Etiketë: ministri

Ministri Çeku takon olimpistin e artë Florent Haziri: Integrimi i personave me aftësi të veçanta në shoqëri mbetet prioritet i yni

Posted on by Kult Plus

Ministri i Kulturës, Rinisë dhe Sportit, Hajrulla Çeku pas nënshkrimit të Koalicionit Global për Gjithëpërfshirje të Olimpiadës Speciale, ka thënë se si prioritet ka integrimin e personave me aftësi të kufizuar në shoqëri.

Ministri Çeku pas nënshkrimit të kësaj marrëveshjeje ka takuar edhe Florentin Hazirin, sportist me aftësi të veçanta intelektuale i cili vitin e kaluar Kosovës i solli medalje të artë nga Olimpiada Speciale Botërore në Berlin.

“Sot bëmë edhe një hap shumë të rëndësishëm për të krijuar më shumë mundësi që sportistët si Florenti të zhvillojnë aktivitetin e tyre sportiv dhe të përfaqësojnë Kosovën në gara ndërkombëtare. U bëmë pjesë e Koalicionit Global për Gjithëpërfshirje të Olimpiadës Speciale.

Qeveria jonë ka prioritet integrimin e personave me aftësi të kufizuar në shoqëri. Me ligjin e ri të sportit kemi fuqizuar rolin e Olimpiadës Speciale në sistemin sportiv vendor, ndërsa për herë të parë kemi siguruar buxhet për pjesëmarrjen e tyre në gara ndërkombëtare vitin e kaluar”, ka thënë ministri Çeku./KultPlus.com

Ministri Çeku viziton Bienalen e Vendikut: Ngremë dolli për këtë sukses dhe mundësitë e reja që po vijnë

Posted on by Kult Plus

Ministri i Kulturës, Rinisë dhe Sportit, Hajrulla Çeku, ka vizituar selinë e Bienales së Vendikut pasi Pavijoni i Kosovës fitoi çmimin  “Special Mention for National Presentation”.

Ministri Çeku është shprehur se në Bienale kanë ngre dolli për këtë sukses të madh dhe për të gjitha mundësitë e  reja që do të hapen nga ky moment i rëndësishëm.

Më poshtë gjeni shkrimin e plotë të Ministrit Çeku:

Ditën e nisëm në selinë e Bienales së Venedikut, brenda sallës historike ku për 60 vjet janë ndarë çmime për artin dhe artistët më të mirë të botës. Republika e Kosovës këtë ditë do të shënonte historinë duke pranuar shpërblim si përfaqësim shtetëror për herë të parë. Për kontekst dhe perspektivë, nga të gjitha shpërblimet e fituara këtë edicion, i vetmi shtet nga vendet e Evropës me çmim të fituar, është Kosova.

Doruntina, Erëmira e Hana, nga podiumi ku pranonin mirënjohjen, reflektonin shumë porosi. Tregimin e zakonshëm të grave të jashtëzakonshme në realitetin e vështirë të punës dhe shtëpisë. Fuqinë e gjithë ekipit të pavijonit, plot profesionalizëm dhe vetëmohim. Dëshirën e flaktë për t’i treguar botës sa shumë potencial dhe energji jeton brenda nesh. Dhe që Republika e Kosovës është këtu për të vazhduar së qenuri gjithmonë.

Festën e vërtetë e mbajtëm në shtëpinë e pavijonit tonë, në ndërtesën Museo Storico Navale, ku bashkë me ekipin e pavijonit, familjarët, miqtë dhe komunitetin e artit nga Kosova që kishte ardhur për mbështetje, ngritëm dolli për këtë sukses të madh, dhe për të gjitha mundësitë e reja që do të hapen nga ky moment i rëndësishëm.

Urime të gjithëve, e faleminderit Dori, Era dhe Hana./KultPlus.com

 

Gonxhja: T’i kthejmë Cirkut lavdinë e dikurshme

Posted on by Kult Plus

Ministri i Ekonomisë, Kulturës dhe Inovacionit Blendi Gonxhja,  tha sot se, “sfida jonë është për t’i kthyer Cirkut lavdinë dhe shkëlqimin e dikurshëm”.

Ministri Gonxhja, teksa ndau në rrjetet sociale momente nga shfaqja dhe performanca e parë e akrobatëve shqiptarë, tha se Cirku është një hapësirë ku shkëputesh nga realiteti, duke u bërë pjesë e një bote të imagjinatës pa kufij.

“Ky vit shënon 65-vjetorin e Cirkut Kombëtar, i vetmi në Ballkan për llojin e tij, çka na sjell para një sfide të vështirë, për t’i kthyer Cirkut lavdinë dhe shkëlqimin e dikurshëm, në një hapësirë ku fëmijët dhe të rriturit mund të shkëputen nga realiteti dhe të bëhen pjesë e një bote të imagjinatës pa kufij”, shkroi Gonxhja.

Në Ditën Ndërkombëtare të Cirkut, Gonxhja shprehu mirënjohje për artistët e cirkut dhe emocionet magjike që kanë përcjellë përmes performacës tyre.

