S’mund të pushoj së menduari për ty

Nga: Eros Ramazzotti & Tina Turner
Shqipëroi: Bujar Meholli

Këto janë situata njerëzore
momentet midis nesh
ndarjet dhe rikthimet rrodhën
e ne s’kuptuam gjë prej gjëje,
por unë e di
se s’mund të pushoj së menduari për ty.

Këto kontradikta mes njerëzve
i bëjnë të ndihen sa të lumtur
sa të trishtuar nëpër trancizione emociolane
siç i kishim dhe ne.
Dhe sa kujtime kemi lënë pas…

Po, duhet ta dish se kjo është e vërtetë!
Unë thjesht s’mund të pushoj
së menduari për ty
dhe kohët që kemi kaluar bashkë.
Ah! Sa do të doja ta ndiejmë prapë
gjithë atë dashuri që kishim dikur…

Në zemrën e vetmuar
qëndron gjithçka
kapur fort pas kangjellave të krenarisë,
por, oh, s’mund të pushoj
së menduari për ty
dhe për ne…

Këto janë gjërat e kësaj jete
ca të mira, ca të këqija,
por çfarë është jeta
pa një ëndërr që ta mbajë?

T’ia kapësh dorën dikujt dhe mos t’ia lëshosh kurrë
është pjesë e një jete të përbashkët,
por a thua ka të ardhme?

Në këtë natë që ikën ngadalë para meje,
përpiqem të të takoj, dhe të kuptoj,
edhe nëse zemrat tona janë zhytur si anije në det
përherë i kujtoj e kurrë s’mund t’i harroj.

Oh, s’mund të pushoj së menduari për ty
dhe për ne, për kohët tona.
Thjesht, s’mund të pushoj duke të menduar… /KultPlus.com

1993

Tina Turner shet 60 vjet krijimtari muzikore

Tina Turner i bashkohet listës së artistëve që kanë shitur të drejtat për prodhimin e tyre artistik.

Këngëtarja amerikane, e natyralizuar zvicerane, ia ka shitur katalogun e saj muzikor kompanisë gjermane të regjistrimit BMG.

Janë rreth 60 vjet karrierë.

Kushtet ekonomike të marrëveshjes nuk u zbuluan, por sipas revistës tregtare Music Business Worldwide, bëhet fjalë për 50 milionë dollarë.

Tina Turner, 81 vjeç, e cila do të futet në Hall of Fame të Rock’n’ Roll për herë të dytë në fund të tetorit, ka qenë artistja e parë me ngjyrë që doli në kopertinën e revistës Rolling Stone.

Ndër krijimet e saj solo janë dhjetë albume në studio, dy live, dy kolona zanore dhe pesë përmbledhje.

Sipas BMG, ajo ka shitur mbi 100 milionë regjistrime./atsh/KultPlus.com

Tina Turner i shiti të drejtat e autorit të saj për 50 milionë dollarë

Tina Turner ka shitur të drejtat e autorit për katalogun e saj muzikor për një vlerë të jashtëzakonshme prej 50 milionë dollarësh, shkruan BBC, transmeton KultPlus.

Blerësi është shtëpia botuese BMG, e cila tani mund të përdorë emrin e këngëtares popullore, si dhe këngët e saj për sponsorizimet dhe marrëveshjet e ardhshme tregtare.

Turner pranoi ofertën prej 50 milion dollarë dhe vuri në dukje se ajo është e sigurt se muzika e saj është në duar të besueshme.

81-vjeçarja është një nga yjet më të njohur në historinë e muzikës pop.

Hitet e saj më të mëdha janë “The Best”, “Steamy Windows”, “What’s Love Got To Do With It” i “Golden Eye”. / KultPlus.com

Tina Turner dhe Jay-Z në panteonin amerikan të muzikës

Këngëtarja Tina Turner dhe reperi Jay-Z u zgjodhën në Rock & Roll Hall of Fame, panteoni amerikan i muzikës rock dhe folk në përgjithësi, së bashku me grupin gjerman Kraftwerk, njoftoi sot institucioni, transmeton KultPlus.

Rock and Roll Hall of Fame nuk u rezervua kurrë vetëm për rock dhe u hap, që nga promovimi i tij i parë në 1986, në zhanre të tjera muzikore, soul, blues, R&B, folk, country, pastaj rap.

