Të dielën në Teatrin ‘Adriana’ në Ferizaj do të mbahet “Nata e Filmit”, duke filluar nga ora 19:00, përcjell KultPlus.
“Yellow Camel” me regjisore Alma Cocaj, “Sea by the rivër and rivër by the sea” nga regjisori Sovran Nrecaj dhe “Ditë e kuqe” i regjisorit Besim Ugzmajli, janë tri filmat që do të shfaqen këtë mbrëmje.
Filmat përmbyllin programin artistik të teatrit të qytetit të Ferizajt.
Hyrja në teatër për të gjithë filmat është pa pagesë. / KultPlus.com
Organizata jo-qeveritare “ETEA” po sjell ngjarjen e radhës të Qendrës “Libart” e që do të jetë shfaqja e filmave “Pa vend” dhe “Në mes” si dhe diskutim me autorin Samir Karahoda.
Ngjarja do të mbahet sot, më datë 16.11.2022 në Qendren “Libart”, me fillim nga ora 18:00.
Pas shfaqjes së filmave “Në mes” dhe “Pa Vend” do të kemi mundësinë të takoheni dhe dëgjoni një bashkëbisedim mes Samir Karahodës dhe Doki Qerimit. / KultPlus.com
Sot, filmi ‘Martesa’ me regji të Blerta Zeqirit, do të shfaqet në Mitrovicë për nder të Muajit të Krenarisë në kuadër të natës të filmit dhe dhurimit të librave në Mitrovicë, shkruan KultPlus.
Filmi “Martesa” e ndjek jetën e Bekimit, Anitës dhe Nolit të cilët janë viktima të mendësisë patriarkale dhe heteronormative dhe trekëndëshin e dashurisë i cili krijohet si pasojë e kësaj mendësie shtypëse. Po ashtu, filmi ka arritur që të fitoj çmime në festivale të ndryshme si çmimi i kritikës në Tallin Black Nighs Film Festival dhe filmi më i mirë në “CineBalkan”.
Filmi do të shfaqet në 7 arte, duke filluar nga ora 20:00. Ndërsa, pas shfaqjes së filmit, do të dhurohen disa libra dhe do të mbahet një diskutim që lidhet me tematikën e filmit të shfaqur.
Nata e filmit dhe dhurimit të librave është mundësuar nga Ambasada Holandës në Kosovë. / KultPlus.com
