Ndarja e Oscar këtë vit kthehet në Hollywood

Mbrëmja e ndarjeve të Oscar, çmimit të Akademisë Amerikane të Arteve dhe Shkencave të Filmit, do të kthehet në Hollywood për herë të parë që nga viti 2018, njoftoi rrjeti televiziv amerikan ABC, i cili transmeton ceremoninë çdo vit.

Ceremonia e 94-të e çmimeve të Oscar-it të këtij viti, e planifikuar për 27 mars, do të mbahet në Teatrin Dolby.

Vitin e kaluar, për shkak të epidemisë së koronavirusit, akademia organizoi një mbrëmje gala në një stacion të madh treni në qendër të Los Anxhelosit me një numër të reduktuar të ftuarish.

Për momentin nuk dihet se kush do ta presë ceremoninë, por në vitin 2017 dhe 2018 ishte komediani Jimmy Kimmel, ndërsa Kevin Hart hodhi poshtë një ofertë për të drejtuar në vitin 2019 pasi mesazhet e tij në Twitter, të cilat u vlerësuan, u rishfaqën në mediat sociale si homofobike.

Akademia nuk gjeti zëvendësues për Hart-in në atë kohë, kështu që aktorë të ndryshëm vinin me radhë pa e drejtuar ceremoninë.

Kujtojmë se për herë të parë një film artistik kosovar është në listën e ngushtë për çmimet Oscar – “Zgjoi” (Hive) me regji të Blerta Bashollit.

Votimi i nominimeve fillon më 27 janar 2022 dhe përfundon të martën, më 1 shkurt 2022. Nominimet do të shpallen më 8 shkurt 2022.

Ceremonia e 94-të Oscar mbahet më 27 mars në Hollywood dhe do të transmetohet drejtpërdrejt në më shumë se 200 vende botërore./ KultPlus.com

Brad Pitt dhe Hamilton të gatshëm për të prodhuar një film së bashku

Gjiganti amerikan i teknologjisë, Apple, duket se janë duke udhëhequr garën për të prodhuar një film të suksesshëm në Formula 1 me dy herë fituesin e çmimit Oscar, Brad Pitt.

Interesi për Formula 1 ka shpërthyer vitet e fundit, në një pjesë jo të vogël të suksesit të serialit “Drive to Survive” të Netflix, i cili solli një mori fansash të rinj nga SHBA.

Kompani si Apple, Paramount Pictures, MGM, Sony Entertainment, Universal Pictures, Disney, Netflix dhe Amazon kanë konkurruar të gjithë për të drejtat e prodhimit të filmit.

Ndërsa ylli i Hollivudit, Pitt tashmë është konfirmuar si kryesuesi i projektit ende të pa titulluar, shtatë herë kampioni i F1 Lewis Hamilton është lidhur gjithashtu me një rol në film.

Në një intervistë për ESPN, Hamilton tha: “Nuk e di nëse do të jem i mirë në aktrim. Nuk e di nëse do të jem ndonjëherë i mirë në filma, por do ta provoj”, ka thënë ai.

Akoma nuk është bërë e ditur se si do të jetë skenari i filmit. /KultPlus.com

Brad Pitt
SAO PAULO, BRAZIL - NOVEMBER 12: Fastest qualifier

Vdes regjisorja e njohur, Lina Wertmüller

Është ndarë nga jeta sot regjisorja e njohur italiane Lina Wertmüller. Regjisorja e madhe u nda nga jeta në moshën  93-vjeçare në Romë.

Ajo lindi më 14 gusht 1928 dhe është e filmave të njohur si i ” Travolti da un insolito destino nell’azzurro mare di agosto” (Të pushtuar nga një fat i pazakontë në detin blu të gushtit), “Pasqualino settebellezze”, ” “Mimì metallurgico ferito nell’onore”, ( Mimi metalurgjiku i plagosur në sedër”, duke shënjuar historinë e komedisë italiane.

Lina Wertmüller bëri debutimin e saj në vitin 1963 me “I basilischi” (Hardhucat) pasi kishte punuar për disa kohë si asistente e Federico Fellinit. Ajo ishte regjisorja e parë femër që u nominua për çmimin Ocsar në kategorinë regjisori i mirë në Academy Awards në 1977, duke thyer kështu një tabu. Nuk do të kishte më nominime për regjisore femra deri në vitin 1993 kur Jane Campion u neminua për “The Piano”. Në vitin 2020, Akademia i dha asaj Oscar-in e karrierës.

Në foton kortezi të fotografit Roland Tasho, Wertmüller ka pozuar me kostum tradicional shqiptar.

“E njihja në bisedat e gjata me shokët e mi regjisoren e “ccmendur” italiane por se do të arrija ti vishja një kostum popullor nuk e kisha menduar ndonjëherë. Italianët kur shikonin albumin me të huaj që janë veshur shqip habiteshin dhe më përgëzonin që kisha arritur të vishja shqip regjisoren e tyre më të dashur. Respekt për këtë grua të madhe” shkruan Tasho. / KultPlus.com

(Photo by Roberto Serra – Iguana Press/Getty Images)

Yllka Gashi me rrëfime të padëgjuara për filmin Zgjoi: Realizova ëndrrën time të fëmijërisë (VIDEO)

Aktorja dhe ylli i filmit “Zgjoi”, Yllka Gashi, ka dhënë një intervistë virtuale për “CherryPicks” së fundmi, ku ka dhënë detaje të shumta për filmin dhe jetën e saj, shkruan KultPlus.

Gashi fillimisht ndau pjesë nga filmi, ku filloi nga njohja me Fahrijen e deri te realizimi i gjithë filmit.

Fillimi i realizimit të filmit

“Ishte shumë e vështirë, Fahrije është njëra ndër ato njerëzit që është lidere e lindur. Nuk ka një diplomë universitare, por është një vizionare e lindur. Ajo na tregoi se edhe para luftës ishte gjithmonë në kërkim të krijimi të biznesit ose të drejtojë diçka që ka të bëjë me biznesin. E kjo gjë ishte e “ndaluar” për ta bërë në fshatin e saj”, tha ajo.

E pyetur se si ishte takimi i parë me Fahrijen, Gashi deklaroi se nuk e priste që ajo të kishte këtë çiltërsi në fytyrën e saj.

Njohja me gruan e suksesshme, Fahrije Hoti

“Ne të gjithë ishim të magjepsur me të, me dinjtetin e saj dhe personalitetin e saj. Unë nuk e prisja që të takojë një person e cila ka kaq shumë çiltërsi, prisja dikë që është e mërzitur dhe disi e lodhur nga jeta, megjithatë ajo na befasoi neve dhe nuk ishte e vështirë që ta kuptojmë atë dhe të ndjejmë së bashku”, pohoi Yllka.

Në vazhdim, aktorja kosovare tregon se ndjenja e përbashkët me Fahrijen ia mundësoi që ky film të shndërrohej në një mision personal për të dhe të tregohet një histori e fuqishme.

Gratë dhe fuqia e tyre

“Kur gratë mlidhen së bashku, ndodhin magji. Ne punuam shumë që të gjejmë emocionet e duhura dhe të shfaqim te publiku atë që duhet parë, duke filluar nga psikologjia, emocionet dhe gjithë ndjenjat e kaluara. Blerta na bëri gjithçka më të lehtë dhe sigurisht prania e Fahrijes e bëri të mundur realizimin e një filmi të tillë”, shtoi ajo.

Sa i përket një filmi të tillë, 39 vjeçarja kishe ëndërruar që ta bënte që kur ishte një fëmijë i vogël dhe madje me realizimin e “Zgjoi” u realizua edhe ëndrra e saj.

Vështirësitë më të mëdha në film

“Orët e gjata të xhirimeve, moti i përkeqësuar dhe ai i nxehtë ishin sigurisht disa prej momenteve të vështira që i përjetuam në realizimin e këtij filmi, por ajo se çka mësova më së shumti ka të bëjë me atë se Fahrije kishte një ëndërr për ta bërë një biznes nga nevoja, e njësoj e ndjeva edhe unë këtë gjë. E kisha përgjegësi që ta bëjë këtë film, do ta bëjë më të mirën time. Ne qamë, qeshëm e të gjitha këto. Ëndrra ime u bë realitet kur u realizua ky film”, tha fituesja e tre çmimeve në Festivalin “Sundance”.

Bletët dhe gratë – dy gjëra të ndryshme por me vizion të njëjta

“Pjesën me bletë e dashuroj, unë mendoj se gratë janë sikurse bletët, të cilat janë shumë të rëndësishme për jetën tonë. Duhet t’i kushtojmë më shumë rëndësi atyre. Gratë, çfarë të them më shumë, ne jemi të mrekullueshme dhe gjithmonë duhet të kemi mbështetjen e njëra tjetrës. Sikurse në film, me bashkimin e grave, ato krijuan të ardhme më të mirë për fëmijët e tyre”, përfundoi ylli i filmit “Zgjoi”.