Këngëtarja 81-vjeçare, Tina Turner tashmë kishte hyrë në panteon në 1991, si anëtare e dyshes Ike & Tina Turner.

Këtë herë ajo u emërua si një artiste solo në mes të viteve 1980 në një regjistër më pop, që i dha asaj sukses në të gjithë botën.

Për sa i përket Jay-Z, reperi dhe producenti i Brooklyn tashmë ka mbledhur 23 Grammy Aëards, çmime për industrinë e muzikës amerikane.

Ai është një nga artistët e paktë që ka kaluar disa epoka të repit dhe ende konsiderohet, në moshën 51-vjeçare, të jetë i rëndësishëm. / KultPlus.com

Lansohet ‘Tina’, dokumentari për jetën e këngëtares Tina Turner

Dokumentari i ri i cili flet për yllin e muzikës Tina Turner, më në fund është bërë me datë të lansimit.

Ky projekt i cili e rrëfen jetën dhe karrierën e këngëtares ikonike, do të shënojë premierën botërore javën e ardhshme në kuadër të Festivalit të filmit në Berlin, kurse në kanalin “HBO” dhe në platformën digjitale “HBO Max”, do të transmetohet më 27 mars të këtij viti.

Lajmi për realizimin e dokumentarit me titull “Tina”, fillimisht ishte bërë publik në vitin 2018 në kuadër të Festivalit të filmit në Kanë. Ai e ekranizon jetën dhe karrierën e ikonës së muzikës, nga suksesi i hershëm në vitet ’60 e deri tek shndërrimi i saj në një fenomen global të muzikës gjatë viteve ’80, transmeton KultPlus.

Pas shkurorëzimit të saj nga bashkëshorti, Ike Turner, në vitin 1978, me të cilin Tina e kishte krijuar edhe grupin muzikor “Ike & Tina Turner”, ajo e bëri rikthimin më të mirë në historinë e muzikës duke e lansuar hitin “What’s Love Got to Do With It”. Kjo ishte kënga e saj e parë e cila u pozicionua në vendin e parë të toplistës së 100 këngëve më të mira, “Billboard”, në vitin 1984.

Në trilerin e parë të dokumentarit, Turner dëgjohet duke folur për mungesën e nënës së saj që e kishte braktisur si fëmijë, derisa në prapavi dëgjohet melodia e hitit “Proud Mary”.

Intervistat intime me Turnerin në shtëpinë e saj në Zvicër, si dhe intervistat me yje të showbizit si Angela Bassett, Oprah Winfrey, Kurt Loder, Katori Hall dhe bashkëshorti i saj Erwin Bach, po ashtu përfshihen në këtë dokumentar, bashkë me pamje, foto dhe audio-incizime të cilat nuk janë shfaqur kurrë më parë për publikun.

Gjatë kohës sa ishte pjesë e grupit “Ike & Tina Turner”, nga viti 1960 deri më 1975, ajo i kishte realizuar 20 këngë të cilat shënuan suksese të mira në toplistën e 100 këngëve më të mira. Ndërsa si solo këngëtare, ajo i lansoi 40 hite të cilat i pozicionuan në maje të kësaj topliste, përfshirë këtu këngën “What’s Love Got to Do With It”.

Ky hit muzikor, në vitin 1985 ia pati fituar Turnerit 3 shpërblime të rëndësishme “Grammy”, në kategoritë të tilla si: “Kënga më e mirë e vitit”, “Incizimi më i mirë” dhe “Performanca më e mirë pop”. “What’s Love Got To Do With It” ishte pjesë e albumit “Private Dancer” të Tina Turnerit, dhe njihet si një prej këngëve të saja më të pëlqyera. Fillimisht, kënga i ishte ofruar këngëtarëve, Cliff Richard, Donna Summer dhe Bucks Fizz, para se Turner ta incizonte atë. Ndërkaq në vitin 1993, emri i këngës ishte shfrytëzuar si titull i filmit biografik të këngëtares së famshme amerikane.

Gjatë karrierës së saj të bujshme në muzikë, Turner i ka shitur më shumë se 100 milionë albume, i ka fituar tetë shpërblime “Grammy” dhe një çmim special i cili i nderon arritjet e saj në muzikë.