“Shprehim mirënjohjen tonë për të gjithë artistët e mrekullueshëm, për çdo emocion dhe të qeshurat pafund që ata kanë dhuruar ndër vite, duke e bërë cirkun një nga format e artit më të dashura për të gjithë”, tha Gonxhja./atsh/KultPlus.com

Gati në përfundim të mandatit të tij si drejtor i Filharmonisë, Jashari pritet nga Ministri Çeku

Posted on by Kult Plus

Ministri i Kulturës, Rinisë dhe Sportit, Hajrulla Çeku, ka pritur sot në takim profesorin dhe dirigjentin Baki Jashari i cili po e përfundon mandatin e tij si drejtor i Filharmonisë së Kosovës.

Ministri Çeku dhe drejtori Jashari bashkë diskutuan për punët e angazhimin e këtij të fundit në institucionin më të lartë të muzikës në vend.

“Ministri e falenderoi për kontributin e tij jetësor në skenën e muzikës klasike dhe atë 18 vjeçar në forcimin e institucionit të Filharmonisë”, thuhet në njoftim.

Deri në shpalljen e konkursit të rregullt, si ushtrues detyre i drejtorit të Filharmonisë së Kosovës është emëruar Dardan Selimaj, zyrtar i brendshëm i këtij institucioni, i cili poashtu ishte pjesë e takimit./KultPlus.com

Sveçla: Rreth 400 ekstremistë serbë po trajnohen pranë kufirit me Kosovën, mund të ketë sulme agresive me urdhër të Vuçiqit

Posted on by Kult Plus

Ministri i Brendshëm i Kosovës, Xhelal Sveçla, ka aralmuar se 400 ekstremistë serbë mund të aktivizohen në sulme agresive me vetëm një urdhër të Aleksandar Vuçiqit.

Siç tha ai për News24 të Shqipërisë, kjo jo dëshmohet meqë të njëjtit janë duke u trajnuar në zonat përreth kufirit me Kosovën, përcjell klankosova.tv.

”Rreth 400 ekstremistë serbë po trajnohen në zonat përreth kufirit me Kosovën dhe me një urdhër të Vuçiç mund të aktivizohen në sulme agresive”.

Sveçla e cilësoi të drejtë dhe normal vendimin për dinarin, teksa tha se Kosova është shtet i pavarur dhe sovran.

Gjatë intervistës Sveçla foli dhe për raportet e Albin Kurtit me ndërkombëtarët, ku tha se nuk ka asnjë krisje mes tyre, madje ata kanë takime të përjavshme për zhvillimin e mëtejshëm të vendit./klankosova/KultPlus.com

Ministri Çeku priti kryetarin e Arkivave Shtetërore të Turqisë, diskutojnë për mundësinë e shkëmbimit të dokumenteve

Posted on by Kult Plus

Ministri i Kulturës, Rinisë dhe Sportit Hajrulla Çeku, ka pritur sot në takim kryetarin e Arkivave Shtetërore të Presidencës së Republikës së Turqisë, Prof. Dr. Uğur Ünal.

Bashkë diskutuan për marrëveshjen aktuale të bashkëpunimit në mes të Agjencionit të Arkivit Shtetëror të Kosovës dhe Kryesisë së Arkivave Shtetërore të Turqisë, punët e përbashkëta që janë bërë deri tani dhe planet për të ardhmen.

Shkëmbimi i përvojave për zhvillimin e arkivave shtetërore, rritja e kapaciteteve profesionale, digjitalizimi dhe shkëmbimi i dokumenteve ishin disa nga temat konkrete që u folën.

Në takim ishin të pranishëm po ashtu drejtori i Arkivave Shtetërore të Kosovës, Bislim Bislimi, zëvendës ambasadorja e Republikës së Turqisë në Prishtinë, Şeyda Çimeli Aydın, drejtoresha për politika zhvillimore në AShAK, Shpresa Mekaj, Hatixhe Mehmeti, zyrtare për dokumente të huaja në AShAK dhe Onur Canhas, këshilltar i ministrit Çeku./KultPlus.com

Ministri Vitia takon gratë që fituan betejën ndaj Kancerit të Gjirit

Posted on by Kult Plus

Ministri i Shëndetësisë, Arben Vitia sot ka takuar gratë të cilat kanë fituar betejën ndaj Kancerit të Gjirit, shkruan KultPlus.

Përmes një postmi në facebook, Ministri Vitia ka thënë se gratë të cilat e fituan luftën ndaj kancerit të gjirit, janë shembull se si kontrolli i hershmën e vizitat e rregullta janë kushti i pazëvendësueshëm i fitores në këtë betejë.

Më poshtë është postimi i plotë i Ministrit Vitia në facebook:

Me gratë që fituan betejën ndaj Kancerit të Gjirit

Tetori është muaji i vetëdijësimit për luftën kundër kancerit të gjirit.

Sot i takova gratë që ia dolën.

Ato janë shembull e dëshmi se kontrolli i hershmën e vizitat e rregullta janë kushti i pazëvendësueshëm i fitores në këtë betejë.