Ndërkaq, ‘Zgjoi’ tashmë është në pritje të publikimit të listës së ngushtë të ‘Oscars’, e ku përfundimisht do të kuptohet nëse ky film do ta përfaqësojë Kosovën në akademinë e çmimeve më të njohur në gjithë botën.

Intervistën e plotë në “Cherry Picks” mund ta shikoni më poshtë. /KultPlus.com

Linja e Kritikëve Ndërkombëtarë: ‘Zgjoi’ shpresëdhënës për Oscar të Kosovës

Gazeta e njohur amerikane, Deadline, e cila merret kryesisht me lajmet e New Yorkut ka bërë një analizë mbi filmin shumë të suksesshëm të kinematografisë së Kosovës “Zgjoi”, shkruan KultPlus.

Deadline vendos që përmes përshkrimit të filmit, të jap edhe komente e kritika mbi atë se çfarë ka krijuar Blerta Basholli së bashku me gjithë ekipin e “Zgjoit”.

Regjisorja Blerta Basholli dhe kineatori Alex Bloom zgjodhën të xhironin Hive sikur të ishte një dokumentar për jetën e fshatit. Nuk ka skena madhështore dhune, nuk ka rikthime të betejës, nuk ka zjarre. Dhurata e veçantë e Bashollit është të përcjellë rraskapitjen e plotë të trishtimit. Këto gra e pranojnë fatkeqësinë si fatin e tyre; çdo gjë tjetër thjesht kërkon shumë energji. Kur dikush — me sa duket burrat që i pështyjnë nga kafeneja, ose ndoshta gratë që kundërshtojnë sipërmarrjen që i quajnë “bushtra” — hyn brenda natës në bodrumin e Fahrijes për të thyer kavanozat e ajvarit të vendosur me kujdes, gratë thjesht psherëtin dhe marrin fshesat e tyre. Përveç Fahrijes, e cila largohet nga xhami i thyer me një pamje të nervozuar në fytyrë. Ajo nuk do të humbasë tërë vetëm e saj, por nuk do ta durojë as këtë.

Pjesa më e madhe e forcës morale të tregimit varet nga Yllka Gashi, e cila ishte e shkëlqyer, një prani e një force kaq të ndaluar saqë kur tiparet e saj zbuten qoftë edhe për një moment – duke i hedhur një sy djalit të saj në rritje ndërsa ai bën dush, ose duke parë diellin që perëndon mbi malet – jemi të “egra”. Fahrija nuk është një personazh i dashur, por ne jemi në anën e saj. Shikojeni atë teksa shpërthen bën mjalt në turmën e bletëve, lan vjehrrin e saj, shërben çaj, lufton me një përdhunues dhe bind një bandë fqinjësh të saj që nuk e pëlqejnë shumë të ngrihen për veten e tyre; ajo është edhe një objekt i palëvizshëm edhe një forcë e pandalshme.

Pikërisht në fund shohim gratë e vërteta të Krushës të ulura në rreth, duke qëruar specat. Ka një pamje të afërt të një palë duarsh të veshura nga puna dhe më pas, shumë shkurt, një kornizë e ngrirë mbi Fahrijen e vërtetë. Kjo është ajo. Një grua e bukur, por Zoti e di se ajo fytyrë ka parë shumë jetë të tmerrshme, ishte përshkrimi shumë i gjatë që Deadline i bëri filmat dhe vlerësoi se “Zgjoi” është shprësëdhënës që Kosova të arrijë të fitojë një Oscar. /KultPlus.com

Qëllohet për vdekje aktorja e filmit të nominuar për Oscar

Jonshel Alexander, aktore e nominuar për Oscar “Beasts of the Southern Wild”, u qëllua për vdekje të shtunën mbrëma në Luiziana, përcjellë KultPlus.

NOLA.com raporton se Alexandër dhe një mashkull i paidentifikuarr janë qëlluar brenda një automjete në qytetin e New Orleans.

Mjekët konstatuan vdekjen e ish-aktores dhe nënës në vendngjarje, ndërsa pasagjeri mashkull u dërgua vetë në spital për mjekim.

Jonshel luajti Joy Strong në “Beasts of the Southern Wild” kur ishte 12 vjeç.

Drama rrëfente betejën për mbijetesë për komunitetin e varfër të Luizianës dhe fitoi Çmimin e Madh të Jurisë në Festivalin e Filmit Sundance.

Filmi u nominua gjithashtu për katër çmime Oscar, duke përfshirë filmin më të mirë. /KultPlus.com

Kënga biografike për babanë e Venus dhe Serena Williams e Beyonce mund të nominohet për ‘Oscar’

Beyonce pothuajse ka fituar çdo çmim të mundshëm në botën e muzikës, mirëpo ka diçka që ajo ende nuk e ka fituar dhe kjo gjë mund të ndodh tani.

Këngëtarja ka punuar një këngë që shfaqet në filmin e ri të  “King Richard” që pati premierën e parë publike në Festivalin e Filmit “Telluride” në 2021, transmeton KultPlus,

Kënga titullohet “Be Alive” dhe mund të fitojë të drejtën për nominim për Oscar për kategorinë “Kënga më e mirë origjinale”.

“King Richard”, me kryepersonazh Will Smith tregon se si yjet e tenisit Venus dhe Serena Williams u bënë lojtaret e suksesshme që janë sot, pas stërvitjes nga babai i tyre, Richard Williams. Filmi do të publikohet më 19 nëntor. / KultPlus.com

Mandatory Credit: Photo by Joel C Ryan/Invision/AP/Shutterstock (10672756a) Beyonce at the “Lion King” premiere in London. President Barack Obama along with his wife, Michelle, delivered speeches, during YouTube’s “Dear Class of 2020” virtual ceremony. The duo, along with a wide-ranging, star-studded lineup including Beyoncé, Lady Gaga and Tom Brady, offered inspirational messages in hopes of uplifting new graduates YouTube Virtual Commencement, London, United Kingdom – 14 Jul 2019

QKK-ja bën thirrje për propozime për edicionin e 94-t të çmimeve Oscars

Ftohen të gjithë të interesuarit që të dërgojnë propozime për konsiderim për çmimet e OSCARS për kategorinë për film në gjuhë të huaj (international feature), i cili mund ta përfaqësoj Kosovën këtë vit.

Në këtë kategori përfshihen filmat e metrazhit të gjatë artistik, dokumentarë, dhe të animuar më të gjatë se 40 minuta, që janë shfaqur/do të shfaqen në kinema apo VOD platformë për së paku 7 ditë rresht, jo më herët se 1 janar 2021 dhe jo më vonë se 31 dhjetor 2021.

Edhe këtë vit përshkak të pandemisë, Akademia e Oscars ka adaptuar rregullën që vlen edhe për edicionin e 94-t e cila përcakton se: filmat e përzgjedhur që e kanë pasur shfaqjen teatrale të planifikuar më parë, por që fillimisht janë bërë të qasshme përmes një platforme me reputacion të shpërndarjes, ose të ndonjë platforme VOD, mund të kualifikohen, nën kushtet e mëposhtme:

– Që t’i sigurojnë Akademisë dokumentacionin (dokumentin origjinal dhe një përkthim në anglisht) të datave të mbylljes së kinemasë të mandatuar nga qeveria, dokumentacionin që dëshmon shfaqjen në kinema të planifikuar më parë, dhe shpërndarjen në një platformë me reputacion, ose marrëveshje me ndonjë platformë VOD.
– Filmi do të vihet në dispozicion në Dhomën e Shfaqjes së Akademisë brenda 60 ditëve pasi filmi është përcaktuar zyrtarisht nga komiteti përzgjedhës për të përfaqësuar vendin.
– Që plotëson të gjitha kriteret e tjera të pranueshmërisë.

Kushtet dhe detajet tjera të aplikimit i gjeni në linkun poshtë (rregulla e 13të):

https://docs.google.com/viewer?url=https%3A%2F%2Fwww.oscars.org%2Fsites%2Foscars%2Ffiles%2F94aa_rules.pdf

Propozimet mund të dërgohen përmes e-mail adresës: [email protected]

Apo përmes postës:

Qendra Kinematografike e Kosovës
Rruga UÇK Nr. 273
10000 Prishtina
Kosova

Data e fundit për dërgimin e propozimeve është 1 shtator 2021. / KultPlus.com

Çmimi Oscar për Youn Yuh Jung një krenari për koreano-jugorët

 Një vit pas suksesit në ndarjen e Çmimeve Oscar të filmin “Parasite” i regjisorit koreano-jugor Bong Joon Ho, çmimi për bashkatdhetaren e tij Youn Yuh Jung, si aktorja më e mirë në rol dytësor në Academy Awards, ka shkaktuar edhe një herë gëzim të madh në atdheun e saj.

