Për herë të parë në New York artet e kuzhinës Ilire nga Ahmet Dursun

Korrik 17, 2017 - 1:33 pm

Ky event do të jetë i vetmi i kësaj natyre në të cilin Ahmet Dursun do të risjellë shije të kulturës antike Ilire në New York, duke përfshirë edhe ushqime ekzotike.

Ahmet Dursun, një shqiptar i lindur në Turqi, por me origjinë nga Kosova, më saktë nga Gjakova dhe Nishi, familjarisht të dëbuar para 130 viteve, 25 vite më parë është kthyer në Tiranë për të studiuar në Institutin e Arteve për Kanto, kështu që pjesën e gatimit e ka edhe pasion, madje pasion shumë mirë të studiuar dhe i gjithë qëllimi është të sjellë në pah një kulturë e cila ka mbetur nën rrënoja apo në pluhurin e harresave.

Në kërkim për rrënjët e tij, gjatë kohës, ai është bërë një ekspert i Arteve të Kuzhinës, duke rizbuluar rrënjët e Ilirisë së lashtë. Ahmeti ka lidhur të katër elementet e natyrës: qiellin, tokën, ajrin dhe zjarrin, nëpërmjet ritualeve, duke krijuar një përzierje kulture-ushqimi për shpirtin dhe shpirtit që i përket tokës.

Ahmet Dursun është një gazetar Shqiptar, poet, eksplorues dhe artist kuzhine që kërkon të mbrojë vlerat më të larta të kulturës së Ilirëve nëpërmjet fjalës dhe ushqimit. Tani ai është në SHBA duke u përpjekur të krijojë një lidhje me komunitetin tonë duke përcjellë të gjitha ato çfarë ka mësuar nëpërmjet kërkimeve të tij, shkruan Illyriapress.com
Pasi arriti në New York, Ahmet Dursun u lidh me Sabit & Cathy Bitici, të cilët e pritën përzemërsisht dhe i rekomanduan që të lidhej me Arben Krasniqin të Restorantit Momento në Perendimt të Mitford. Ai pati gjithashtu dhe mbështetjen e Ilir Allajbegut.

Kështu u vendos që të krijonin një Shije Origjinale Ilire për komunitetin Shqiptar të dielën më 16 korrik, nga ora 17:00 deri në 19:30. Ky event do të jetë i vetmi i kësaj natyre në të cilin Ahmet Dursun do të risjellë shije të kulturës antike Ilire në New York, duke përfshirë edhe ushqime ekzotike të cilat ne as që nuk e dinim se ekzistonin. / KultPlus.com

Të ngjajshme