Williams e Jay Z, me këngë të re rreth lëvizjes së të drejtave afro-amerikane

Pharrell Williams dhe Jay-Z i kanë bashkuar forcat dhe kanë realizuar këngën e re “Entrepreneur”, e cila lartëson lëvizjen për të drejtat e afro-amerikanëve.

Kënga, e publikuar të premten, është bashkëpunim në kuadër të projektit të veçantë me ‘coverë’ të “Time”-it, “The New American Revolution”, i cili ishte krijuar nga Williamsi dhe përfshin bisedat me Angela Davisin, Naomi Osakan, Tylerin, “Creator” dhe disa të famshëm të tjerë, në ngritje të zërit kundër padrejtësive ndaj qytetarëve me ngjyrë në Shtetet e Bashkuara të Amerikës.

Projekti i ri muzikor i vë në pah të arriturat e qytetarëve të thjeshtë, të cilët kanë krijuar kompani, brendë, produkte dhe nisma për komunitetin, duke nisur nga zeroja dhe shpesh në varfëri, transmeton KultPlus.

Në videoklipin e projektit paraqiten po ashtu shumë të famshëm të tjerë, të cilët kanë arritur vetë suksesin, përfshirë Issa Raen, Tylerin and Six Sev. Ndërkaq, është përfshirë edhe një pauzë prej një minute heshtjeje në nderim të aktivistit, reperit dhe interpretuesit të vrarë, Nipsey Hussle.

Williams ka thënë për “TIME” se kënga është “rreth asaj se sa e vështirë është të jesh interpretues në vendin tonë në rend të parë”.

“Sidomos si person me ngjyrë. Ka shumë disavantazhe sistematike dhe bllokime të qëllimta”, ka thënë ai. “Si mund ta ndezësh një zjarr apo vetëm shpresën e prushit për të ndezur zjarr, kur fillon me disavantazhet që kanë të bëjnë me kujdesin shëndetësor, edukimin dhe përfaqësimin?”

Jay-Z është artisti me të cilin ka bashkëpunuar Williams në këtë këngë.

“Entrepreneur” është prodhim i Neptunes, i Williamsit dhe bashkëpunëtorit të tij të kamotshëm, Chad Hugo. Jay-Z dhe Williams kanë bashkëpunuar edhe në shumë hite gjatë dy dekadave të kaluara, përfshirë në këtë mes “I Just Wanna Love U (Give It 2 Me)”, “Excuse Me Miss”, “Change Clothes”, “Frontin” dhe “Apes**t”, ndërsa kanë përfshirë në projektet e tyre edhe bashkëshorten e Jay-Z, këngëtaren Beyoncé. / KultPlus.com

Anulohet festivali Made in America i Jay Z

Legjenda 50 vjeçe e hip-hopit Jay Z, ka vendosur të anulojë festivalin që do të mbahej nga 5 deri 6 shtator në Philadephia të SHBA-së, për shkak të krizës me COVID-19 në këtë shtet.

Këngëtari i hitit “99 problems” në vend të kësaj është duke i inkurajuar të gjithë që të përqendrohen në luftën për barazi racore pas protestave Black Lives Matter, shkruan revista Female First.

Ky festival ekstravagant, i cili vitet e kaluara paraqiti artistë si Nicki Minaj, Kendick Lamar, Rihanna, dhe Beyonce, do të kthehet vitin e ardhshëm.

Në një deklaratë, shtëpia diskografike e Jay Z, Roc Nation tha: “Viti 2020 është si asnjë vit tjetër. Jemi në një periudhë të rëndësishme në historinë tonë. Së bashku, jemi duke i luftuar disa pandemi, COVID-19, racizmin sistematik, dhe dhunën policore. Tani është koha të mbrojmë artistët tonë, fansat, familjet dhe komunitetin, dhe të përqendrohemi në përkrahjen për organizatat dhe individët të cilët po luftojnë për barazi dhe drejtësi në shtetin tonë. Andaj, Festivali Made in America do të anulohet deri në vitin e ardhshëm”, transmeton KOHA.

Ata të cilët tashmë i kanë blerë biletat do të mund t’i përdorin për festivalin e vitit të ardhshëm. / KultPlus.com

AC Milan dhe Jay-Z me koncert bamirësie për luftën kundër COVID19

Një klub historik dhe një legjendë e rap do të bëhen bashkë.

AC Milan njofton në faqen zyrtare se mbrëmjen e sotme së bashku me Jay-Z do të organizojnë një  koncert vitual me qëllim mbledhjen e fondeve për punonjësit e shëndetësisë, të cilët rrezikojnë çdo ditë jetë e tyre, duke luftuar me virusin famëkeq Covid-19.
 
Paratë e mbledhura në këtë faqe në internet do të shkojnë për organizatën “Relief Direct” dhe “Fondazione Milan”.
 
