Përmbledhja e dramave të Shakespeare shënon rekord shitjeje

Një kopje e përmbledhjes së dramave debutuese të dramaturgut anglez, William Shakespeare, u shit sot për 9,97 milionë dollarë në ankand, në Nju Jork, një rekord për një vepër letrare.

Kopja e shitur, është njëra nga gjashtë kopjet ekzistuese që mbahen tani nga koleksionistë privatë.

Çmimi i paguar për librin, i cili përfshin komisione dhe kosto, ka tejkaluar kryesisht pjesën e sipërme të vlerësimit të propozuar nga shtëpia e ankandit “Christie’s”, me rreth 4-6 milionë dollarë.

Përmbledhja, e shtypur në vitin 1623 dhe që bashkon 36 drama të Shekspirit, ndonjëherë konsiderohet si vepra më e madhe letrare në gjuhën angleze.

I botuar pas vdekjes së William Shakespeare (1564-1616), libri është rezultat i punës së dy miqve të autorit, John Heminge dhe Henry Condell.

Ai përmban pjesë kryesore që ka të ngjarë të mos ekzistojnë jashtë këtij botim, përfshirë veprat “Makbethi” dhe “Nata e Mbretërve”./ atsh/ KultPlus.com

Një botim i rrallë i veprës së fundit të Shakespeare është gjetur në bibliotekën Royal Scots në Spanjë

“Two Noble Kinsmen” i shkruar nga Shakespeare dhe John Fletcher është gjetur nga një hulumtues që po kërkonte për punën e ekonomistit Adam Smith.

Ky botim i vitit 1634 mund të jetë një prej librave më të vjetër që përmban veprën e autorit.

“Two Noble Kinsmen” ishte përfshirë në një volum me drama të ndryshme angleze, të printuara nga 1630 deri në 1635.

Dr John Stone, nga Universiteti i Barcelonës tha se e ka gjetur mes librave të vjetër në librarinë Royal Sots College (RSC) që tani gjindet në Salamanca.

“Miqësia kthehet në rivalitet në këtë studim për dehjen nga dashuria”, kështu ka përshkruar Royal Shakespeare Company këtë dramë.

Mendohet të jetë shkruar rreth viteve 1613 -14 nga Sheakspeare dhe John Fletcher, një nga dramaturgët e Bard’s theatre The King’s Men./ KultPlus.com

“Falënderohu për atë që je sot dhe lufto për atë çfarë do të jesh nesër”

  1. Nuk do të llokoçis një këmbë për të kërkuar një armik.
  2. Unë duhet të kem shkuar të jetoj, ose të qëndroj dhe të vdes.
  3. Brishtësi, emir yt është grua!
  4. Unë dëshiroj të ishim të huaj më të mire.
  5. Përralla juaj, zotëri, do ta shëronte shurdhimin.
  6. Nuk do ta kisha futur hajnin në gojën time të ma vidhte trurin.
  7. I bërë për vdekje nga gjuha shpifëse
  8. Më mire budalla i shkathët se një i shkathët budalla.
  9. Pak ujë na pastron ne nga kjo vepër.
  10. Orët e pikëllimit duken të gjata.
  11. Dhe asgjë nuk është, por çfarë nuk është.William Shakespeare
  12. Të lindësh është sikur të rrëmbehesh. Dhe pastaj të shitesh në skllavëri.
  13. Nëse mund të shikosh në farën e kohës dhe të thuash cila kokërr do të rritet e cila jo …
  14. Është shumë lehtë për mua t’i mësoj njëzet çka është e drejtë për tu bërë, atëherë bëhu një nga njëzet të pasosh mësimin tim.
  15. Jo sepse e doja Cezarin më pak por e doja Romën më shumë.
  16. Nuk ka asgjë serioze në Vdekshmëri
  17. Të jesh njeri i favorizuar mire është dhuratë e fatit; por të shkruash dhe lexosh vije nga natyra.
  18. Dashuria e të rinjve nuk qëndron me të vërtetë në zemrën e tyre, por në sytë e tyre.
  19. Më mbani mend.
  20. Për tu ngjitur kodrave të rrëpira nevojiten hapa të ngadalshëm në fillim.
  21. Se e vërteta duhet të jetë e heshtur thuajse kisha harruar.
  22. Heshtja shpesh e pafajësisë së pastër bind kur të folurit dështon.
  23. Asgjë nuk është aq e shpeshtë sa dëshira për të qenë i mrekullueshëm.
  24. Tani është dimri i pakënaqësive tona.
  25. Mos gjyko ndërgjegjen e njeriut duke shikuar në fytyrën e tij sepse ai mund të ketë zemër të keqe.
  26. Qeshja e zëshme paralajmëron mendjen e zbrazët.
  27. Sikur që valët shkojnë drejtë gurëve të bregut të detit, ashtu nxitojnë minutat tona drejt fundit të tyre.
  28. Dashuria nuk më bën asnjë pyetje, dhe më jep mbështetje të pa fund.
  29. Kur babai i jep djalit, të dy qeshin; kur djali i jep babait, të dy qajnë.
  30. Është plaga e kohës, kur të çmendurit udhëheqin të verbëtit.
  31. Ndrysho fytyrën tënde dhe unë do të ndryshoj jetën time.
  32. Ku dashuria është e madhe, dyshimet e vogla janë shqetësuese; Ku shqetësimet e vogla rriten, dashuria e madhe rritet këtu.
  33. Sikur që e dua emrin e nderit më shumë se sa kam frikë nga vdekja.
  34. Ena e zbrazët e bën zërin më të lartë.
  35. Shpresa e vërtetë është e shpejtë dhe fluturon me krahë gëlltitës.
  36. Pak më shumë se soj, pak më pak se lloj.
  37. Fjalimi i pandershëm fle në vesh të budallait.
  38. Betohem në shpirtin tim, nuk ka fuqi në gjuhën e njeriut të më ndryshoj mua.
  39. Në të vërtet nuk jam budallai i saj, por korruptuesi i saj i fjalëve.
  40. Dashuria që nuk mund të e kemi është ajo që zgjat më së shumti, dhemb më së thelli, por ndihet më së forti. /KultPlus.com