“Fitorja e Youn ka forcuar edhe një herë krenarinë e Koresë së Jugut për kulturën dhe artin e tyre”, shkroi presidenti Moon Jae In në një deklaratë të lëshuar nga zyra e tij.

Moon foli për rëndësinë historike të çmimit për 73-vjeçaren Youn, që bëhet kështu gruaja e parë e koreano-jugore që fiton një Oscar në kategoritë e aktrimit.

“Ajo rishkroi historinë 102-vjeçare të filmit korean përmes aktrimit”, shtoi Moon.

“Filmi tregon se të gjithë jemi të lidhur ngushtë, edhe nëse jetojmë në vende të ndryshme”, shtoi kreu i shtetit.

Media e Koresë së Jugut gjithashtu përshëndeti fitoren e Oskarit të Youn si historike për filmin korean.

Gjithashtu, edhe ambasada e SHBA-së në Seul e uroi Youn./atsh/ KultPlus.com

Nominimet për Oscar në kategoritë kryesore

Më poshtë vijojnë nominimet për edicionin e 93-të të çmimeve Oscars.

Edhe pse filmi “Mank” kryeson me 10 nominime, është filmi “Nomadland” që është konsideruar si më favoriti këtë vit, me gjashtë nominime ashtu si konkurrentët “Les Sept de Chicago” dhe “Minari”.

Filmi më i mirë

“The Father”

“Judas and the Black Messiah”

“Minari”

“Nomadland”

“Promising Young Woman”

“Sound of Metal”

“Les Sept de Chicago”

“Mank”

Regjisori më i mirë

Chloé Zhao, “Nomadland”

David Fincher, “Mank”

Lee Isaac Chung, “Minari”

Emerald Fennell, “Promising Youg Woman”

Thomas Vinterberg, “Drunk”

Aktorja më e mirë

Viola Davis, “Le Blues de Ma Rainey”

Andra Day, “Billie Holiday, une affaire d’Etat”

Vanessa Kirby, “Pieces of a Woman”

Frances McDormand, “Nomadland”

Carey Mulligan, “Promising Young Woman”

Aktori më i mirë

Riz Ahmed, “Sound of Metal”

Chadwick Boseman, “Le Blues de Ma Rainey”

Anthony Hopkins, “The Father”

Gary Oldman, “Mank”

Steven Yeun, “Minari”

Aktorja më e mirë në rolin e dytë 

Maria Bakalova, “Borat 2”

Glenn Close, “Une ode américaine”

Olivia Colman, “The Father”

Amanda Seyfried, “Mank”

Youn Yuh-jung, “Minari”

Aktori më i mirë në rolin e dytë

Sacha Baron Cohen, “Les Sept de Chicago”

Daniel Kaluuya, “Judas and the Black Messiah”

Leslie Odom, Jr., “One Night in Miami”

Paul Raci, “Sound of Metal”

LaKeith Stanfield, “Judas and the Black Messiah”

Filmi më i mirë i huaj 

“Drunk” (Danemark, Pays-Bas, Suède)

“Shao Nian De Ni” (Hong Kong)

“L’Affaire collective” (Roumanie)

“L’homme qui a vendu sa peau” (Tunisie)

“La voix d’Aida” (Bosnie)

Filmi më i mirë i animuar 

“En avant”

“Voyage vers la lune”

“Shaun le mouton le film: la ferme contre-attaque”

“Soul”

“Le peuple loup”

Dokumentari më i mirë 

“L’Affaire collective”

“Crip Camp: la révolution des éclopés”

“The Mole Agent”

“La sagesse de la pieuvre”

“Time”

Skenari më i mirë origjinal 

“Judas and the Black Messiah” – Will Berson et Shaka King

“Minari” – Lee Isaac Chung

“Promising Young Woman” – Emerald Fennell

“Sound of Metal” – Darius Marder et Abraham Marder

“Les Sept de Chicago” – Aaron Sorkin

Skenari më i mirë i përshtatur

“Borat 2” – Sacha Baron Cohen, Anthony Hines, Dan Swimer, Peter Baynham, Erica Rivinoja, Dan Mazer, Jena Friedman, Lee Kern

“The Father” – Christopher Hampton et Florian Zeller

“Nomadland” – Chloé Zhao

“One Night in Miami” – Kemp Powers

“Le tigre blanc” – Ramin Bahrani

Filmat me më shumë se pesë nominime 

“Mank” – 10

“The Father” – 6

“Judas and the Black Messiah” – 6

“Minari” – 6

“Nomadland” – 6

“Sound of Metal” – 6

“Les Sept de Chicago”  – 6. / KultPlus.com

Akademia e Arteve lajmëron: Të pranishmit në ‘Oscar’ mund mos të mbajnë maska

Të pranishmit në ceremoninë e ndarjes së çmimeve ‘Oskar’ nuk do t’u kërkohet të mbajnë maskat në fytyrë, ka njoftuar Akademia e Arteve dhe Shkencave të Filmit.

Sipas Variety , ky vendim u mor gjatë një takimi në Zoom, të hënën, në të cilin morën pjesë përfaqësues të Akademisë, të nominuar, studiues dhe publicistë personalë.

Ceremonia do të mbahet në Union Station në qendër të Los Angeles me vetëm 170 të ftuar që rrotullohen brenda dhe jashtë hapësirës së ngjarjes. / KultPlus.com

Mandatory Credit: Photo by Andrew H Walker/Shutterstock (8434891ne) Barry Jenkins after ‘Moonlight’ is named as ‘Best Picture’ winner 89th Annual Academy Awards, Backstage, Los Angeles, USA – 26 Feb 2017

Riz Ahmed shkruan historinë, bëhet myslimani i parë që nominohet për Oscar në kategorinë “Aktori më i mirë”

Aktori britanik, Riz Ahmed, shkroi historinë ditën e djeshme, duke u bërë myslimani i parë që nominohet për çmim Oscar në kategorinë e “Aktorit më të mirë protagonist”, për rolin e tij në filmin “Sound of Metal”.

38-vjeçari nga Londra interpreton në këtë film një baterist të një grupi “rock” që humb dëgjimin.

Në vitin 2017, aktori amerikan Mahershala Ali u bë i pari mysliman që fitonte një çmim Oscar, si aktori më i mirë joprotagonist, me interpretimin e tij në filmin “Moonlight”. Të njëjtin çmim e fitoi edhe në vitin 2019, me filmin “Green Book”/a2/ KultPlus.com

‘Quo Vadis, Aida’ në listën e ngushtë të Oscars, luan edhe Alban Ukaj

Filmi “Quo Vadis, Aida”, është i bazuar në një ngjarje të vërtetë, të një përkthyeseje ndërkombëtare e cila ka shërbyer në atë periudhë në Bosnje dhe Hercegovinë.

Zbanic që është shpërblyer me filmin e saj “Grbavica”, ku edhe në vitin 2006 pat fituar Ariun e Artë në Berlin, duket se sërish ka kthyer vëmendjen e medieve dhe kritikëve të filmit. Aktori shqiptar, Alban Ukaj që luan në këtë film ka rolin e përkthyesit Tarik.

‘Quo Vadis, Aida’ tashmë nisi rrugëtimin edhe në Oscars, duke hyrë kështu në listën e ngushtë të kategorisë ‘International Feature Film’, shkruan KultPlus.

Më poshtë gjeni listën e të gjithë filmave të nominuar në këtë kategori.

Bosnia and Herzegovina, “Quo Vadis, Aida?”
Chile, “The Mole Agent”
Czech Republic, “Charlatan”
Denmark, “Another Round”
France, “Two of Us”
Guatemala, “La Llorona”
Hong Kong, “Better Days”
Iran, “Sun Children”
Ivory Coast, “Night of the Kings”
Mexico, “I’m No Longer Here”
Norëay, “Hope”
Romania, “Collective”
Russia, “Dear Comrades!”
Taiëan, “A Sun”
Tunisia, “The Man who Sold His Skin”
/ KultPlus.com

Sudani për herë të parë paraqet një film për Oscar

Për herë të parë në historinë e vendit, Sudani ka një paraqitje për “Academy Awards”. Është prodhuar nga partneriteti i kompanive egjiptiane dhe evropiane, por ka producent dhe aktorë sudanezë.

“You will die at twenty” do të garojë për kategorinë “Filmi për i mirë ndërkombëtar”, shkruan AP.

Ngjarja përfshinë një djal të ri vdekja e të cilit në moshën 20 vjeç profetizohet jo shumë kohë pas lindjes së tij, duke hedhur një hije mbi vitet e tij të jetës.

Bazuar në një ngjarje të shkurtë të sudanezit Hammour Ziyada, kritikët thonë se ajo demonstron se skena kulturore e vendit po rizgjohet pas dekadash shtypjeje.

