Flamur Maloku boton libër studimor mbi poetin kombëtar, Gjergj Fishtën

Profesori Universitar, Flamur Maloku ka botuar librin më të ri studimor mbi poetin kombëtar, gegun e paharrueshëm, Gjergj Fishtën, përcjellë KultPlus.

Botuesi Behar Gjoka ka vlerësuar se ky libër e kthen vëmendjen nga vlerat e përjashtuara nga panteoni i letrave shqipe.

“Libri “Fishta-dhe tradita e leximit”, i autorit Flamur Maloku, të cilin pata kënaqësinë ta botoj, kthen vëmendjen nga vlerat e përjashtuara nga panteoni i letrave shqipe, së paku në Shqipni”, shprehet Gjoka.

Ky libër është botuar në Qendrën e Shqiptare të Studimeve Letrare “Pjetër Budi”, Tiranë dhe është vepra e 9-të e autorit Flamur Maloku. / KultPlus.com

Vendosa me mundun

Poezi nga Flamur Maloku

Vendosa me mundun
inatin e mbjellun me vite
që kisha n’ty.

Erdha me t’pa edhe
njiherë me dy sy.

Ama shumë ftohtë,
pa asnji grimë dashni.

Po, erdha me ta urue
këté largësi.

Shumë bre më ke rrejtë n’pritje.

Vetëm Zoti e di;
Nji Bibël t’re e kam
shkruë për ty!

Hajt tash, rrej edhe
dishka krejt siç di ti!
Shtiru dhe mallkoje veten
që nuk u kurorzuë kjo dashni!

Ika, se nuk e di pse Erdha.
Beso… po më dhâmbin këta dy sy. / KultPlus.com


Kam me të thirrë

Poezi nga Flamur Maloku

Kam me të thirrë me tân’ fuqinë e zânit,
Të dy veshët kanë me t’u shurdhuë;
Jo për diçka t’madhe
Por vetëm me të thanë se t’kam harruë!

Po, sa t’mundem kam me bërtitë
Marre mâ nuk ka;
Edhe ka kohë qi njeri mâ nuk jam
Ama harresen tême për hair me ta bâ!

Tash butë me ty nuk ka
Egër e egër me bërtitë;
E trashegofsh harresen tême
Përjetë e mot ruaje si sytë. / KultPlus.com

Nânës

Poezi nga Flamur Maloku.

Me fjalë të mëdhaja m’i zgjate krahët,
më përkunde gëzueshëm,
ma rrite shtatin e më dhe dashní.

Nânë,
arra qi mbolle për mue n’borr
Tani zê hijen tonë gjatësisht
Ajo ruen gjethin e lumtunisë
Frymën tânde, n’gjoksin tim.

Nânë,
nji dua me ta thânë qi kurrë nuk ta kam thânë:
Mit i dashnisë je për mue, NÂNË!