Këngëtarja 81-vjeçare kishte dalë në pension menjëherë pas përfundimit të turneut, “Tina! 50th Anniversary Tour”, i cili u përmbyll në vitit 2009, dhe nga atëherë është shfaqur në publik vetëm me rastin e ngjarjeve të caktuara./ KultPlus.com

Tina Turner, Jay-Z e Mary J.Blige të nominuar për “The 2021 Rock & Roll Hall of Fame”

Janë publikuar nominimet për “The 2021 Rock & Roll Hall of Fame” dhe lista e të nominimeve përmban disa prej emrave më legjendarë në fushën e muzikës.

Mary J.Blige, Jay-Z, Tina Turner dhe Dionne Warwick janë disa prej emrave më të famshëm për të cilët do të merret vendimi për çmimin e madh gjatë muajit maj ndërkohë që ceremonia e ngjarjes pritet të mbahet gjatë vjeshtës, shkruan revista e famshme Harper’s Bazaar.

Artistët bëhen të pranueshëm për tu nominuar për këtë çmim pasi të kenë realizuar këngën e parë të paktën 25 vjet para se të shpallen nominimet. Nominimet më pas zgjedhën nga një grup ndërkombëtar i përbërë prej më shumë se 1000 artistësh ku përfshihen historianë dhe artistë të ndryshëm në fushën e muzikës.

Edhe fansat më të votojnë duke hyrë në uebsajtin e Rock & Roll Hall of Fame deri në fund të muajit prill.

Kjo është lista e plotë e të nominuarve:

Mary J. Blige

Kate Bush

Devo

Foo Fighters

The Go-Go’s

Iron Maiden

Jay-Z

Chaka Khan

Carole King

Fela Kuti

LL Cool J

Neë York Dolls

Rage Against the Machine

Todd Rundgren

Tina Turner

Dionne Warwick. / KultPlus.com

S’mund të pushoj së menduari për ty

Nga: Eros Ramazzotti & Tina Turner
Shqipëroi: Bujar Meholli

Këto janë situata njerëzore
momentet midis nesh
ndarjet dhe rikthimet rrodhën
e ne s’kuptuam gjë prej gjëje,
por unë e di
se s’mund të pushoj së menduari për ty.

Këto kontradikta mes njerëzve
i bëjnë të ndihen sa të lumtur
sa të trishtuar nëpër trancizione emociolane
siç i kishim dhe ne.
Dhe sa kujtime kemi lënë pas…

Po, duhet ta dish se kjo është e vërtetë!
Unë thjesht s’mund të pushoj
së menduari për ty
dhe kohët që kemi kaluar bashkë.
Ah! Sa do të doja ta ndiejmë prapë
gjithë atë dashuri që kishim dikur…

Në zemrën e vetmuar
qëndron gjithçka
kapur fort pas kangjellave të krenarisë,
por, oh, s’mund të pushoj
së menduari për ty
dhe për ne…

Këto janë gjërat e kësaj jete
ca të mira, ca të këqija,
por çfarë është jeta
pa një ëndërr që ta mbajë?

T’ia kapësh dorën dikujt dhe mos t’ia lëshosh kurrë
është pjesë e një jete të përbashkët,
por a thua ka të ardhme?

Në këtë natë që ikën ngadalë para meje,
përpiqem të të takoj, dhe të kuptoj,
edhe nëse zemrat tona janë zhytur si anije në det
përherë i kujtoj e kurrë s’mund t’i harroj.

Oh, s’mund të pushoj së menduari për ty
dhe për ne, për kohët tona.
Thjesht, s’mund të pushoj duke të menduar… /KultPlus.com

1993

Rikthehet ikona e muzikës, Tina Turner

Tina Turner po rikthehet pas pensionimit për ta sjellë një version të ri të hitit të saj ikonik të vitit 1984, “What’s Love Got To Do With It”, në bashkëpunim me DJ dhe producentin e njohur muzikor, Kygo.

Këngëtarja 80-vjeçare kishte dalë në pension menjëherë pas përfundimit të turneut, “Tina! 50th Anniversary Tour”, i cili u përmbyll në vitit 2009, dhe nga atëherë është shfaqur në publik vetëm me rastin e ngjarjeve të caktuara.

