Dy persona e lidhin veten me zinxhir në selinë e AstraZeneca-s, ja arsyeja

Dy aktivistë e kanë bllokuar hyrjen e selisë kryesore të kompanisë së ilaçeve, AstraZeneca, duke bërë thirrje që gjiganti farmaceutik ta pezullojë patentën për vaksinën e saj për Covid.

Dy protestues e lidhën veten me zinxhir në dyert e selisë së AstraZeneca-s në Cambridge të Anglisë, ndërsa dy të tjerë u ngjitën lart për të vendosur një pankartë në të cilën shkruhej: “Vaksinë për njerëzit, jo vaksinë për përfitim”.

Një protestues, i cili në mënyrë simbolike e kishte lidhur veten me zinxhir në derë dhe që u prezantua si Coati, tha se e ka marrë këtë veprim, sepse aksionarët mund të vendosin që të përfitojnë nga vaksina e AstraZeneca-s.

Kompania është zotuar se do ta shpërndajë vaksinën me çmim të ulët deri në fund të pandemisë. / KultPlus.com

Vitia: Vaksina AstraZeneca nuk ka pasur efekte anësore tek asnjë i vaksinuar në Kosovë

Ministri i Shëndetësisë, Arben Vitia ka thënë se të vaksinuarit në Kosovë nuk kanë pasur asnjë efekt anësor deri më tani.

Gjatë konferencën për medie në Qendrën e Vaksinimit, në sallën “1 Tetori”, Vitia tha se deri më tani ekipa emergjente nuk kanë pasur raste të ankesave nga personat të cilët janë vaksinuar, përcjell KultPlus.

“Te të gjithë qytetarët dhe personeli shëndetësor, vaksina nuk ka pasur asnjë efekt anësor apo efekt të padëshirueshëm që do të mobilizonte epiken mjekësore emergjente. Ata kanë pasur më së paku punë, që është lajm i mirë pasi vaksina deri më tani te askush nuk ka pasur efekte anësore”, theksoi Vitia.

Vitia tha se vaksina është e sigurt dhe ftoi të gjithë qytetarët mbi moshën 80-vjeçare që të lajmërohen dhe të vaksinohen. / KultPlus.com

Një vaksinologe e AstraZeneca merr çmimin që kanë marrë edhe Churchill dhe Hawking

Një vaksinologe britanike, e cila udhëhoqi ekipin e vaksinës Oxford/AstraZeneca mori një çmim prestigjioz për kontributin e saj ”në të mirën e përbashkët globale”.

Profesoresha Sarah Gilbert tha se ishte një nder i madh që merrte medaljen ”Albert” të kompanisë ”Royal Society for Arts, Manufactures and Commerce (RSA)”.

Fituesit e mëparshëm përfshinin figura si Winston Churchill, Marie Curie, Alexander Graham Bell, Stephen Hawking dhe Tim Berners-Lee.
Profesoresha Gilbert u bashkua me Universitetin e Oksfordit në 1994, dhe është marrësja e 156-të i medaljes, e cila filloi në 1864 si një memorial për princin Albert, ish-presidenti i kompanisë.

“Është një nder i madh të marr këtë çmim. Krijimi dhe zhvillimi i vaksinës Oxford Covid-19 u bë pasi unë kam punuar në këtë fushë për shumë vite, duke mësuar të kaloj shpejt nga një koncept në një vaksinë të licencuar, e cila përfshin hapa të shumtë gjatë rrugës”, theksoi ajo.

“Me një ekip të madh në Oksford ne kemi zhvilluar një vaksinë për botën, që tani po përdoret për të shpëtuar jetë në shumë vende, dhe ky ishte qëllimi ynë që nga fillimi i pandemisë”, shtoi ajo. /atsh / KultPlus.com