Malësori që me zë krijon tinguj lahute (VIDEO)

Lahuta, ndër instrumentet më të njohura shqiptare që ka përcjellur gjenerata e gjenerata me tingujt e saj sa melankolik aq edhe madhështor, shkruan KultPlus.

Në vijim, KultPlus ju sjell një video të rrallë të një malësori që vetëm përmes zërit krijon tinguj lahute. Videoja i përket vitit 1959 dhe është bërë publike nga Arkiva Shqiptare. / KultPlus.com

Revista “Arkivat Shqiptare”, botim i përbashkët Shqipëri-Kosovë

Drejtoria e Përgjithshme e Arkivave dhe Agjencia Shtetërore e Arkivave të Kosovës prezantuan sot numrin e ri të revistës “Arkivat Shqiptare”.

Revista “Arkivat Shqiptare” është organ shkencor dhe profesional, i botuar për herë të parë më 1999 nga Drejtoria e Përgjithshme e Arkivave.

Qëllimi i revistës është shkëmbimi i informacionit për dokumentet, tematikat dhe larminë e tyre, organizimi i veprimtarisë arkivore dhe komunikimi me profesionistët, shqiptarë e të huaj.

“Arkivat Shqiptare” nuk është vetëm një periodik i DPA, por një botim i përbashkët me Agjencinë Shtetërore të Arkivave të Kosovës, duke kthyer në realitet unitetin profesional të arkivistëve të të dy vendeve.

Në këtë numër paraqiten aktet e Konferencës Mbarëkombëtare të Arkivistikës “Arkivat dhe të drejtat e njeriut”, e cila u zhvillua në qershor të vitit 2019 në Shkup të Republikës së Maqedonisë së Veriut, me bashkëpunimin e Institutit të Trashëgimisë Shpirtërore e Kulturore të Shqiptarëve, Shkup. /atsh/ KultPlus.com