Prandaj ne jemi duke bërë hapa për ta fuqizuar sistemin në këto drejtime:

✅Furnizimi shumë më i madh me barna.

✅Aparatura të reja e moderne.

✅Shërbime falas të rikonstruktimit të gjirit.

Që janë vetëm disa nga hapat konkret që kemi ndërmarrë. Të tjerë do të vijojnë.

Gjatë vitit 2022 në Kosovë u regjistruan 547 raste të këtij kanceri.

Nga to 543 gra dhe 4 burra.

Çdo ditë kudo dhe me këdo duhet ta përsërisim pa rreshtur se:

“Zbulimi i hershëm, shpëton jetë!”./KultPlus.com

Ministri Çeku për vendosjen e 23 aseteve në listën e trashëgimisë kulturore: Po formojmë identitetin kolektiv dhe kulturën tonë

Posted on by Kult Plus

Ministri i Kulturës, Hajrulla Çeku me rastin e vendosjes së 23 aseteve të reja në listën e trashëgimisë kulturore, ka thënë se duke i mbrojtur pasuritë e Kosovës, janë duke kontribuar në formimin e identitetit kolektiv duke i kujtuar ngjarjet e së kaluarës, KultaPlus.

Ministri Çeku, përmes një njoftimi në facebook ka thënë se vendosa e 23 aseteve në listën e trashëgimisë kulturore, në mbrojtje të përkohshme, po shënon një rrugëtim historik dhe kulturor të vendit.

Postimi i Ministrit Çeku në facebook:

Listës së trashëgimisë kulturore në mbrojte të përkohshme i janë shtuar edhe 23 aset të reja

Lista e trashëgimisë kulturore në mbrojtje të përkohshme pasurohet me 23 asete të reja që shënojnë rrugëtimin historik dhe kulturor të vendit.

Nga shtëpitë tradicionale, shkolla e parë shqipe e fillim shekullit të XX-të e kulla deri tek monumentet që pasqyrojnë historinë e fundit, në tërë territorin e Kosovës janë vlerësuar pasuri materiale dhe shpirtërore.

Në këtë listë janë shtuar afreskat e periudhës Romake të Dresnikut, Guri i Nënës Pashkë, aset me vlera të jashtëzakonshme shpirtërore, ndërtesa e lokalit Panda në Pejë dhe po ashtu ish spitali ushtarak në Drenas që shënojnë ngjarje historike.

Duke mbrojtur asetet tona, po kontribuojmë në njohjen dhe kuptimin e historisë së Kosovës teksa duke i kujtuar ngjarjet e kaluara formojmë identitetin kolektiv dhe kulturën tonë./KultPlus.com

Ministri Sveçla: Terroristët serbë u përgatitën në Serbi

Posted on by Kult Plus

Ministri i Brendshëm, Xhelal Sveçla, ka dalë në një konferencë për shtyp, një javë pas u vra rreshteri Afrim Bunjaku nga grupi kriminal serbë.

Sveçla, mes tjerash potencoi se sulmi terrorist nga ana e Serbisë kishte për qëllim aneksimin e veriut të Kosovës.

“Çdo ditë kemi dëshmuar me fakte me lidhjen e shtetit serb, Aleksandar Vuçiqit, me sulmin në Basnjskë të Zveçanit, ky organizim terrorist kishte vetëm një qëllim, aneksimin e veriut të Kosovës”, u shpreh Sveçla

“Me qëllim të organizmit ë këtij qëllimi, institucionet e Serbisë kanë organizuar kapacitete ushtarake, logjistike, ushtarake, financiare, në vazhdimisë kemi njoftuar se

“Sot do të shohim në video dhe fotografi, jo vetëm sulmin në Basnjëk, por edhe përgatitjet e këtij grupi nga shteti i Serbisë në qendrat zyrtare të trajnimit”.

“Në këtë tentim të aneksimit të veriut, janë angazhuar drejtpërdrejti presidenti Vuçiqi, ministri i Mbrojtjes, Milosh Vuçeqeviq shefi i komandës Milan Milojseviq”.

Ai theksoi se pamjet i kanë siguruar nga nga dronët që kanë konfiskuar./KlanKosova/KultPlus.com

Kryetari Rama i dhuron Çelësin e Qytetit ish ministrit Mehaj

Posted on by Kult Plus

Kryetari i Prishtinës Përparim Rama i ka dhuruar Çelësin e Qytetit ish Ministrit të Mbrojtjes, Armend Mehaj, shkruan KultPlus.

Përmes një postimi në facebook, kryetari Rama ka thënë se është nder i madh për të t’i dhënë Çelësin e Qytetit, ish ministrit, nga ku edhe e ka falënderuar për shërbimin që Mehaj ka dhënë për vendin.

“Nder vërtetë i madh për mua t’i jap Çelësin e Qytetit mikut dhe ish Ministrit të Mbrojtjes, Armend Mehaj.

E falënderoj për shërbimin fantastik që ka dhënë për vendin.