Sidoqoftë, këtë të premte, ylli i hitit “Proud Mary” do të shfaqet në remixin e ri të këngës së saj të shpërblyer me çmim “Grammy”, e i cili vjen i realizuar nga muzikanti norvegjez, Kygo.

“What’s Love Got To Do With It”, në vitin 1985 ia pati fituar Turnerit 3 shpërblime të rëndësishme “Grammy”, në kategoritë të tilla si: “Kënga më e mirë e vitit”, “Incizimi më i mirë” dhe “Performanca më e mirë pop”.

Kygo, i cili verën e kaluar e realizoi remixin e këngës “Higher Love” nga ikona e ndjerë e muzikës, Whitney Houston, e bëri të ditur lajmin e bashkëpunimit të tij me Tina Turnerin, përmes një postimi në Twitter.

“Nuk mund të besoj se po e lansoj një bashkëpunim me, Tina Turnerin, këtë të premte. ‘What’s Love Got To Do With It’ është një prej këngëve të mia të preferuara, dhe më duket ëndërr mundësia për të punuar me një artiste legjendare si ajo! Mezi pres ta dëgjoni këngën,” kishte shkruar DJ Kygo në mbishkrimin e postimit të tij. / KultPlus.com

Kur Tina Turneri e jeton jetën për vete

Në një pllakë metalike para dyerve të pronës së Tina Turnerit shkruan “Vor 12.00 Uhr nicht läuten, keine Lieferungen”, që nga gjermanishtja ka kuptimin: “As mos të shkojë mendja ta shqetësosh Tina Turnerin para mesditës”.

Ajo ishte simboli i qëndresës së rock’n’rollit për 50 vjet. “Proud Mary” i saj ishte 175 për qind më i gjatë se origjinali dhe John Fogerty as që vallëzoi. Ajo u bë yll me Ike Turnerin në të 20-at, i iku abuzimit të tij në të 30-at, luftoi për shtegun e saj në krye të listave të popit në të 40-at, i ra botës përqark në të 60-at dhe tani do që të ndalet, transmeton Koha Ditore.

Turner është 79-vjeçare. E pensionuar prej më se dhjetë vjetësh ama ende angazhohet në gjithçka që nuk ka për të bërë.

“Nuk këndoj. Nuk vallëzoj. Nuk i vesh rrobat më të mira”, thotë ajo. Edhe paruka e saj – “pjesë esenciale e pamjes së Tina Turnerit”, siç ka shkruar në memoarin e saj të paradokohshëm – nuk është më e rregulluar më përpikëri si më përpara.

Nuk i mungojnë performacat. Edhe më 2009, teksa po e vazhdonte hovin e ditëve të fundit të turneut të saj “Tina! 50th Anniversary”, ajo po fantazonte, thënë sinqerisht, për ridekorimin e shtëpisë së saj.

Krejt këtë pjesë të jetës e kishte jetuar si Ike, por më pas e zaptoi jetën e saj të përnjëmendtë dhe tani e ka radhën përqendrimi kah peizazhi drejt liqenit në Zürich.

“Thjesht u lodha duke kënduar dhe duke i bërë të gjithë të lumtur”, thotë ajo. “Kjo është e gjitha që kam bërë në jetën time”.

Turneri mund të mos këndojë shumë këtyre ditëve, ama është një ekip i Tinas që performon përreth botës në emër të sajin. Mjuziklli “Tina: The Tina Turner Musical”, bazuar në jetën dhe hitet e saj ka sjellë Tinën në Londër dhe në Hamburg./koha.net/ KultPlus.com


Vetëvritet djali i këngëtares së famshme

Djali i madh i këngëtares së famshme Tina Turner, ka kryer vetëvrasje, bëjnë të ditur mediat amerikane.

Craig Raymond Turner e ka qëlluar veten me qifte në shtëpinë e tij në Los Anxhelos.

Policia kishte arritur në shtëpinë e tij të martën pasdite dhe ai ishte shpallur i vdekur në vendngjarje. Craig ka lindur kur Tina ishte vetëm 18-vjeçe, para se ajo të martohej me Ikea Turnera. Por babai biologjik i Craig, ishte saksofonisti Raymond Hill i cili luante në grupin e Ikea, ‘Kings of Rhythm’.

