Driton Selmani, pjesë e ekspozitës ‘Mundane’ në Beograd

‘Mundane’ do të jetë ekspozita që do të hapet me 7 mars në Beograd.

Driton Selmani, artist nga Kosova, është njëri prej pjesëmarrësve në këtë ekspozitë kolektive.

Ksenija Jovišević, Barbara Kapusta, Jelena Pantelić dhe Julija Zaharijević i bashkohen atij në këtë ekspozitë.

‘Mundane’ që do të hapet në EUGSTER në Beograd, në fakt është fjalë që nga anglishtja përkthehet si ‘e zakonshme’, ‘pjesë e botës’, ‘e rëndomtë’.

Believe, 2019, Qese plastike, ngjyrë permanente

Selmani, sipas tekstit të kuratores Natalija Paunić, merret me gjërat që janë të zakonshme, poashtu. Qeset e plastikës si dhe kamionët që shpërndajnë gjëra për secilin prej nesh kanë një relevancë, por të dyja megjithatë e dëmtojnë planetin çdo ditë. Në Bashkimin Evropian, qeset e plastikës kanë aq shumë reputacion të keq saqë rrallë dikush i përdorë, por një gjë e tillë nuk qëndron në Ballkan. Sikur moda, edhe qeset e plastikës në këtë vend bëhen simbol i statusit, ose i neglizhencës për botën globale dhe i mungesës së konsideratës për të, dhe për ruajtjen e mjedisit. Kësisoj shkruan kuratorja kur i referohet artistit Selmani, duke lënë në mister paraqitjen e tij në ekspozitë.

Selmani do të paraqitet në ekspozitë me disa punë artistike, mes tyre edhe: When I See Nothing, 2019, c-print në Alumin, Believe, 2019, Qese plastike, ngjyrë permanente dhe A bag full Of Yes, 2019, Qese plastike, ngjyrë permanente.

A bag full Of Yes, 2019, Qese plastike, ngjyrë permanente. (Foto: Majlinda Hoxha)

Jaknet MONT të cilat edhe në Ballkan kanë qenë për shumë kohë në modë, janë pjesë e ekspozitës në fjalë, shkruan KultPlus.

Selmani ka ekspozuar në Itali, në Shqipëri, Kosovë, Vjenë, Amsterdam, Budapest e Greqi, mes vendeve tjera ku ka qenë pjesë e ekspozitave solo dhe ekspozitave kolektive. / KultPlus.com

When I See Nothing, 2019, c-print në Alumin

Driton Selmani, pjesë e ekspozitës “The map is the territory”

Alberina Haxhijaj
Fotografia: © Stacion – Center For Contemporary Art Prishtina

Artisti Driton Selmani do të jetë pjesë e ekspozitës “The map is the territory” e cila do të kurohet nga Albert Allgaier dhe Sophie Lapalu, shkruan KultPlus.

Artisti Driton Selmani do të paraqitet me veprën “Fountain of Doubt”, intervenim në hapësirë publike, Landhaus Brengenz – Bregenz Biennale 2018.

Me rastin e ceremonisë së hapjes së Bienales së Bregenz-it, një piranja do të lëshohet në fontanën e cila është në hyrje të ndërtesës Landhaus Brengenz.

“Fontana e dyshimit” , punë kjo e artistit nga Kosova, Driton Selmani, është një simbol se të punuarit së bashku është një mënyrë e mirë për t’i përfunduar gjërat. Njëkohësisht ajo është edhe prezantim i egërsisë dhe shkatërrimit të armiqve.

The Map Is The Territory – © Bregenz Biennale

Kur Theodore Roosevelt, udhëtoi në Amerikën e Jugut në vitin 1913, ai hasi në mesin e shumë krijesave të tjera edhe disa lloje të ndryshme të piranjave.

Në ditarin e tij në lidhje më këtë udhëtim ai ka shënuar: Piranjat janë peshku më mizor në botë, edhe peshqit më të frikshëm si peshkaqeni apo barrakuda zakonisht sulmojnë krijesat më të vogla se ato, por piranjat zakonisht sulmojnë krijesat shumë më të mëdha se ato vet.

“Fontana e dyshimeve” qëndron si një kujtim se ne duhet të kalojmë përmes gjërave që na frikësojnë. Ndonjëherë edhe pse mund të ngecni në disa aspekte do dëshmoni se jeni një kundërshtar i frikshëm nëse tregoni aftësitë e juaj të tjera.

Driton Selmani – Fountain of Doubt, Intervenim në hapësirë publike.
Landhaus Brengenz © Bregenz Biennale 2018/ Hartinger

Pjesë e kësaj ekspozitë janë artistët: Lina Aušra, Francisco Babo, Samuel Bich, Simone Borghi, Elena Borghi, Godomira Buroskwy, Kevin Desbouis, Damien Dion, Victoria Durnak, Jona Einarson, Stefano Faoro,FAXEN, Romain Gandolphe, Steve Giasson, Akba Gurundi, Token Black Guy, Tim Hartmann, Stefanie Heine, Robert Huber, Florence Jung, Fatmir Mustafa Karlo, Stefan Klein, Marika Konstantinidou, Mikko Kuorinki, Sophie Lingg, Mmmmmegumi, José Oliveira, Will Owen, Alice Pamuk, Philipp Preuss, Anahita Rahzmi, Christopher Richmond, Valentine Ridde, Karl Salzmann, Liv Schulman, Driton Selmani, Lena Sieder-Semlitsch, Semino Spataro, Martin Sturm, Andreas Trobollowitsch, Emmanuel Troy, Salvatore Viviano, Robin Waart, Dimitri Waschkov, Noboru Watanabe dhe Bernhard Weber./KultPlus.com