“Pas Zotit, Shekspiri është krijuesi më i madh”

   

Kjo shprehje e Xhojsit, do ta përcaktone më saktë ndikimin e fuqishëm dhe gjurmët pashlyeshme në art, histori dhe letërsi. Shekspiri e ngriti artin poetik në majat më të larta. Të gjitha studimet e analizat e veprës së tij, kanë emërues të përbashkët: vepra shekspirane është e admirueshme si tërësi dhe në të gjithë përbërësit e veçantë. Vepra e tij, së bashku me Biblën dhe Deklaratën e të Drejtave të Njeriut, janë shtyllat mbi të cilat formohet identiteti historik i Evropës.

Shekspiri konsiderohet si shkrimtari më brilant i gjuhës angleze, në mënyrë absolute, një ndër shkrimtarët më të mëdhenj të të gjitha kohërave. Një ndër shkrimtarët më të famshëm në botë. Ai ishte qenë komedian, dramaturg, por edhe aktor. Shkroi disa tragjedi të jashtëzakonshme, që përfaqësojnë historinë e letërsisë botërore, si edhe shumë komedi dëfryese, që nuk u shfaqen kurrë nëpër skenat angleze.

Krijimtaria e tij, përmbledh 37 vepra për teatrin, prej të cilave 13 tragjedi, 10 drama historike dhe 14 komedi. Pjesa tjetër e krijimtarisë përfshin 154 sonete, që mbahen si realizimi poetik më i çmueshëm i gjithë kësaj periudhe dhe 2 poema.

Aftësia e tij qëndronte në të hedhurit e rrëfimit përtej, për të përshkruar kështu pamjet e brendshme dhe të thella të natyrës njerëzore. Mendohet se pjesën më të madhe të veprave, t’i ketë shkruar midis viteve 1585-1611 dhe pse, kronologjia e veprave që i atribuohen nuk njihet me saktësi, duke shkaktuar kështu mangësi në lidhje me hartimin e një biografie të thellë dhe të plotë, për këtë figurë madhështore të letërsisë.

Shekspiri përdori rreth 20 mijë unitete gjuhësore ndërkohë që e folmja e asaj kohe, nuk përmbante më shumë se 1,500 fjalë. Kishte një gjuhë jashtëzakonisht të gjallë dhe të pasur në neologjizma, lojë fjalësh, si dhe fjalë me shumë kuptime.

Për lexuesin shqiptar është e njohur mirë gjenia dramatike e Shekspirit, nga përkthimet e mjaft prej dramave të tij, sidomos nëpërmjet përkthimeve mjeshtërore të at Fan S. Nolit. Nëpër të 36 dramat e tij janë të shpërndara qindra këngë dhe pasazhe lirike (si kënga e Ofelisë së marrosur te “Hamleti”, profetizimi i magjistricave te “Makbethi” mjaft pasazhe tek “Antoni dhe Kleonatra”).

Veprat e para të Shekspirit në zhanrin e poezisë u shkruan dhe u botuan pasi ai kishte arritur të njihej si dramaturg. Në vitin 1593 u botua “Venusi dhe Adonisi” në vitin 1594 – “Përdhunimi i Lukrecias”, në vitin 1598/9 – 20 këngë lirike (midis tyre disa sonete) në “Pelegrini i apasionuar”, në vitin 1601 – “Feniksi dhe breshka”. Në këtë periudhë, me ndërprerje, Shekspiri filloi të shkruante sonetet, që i vazhdoi deri në vitin 1600. Ato qarkulluan për një kohë të gjatë në rrethin e miqve të tij dhe u botuan vetëm në vitin 1609. Ato u shkruan në kohën kur Shekspiri pati arritur pjekurinë e tij të plotë dhe paraprinë drama të tilla si “Hamleti”, “Makbethi”, “Otello”, “Antoni dhe Kleopatra”.