Bashkëpunëtor njëherë, miq përherë!”, ka shkruar Rama./KultPlus.com

Ministri Çeku takohet me ambasadorin amerikan Hovenier, pranon dhuratë për vajzën e posalindur

Posted on by Kult Plus

Ministri i Kulturës, Rinisë dhe Sportit, Hajrulla Çeku sot ka pranuar një dhuratë, thurrje dore për vajzën e tij të posalindur nga ambasadori amerikan Jeffrey M. Hovenier, të cilën e kishte punuar gruaja e tij, shkruan KultPlus.

Ministri Çeku përmes një postimi në facebook ka bërë të ditur se në takim u diskutua për bashkëpunim nëpërmjet projekteve konkrete në fushën e kulturës, sportit dhe fuqizimit të të rinjëve.

“Takimi me të parin e Shteteve të Bashkuara të Amerikës në Kosovë, Ambasadorin Jeffrey M. Hovenier, filloi shumë ngrohtësisht. Pranova një dhuratë të veçantë, thurrje dore nga bashkëshortja e tij për vajzën time të posalindur.

Bisedën e vazhduam për bashkëpunimin e deritanishëm dhe thellimin e partneritetit tonë dypalësh nëpërmjet projekteve konkrete në fushën e kulturës, fuqizimin e të rinjve, të trashëgimisë kulturore dhe sportit.

Përherë falënderues për punën dhe përkushtimin e palëkundur të Shteteve të Bashkuara në zhvillimin e vendit tonë”, ka shkruar ministri Çeku në facebook./KultPlus.com

Ministri Çeku i frymëzuar nga medalistët e Lojrave Frankofone Kinshasa 2023: Sporti përsëri lartëson shtetin

Posted on by Kult Plus

Ministri i Kulturës, Rinisë dhe Sportit, Hajrulla Çeku, sot ka pritur në takim medalistët e Lojërave Frankofone Kinshasa 2023, shkruan KultPlus.

Përmes një postimi në facebook, ministri Çeku ka thënë se arritjet e sportistëve dëshmojnë punën e palodhur të sportistëve të Kosovës, duke e lartësuar shtetin përsëri.

“Sporti përsëri lartëson shtetin

Pozitivitet e frymëzim mora sot nga takimi me Shpatin, Gresën, Muhametin dhe Dardanin që na sollën 4 medalje nga Lojërat Frankofone Kinshasa 2023.

Këto arritje dëshmojnë përkushtimin dhe punën e palodhur të sportistëve tanë si dhe faktin se mbështetja e fortë e qeverisë për sportin çon vërtet në rezultate të jashtëzakonshme”,  thuhet në postimin e Çekut në facebook.

Në Lojrat Frankofone Kinshasa 2023, xhudisti, Shpat Zeka ka fituar medaljen e artë ndërsa dy medalje të tjera të argjendta janë fituar nga Muhamet Ramadani dhe Gresa Bakraqi, dhe një e bronztë është fituar nga  Dardan Cena./KultPlus.com

Ministri Çeku pret Ministrin e Investimeve të Arabisë Saudite: Konfirmohet gatishmëria për të zgjeruar bashkëpunimin mes dy shteteve

Posted on by Kult Plus

Minstri i Kulturës, Rinisë dhe Sportit, Hajrulla Çeku, ka pritur Ministrin e Investimeve të Arabisë Saudite Khalid Al-Falih, në Muzeun Etnologjik të Kosovës me të cilin ka diskutuar për trashëgiminë e pasur kulturore të Kosovës dhe sukseset e sportistëve të Kosovës në botë, shkruan KultPlus.

Përmes një postimi në facebook nga MKRS është bërë e ditur se të dy ministrat kanë konfirmuar gatishmërinë për të zgjeruar bashkëpunimin mes dy shteteve.

Postimi i plotë i MKRS në facebook:

Në Muzeun Etnologjik të Kosovës, Ministri Çeku ka pritur Ministrin e Investimeve të Arabisë Saudite Khalid Al-Falih, i shoqëruar nga ambasadori i Kosovës në Arabi, Lulzim Mjeku, ambasadori Faisal Ghazi Hifzi dhe shefi i Fondit Saudit për Zhvillim, Sulltan AlMarshad.

Bashkë diskutuan për trashëgiminë e pasur kulturore të vendit tonë, zhvillimet dhe punët që po bëhen në fushën e trashëgimisë e kulturës. Po ashtu për sportin, sukeset e sportistëve tanë nëpër botë, për Kampionatin Evropian të Xhudos dhe kandidaturën e Kosovës për Lojërat Mesdhetare 2030.

Të dy ministrat konfirmuan gatishmërinë për të zgjeruar bashkëpunimin mes dy shteteve.

Ministri Çeku pret Ministrin e Investimeve të Arabisë Saudite Khalid Al-Falih: Konfirmohet gatishmëria për të zgjeruar bashkëpunimin mes dy shteteve/KultPlus.com

Ministri Çeku: Po punohet me intensitet në përmirësimin e infrastrukturës në mbarë vendin, për të gjitha komunitetet (FOTO)

Posted on by Kult Plus

Ministri i Kulturës Rinisë dhe Sportit, Hajrulla Çeku ka publikuar fotografi nga  vendpunimet e disa prej objekteve në Kosovë, në të cilat sipas tij po punohet me intensitet të lartë, shkruan KultPlus.

