займ на карту онлайн потребительский кредит

Autori shqiptar, Klaudio Findiku, në dy muajt e fundit ka marrë 25 çmime

19 Tetor, 2020 - 1:44 pm

Suksese të reja për poetin e ri shqiptar nga Italia, Klaudio Findiku, i cili në dy muajt e fundit ka marrë njëzet e pesë çmime në po aq çmime ndërkombëtare, shkruan albinfo.ch.

Findiku shquhet si autor i më shumë se 950 kompozimeve që i kanë dhënë atij çmime të shumta, në Montesilvano Findiku ai fitoi çmimin letrar ndërkombëtar “Veritas Splendor”, promovuar nga Universiteti Ndërkombëtar i Paqes, në bashkëpunim me Departamentin Federal të Kulturës dhe nën Patronazhin e Lartë të Akademisë Universum Zvicra, me një poezi kushtuar Nënë Terezës së Kalkutës, shkruan albinfo.ch.

Duhet theksuar se Findiku ishte protagonist në Pesaro në ceremoninë përmbyllëse të edicionit të 21-të të “Universum International Award – Young Excellence”, kushtuar të rinjve që janë dalluar në çdo fushë të shoqërisë, ku u vlerësua me “Përmendjen e Nderuar” për poezi “Lotët e nënës sime”, një histori prekëse e dashurisë për Shqipërinë, tokën e saj amtare dhe për tokën e adoptuar, ndërsa më 9 tetor me poezinë “Deti” ajo fitoi “I colori dell ‘anima’, promovuar në Sanremo nga shoqata kulturore “Mondo fluttuante”.

Klaudio Findiku ka lindur në Durrës më 1995 dhe jeton në Itali që nga viti 2009, ku dhe ka ndjekur studimet për Hoteleri-Turizëm dhe Menaxhim biznesi. Gjer më tani ka botuar 5 vëllime në shqip, si: “Mërgimi në dhe të huaj”, “Malli për vendlindjen time”, “Copëza Shpirti” etj., të cilave pritet t’u shtohen edhe botime të reja. Krijimtaria e tij letrare në italisht është vlerësuar me mjaft çmime dhe do të publikohet së shpejti.

Përveç talentit të tij, është i njohur edhe për angazhimin e tij shoqëror në kryesinë e shoqatës vullnetare “Shqipet”, e cila mban lart emrin e të rinjve që i përkushtohen artit të fjalës. /Albinfo.ch/ KultPlus.com

Fotografia e Klaudio Findiku
Fotografia e Klaudio Findiku

Të ngjajshme