Filmi është prodhuar pas demonstratave masive kundër al-Bashirit, pasi ishte rrëzuar nga ushtria në prill 2019 pas udhëheqjes së shtetit pas afër 30 vjetësh. / KultPlus.com

“European Film Awards” i 2020-s kthen sfidën në mundësi

Si shumë festivale të filmit, ekuivalenti evropian i “Oscars” mbahet në mënyrë digjitale. Organizatorët thonë se është një mundësi për të provuar gjëra të reja

Dashamirët e filmit dhe festivaleve, si dhe filmbërësit, e kanë vënë në dyshim prej muajsh: ceremonia e “European Film Awards” është caktuar të mbahet online. Gjatë këtij viti, me pandeminë e koronavirusit, të gjitha festivalet e mëdha, përfshirë Locarnon, Cannesin dhe Venecien, u detyruan t’i zhvendosin programet e tyre në format online, kështu që ishte fare e natyrshme që edhe “European Film Awards” të vepronte njësoj.

Duket sikur ngjarjet me tepihun e kuq janë kujtime të largëta nga e kaluara e lavdishme. Megjithatë, derisa festivale të tjera të filmit u detyruan t’i ricaktojnë oraret e tyre, organizatorët e edicionit të 33-të të “European Film Festival” kishin mjaftueshëm kohë për t’iu përshtatur rrethanave të pandemisë dhe për ta përsosur formatin e ri digjital.

Organizatori i ngjarjes, European Film Festival në Berlin (EFA), e ka quajtur atë si “një mënyrë tjetër të të shpalosurit të çmimit”.

Në vend të ngjarjes gala që ishte planifikuar të mbahej me 12 dhjetor në Reykjavik, Islandë, filmat shpërblehen në një varg ceremonish virtuale që kanë nisur prej të martës së kësaj jave. Ceremonia e fundme do të zërë vend sonte.

Kalimi në formatin digjital nuk ishte aq i thjeshtë.

“Vendimi nuk ishte i lehtë për ne”, ka thënë Mike Downey, kryesues i bordit të “European Film Academy” në Berlin. Në të njëjtën kohë ai ka premtuar se ngjarjet do të jenë të veçanta dhe më shumë sesa veç zgjedhje e përkohshme: “Nevoja është nëna e të gjitha zbulimeve”, ka thënë Downey, i cili është edhe producent filmi nga Irlanda. Formati i ri është menduar t’i frymëzojë ngjarjet e ardhshme të “European Film Academy”.

Mundësia për të vënë në pikëpyetje formatin e ceremonisë së çmimeve në industrinë e filmit ishte një prej pasojave të rralla, por pozitive, të pandemisë së koronavirusit. Mundësitë janë reflektuar edhe në programin e sivjetmë të “European Film Awards”.

Derisa ceremonitë e çmimeve në festivalet e mëdha të filmit ishin parësisht ngjarje glamuroze në të cilat kremtoheshin VIP-at e industrisë së filmit, fokusi tashmë ka ndryshuar ndjeshëm.

Një shembull është ngjarja e EFA-s, e 8 dhjetorit. Në panelin e diskutimit, të quajtur “From Survival to Revival: Building the Post-Covid Future”, filmbërës të njohur diskutojnë riorganizimin thelbësor të industrisë evropiane të filmit.

Rrallë të ketë ndodhur që hapja e festivalit të filmit të jetë fokusuar kaq shumë në njerëzit që punojnë prapa kamerave, prapa vendeve të sajuara me kujdes, ashtu sikundër edhe për punonjësit e teatrit dhe kompanitë e produksionit – të gjithë kontribuuesit e industrisë së filmit që nuk marrin pjesë në ndriçimin e tepihut të kuq. Dhe për këtë s’ka pasur kurrë më shumë nevojë në industri siç ka pasur gjatë këtij viti të pandemisë COVID-19, ku u humbën kaq shumë vende pune.

Vëmendje sivjet marrin edhe kategori të tjera më pak prestigjioze.

Megjithatë, ngjarja e madhe është ende ceremonia e fundme e çmimeve sonte më 12 dhjetor, kur do të jepen çmimet kryesore, përfshirë edhe kategorinë kryesore “Best European Film”, që është votuar prej 3800 anëtarëve të Akademisë së Filmit. Vëmendje do të marrin edhe çmimet për aktorin dhe aktoren më të mirë, sikundër edhe ato për regjisorin, skenarin dhe filmin më të mirë dokumentar.

Lista e ngushtë e 2020-s në kategoritë përkatëse është zgjeruar për herë të parë nga pesë filma në gjashtë dhe kjo ka sjellë larushi më të madhe në filma. Krahas produksionit polak “Corpus Christi”, filmi danez-suedez “Druk” dhe drama sociale italiane “Martin Eden”, kanë që të dyja nga katër nominime. Filmi çek “The Painted Birs” është duke u marrë parasysh, tok me dy filma gjermanë.

Përshtatja e shumëpërfolur e filmit nga libri “Berlin Alexanderplatz” po garon për filmin më të mirë. Edhe skenaristi i filmit, Martin Behnke, dhe regjisori Burhan Qurbani janë nominuar për skenarin më të mirë. Një tjetër film gjerman, drama e dashurisë e Christian Petzoldit “Undine”, do të garojë në kategorinë e filmit më të mirë evropian.

Ylli i këtij filmi, aktorja 25-vjeçare gjermane Paula Beer, garon për aktoren më të mirë kryesore, duke u vënë në garë të drejtpërdrejtë me bashkatdhetaren Nina Hoss, që luan rolin kryesor në filmin zviceran “My Little Sister”.

Në kategorinë për aktorin më të mirë evropian, Mads Mikkelsen nga produksioni danez-suedezo “Another Round”, që është nominuar tashmë katër herë për çmime, do të garojë kundër jo shumë të njohurit aktor nga Kroacia, Goran Bogdan, që konsiderohet favorit për rolin e tij si një baba i dëshpëruar në filmin “Otac”.

Më 2021, “European Film Academy” shpreson të fitojë çmimin e njohur të filmit gjatë një ceremonie në Gjermani. Ngjarja mbahet çdo dy vjet në Berlin, ku edhe ndodhet akademia.

Por, qyteti i Reykjavikut, në Islandë, që ishte vendi i planifikuar për ceremoninë e këtij viti, nuk do të mbetet duarzbrazur: ai do të jetë logu i 2022-s. Në një mënyrë ose tjetër, pandemia e koronavirusit ka ndryshuar industrinë e filmit me festivalet dhe ceremonitë e çmimeve gjatë viteve në vazhdim. /DW/ Koha/ KultPlus.com

Filmi “Mrekullia në Qelinë e 7” që përloti shqiptarët nominohet për Oscar

 

Filmi turk që përloti shumë qytetarë gjatë periudhës së karantinës, “Mrekullia në Qelinë e 7-të”, është nominuar për Oscar në kategorinë e filmit më të mirë ndërkombëtar.

Lajmin e kanë bërë me dije mediet turke, teksa njoftojnë se filmi i famshëm i “Netflix”, po garon në kategorinë “Filmi më i mirë ndërkombëtar”. Në mesin e 23 filmave nga Turqia që garuan në këtë kategori, komiteti përzgjedhës vendosi që “Miracle in Cell No.7”, të përfaqësojë Turqinë në këtë kategori.

Aktorët e filmit të famshëm janë Aras Bulut ynemli, Nisa Sofiya Aksongur, Celile Toyon, lker Aksum, Mesut Akusta, Deniz Baysal, Yurdaer Okur si dhe shumë të tjerë. / KultPlus.com

Kushtet e reja të çmimeve Oscar, më shumë aktorë dhe staf jo të bardhë

Pesë vjet pasi hashtagu “#OscarsSoWhite” shkaktoi debat, grupi pas çmimeve më të famshme kinematografike ka vendosur disa kushte të reja për pranimin e filmave brenda garës së përvitshme.

Akademia e Arteve dhe Shkencave në SHBA deklaroi të martën se filmat do të duhet të plotësojnë disa kritere sa i përket përfaqësimit në mënyrë që të lejohen të konkurrojnë, duke filluar nga viti 2024.

Nisma, e quajtur “Aperture 2025”-“Hapja 2025”, kërkon që filmat të kenë të paktën 30% të kastit të aktorëve nga kategoritë e nënpërfaqësuara. Kritere të ngjashme duhen plotësuar edhe sa i përket punonjësve që punojnë për realizimin e filmit dhe gjithë skuadrës që merret me promovimin e prodhimit kinematografik. Siç transmeton Koha Jonë, ndryshimet janë përshtatur nga rregullorja e re e Institutit Britanik të Filmit.

Akademia ka bërë disa ndryshime në radhët e saj, duke shtuar në qershor të këtij viti 819 anëtarë të rinj, 45% e të cilëve ishin femra dhe 36% persona me ngjyrë./ KultPlus.com

Halle Berry, aktorja e parë afrikano-amerikane e shpërblyer me “Oscar”

Halle Berry është aktorja e parë afrikano-amerikane, e cila e fitoi një shpërblim “Oscar” si aktorja më e mirë, për performancën e saj në filmin “Monster’s Ball”. Ajo po ashtu ka luajtur në filma të tjerë me buxhet të lartë si: “Swordfish”, “Die Another Day”, “Gothika” dhe “X-Men”.

