“Më mirë një fund me dhimbje se një dhimbje pa fund” (VIDEO)

Grupi i njohur shqiptar “Elita 5” erdhën në tregun shqiptar në fillim të viteve të 90-ta, duke mbetur kështu ndër grupet më të njohura e më të dëgjuara në vendet shqipfolëse, shkruan KultPlus.

Njihen për tekstet e vecanta, ku përmes tyre i këndonin dashurisë, mallit, jetës etj.

Ndryshe, grupi Elita 5 ndër vite kanë sjellë hitet si “Al Kapone”, “Çmendem”, “Çka më ka syri”, “E urrej shiun” e shumë të tjera.

Në vijim, KultPlus ju sjell “Faleminderit”, një këngë që ishte dhe vazhdon të mbetet shumë e dashur për publikun shqiptarë e sidomos për adhuruesit e grupit.

Bashkangjitur gjeni videon e këngës. /KultPlus.com

Foto e rrallë, si jetonte elita shqiptare 80 vjet më parë

Alfred Peza ka postuar  një  foto të rrallë, ku tregon detaje nga jetesa elitare e gati një shekulli më parë.

Mes luksit plot finesë dhe standardeve të larta kulturore, krahas fotos, Peza shkruan: “Si jetonte elita shqiptare 80 vjet më parë. Kjo foto është shkrepur më 1940, në banesën e familjes Suma, një nga më të njohurat e qytetit të Shkodrës”.

Postimi i plotë

Si jetonte elita shqiptare 80 vjet më parë

Kjo foto është shkrepur më 1940, në banesën e familjes Suma, një nga më të njohurat e qytetit të Shkodrës. Oxhaku i shkëlqyer që ndodhet në qendër të kësaj pamje tregon shijet e holla artistike, fuqinë ekonomike dhe standardin e lartë kulturor të elitës shqiptare të kohës.

Në të majtë, shfaqet njëri nga pinjollët e familjes Suma i cili sipas fotografit italian Giuseppe Massani (djathtas) ushtronte në atë kohë, profesionin e Noterit në qytetin më të madh të Shqipërisë së veriut.

Gjurma e parë e kësaj familje është zbuluar në një dokument të vjetër qe fliste për një baron me emrin Demetrius Summa, që kishte jetuar rreth 700 vjet më parë, në vitin 1331, e që njihej si sundimtari i Shirqit.

Disa prej banesave të vjetra e karakteristike të familjeve më në zë të aristokracisë shkodrane, janë ende në këmbë, por me kalimin e moteve e kanë humbur shkëlqimin e tyre të dikurshëm.

Ndërsa shumë prej prej orendive të tyre unikale, pjesë e inventarit të objekteve të trashëgimisë së kulturës shqiptare, ose kanë humbur nga koha, ose janë grabitur, shkatërruar dhe trafikuar.

Fëmijët e kopshtit “Elita” po qëndisin flamurin e Kosovës (FOTO)

Dhjetëvjetori i Pavarësisë së Kosovës po shënohet në të gjitha anët e Kosovës dhe secili institucion po mundohet që të shënojë këtë festë të madhe edhe në mënyrë kreative. Në kopshtin për fëmijë “Elita”në Prishtinë, paraditja e sotme ka kaluar me qëndisjen e flamurit të Kosovës, shkruan KultPlus.

Fëmijët e grupmoshës pesë vjeçare i janë përkushtuar punimit me dorë, që flamuri i Kosovës të qëndiset edhe nga duart e tyre të vogla.

Ninna Krasniqi është njëra prej fëmijëve që ka marë pjesë në këtë aktivitet. Ajo me buzëqeshje është shprehur se po qëndisë flamurin e Kosovës, duke thënë se është hera e parë për të që edhe e përdorë gjilpërën.


Emira Hajzeraj
Kurse drejtoresha e kopshtit të fëmijëve “Elita”, Emira Hajzeraj ka thënë për KultPlus se si institucion parashkollor, mundohen që çdo festë ta shënojnë në mënyrë kreative, që fëmijët, nëpërmjet punës së tyre të kuptojnë edhe historinë.


“Është më rëndësi kjo iniciativë, sepse ata duke krijuar, në të njëjtën kohë mësojnë edhe për flamurin, shtetësinë e Kosovës dhe historinë. Fëmijët në asnjë mënyrë nuk do ta harrojnë këtë qëndisje që e kanë realizuar sot, sepse në formë të lojës, atyre ju ngelet në mendje edhe ky shënim i përvjetorit të dhjetë të shtetësisë së Kosovës”, ka thënë Emira Hajzeraj./KultPlus.com