Shkencëtarja shqiptare në Universitetin e Oksfordit, flet për vaksinën

Shqiptarja Detina Zalli, kërkuese shkencore në Universitetin e Oksfordit në Britaninë e Madhe, ka qenë prezente në media dhe rrjete sociale me këshilla rreth pandemisë.

Ajo ka publikuar informacionin se vaksina e përgatitur nga Oksfordi është pranë aprovimit dhe se në Angli tashmë janë porositur rreth 100 milionë doza.

“Vaksina do të jetë efikase dhe ndaj variantit të ri të koronavirusit”, ka shkruar shkencëtarja shqiptare.

“100 milionë vaksina të Universitetit të Oxford-it janë porositur në Angli. Vaksina duhet të aprovohet këto ditë. Vaksina duhet të punojë dhe me variantin e ri të virusit. Më shumë informacione do t’u shkruajmë ditët e ardhshme. Më poshtë është shpjeguar se si është ndërtuar vaksina”, ka shkruar ajo në rrjetin social Facebook. / KultPlus.com

Dy motrat shqiptare pas Harvardit në Oxford, kësaj radhe në ndihmë kundër luftës me Covid19

Detina dhe Argita Zalli janë dy motra shqiptare të cilat sëfundi po ushtrojnë profesionin e shkencëtarëve në London University College, shkruan KultPlus.

Motrat Zalli sëfundi kanë njoftuar se së shpejti do të publikojnë një broshurë informative rreth Covid19. Disa muaj më parë ato kanë publikuar një libër mbi sëmundjet tumorale.

Ndër të tjera, vlen të ceket se motrat Zalli kanë qenë tejet aktive gjatë kësaj periudhe pandemike duke ofruar shumë shpesh informacione e këshilla për diasporën dhe jo vetëm.

Dy motrat Detina dhe Argita Zalli në vitin 1999 emigruan si shumica e shqiptarëve duke shkuar në Angli, ku tashmë atje jetojnë dhe veprojnë me një karrierë të suksesshme. / KultPlus.com