E lindur më 14 gusht të vitit 1966 në Cleveland të Ohios, Halle Berry, një ish-mbretëreshë e bukurisë, sot njihet si një prej aktoreve më të suksesshme të Hollywoodit. Ajo është fëmija i vogël i çiftit ndërracorë, Jerome dhe Judith, dhe së bashku me motrën e saj të madhe aktorja e kishte kaluar një pjesë të madhe të fëmijërisë duke jetuar në një lagje të brendshme të qytetit. Në fillim të viteve 70’, babai i saj e braktisi familjen për çka e ëma e aktores u shpërngul bashkë me fëmijët e saj në një lagje në afërsi të Clevelandit, ku kryesisht jetonin personat e racës së bardhë. Berry për shkak të ngjyrës së lëkurës kishte kaluar nëpër vështirësi në shkollë, ku është bërë pre e diskriminimit qysh në moshë të re dhe kështu, përballja e hershme me racizmin e ka shtyrë aktoren që të arrijë sukses në jetën e saj.

Duke qenë se ishte një performuese natyrale, Berry konkurroi në disa spektakle të bukurisë në të cilat edhe triumfoi. Ajo i gëzon disa tituj përfshirë këtu, “Miss Ohio” dhe “Miss Teen America”. Ndërsa në garën e vitit 1985, aktorja u shpall përcjellësja e parë e “Miss USA”. Për pak kohë ajo i ndoqi studimet në kolegjin e komunitetit të Clevelandit, ku kishte studiuar për gazetari. Por, aktorja hoqi dorë shpejt nga ideja e një karriere në raportimin e lajmeve, dhe vendosi ta ndjekë pasionin e saj, që ishte një karrierë në industrinë e showbizit. Kështu, ajo fillimisht u shpërngul në Chicago e më pas në New York City, ku gjeti punë si modele.

Në fillim të viteve ‘90 ajo filloi të punojë si aktore, duke u angazhuar kryesisht në role televizive. Ndërsa paraqitjen e parë në ekran të madh Berry e shënoi me t’u angazhuar në rolin e të dashurës së personazhit të Samuel L. Jacksonit, në filmin “Jungle Fever”. Pas këtij debutimi, role të tjera interesante iu ofruan aktores në filma të tillë si: “The Last Boy Scout”, ku luajti krahas yllit Bruce Willis, “Boomerang”, ku ia fitoi zemrën aktorit të njohur komik, Eddie Murphy, “The Rich Man’s Wife”, “Executive Decision”, “Why Do Fools Fall in Love?”, “Bulworth,” dhe të tjerë. Në vitin 1999, Berry e publikoi projektin e saj të punuar me më së shumti pasion deri më tani, ku ajo shërbeu si bashkëproducente dhe luajti në të, “Introducing Dorothy Dandridge”. Filmi biografik i kanalit “HBO” e sjell historinë e Dorothy Dandridgeit dhe Berry kishte marrë komente të shumta për ngjashmërinë e saj fizike me aktoren e ndjerë. Berry madje e fitoi një shpërblim “Globi i Artë” dhe një “Emmy” në kategorinë “Aktorja më e mirë në film televiziv” për interpretimin e këtij roli.

Gjatë viteve 2000, Halle Berry vazhdoi të punojë në projekte të mëdha dhe filma me buxhet të lartë si: “X-Men”, “Swordfish”, ku luajti krahas aktorit John Travolta, “James Bond: Die Another Day”, “Gothika”, “Catwoman”, “Their Eyes Were Watching God”, “Perfect Stranger”, “Cloud Extant”, “Kidnap”, “Kingsman: The Golden Circle” dhe së fundmi në filmin “John Wick: Chapter 3 – Parabellum”.

Berry i pranoi kritikat më të mira në karrierën e saj filmike me performancën në dramën e errët të vitit 2001, “Monster’s Ball”. Aty, aktorja e portretizoi bashkëshorten e një të burgosuri i dënuar për vdekje, i portretizuar nga reperi, Sean “Puffy” Combs, dhe e cila e zhvillon një aferë me një rojë racist të burgut, i personifikuar në film nga aktori, Billy Bob, Thornton. Ky rol ia fitoi aktores një shpërblim “Globi i Artë” dhe një shpërblim akademik, duke u bërë gruaja e parë zezake që shpallet “Aktorja më e mirë” në këtë ceremoni glamuroze.

Berry njihet si një prej aktoreve më fitimprurëse dhe njëkohësisht një prej aktoreve më të shtrenjta në kinematografi, ku në një pikë të karrierës Berry i kërkonte 14 milionë dollarë për një rol. Në prill të vitit 2007, ajo u nderua me yll në shtegun e të famshmëve në Hollywood. Po ashtu, gjatë gjithë karrierës së saj Berry është shquar për bukurinë e saj. Disa herë ka qenë pjesë e listave të përpiluara nga revistat e ndryshme, si femra më e bukur ose më seksi në botë.

Sa i përket jetës personale, Berry e ka një të kaluar romantike jo të qëndrueshme. Ajo ka qenë në lidhje me kolegun e saj nga filmi “Jungle Fever”, Wesley Snipes, para se të martohej e sportistin David Justice në vitin 1993. Çifti u shkurorëzua katër vjet më vonë dhe pas një kohe të shkurtër, ajo u fejua fshehurazi me yllin e muzikës R&B, Eric Benét. Berry dhe Benét qëndruan të martuar nga viti 2001 deri më 2005-n. Në të njëjtin vit, gjatë një sesioni fotografik për markën e njohur të modës, “Versace”, aktorja u takua me supermodelin kanadez, Gabriel Aubry. Disa muaj më vonë, Berry e konfirmoi lajmin se çifti është në pritje të fëmijës së parë. Në mars të 2008-s, Berry dhe Aubry, e mirëpritën në jetë një vajzë të quajtur Nahla Ariela, dhe dy vjet më vonë aktorja dhe modeli i njohur u ndanë. Pothuajse menjëherë pas kësaj ndarjeje, Berry e filloi lidhjen romantike me aktorin francez, Olivier Martinez. Në mars të vitit 2012 çifti u fejua dhe një vit më vonë e bënë publik lajmin se po e presin një fëmijë së bashku. Disa muaj më vonë ata e kurorëzuan lidhjen e tyre më martesë dhe në tetor të vitit 2013 e mirëpritën në jetë një djalë të quajtur Maceo-Robert. Por vetëm dy vjet më vonë, Berry dhe Martinez e bënë të ditur lajmin se kanë vendosur të shkurorëzohen.

Pothuajse të gjitha lidhjet e aktores kanë përfunduar në mënyrë joshoqërore, përfshirë këtu me baballarët e fëmijëve të saj, të cilat edhe kanë folur hapur për problemet nëpër të cilat kanë kaluar me aktoren. Dhe kështu, Halle Berry e ka fituar nofkën “Vejusha e zezë” dhe shpesh është quajtur nga meshkujt si “një grua e ftohtë, autoritare dhe jo stabile”. / KultPlus.com

Diversiteti në “Oscar”, akademia nxjerr rregulla të reja pas kritikave për pabarazi racore

Hollivudi është duke reflektuar për mungesën e diversitetit dhe portretizimin e racizmit në ekran pas protestave për vdekjen e George Floyd. Së fundi Akademia e çmimeve “Oscar” ka vendosur se filmat konkurrues do të duhet të plotësojnë kriteret e diversitetit.

Filmat që synojnë të fitojnë çmimet “Oskar” në të ardhmen do të duhet të plotësojnë kriteret e diversitetit. Vendimi i Akademisë së Arteve filmike dhe Shkencave vjen pas kritikave të shumta për pabarazi racore në industrinë e filmit, pasi njërëzit me ngjyrë janë më pak të vlerësuarit.

Ndaj për 5 vitet e ardhshme është vendosur të ngrihet një grup. I posaçëm që do të nxjerrë udhëzimet dhe kriteret e diversitetit për filmat konkurrues.

Nëpërmjet një deklarate, theksohet se grupi do të bashkëpunojë me “Guild Producers”në SHBA, për të zhvilluar “standarde përfaqësimi dhe përfshirjeje” dhe “do të inkurajojnë praktikat e barabarta të marrjes në punë brenda dhe jashtë ekranit”. Por, rregullat e reja nuk do të zbatohen për filmat që konkurrojnë për Oskar në ceremoninë tjetër në 2021.

Kritikat ndaj akademisë së filmit u intensifikua në vitin 2015 me hashtagun #OscarsSoWhite, një reagim kundër një fushate gjithëpërfshirëse të pretenduesve të aktrimit.