Minisri  Çeku, përmes një postimi në facebook, ka thënë se po punohet me hapa konkret në përmirësimin e infrastrukturës në mbarë vendin.

“Hapa konkret në përmirësimin e infrastrukturës në gjithë vendin, për të gjitha komunitetet.

Disa nga projektet në të cilat po punohet me intensitet të lartë:

Gjimnazi i vjetër “Ismail Qemali” në Ferizaj

Stadiumi i Qytetit në Malishevë

Biblioteka e Qytetit në Shtime

Kisha katolike “Engjëlli i Rojes” në Ferizaj”, thuhet në postimin e Çekut në facebook./KultPlus.com

Ndalohet shfaqja e filmave shqiptarë në Bujanovc, Çeku: Ky është përgënjeshtrimi më i madh që Serbia ka ndryshuar apo se mund të ndryshojë

Posted on by Kult Plus

Ministri i Kulturës Rinisë dhe Sportit, Hajrulla Çeku ka reaguar me rastin e ndalimit të shfaqjes së dy filmave shqiptarë në Shtëpinë e Kulturës në Bujanovc, nga autoritetet serbe, shkruan KultPlus.

Përmes një postimi në facebook Çeku ka thënë se një akt i tillë, i cili u ndëmorr një ditë para shfaqjes së filmave, me motivin që filmi është me aktorë shqiptarë dhe që është mbështetetur nga Qeveria e Republikës së Kosovës, sipas tij më e pakta që mund të emërohet është mosdurim nacional.

Ministri më tutje ka thënë se politizimi nga ana e Serbisë edhe i artit, është përgënjeshtrimi më i madh që Serbia ka ndryshuar apo mund të ndryshojë.

Postimi i plotë i ministrit Hajrulla Çeku në facebook:

I paprecedent dhe i papranueshëm rasti i mbrëmshëm në Komunën e Bujanocit, ku u ndalua shfaqja e dy filmave në Shtëpinë e Kulturës.

Një ditë para shfaqjes së filmave, policia e Serbisë i merr në bisedë informative drejtorin e Shtëpisë së Kulturës në Bujanoc, producentin dhe aktorët e filmave.

Pa asnjë motiv konkret, e madje duke e paragjykuar përmbajtjen e filmave, autoritetet serbe ndalojnë shfaqjen e filmave deri në një vendim të radhës.

Ky akt më e pakta që mund të emërohet, është mosdurim nacional. E për fat të keq ka ende qarqe politike brenda, në rajon e jashtë që besojnë në ndryshimin e Serbisë.

Pikërisht politizimi nga ana e Serbisë edhe i artit, me të vetmin motiv që filmi është me aktorë shqiptarë dhe mbështetet nga Qeveria e Republikës së Kosovës, është përgënjeshtrimi më i madh që Serbia ka ndryshuar, apo se mund të ndryshojë.

Ky projekt ishte njëri nga 78 projektet që Qeveria jonë i mbështeti financiarisht përmes Këshillit Kombëtar Shqiptar. Projekte këto që bartnin aktivitete në ruajtjen dhe kultivimin, avancimin e artit, gjuhës, arsimit e identitetit kombëtar shqiptar në Luginën e Preshevës./KultPlus.com

Ministri Çeku: Tash është radha e Prokurorisë të merret me kriminelët në veri

Posted on by Kult Plus

Ministri i Kulturës, Rinisë dhe Sportit, Hajrulla Çeku i ka bërë thirrje Prokurorisë që të merret me kriminelët në veri, shkruan KultPlus.

Çeku përmes një postimi në facebook, ka thënë se Institucionet e Sigurisë në veri, kanë bërë punë të jashtëzkonshme në identifikimin e tyre, dhe se tash radha i takon Prokurorisë të merret me ta.

“Kriminelët në veri tash veçse dihen. Ata kanë emër e mbiemër. Institucionet e sigurisë po bëjnë punë të jashtëzakonshme në identifikimin e tyre. Tash është radha e Prokurorisë”, ka thënë Ministri Çeku./KultPlus.com

Gashi: Në kuadër të Ditës Ndërkombëtare të Rinisë, shpërndahen certifikata për të rinjë

Posted on by KultPlus

Ministri i Kulturës, Rinisë dhe Sportit, Kujtim Gashi së bashku me kryetarin e Kuvendit të Republikës së Kosovës Kadri Veseli, morën pjesë në shpërndarjen e certifikatave për të rinj të cilët janë trajnuar në fushën e Ndërmarrësisë dhe Zhvillimit të Planit të Biznesit, ky aktivitet u realizua në kuadër të Ditës Ndërkombëtare të Rinisë 12 gushtin.