Më 23 prill, bëhen 456 vjet nga lindja, ndërsa 404 vjet që kur ndërroi jetë, Uilliam Shekspir.

Dita botërore e librit, sot, jo më kot përkon më ardhjen dhe ikjen… e një gjeniu të letrave! / Konica.al / KultPlus.com

Sot dita e lindjes dhe e vdekjes së William Shakespeare

Sot, më 23 prill shënohet Dita Botërore e librit ndërkaq po sot bëhen 456 vjet nga lindja e kurse 404 vjet që kur ndërroi jetë autori William Shakespeare.

William Shakespeare ishte një dramaturg anglez që lindi më 23 prill 1564 në Stratford mbi Avon dhe vdiq më 23 prill 1616 në po të njëjtin qytet.

William Shakespeare e ngriti artin poetik në majat më të larta. Kur flitet për të shumë pak autor i qëndrojnë përkrah dhe asnjë përsipër. Studimet, analizat dhe komentet rreth tij janë të panumërta por përfundimi është i njëjtë: vepra shekspirane është e admirueshme si tërësi dhe në të tërë përbërësit e veçantë. Vepra e tij së bashku me Biblën dhe Deklaratën e të Drejtave të Njeriut janë shtyllat në të cilat ngritet identiteti i Evropës historike.

Shakespeare konsiderohet si shkrimtari më i shkëlqyer i gjuhës angleze, në mënyrë absolute, një ndër shkrimtarët më të mëdhenj të të gjitha kohërave. Njeri nder shkrimtarët më të famshëm në botë. Ai ka qenë komediograf, dramaturg, por edhe aktor. Ai jo vetëm që shkroi disa tragjedi të jashtëzakonshme të cilat hynë në historinë e letërsisë botërore, por edhe shumë komedi dëfryese që nuk u shfaqen kurrw.

Veprimtaria dramatike e Shekspirit u zhvillua në kuadër të teatrit elizabetian dhe ka si kuadër historik mbretërimin e Elizabetës I (1558 – 1603). Kjo epokë njihet dhe si epoka e artë e teatrit anglez. Përkrah teatrit klasik, ky teatër përbën dukurinë më të rëndësishme e më të mrekullueshme për teatrin botëror në përgjithësi. Në këtë periudhë lëvrohen të gjitha llojet e dramatikes me të njëjtin sukses madje pasurohen me elemente të reja. Por kulmin e arrin tragjedia, e cila i paraqet heronjtë para konfliktesh e dilemash të skajshme, prej të cilave dilet me vullnet e forcë shpirtërore të paepur ose dalja nuk ekziston fare.

Gjatë krijimtarisë së tij, Shekspiri realizoi 37 vepra për teatrin, nga të cilat 13 tragjedi, 10 drama historike dhe 14 komedi. Pjesa tjetër e krijimtarisë përfshinë 154 sonete që mbahen si realizimi poetik më i çmueshëm i gjithë kësaj periudhe dhe 2 poema të gjata.

Aftësia e tij qëndronte në të hedhurit e rrëfimit përtej, për të përshkruar kështu pamjet e brendshme dhe të thella të natyrës njerëzore. Mendohet se pjesën më të madhe të veprave të tij t’i ketë shkruar midis viteve 1585-1611, edhe pse kronologjia e veprave që i atribuohen atij nuk njihen me saktësi, duke shkaktuar kështu mangësi në lidhje me hartimin e një biografie të thellë dhe të plotë për këtë figurë madhështore të letërsisë.

Shekspiri përdori rreth 20 mijë unitete gjuhësore ndërkohë që fjalori aktiv i njeriut të epokës nuk përmbante më shumë se 1500 fjalë. Kishte një gjuhë jashtëzakonisht te gjallë dhe të pasur. Përdorte neologjizmat, lojërat e fjalëve dhe fjalë me shumë kuptime. / KultPlus.com


“Në gjunjë zotërinj përpara një gruaje”

Për të gjithë dhunën e ushtruar mbi të, për të gjitha ofendimet që ka pësuar, për trupin e saj që keni shfrytëzuar, për inteligjencën që i keni përdhosur, për injorancën në të cilën e keni lënë, për lirinë që i keni mohuar, për gojën që i keni taposur, për flatrat që i keni prerë, për të gjitha këto:

Në gjunjë zotërinj përpara një gruaje! /KultPlus.com