Akademia u përgjigj pjesërisht duke dyfishuar numrin e njerëzve me ngjyre nëradhët e saj.

Megjithatë, deri në vitin 2019 vetëm 316% e afërsisht 8,000 anëtarëve të saj ishin njerëz me ngjyrë. /KultPlus.com

Aktorët që nuk kanë fituar asnjëherë Oscar

Ka disa arsye të vlefshme përse disa aktorë nuk kanë fituar ende një ‘Oscar’. Më poshtë, mund të gjeni disa nga vëzhgimet dhe supozimet pse nuk ka ndodhur kjo.

Më poshtë gjeni 17 aktore dhe aktorë të talentuar të cilët janë nominuar për një ‘Oscar’ të paktën një herë, por nuk e kanë fituar këtë çmim akoma.


1. Amy Adams

Amy Adams është nominuar për ‘Oscar’ 5 herë për filma si ‘Doubt’, ‘The Master’ dhe ‘American Hustle’. Në vitin 2016, ajo ishte e shkëlqyer në rolin e saj si Louise Banks në filmin “Sci-fi flick Arrival”. Dhe ajo nuk u propozua as për një ‘Oscar’ për këtë pjesë, gjë që i bëri tifozët e saj të zemëruar.

Ndoshta arsyeja pse Adams ende nuk e ka fituar këtë trofe është sepse ajo ka filluar karrierën e saj në Hollywood në moshë të vonuar, ajo ishte tashmë 25 vjeç në kohën kur filloi të ishte pjesë e industrisë së filmit. Deri në këtë moshë, shumë yje janë nominuar për një ‘Oscar’ disa herë pasi është shumë normale të fillosh një karrierë në moshë të re. Por Adams ende ka shumë kohë për ta fituar këtë çmim.


2. Bradley Cooper

Bradley Cooper u nominua për një ‘Oscar’ tri vjet me radhë. Herën e parë ai u nominua në vitin 2013, kur ai u propozua për aktorin më të mirë për rolin e tij kryesor në “Silver Linings Playbook”, por statuja shkoi në duart e aktorit Daniel Day-Lewis për performancën e tij në filmin “Lincoln”. Vitin e ardhshëm, Cooper u propozua për “Aktorin më të mirë në rol dytësor” për filmin “American Hustle”, por ishte Jared Leto i cili fitoi ‘Oscar’-in atë kohë. Herën e tretë, ndërsa herën e tretë që ai u nominua, çmimin e fitoi Eddie Redmayne që luajti rolin e Stephen Hawking.

Duket se Cooper nuk ka marrë ende mundësinë e tij të artë. Megjithatë, ai do të ketë një shans të vërtetë të mirë për ta lënë ceremoninë me çmimin në dorë këtë vit. Projekti i tij, “A star is born”, ku ishte regjisor, producent, skenarist dhe aktori kryesor, është shumë premtues. Shpresojmë që ai do të fitojë këtë statujë të shumëpritur dhe të merituar.


3. Saoirse Ronan

Saoirse Ronan është vetëm 24 vjeçe, por tashmë ka marrë pjesë në garën për çmimin më prestigjioz të filmit tri herë. Nominimi i saj i parë u bë kur ajo ishte vetëm 13 vjeçe. Pastaj ajo ishte një nga kandidatët më të mirë të aktores për rolin e saj në filmin “Brooklyn”, dhe vitin e kaluar ajo pothuajse fitoi çmimin për rolin e e saj kryesor në “Lady Bird”.

Ronan është një nga shembujt e një karriere të hershme. Por gjatë ceremonisë së vitit të kaluar, ajo kishte për të konkurruar me aktoret e mëdha si: Frances McDormand (60 vjeçe) dhe Meryl Streep (68 vjeçe). Ronan tha në intervistën e saj se ajo nuk është konkurruese për çmime dhe se vetë nominimi u ndje si një fitore ndaj saj. Ajo do të ketë një shans të mirë për të fituar një ‘Oscar’ këtë vit për rolin e saj si Mary Stuart në “Mary Queen of Scots”.


4. Joaquin Phoenix

Joaquin Phoenix ka patur tri nominime për çmimin ‘Oscar’ deri më tani, dhe më i rëndësishmi ishte ai për “Aktorin më të mirë në rol dytësor” për filmin “Gladiator”. Është e çuditshme, por ai kurrë nuk u nominua për rolin e tij të shkëlqyer në filmat si “Her” dhe “Inherent Vice”.

Ka pasur zëra se Phoenix nuk dëshiron të marrë pjesë në këto ngjarje të pafundme dhe duhet të japë intervista të panumërta vetëm për t’u konsideruar për çmimin.


5. Helena Bonham Carter

Ky aktore është nominuar dy herë për një ‘Oscar’. Herën e parë ndodhi në vitin 1998 kur ajo mori një nominim për “Aktoren më të mirë” për filmin “The Wings of the Dove”. Herën e dytë, ajo ishte në vitin 2011 në kategorinë “Aktorja më e mirë në rol dytësor” për rolin e saj në dramën historike “The King’s Speech”. Mjerisht, në të dyja rastet, fati nuk ishte në anën e Carterit. Është interesante se ajo nuk fitoi asnjë çmim dhe nuk u nominua as për ndonjë gjë për punën e saj të jashtëzakonshme për rolin e Marlas në “Fight Club”.

6. Johnny Depp

Gjatë gjithë karrierës së tij të gjatë Depp është nominuar për çmimin Oskar 3 herë. Në vitin 2004, nga të tre nominimet Deep nuk e fitoi asnjëherë këtë çmim. Depp thotë në intervistat e tij se ai nuk është i interesuar më për cmime. Ai ka thënë se, kurrë nuk donte të fitonte çmimin Oskar, duke e sqaruar se nuk mori pjesë për hir të fitimit të çmimit por për fansat e tij.


7. Sharon Stone

Sharon Stone ka luajtur në më shumë se 40 filma artistikë, por ajo u bë me famë botërore falë pjesës së saj në Basic Instinct. Sa për çmimin Oskar, ajo u propozua për këtë çmim vetëm një herë për pjesën e saj në Cazino, por çmimi u fitua nga Susan Sarandon atë vit. Ajo u bë e famshme në moshën 34 vjeçare. Para se të niste këtë karrierë ajo punonte si modele dhe merrte pjesë në aktrim, në filmat B. Ajo nuk ndenji gjatë në SHBA, por zhvendosi vëmendjen e saj në Evropë. Thonë se është ajo që e bëri Festivalin e Filmit në Kanë një nga festivalet më të njohura dhe më të njohura të filmit në botë, e cila nuk është më pak prestigjioze sesa Çmimet e Akademisë.


8. Bill Murray

Ky aktor që është shuam i dashur nga miliona fansa, u nominua për çmimin Oskar vetëm një herë në 2004 në kategorinë e aktorëve më të mirë për pjesën e tij në Lost in Translation. Në atë kohë, ai humbi me Sean Penn. Është interesante që pavarësisht pjesëve që ka aktruar në filmat më të mirë, ai kurrë nuk ka fituar ndonjë çmim për ta. Në një nga intervistat e tij, Murray pranoi se ai kishte vendosur të mos merrte pjesë më në garën e Oskarëve. Ai krahasoi dëshirën për të fituar një Oskar me një virus që e pengon atë të mendojë qartë. Pasi nuk e fitoi Oskarin për Lost in Translation, ai tha, “6 muaj më vonë, kuptova se e kisha marrë virusin. Unë kam qenë i infektuar. ”


9. Keanu Reeves

Është e vështirë të besohet, por Keanu Reeves kurrë nuk është nominuar për një Oskar. Ai u bë i famshëm në mbarë botën pas filmave të suksesshëm si Speed and Point Break, dhe Matrix e bëri atë një figurë të famshme. Edhe pse ai nuk ka fituar çmimin Oskar, Reeves ka fituar vetëm çmime MTV Movie.


10. Tom Cruise

Tom Cruise u nominua për një Oskarin në kategorinë e aktorëve më të mirë në vitin 1990 për herë të parë. Situata e Cruise-it mund të shpjegohet me një teori të quajtur Pitt-Hanks Continuum që thotë se ka dy lloje aktorësh në Hollywood. Tipi i parë i ngjan Brad Pitt, i dyti i ngjan Tom Hanks. Aktorët e tipit të parë vazhdimisht mund të shfaqin performancë të shkëlqyer, por ata kurrë nuk do ta fitojnë çmimin. Ndërsa aktorët e tipit “Hanks” mund të fitojnë një Oskar për punën e tyre të parë të suksesshme.