Duke u bazuar në Planin e Veprimit për Punësimin e të Rinjve 2018-2020, Ministria e Kulturës, Rinisë dhe Sportit ka mbështetur Organizatat Jo-qeveritare që veprojnë si ofruese të trajnimeve me projektet e tyre që kontribuojnë  në rritjen e punësimit përmes ofrimin e shërbimeve cilësore të punësimit për të rinj të moshës 18-24 vjeç.

Gjatë kësaj ceremonie ministri Gashi tha se “Sot kemi një ditë të rëndësishme për të gjithë të rinjtë e Kosovës, e veçanërisht për të rinjtë të cilët janë trajnuar në fushën e ndërmarrësisë, projekt ky i cili ka për qëllim krijimin e vendeve të punës përmes mbështetjes së drejtpërdrejtë ekonomike dhe trajnimeve për ndërmarrësi për të rinj”.

Tutje ministri Gashi tha se “qëllimi i realizimit të projekteve të tilla është që të rinjtë të zhvillojnë kapacitet profesionale në përputhje me nevojat e tregut të punës duke pasur parasysh që vendi ynë ka shume kuadro që janë të aftë t’i japin shoqërisë ide inovative për biznesi”.

Ndërkaq kryetari i Kuvendit të Republikës së Kosovës, Kadri Veseli tha se “Qytetarët duhet të marrin vendim si duhet të ec Kosova. Mund të forcohet rinia, është mundësi që rina të ketë angazhim të fuqishëm e më së shumti ta ruajmë atë që e kemi arritur si shtet i pa varur dhe sovran”. / KultPlus.com

Ministri Gashi, kërkon një lokacion për shtatoren e Skënderbeut në Toronto

Posted on by Kult Plus

Ministri i Diasporës dhe Investimeve Strategjike, Dardan Gashi, sot u prit nga ministrja e Migracionit dhe e Shtetësisë e shtetit të Ontarios, Laura Albanese, me të cilën diskutoi për ngritjen e një qendre kulturore shqiptare në qytetin e Torontos.

Me këtë rast ministri e informoi ministren për misionin dhe punën e Ministrisë së Diasporës dhe Investimeve Strategjike në ruajtjen e identitetit kombëtar shqiptar.

“Në kuadër të vizitës kemi takuar edhe shumë bashkatdhetarë tanë që jetojnë në Toronto, afaristë të suksesshëm, nga të cilët kam një kërkesë që duhet t’jua paraqes – të ndihmoni gjetjen e lokacionit për vendosjen e një shtatoreje të Skënderbeut, pasi edhe ky vit është shpallur vit i heroit më të madh shqiptar”, tha Gashi.

Ai po ashtu kërkoi nga Albanese mbështetjen e Qeverisë së Ontarios për institucionalizimin e mësimit plotësues të gjuhës shqipe, si dhe për ndërtimin e një qendre kulturore shqiptare në Toronto.

Nga ana e saj Albanese premtoi se do të punojë së bashku me komunitetin dhe do ta mbështetë atë, si dhe do t’i japë këshilla për t’i përmbushur kërkesat e tyre, ani pse disa nga to më vështirë janë të realizueshme.

Ndryshe, Albanese ka qenë një nga mbështetësit më të mëdhenj të promovimit të kulturës shqiptare, duke sponsorizuar edhe ligjin që është miratuar në Parlamentin e shtetit të Ontarios, ku muaji nëntor është shpallur muaji i kulturës shqiptare./ KultPlus.com

Ministri Gashi po merr pjesë në ceremoninë e ndarjes së çmimeve në fushën e filmit në Berlin

Posted on by Kult Plus

Me ftesë të Presidentit të Akademisë Evropiane të Filmit, Wim Wenders, Ministri i Kulturës, Rinisë dhe Sportit, po merr pjesë në ceremoninë e edicionit të 30-të të Europian Film Awards 2017, në Berlin të Gjermanisë.

Gjatë kësaj ceremonie, njëra ndër ngjarjet më madhështore në botën e filmit, ministri Gashi zhvilloi takime të shumta. Ndër më të rëndësishmit ishte takimi me Ministren e Kulturës së Lituanisë, Liana Ruokytė-Jonsson, me të cilën ministri diskutoi për mundësitë e bashkëpunimit në fushën e kulturës. Gashi e Roukytė-Jonsson u pajtuam që së shpejti të ndërmarrim hapa për konkretizimin e këtij bashkëpunimi.

Në këtë ngjarje të rëndësishme në sferën e kulturën, ministri Gashi po ashtu ka takuar dhe ka bashkëbiseduar me një numër të konsiderueshëm të filmbërësve, regjisorëve e aktorëve evropian e më gjerë./ KultPlus.com

Austria përkrahë MKRS-në për realizimin e politikave

Posted on by Kult Plus

Ministri Kujtim Gashi takoi ambasadorin e Austrisë në Kosovë, Gernot Pfandler, me të cilin diskutoi për raportet dhe bashkëpunimin që ka Ministria e Kulturës, Rinisë dhe Sportit me Ambasadën e Austrisë.