Përndryshe, Tina Turner jeton në Zvicër, ndërsa lajmi i rëndë për të vjen në kohën kur ajo gjendet në udhëtim jashtë vendin, çka ndodhë rrallë. Momentalisht gjendet në Paris, por pritet shpejt të udhëtoj në SHBA, Craig merrej me patundshmëri dhe ishte 59-vjeçar. / KultPlus.com

“Kam ngecur në zemrën tënde dhe mbahem nga çdo fjalë që thua” (VIDEO)

KultPlus ju sjellë tekstin e këngës “The Best” të këngëtares Tina Turner.

Të thërras kur kam nevojë, zemrën e kam në zjarr
eja tek unë, eja tek unë i papërmbajtur
kur të vish tek unë
më jep gjithçka që kam nevojë
më jep një premtim për gjithë jetën, dhe një botë ëndrrash
fol një gjuhë dashurie sikur ta dish se çfarë thua
dhe nuk mund të jetë gabim
merre zemrën time dhe forcoje i dashur

Ti je thjesht më i miri, më i miri nga të tjetërt
më i mirë nga çdokush, çdokush që kam takuar
kam ngecur në zemrën tënde dhe mbahem nga çdo fjalë që thua
Po të na ndash, i dashur më mirë të jem e vdekur

Në zemrën tënde shikoj yllin e çdo nate dhe të çdo dite
në sytë e tu humbas, dhe shkoj larg
për sa kohë që jam këtu në krahët e tu
nuk mund të ketë vend më të mirë

Ti je thjesht më i miri, më i miri nga të tjetër
më i mirë nga çdokush, çdokush që kam takuar
kam ngecur në zemrën tënde, dhe mbahem nga çdo fjalë që thua
Po të na ndash, i dashur më mirë të jem e vdekur

Sa herë që më lë, unë humbas kontroll
sepse ti ikën me zemrën dhe me shpirtin tim
të ndjej edhe kur jam vetëm
Oh i dashur, mos më lër. /KultPlus.com

Rikthehet Tina Turner

Këngëtarja veterane e lindur në Amerikë, Tina Turner, u largua paksa nga pensionimi për të sjellë në treg muzikë të re që e përfaqëson jetën e saj.

Këtë gjë këngëtarja e bëri të martën më 17 tetor në Londër.

Fjala nuk është për ndonjë album muzikor por për shfaqjen muzikore, ‘TINA’, me regji të Phyllida Lloyd dhe me aktoren e nominuar për çmim Tony, Adrienne Warren, në rolin e divës Tina Turner.

Mjuziklli është krijuar me ndihmën e vetë këngëtares dhe besohet se sjellë historinë e pa treguar të një femre e cila guxoi t’i tejkalojë të gjitha barrierat që ia krijonte mosha, gjinia dhe raca e saj.

Shfaqja muzikore “TINA” do të hapet në teatrin “Aldwych” të Londrës, në prill të vitit të ardhshëm. / KultPlus.com

E konfirmuar, Tina Turner po kthehet me projekt të ri

Në West End në Londër, në prill të vitit 2018 do të prezantohet premiera botërore e mjuziklit që është bazuar në jetën dhe hitet e këngëtares së famshme Tina Turner, shkruan KultPlus.

Ky konfirmim ka ardhë edhe nga faqja e saj zyrtare, ku ka treguar për emocionet e saj mbi këtë rikthim, e cila ka vlerësuar se për të është shumë e rëndësishme që të ndajë me audiencën, komplet rrëfimin e saj. Poashtu Tina Turner është shprehur të jetë shumë e lumtur për faktin se kjo ngjarje do të ndodhë pikërisht në Londër, në vendin që ka një rol shumë të rëndësishëm për vetë Tina Turner. “Premierë botërore e mjuziklit tim të ri”, ka shkruar Tina Turner. Shitja e biletave tashmë do të fillojë në muajin shtator.

Mjuzikli i Tina Turner do të nisë me mbrëmjen për shtypin më 17 prill, kurse mjuziklli do të prezantohet më 21 mars, kurse ky projekt është rezervuar fillimisht deri më 16 qershor./KultPlus.com