11. Jessica Chastain

Suksesi i vërtetë erdhi tek Jessica Chastain pas realizimit të filmit The Help. Ajo u emërua menjëherë për çmimin Oskar në kategorinë e aktorëve më të mirë. Megjithatë, ajo nuk fitoi trofeun e artë të atij viti. Vitin e ardhshëm ajo u propozua përsëri për filmin Zero Dark Thirty, por humbi me Jennifer Lawrence. Përveç kësaj, sipas Jessica, ajo tha se ajo ishte shumë e modës së vjetër në fillim të karrierës së saj. Aktualisht tani ajo është në kulmin e suksesit të saj, dhe ka një shans shumë të mirë për të fituar Oskarin e lakmuar në të ardhmen e afërt.

12. Will Smith

Është e vështirë të besohet, por Will Smith ka fituar shumë pak çmime serioze. Në të njëjtën kohë aktrimi i tij ka qenë gjithmonë i mirë, pa marrë parasysh se çfarë zhanri ka luajtur. Ai është emëruar dy herë për çmimin Oskar por në asnjëherë nuk e fitoi këtë çmim. Ndërsa në vitin 2016, Will dhe gruaja e tij Jada Pinkett Smith akuzuan Akademinë e Racizmit dhe u kërkuan njerëzve me ngjyrë të mos marrin pjesë për çmimin Oskar.


13. Michelle Williams

Williams ka marrë pjesë katër herë në çmimin e Oskarit. Dy herë është nominuar në kategorinë e aktorëve më të mirë për dy filmat e saj. Ndërsa 2 herë të tjera ajo u propozua për Best Supporting Actress në filmat Brokeback Mountain dhe Manchester by the Sea. Por pavarësisht të gjitha këtyre filmave ajo nuk arriti të fitonte trofeun e Oskarit. Kohët e fundit, aktorja ka vendosur të kalojë nga role të thella dhe dramatike në projekte më të thjeshta si Feel Pretty dhe Venom.

14. Keira Knightley

Keira ka luajtur në shumë filma të suksesshëm dhe ka qenë e nominuar dy herë për një çmimin Oskar. Emërimi i parë u zhvillua në vitin 2006, për pjesën e saj në Krenari dhe Paragjykime. Herwne dytë është dominuar në 2015, për pjesën e saj në dramën historike The Imitation Game.

15. Robert Downey Jr

Gjithashtu edhe situata me Robert Downey Jr duket e padrejtë. Ai u propozua për herë të parë për çmimin Oskar shumë kohë më parë në vitin 1993 për aktorin më të mirë në Chaplin, por nuk fitoi. Hera e dytë dhe e fundit ishte në vitin 2009 kur ai u emërua në kategorinë e aktorëve më të mirë për Tropic Thunder, por nuk fitoi. Kohët e fundit ai ka thënë se në moshën e tij j 53 vjeçare, do të dukej patetik me një një kostum superhero.

16. Glenn Close

Shumë njerëz e njohin Glenn Close për pjesën e saj si Cruella De Vil në filmat e 101 Dalmateve. Por shumë pak janë të vetëdijshëm se Close është nominuar për një çmimin Oskar 6 herë gjatë karrierës së saj 36-vjeçare. Vlen të përmendet se nominimet e saj të para, 5 prej tyre u zhvilluan në vitet 80. Emërimi i saj i fundit u zhvillua në vitin 2012 për rolin e saj si Albert Nobbs në Albert Nobbs. Ndoshta, aktorja ka qenë e pafat me konkurruesit e tjerë sepse ajo ka dalë kundër, duke humbur me aktoret si Jessica Lange, Cher dhe Meryl Streep.


17. Brad Pitt

Askush nuk do ta besojë se Brad Pitt nuk ka fituar akoma çmimin Oskar. Pranimi i parë i Pitt u zhvillua në vitin 1996 për pjesën e tij në filmin Dymbëdhjetë Majmunët. Hera e dytë ishte në vitin 2009 për pjesën e tij në The Curious Case of Benjamin Button, por sërish nuk fitoi. Në vitin 2012, Brad Pitt kishte edhe 2 nominime për aktorin dhe producentin më të mirë dhe fitoi çmimin “Best Picture Academy Aëard” por humbi përsëri Oskarin. / KultPlus.com

Ceremonia “Oscar” pëson sërish ndryshime

Edicioni i vitit 2021 i ceremonisë prestigjioze të ndarjes së shpërblimeve kinematografike, “Oscar”, mund të shtyhet për disa muaj.

Ngjarja e përvitshme e cila organizohet nga Akademia e Arteve dhe Shkencës, zakonisht mbahet në fillim të vitit por për shkak të pandemisë së koronavirusit, është rekomanduar që ceremonia të mbahet në fund të majit ose në qershor të vitit 2021, transmeton Koha.

Vendimi për t’ia ndryshuar datën e mbajtjes për herë të parë në historinë 93-vjeçare të ceremonisë, vjen pas ndikimit të madh që kriza e globale shëndetësore e ka pasur në programin e lansimit të filmave gjatë vitit 2020, kjo pasi shumica e projekteve kinematografike janë detyruar t’i shtyjnë datat e lansimit si pasojë e mbylljes së kinemave anembanë botës.

Kështu, Akademia e Arteve dhe Shkencës po iu jep më shumë kohë studiove filmike që t’i lansojnë projektet e tyre në mënyrë që t’i plotësojnë rregullat zyrtare të nominimit për “Oscar”. Kjo do të thotë se filmat e vonuar e kanë ende shansin të jenë pjesë e ceremonisë së vitit 2021.

Para një muaji, organizatorët e ceremonisë “Oscars” i bënë disa ndryshime të përkohshme për shkak të situatës së krijuar nga pandemia, ku për herë të parë në histori e saj, Akademia do ta lejojë nominimin e filmave që nuk janë shfaqur në kinema por në platforma digjitale si: Netflix, Hulu, HBO, Amazon Prime etj. Megjithatë, ata e potencuan faktin se ky ndryshim është i përkohshëm dhe vlen vetëm për projektet e publikuara gjatë vitit 2020.

Ky nuk ishte ndryshimi i vetëm i bërë për edicionin e ardhshëm të kësaj ngjarjeje. Edhe kategoritë e miksimit të zërit dhe montazhit të zërit do të shkrihen në një kategori të quajtur “Arritja më e madhe në zë”, dhe që e vlerëson punën në grup. Gjithashtu, tani që të gjithë anëtarët e Akademisë do të kenë të drejtë të votojnë në raundin e parë të filmit ndërkombëtar, kategori që më parë njihej si “Filmi më i mirë në gjuhë të huaj”. / KultPlus.com

Aprovohen rregulla të reja për ceremoninë e ardhshme “Oscar” shkaku i pandemisë

Për herë të parë në histori, Akademia do të lejojë nominimin e filmave që nuk janë shfaqur në kinema por në platforma digjitale si: Netflix, Hulu, HBO, Amazon Prime etj.

Kriteret e reja për filmat që mund të nominohen u bënë publike sot përmes një deklarate për shtyp. Ndryshimi nuk do të jetë i përhershëm dhe do të vlejë vetëm për filmat e publikuar këtë vit, transmeton K.J njoftimet.

Përzgjedhja e të nominuarve për Oscar u vu në pikëpyetje pasi izolimi dhe distancimi social shkaktuan anulimin e festivaleve të filmit si ai i Kanës apo “South by Southwest”, dhe mbylljen e kinemave.

Më parë, një film duhej të shfaqej për të paktën shtatë ditë në kinema në Los Angeles që të merrej parasysh për një çmim Oscar. Tani, filmat e planifikuar për t’u shfaqur në kinema por që u lansuan vetëm në platformat digjitale, kanë mundësi të përzgjidhen për t’u nominuar.

“Akademia beson se magjia e filmave përjetohet duke i parë në kinema. I qëndrojmë të palëkundur këtij besimi,” tha presidentja e Akademisë, Dawn Hudson, në një deklaratë. “Sidoqoftë, pandemia tragjike e Covid-19 kërkon ndryshimin e përkohshëm të rregullave”.

Në momentin që kinematë do të hapen, gjithçka do të kthehet në normalitet. Nëse kinematë hapen në verë, siç parashikohet, atëherë Akademia do të cilësojë edhe kinema të tjera në New York, Chicago, San Francisco, Miami dhe Atlanta, si të certifikuara për të shfaqur filma pretendentë për nominimet Oscar. Ky ndryshim ka qenë objekt debati për një kohë të gjatë, pasi Netflix, Amazon dhe platforma të tjera, shpenzojnë miliona në fushatat për Oscar për filmat e tyre origjinalë. Për të plotësuar kushtet e Akademisë, Netflix i shfaq filmat dhe në kinema dhe në platformë.

Gjithashtu, Akademia i ka bërë edhe disa ndryshime të tjera. Kategoritë e miksimit të zërit dhe montazhit të zërit do të shkrihen në një kategori të quajtur arritja më e madhe në zë, për të theksuar punën në grup.