Ministri e falënderoi ambasadorin Pfandler për vizitën dhe u shpreh se e vlerëson marrëdhënien e Kosovës me një shtet mik siç është Austria dhe me këtë rast e falënderoi ambasadorin për tërë përkrahjen që ka dhënë shteti austriak në përkrahje të shtetësisë së Kosovës.

Ministri Gashi tha se është i gatshëm për thellim të bashkëpunimit me Austrinë në ato projekte të cilat Ambasada i sheh për të dy palët. Kësisoj do të intensifikohej edhe angazhimi i përbashkët në avancimin e fushave që ka në përgjegjësi MKRS-ja, por edhe do të hapej mundësia për shkëmbim të përvojave e profesionistëve të dy vendeve.

Ndër të tjera, ministri e ka njoftuar ambasadorin edhe për planet dhe politikat që ka për synim që t’i realizojë ministria në të ardhmen dhe në këtë drejtim ministri u shpreh se shpreson edhe në përkrahjen e Ambasadës së Austrisë, sidomos në promovimin e diplomacisë dhe diversitetit kulturor.

Ndërkaq, ambasadori austriak Pfendler e falënderoi ministrin Gashi për pritjen dhe e përgëzoi për e detyrën e ministrit duke i dëshiruar suksese dhe përmbushje të qëllimeve.

Ambasadori austriak theksoi se ambasada do ta mbështesë ministrinë në sferat në të cilat do të vlerësohen të interesit të përbashkët, por edhe në prezantimin dhe pjesëmarrjen e Kosovës në ngjarje të rëndësishme ndërkombëtare./ KultPlus.com

Italia do të përkrahë Kosovën për anëtarësim në UNESCO

Posted on by Kult Plus

Ministri Kujtim Gashi priti sot në një takim njoftues ambasadorin e Italisë në Kosovë, Piero Cristoforo Sardi, me të cilin bisedoi për bashkëpunimin që ka Ministria e Kulturës, Rinisë dhe Sportit me Ambasadën e Italisë.

Ministri e ambasadori i vlerësuan marrëdhëniet e shkëlqyeshme mes Kosovës dhe Italisë në përgjithësi, e sidomos për angazhimin dhe koordinimin e përbashkët të Ambasadës dhe MKRS-së në realizimin e projekteve konkrete me qëllim të arritjes së planeve dhe politikave të ministrisë.

Ministri Gashi e falënderoi ambasadorin dhe përmes tij shtetin e Italisë për kontributin që ka dhënë populli italian në mbështetje të shtetit të Kosovës. Ministri ka veçuar përkrahjen e ambasadës në projektet që janë në interes të MKRS-së duke u shprehur se me intensifikimin e bashkëpunimit përfitimi do të jetë më i madh.

Ministri e ka informuar ambasadorin edhe për objektivat që kanë për synim që t’i realizojnë duke hartuar politika që janë në dobi të avancimit të fushave që ka në përgjegjësi ministria.

Nga ana e tij, ambasadori Sardi e falënderoi ministrin Gashi për pritjen dhe e uroi për marrjen e detyrës.

Ambasadori italian u shpreh se ambasada do ta përkrah ministrinë por edhe Kosovën në proceset e saj në afirmimin ndërkombëtar siç është anëtarësimi në UNESCO. Ambasadori Sardi tha se do ta mbështesë ministrinë edhe në avancimin i infrastrukturës ligjore./ KultPlus.com

Ministri Gashi jep arsyetimin për bartjen e MKRS-së në Prizren

Posted on by Kult Plus

Në mbledhjen e sotme, Qeveria e Kosovës ka marrë vendim për propozimin e Ministrisë së Kulturës, Rinisë dhe Sportit, për bartje të një pjese të stafit politik, administrativ dhe profesional në qytetin e Prizrenit.

Ministri Kujtim Gashi, para kabinetit qeveritar ka dhënë arsyetimin për një propozim të tillë bazuar në vlerën dhe rëndësinë historike e kulturore që ka pasur qyteti i Prizrenit ndër shekuj dhe vazhdon ta ketë për tërë shqiptarët në përgjithësi dhe për Kosovën në veçanti.

“Prizreni është një simbol që kultivon vlera origjinale dhe me larmi kulturash. Është qendër jo vetëm e kulturës shqiptare, por edhe e gjithë popujve tjerë që jetojnë në të, pa dallim përkatësie nacionale, religjioze apo sociale. Arkitektura qytetare, religjioze, neoklasike dhe orientale e bën sot Prizrenin qytetin më të bukur dhe më të vizituar në Kosovë. Pjesa e vjetër e qytetit, shërben si një hapësirë unike ku zhvillohen shumë aktivitete kulturore, të cilat e mbajnë gjallë vazhdimisht jetën kulturore të qytetit”, tha ministri.

Ministri Gashi vlerësoi se aktivitetet që organizohen në Prizren kanë impakt kulturor në mbarë vendin dhe më gjerë. Trashëgimia e pasur kulturore e këtij qyteti dhe shumë veçori tjera e bëjnë Prizrenin vend të kulturës dhe historisë.