Reperi, por edhe biznesmeni, Jay-Z është në krye të Roc Nation, një kompani që menaxhon karrierën e shumë artistëve, por edhe të futbollistëve si Jerome Boateng (Bayern Munich), Romelu Lukaku (Inter Milan) apo edhe Kevin De Bruyne (Manchester City).

Kështu, reperi amerikan do të bëjë pjesë këtij koncerti emra shumë të njohur të muzikës, si  DJ Khaled, Alicia Keys dhe Jonas Brothers që do të performojnë live. Koncerti do të transmetohet në faqen AC Milan në rrjetet sociale. Gjithashtu futbollistë si Thierry Henry apo Kaka do të jenë pjesë e koncertit. / KultPlus.com

 

Blue Ivy fiton shpërblimin e parë në moshën 8-vjeçare

Vajza e çiftit Beyoncé dhe Jay-Z, e ka pranuar shpërblimin e saj të parë muzikor në ceremoninë e sivjetme të ndarjes së shpërblimeve “NAACP Image Awards”, e cila u mbajt gjatë fundjavës.

8-vjeçarja Blue Ivy Carter u nderua në kategorinë “Dyshja apo bashkëpunimi më i mirë” për hitin “Brown Skin Girl”, ku ajo ka performuar dhe i ka shkruar disa pjesë të saj. Kënga vjen në bashkëpunim me nënën e saj dhe artistët Saint Jhn dhe Wizkid si dhe është pjesë e albumit të vitit 2019, “The Lion King: The Gift”.

Ky sukses i 8-vjeçares së famshme ndërkombëtarisht vjen pasi në korrik të vitit të kaluar, kënga “Brown Skin Girl” kishte arritur të pozicionohet në vendin e 76-të të toplistës së 100 këngëve më të mira “Billboard”. Atëkohë, Blue Ivy ishte vetëm 7-vjeçare, transmeton Koha.net.

Gjyshja e saj, Tina Laëson, ishte ajo e cila me krenari e kishte ndarë lajmin në Instagramin e saj.

Nëna e këngëtareve, Beyoncé dhe Solange, kishte shkruar: “Artistja më e re që po fiton shpërblim të rëndësishëm muzikor. Gjyshja është shumë krenare me ty. Ti po iu dhuron zë të gjitha vajzave të vogla me ngjyrë ”.

Beyoncé, e cila po ashtu i ka dy binjak me reperin Jay-Z, Rumi dhe Sir, ishte ndër fitueset kryesore të ceremonisë “NAACP Image Awards”, duke i fituar gjashtë shpërblime gjithsej në kategori të rëndësishme si, “Artistja më e mirë femër” dhe “Kolonat zanore dhe kompilimet më të mira” për albumin “The Lion King: The Gift”. /koha.net/ KultPlus.com

Jay-Z, reperi i parë miliarder

Jay-Z është bërë zyrtarisht miliarderi i par në hip-hop, sipas revistës “Forbes”.

Revista amerikane ka thënë se pasuria e reperit tani arrin në një miliard dollarë.

Burri i këngëtares Beyonce ka krijuar pasurinë përmes muzikës, pronave, modës e investimeve në biznes.

Jay-Z, apo Shawn Carter, kishte debutuar më 1996 me albumin “Reasonable Doubt”. Më 2011, albumi i tij “The Blueprint” iu shtua regjistrit të Kongresit për shkak të rëndësisë së tij.

Në mesin e pasurisë së reperit janë:

Aksionet në shampanjën “Armand de Brignac” – mbi 400 milionë dollarë

Aksione në Uber – 70 milionë.

Prona në New York e Los Angeles

Aksione 100 milionë dollarë në shërbimin muzikor Tidal

Koleksion artistik – 50 milionë euro.

Gruaja e tij ka pasuri rreth 335 milionë dollarë, shumicën nga muzika.

“Forbes” ka mohuar spekulimet se reperi Dr Dre tashmë është miliarder.

Beyonce dhe Jay Z pranojnë çmim nga GLAAD Media Awards

Ishte një mbrëmje për t’u festuar nga Beyonce dhe Jay-Z.

Superçifti u nderuan me çmimin prestigjioz për avokimin e të drejtave të komunitetit LGBTQ.

Çifti u ngjitën në skenë për ku bënë një fjalim para të pranishmëve.

“Ne nuk po prisnim ndonjë prej këtyre çmimeve dhe jemi super të nderuar e të entuziazmuar. Unë tashmë kam qarë”, deklaroi Beyonce dhe Jay Z.

“Who you make love to, and take that ass to Red Lobster, is your human right.” —Beyoncé #GLAADawards 👑🏳️‍🌈 pic.twitter.com/SgSGiYyHsU— BEYONCÉ LEGION (@BeyLegion) 29 March 2019

Beyonce falënderoi edhe Jay Z për kontributin e tij në komunitetin e hip hopit për eliminimin e paragjykimeve.

Bey dhe Jay gjithmonë ishin të zëshëm për të drejtat e komunitetit të diskriminuar LGBTQ. /Telegrafi/ KultPlus.com