Koncerti “Ethnically Plugged – 18 vjet” mbahet sot në Mitrovicë

Koncerti “Ethnically Plugged – 18 vjet” do të mbahet sot në Muzeun e Qytetit, Mitrovicë, përcjell KultPlus.

Ilir Tolaj e Luan Macula në kitarë, Edon Ramadani në piano dhe Teoman Ukqa në bateri do ta marrin vëmendjen e publikut mitrovicas sonte, duke filluar nga ora 20:00.

“Dasma e fshehtë”, “Po vijnë krushqit”, “Pse jo shqip”, “Kur e percolla ylberin”, “Hapi sytë”, janë disa nga instrumentalet që do të performojë grupi “Ethnically Plugged”.

“Ethnically Plugged” filloi si projekt 18 vite më parë në vitin 2004 si dëshirë për t’i ripërtërirë meloditë e bukura tradicionale shqipe me instrumente të ndryshme në anim kah Jazz/Fusion.

Ky koncert është mbështetur nga DKRS – Mitrovicë. / KultPlus.com