / Ms. Mada / Nemax / O.bee / Oshana / Ouissam / P.S. / Panthera Krause / PAWSA / Peter Invasion / Quest / Regan / Roustam / Rrrron / Secret 47 / Stephan Bodzin Live / Sammer / Sweely / Tomas Station / Traumer / Trikk / TYOMA / Yaya / youANDme / Yulia Niko / Zya

Rikthehet UNUM Festival, Shëngjini shndërrohet në kryeqytet turistik

I shtyrë një vit më parë për shkak të pandemisë COVID-19 është rikthyer Festivali Ndërkombëtar i Muzikës Elektronike UNUM në Shqipëri.

I pari festival europian që organizohet në periudhën pas pandemisë, UNUM nisi mbrëmjen e të enjtes për të zgjatur për rreth 4 ditë me radhë në zonën e Ranës së Hedhun në Shëngjin të Lezhës.

Të rinj nga vendi, rajoni, Europa por edhe nga vende të ndryshme të botës u bënë pjesë e këtij festivali duke respektuar masat antikovid.

Çdo person pjesëmarrës në këtë festival, i cilësuar si një ndër ngjarjet më të bukura kulturore në Ballkan dhe Europë është testuar negativ për Covid ndërsa i gjithë stafi është i vaksinuar.

Mbi 75 artistë me famë botërore, përgjatë 24 orëve luajnë muzikë në skenat e improvizuara në zonën e Ranës së Hedhun duke çelur edhe aktivitete e sezonit turistik në Shëngjin. Edhe për organizatorët e UNUM, ky event i ka tejkaluar pritshmëritë  ku janë shitur rreth 10 mijë bileta.

Mbi 60% e pjesëmarrësve janë të shtetas të huaj nga Holanda, Zvicra, Blegjika, Italia, Anglia, Gjermani, Franca por edhe nga vendet e rajonit për të shijuar jo vetëm muzikën, por edhe Shqipërinë turistike. /atsh/ KultPlus.com

Aplikoi në skemën kombëtare, banorja nga Shëngjergji hap pikë agroturizmi

Bukuria natyrore dhe monumentet e trashëgimisë kulturore e bëjnë fshatin e Shëngjergjit, rreth 40 km në lindje të Tiranës, një destinacion që ia vlen të vizitohet gjatë fundjavës.

Kjo e ka shtyrë Albina Çukon, që ta kthejë shtëpinë e saj në një pikë agroturizmi pasi aplikoi në vitin 2018 për subvencionim në skemën kombëtare në bujqësi.

Gjatë çeljes së programit të mbështetjes së bujqësisë 2019, Çuko theksoi se “jam aplikuese e vitit 2018 në skemat qeverisëse për zhvillimin e turizmit dhe agroturizmit në vendin tonë”.

“Meqenëse Shëngjergji është në projektin e 100 fshatrave duke pasur këtë shtëpi banimi mora inicativën dhe aplikova në Agjencinë e Zhvillimit Rural”, -nënvizoi Çuko.

Falë ndihmës së agjencisë, vijon ajo, arrita të realizoj ëndrrën time për ta kthyer këtë shtëpi në bujtinë.

“Sot shtëpia është e realizuar dhe është gati të mirëpresë miqtë vendas e të huaj”, – tha Çuko.

Ajo ftoi banorët e Shën Gjergjit të aplikojnë në këtë skemë.

“Ftoj të gjithë banorët e komunitetit të aplikojnë në skemat e 2019 për zhvillimin e turizmit në këtë fshat të bukur”, tha Çuko.

Shëngjergji, dukej si një vend shumë larg nga Tirana, por sot është kaq afër. Nga njëra anë lumi e nga ana tjetër natyra malore e bëjnë një zonë tërheqëse për t’u vizituar.

Shëngjergji ka një reliev malor ku kuota më e ulët është shtrati i lumit Erzen dhe kuota më e lartë është Mali me Gropa. Kjo zonë me pamje të mrekullueshme, me terrene kodrinore dhe malore është e pasur me burime të shumta ujore dhe liqene.

Mendohet se në shekujt XII-XIV quhej “Tomadhe” ose “Tame Dea” – Perëndeshë e Burimeve Ujore “. Pas vitit 1600, mori emrin “Shën Gjergji “.

Këtu mund të vizitoni ujëvarën e Shëngjinit, Rrënojat e Kështjellës së Shëngjinit, Kalaja e Shën Gjergjit, Shpellën e Valit, Vendi i shenjtë dhe varri i vjetër si dhe Mali i Gropa./k.s/ Kultplus.com

“Rana e Hedhur”, perla e Shëngjinit me plazhe të pastra dhe shëruese

Turizmi mbetet prioritet për Bashkinë e Lezhës dhe këtë verë bregdeti është çdo ditë e më i pastër.

Drejtoria e shërbimeve publike të Lezhës po vijon çdo ditë punën për pastrimin e plazhit publik te Rana e Hedhur.

Rana e Hedhur ndodhet fare pranë qytetit të Shëngjinit në veriperëndim të portit detar.

Vendasit e quajnë kështu sepse rrymat detare dhe era e kanë grumbulluar rërën në këtë gji të vogël detar në formë xhepi.

E veçanta është se ky grumbull rëre është i pastër dhe i veçuar nga plazhi i madh dhe është një plazh shkëmbor.

Ky plazh i vogël ka një shtrirje rreth 500 m i gjatë dhe rreth 100 m i gjerë.

Është një plazh me vlera kurative për shkak të pastërtisë së rërës dhe ambientit. Pushues të shumtë vendas dhe të huaj preferojnë të pushojnë aty.

Rruga që të çon drejt rërës së hedhur është një rrugë e kalueshme fal edhe bizneseve që kanë aktivitetin e tyre në këtë zonë./ata