Etiketë: Walker

Walker takohet me Kryeministrin Kurtin, ndjehet i lumtur dhe krenar për atë që Kosova ka arritur

Posted on by Kult Plus

Në prag të 25-vjetorit të Masakrës së Reçakut, kryeministri  Albin Kurti, priti në një takim miqësor, ambasadorin William Walker.

Kurti e falënderoi për kontributin e tij të pazëvendësueshëm gjatë kohës së luftës dhe jehonën që i dha masakrës së Reçakut në rrafshin ndërkombëtar, duke përshkruar ndodhinë në Reҫak si masakër dhe krim kundër njerëzimit.

Rikujtuan vitet 1998 dhe 1999, kur ambasadori William Walker ishte në Kosovë në krye të Misionit Verifikues të OSBE-së, që kishte për mision të verifikonte nëse forcat serbe po vepronin në përputhje me marrëveshjen e tetorit të Kombeve të Bashkuara, për të tërhequr forcat e armatosura dhe për të respektuar armëpushimin.

Walker tha se ndjehet i lumtur dhe krenar për atë që Kosova ka arritur në një periudhë të shkurtër kohore, duke u bërë një nga shtetet më demokratike në Evropë. Ai tha se sa herë që vjen në Kosovë u gëzohet ndryshimeve që i sheh teksa lëvizë nëpër rrugët e Kosovës.

Bashkë me urimet për jetë të gjatë dhe shëndet të mirë, Kurti ritheksoi mirënjohjen ndaj Walker, për rolin e tij korrekt, konkret dhe aq human të treguar në raport me krimet e luftës që Serbia ka kryer ndaj shqiptarëve të Kosovës.

Walker krahason motin e atëhershëm me tani në Reçak: Sot ndriçon dielli, qielli i kaltër

Posted on by Kult Plus

Ambasadori William Walker ka folur në ceremoninë e përkujtimit të Masakrës së Reçakut, duke thënë se vjen këtu për çdo vit, për arsye të ndryshme, por se arsyeja më e rëndësishme që ai vjen, është për të parë përparimin që bëhet në vend.

“Unë vij në Reçak për çdo vit për arsye të ndryshme. Më e rëndësishmja është se vij për të parë se çfarë progresi është bërë në Reçak, në Shtime dhe në të gjithë Kosovën. Çdo vit shkoj i impresionuar me pozitivitet për atë se çfarë është bërë dhe çfarë do të bëhet”, tha Walker, njofton Klankosovat.tv.

Walker krahasoi motin e para 24 viteve me atë sot, duke thënë se kjo simbolizon se gjërat janë improvizuar.

“Moti ishte shumë i keq, ishte shumë i vështirë për të ecur dhe për të parë trupat e viktimave. Sot ndriçon dielli, qielli është i kaltër dhe kjo simbolizon se gjërat janë improvizuar”, u shpreh ai.

“Njerëzit e Kosovës kanë bërë gjëra të çmueshme që atëherë. Tani shoh njerëzit e fshatit, njerëzit që i pashë në horrorin e asaj nate. Disa kanë vdekur, disa që kanë qenë në moshën time, por më pëlqen kur shoh shumë fëmijë tani”.

“Çdo vit që vij, numri i njerëzve që vijnë në Reçak për respekt rritet dhe vetëm rritet. Tani i shoh njerëzit që vijnë nga e gjithë Kosova”./KultPlus.com

Edhe Vuçiqi thotë Reçaku është i trilluar, Walkerin e quan “mashtrues e hohshtapler”

Posted on by KultPlus

Edhe presidenti i Serbisë, Aleksandar Vuçiq, e ka quajtur “të tmerrshme faktin e dënimit me dy vjet burgim të Ivan Todosijeviqit ngase për krimin e Reçakut ka thënë është i trilluar”.

Lexoni edhe: Dy vjet burgim ish-ministrit Todosijeviq që masakrën e Reçakut e quajti trillim

Ai në lidhje me këtë rast tha se edhe vetë e përsërit tash – krim i fabrikuar në Raçak, ndërsa ka pyetur a do të na dënojnë të gjithë neve për këtë. “Kjo është e tmerrshme”, u ka deklaruar ai gazetarëve sot në qytetin serb, Shabac, për të shtuar:

“Të gjithë anëtarët e Listës Serbe do ta përsëritin njësoj, ja edhe unë po e përsëris tash – krim i fabrikuar në Raçak, për të cilin çdo gjë ka falsifikuar ai mashtruesi botëror, pisi dhe hohshtapleri Walker”, është shprehur Vuçiqi me shprehje të padenja për diplomatin e përmasave ndërkombëtare, ai pse e vërteta për masakrën e Reçakut mbetet një nga krimet më të rënda serbe në Kosovë.

Lexoni edhe: Gjuriqi thotë “Të gjithë ne jemi Ivan Todosijeviqa” – i dënuar për nxitje të urrejtjes nacionale në Kosovë