Të gjithë anëtarët e Akademisë do të kenë të drejtë të votojnë në raundin e parë të filmit ndërkombëtar, kategori që më parë njihej si filmi më i mirë në gjuhë të huaj. / KultPlus.com

Selfie e dytë legjendare në Oscar 2020

Charlize Theron mblodhi disa nga fqinjët e saj në karriget e ceremonisë Oskar për të bërë një selfie në grup. Aty ishin Rami Malek, Salam Hayek, Regina King, Tom Hanks dhe e shoqja Rita Wilson.

Kjo foto u publikua nga Theron në instagram së bashku me dixhiturën “Shoqëri e mirë #Oscars2020.

Fansat nuk kanë qënë kaq të emocionuar që kur Ellen DeGeneres postoi në 2014 selfien legjendare të Oskar.

Theron ishte nominuar për çmimin ‘aktorja më e mirë’, por humbi ndaj Renee Zellweger.

Image

“Parasite” e shtyn kinematografinë koreane drejt qendrës së skenës botërore

Kur regjisori i “Parasite”, Bong Joon-ho, pranoi “Oscarin” për filmin më të mirë, të dielën, në edicionin e 92-të të “Academy Awards” në Los Angeles, ai sakaq hodhi dritë të re mbi kinemanë ndërkombëtarisht të nënvlerësuar të Koresë së Jugut. Ata që e njohin industrinë e filmit të këtij vendi thonë se është për kohën.

Bong është ftuar në skenë në “Dolby Theater” katër herë radhazi gjatë ngjarjes. Krahas filmit më të mirë, “Parasite” ka fituar çmime për regjisorin më të mirë, skenarin më të mirë origjinal (i bashkëshkruar nga Bong) dhe filmin më të mirë të huaj. Ka pasur një garë të fortë sa i përket filmit më të mirë, përfshirë filmin epik mbi Luftën e Parë Botërore “1917”, i cili prej shumë vetave pritej të merrte çmimin.

“Parasite” ka bërë historinë e filmit duke u bërë filmi i parë joanglisht që ka fituar “Oscarin” për filmin më të mirë. Gjithashtu ai ka shënuar për herë të parë qysh prej vitit 1955 që fituesi i Festivalit të Filmit në Cannes “Palme d’Or” të fitojë edhe çmimin kryesor të “Oscarëve”.

Patrick Brzeski, që mbulon kinemanë koreane për “The Hollywood Reporter”, e ka cilësuar fitoren e Bongut si “kthesë në shumë drejtime”. “Para këtij viti, asnjë film korean nuk është nominuar ndonjëherë për ‘Oscars’ në çfarëdo kategorie”, ka thënë ai për DW-në. “Kritikët dhe dashamirët e filmit prej kohësh e kanë cilësuar këtë si skandal, duke pasur parasysh prurjet e pareshtura të industrisë koreane të filmit të kinemasë risuese e të paharrueshme gjatë 20 e më shumë vjetëve të fundit”.

Nderimet me çmimet “Oscar” për “Parasite” kanë vënë në vend një “lajthim bezdisës”, ka thënë Brzeski, duke shtuar që vendimi i Hollywoodit për të shpërblyer me çmimin e filmit më të mirë mbart edhe rëndësi të gjerë.

“Duke marrë parasysh hakërrimin e vazhdueshëm mbi mungesën e laramanisë dhe përfaqësimit në Hollywood dhe ‘Oscar’, fakti që ‘Parasite’, një film krejtësisht në koreanisht e që sjell një kastë të tërën koreane të cilën shumica e amerikanëve nuk e njohin, fitoi për filmin më të mirë, është një moment i fuqishëm simbolik”, ka thënë reporteri i filmit. “Duke lënë anash çështjet e identitetit, kjo nënkupton gjithashtu se ‘Oscarët’ tani janë më pak çështje mendjengushtësie”, ka shtuar ai. Derisa në vitet e mëhershme një grusht filmash të huaj kanë marrë tundje të kokës, Brzeski beson se “Parasite” ka dëshmuar përfundimisht që “filmat nga çdo anë, në çdo gjuhë, janë tani të aftë të marrin nderimet kryesore të Hollywoodit. Ata më nuk janë të kufizuar në kategorinë e filmit më të mirë ndërkombëtar”.

“Parasite” është një satirë sociale në qendër me dy familje që jetojnë në skaje të kundërta të sistemit klasor në Korenë e Jugut. Bong përdor sensin e tij të humorit dhe suspensën për të vënë në pah ndërveprimet e tyre.

Sipas Brzeskit, përderisa cilësia e kinemasë koreane ka qenë fshehtësi e hapur për më shumë se dy dekada, “Parasite” ka prekur në tel audiencat e gjëra.

Filmi vë në pah disa probleme universale në shoqërinë bashkëkohore, veçanërisht hendekun në zgjerim e sipër midis të pasurve dhe të varfërve. Bong është regjisor i zoti që arrin t’i bëjë dëfryese temat e rënda. Ai është “duke shënuar lirshëm pikë kthese në zhanre të ndryshme klasike: krimin, thrilerin, komedinë e zezë, horrorin, dramën familjare e kështu me radhë”, ka thënë Brzeski.

David Tizzard, profesor asistent në Seoul Women’s University dhe komentator social, ka thënë se fitorja e Bongut ka “zhgrehur një shpërthim të euforisë kombëtare” në Korenë e Jugut.

“Sikundër në vendet perëndimore kur ekipi kombëtar luan në ndonjë garë si Kupa Botërore e Futbollit, jugkoreanët kanë pasur një gëzim kolektiv dhe dhembje në ngjarje si kjo, kështu që i gjithë vendi u bashkua prapa ‘Parasite’”, ka thënë ai për DW-në. “Ata mund të kenë dallime në mendime sa i përket qeverisë, në shtetin dhe ekonominë e Koresë së Veriut, por absolutisht nuk ka asnjë pikëpamje kundërshtuese në këtë”.

Tizzard pajtohet që kinemaja koreane është “nënvlerësuar keqas” nga pjesa tjetër e botës për një kohë të gjatë.

“’Parasite’ ka pasur një vlerësim të madh në vend, dhe tani ka të njëjtin vlerësim në skenën botërore, ndaj mendoj që ky është një rast kur pjesa tjetër e botës po kap atë çfarë ngjan këtu dhe po sheh cilësinë që ekziston në kinemanë koreane”, ka thënë ai.

Distributorët e filmave jugkoreanë pritet të kenë një lulëzim nga fitorja e Bongut. Me një buxhet prej vetëm 11 milionë dollarësh (10 milionë euro; 13 miliardë uonë jugkoreanë), “Parasite” tashmë ka bërë më shumë se 170 milionë dollarë gjithandej globit. “Distributorët e filmit duhet të inkurajohen të kuturusin më shumë në përmbajtje koreane e ndërkombëtare”, ka thënë Brzeski.

Një shpërthim i hershëm i kinemasë koreane erdhi më 2003, me trilerin aksion të regjisorit Park Chan-wook “Oldboy”, i cili më vonë ishte ribërë nga regjisori amerikan Spike Lee. Megjithatë, Brzeski beson se “Parasite” ka etabluar një precedent të ri për më shumë regjisorë jugkoreanë, qofshin meshkuj a femra, si Lee Chang-dong, Hong Sang-soo, Kim Bora, Lim Sun-ae dhe Lee Kyoung-mi, për të bërë fitime të rëndësishme në tregjet ndërkombëtare.

Nëse shfaqet një film në koreanisht para audiencës amerikane ose asaj gjermane, të gjithë filmat e dhënë para shikuesve në gjuhë të tjera përballen me çështjen e përjetshme të qasshmërisë.

Brzeski mendon se Bong e ka shpjeguar më së miri muajin e kaluar gjatë fjalimit të tij teksa pranoi “Golden Globe” për filmin më të mirë në gjuhë të huaj: “Sapo ta kapërcesh pengesën e gjatë prej një inç të titrave, ju do të njiheni edhe me më shumë filma të mahnitshëm”, kishte thënë regjisori.

Sidoqoftë, reporteri i filmit ka tërhequr vërejtjen kundër deklaratave në hava: “Nuk mendoj që mund të përdoret Bongu për të përgjithësuar krejt filmbërjen koreane, përveçse të thuhet që Koreja bën filma të shkëlqyeshëm, dhe që mbase një pjesë e botës po zgjohet vonë për këtë fakt”.

Duke folur para gazetarëve kur pranoi “Oscarët” e tij, Bong i është rikthyer komentit të tij të janarit për titrat, duke thënë: “Njerëzit tashmë po tejkalojnë këtë pengesë nëpërmjet shërbimeve të streamingut, videove të YouTubes dhe mediave sociale. Në mjedisin që po jetojmë tani, mendoj se të gjithë jemi të lidhur”.

“Prandaj mendoj që natyrshëm po vijmë te dita kur një film i huaj apo jo nuk do të ngrejë kandar, dhe që me shpresë kur një film i huaj fiton të mos bëhet më vonë temë”, ka shtuar ai /Deutsche Welle /KultPlus.com