“Është fakt i patjetërsueshëm që vlerat që burojnë nga diversiteti kulturor, historik, gjuhësor e fetar, e bëjnë Prizrenin pikë referuese dhe atraksion për turistët vendor dhe të huaj. Prandaj, me qëllim të avancimit, përkrahjes dhe përkujdesjes më të madhe institucionale ndaj këtyre vlerave historike, kulturore e sociale, kemi kërkuar nga Qeveria e Republikës së Kosovës që të vendosë për bartjen e Ministrisë së Kulturës, Rinisë dhe Sportit në Prizren”, ka thënë ministri Gashi

MKRS-ja paraprakisht ka ndërmarrë të gjitha masat e nevojshme për këtë bartje, përfshirë planifikimet përkatëse buxhetore si dhe gjetjen e lokacionit dhe për të funksionalizuar bartjen ministria në bashkëpunim me Zyrën e Kryeministrit dhe me Komunën e Prizrenit dhe institucionet tjera përkatëse, do të formojë një komision, i cili do të hartojë planin për realizimin e bartjes./ KultPlus.com

Ministri Gashi u takua me ambasadorin amerikan Greg Delawie

Posted on by Kult Plus

Ministri i Kulturës, Rinisë dhe Sportit, Kujtim Gashi, priti sot, në një takim njohës, ambasadorin e Shteteve të Bashkuara të Amerikës në Kosovë, Greg Delawie, me të cilin bisedoi për bashkëpunimin ndërmjet Ministrisë dhe Ambasadës së SHBA-së në vendin tonë.

Ministri Gashi dhe ambasadori Delawie vlerësuan bashkëpunimin e ngushtë të dy shteteve, e në veçanti të MKRS-së me Ambasadën Amerikane në dikasteret që ka në përgjegjësi ministria.

Ministri e falënderoi ambasadorin amerikan për ndihmën e vazhdueshme dhe të pakursyer që Qeveria amerikane ka dhënë në shtet ndërtimin e Kosovës dhe po jep për forcimin e shtetësisë së Kosovës.

Po kështu, ministri Kujtim Gashi e njoftoi ambasadorin Delawie për politikat dhe planet që po i ndjek MKRS-ja për zhvillimin e kulturës në vend dhe promovimin e diversitetit kulturor.

Ambasadori Delawie premtoi vazhdimin e bashkëpunimit në fushat që janë me interes të MKRS-së.

Po ashtu, ambasadori Delawie theksoi se qeveria e vendit të tij, përmes Ambasadës në Prishtinë, do të jetë përkrah ministrisë duke mbështetur aktivitete të ndryshme rinore e kulturore, të cilat e promovojnë diversitetin dhe respektin e ndërsjellë në Kosovë, si dhe aktivitetet e dizajnuara që të kundërshtojnë ekstremizmin e dhunshëm.
Ministri e ambasadori u pajtuan për thellim të bashkëpunimit dhe angazhimit në realizimin e projekteve konkrete në kulturë, trashëgimi, e me theks të veçantë në avancimin dhe integrimin e rinisë në jetën institucionale e shtetërore të Kosovës./ KultPlus.com

Ministri Gashi: Turqia partner i çmuar i Kosovës

Posted on by Kult Plus

Ministri i Kulturës, Rinisë dhe Sportit, Kujtim Gashi, ka pritur në një takim Ambasadoren e Turqisë në Kosovë, Kivilicim Kiliç. Gjatë këtij takimi njohës, u bisedua për projektet e përbashkëta në të cilat Kosova e Turqia kanë bashkëpunuar deri më tani, si dhe vazhdimin e mëtejmë të tyre.

Ministri Gashi e falënderoi ambasadoren dhe përmes saj shprehu mirënjohjen për Republikën e Turqisë në përkrahje të Republikës së Kosovës dhe të kontributit të shtetit turk dhënë për Kosovën në përgjithësi, e në veçanti për fushat në të cilat është përgjegjëse MKRS-ja.

Ministri tha së është në gatishmëri dhe shërbim të plotë për thellim të bashkëpunimit dhe realizimit të projekteve konkrete, me theks, në fushën e kulturës dhe trashëgimisë kulturore. Turqia ka qenë dhe mbetet partner i çmuar i shtetit të Kosovës, u shpreh ministri.

Ndërkaq ambasadorja turke Kiliç, e uroi ministrin Gashi për detyrën e re dhe e premtoi se bashkëpunimi dhe përkrahja ndaj MKRS-së do të vazhdojë edhe në të ardhmen. Mysafirët e informuan ministrin për projektet që janë realizuar deri më tani, sidomos në restaurimin e shumë objekteve të trashëgiminë kulturore, duke u shprehur të hapur për mbështetje të mëtejme si në trashëgimi, por edhe në kulturë, rini e sport.

Ajo theksoi se Turqia e Kosova do të vazhdojnë të jenë përkrah njëra-tjetrës edhe në të ardhmen dhe rikonfirmoi se mbështetja e Ambasadës në projekte të ndryshme do të vazhdojë dhe bashkëpunimi do të thellohet edhe më tej./ KultPlus.com