Artisti shqiptar Elvin Hoxha shkëlqen në konkursin prestigjioz botëror

Elvin Hoxha, një nga violinistët më të talentuar e të kuotuar të planetit, ka fituar çmimin prestigjioz në një nga garat më të rëndësishme ndërkombëtare, duke përfaqësuar Shqipërinë.

Bëhet fjalë për konkursin ndërkombëtar “Szymanowski” që zhvillohet në Katovicë të Polonisë, ku Elvin Hoxha fitoi çmimin e dytë.

Elvini, një artist tashmë i rritur plotësisht profesionalisht, ka qenë një talent i spikatur që i vogël, por që jetën e tij e ka të angazhuar thuajse non stop me studim dhe kompeticione ndërkombëtare. Djali i një muzikanti nga Shkodra, Hajredin Hoxhës, pjesëtar i një familje të njohur intelektuale e qytetit, dhe një muzikante nga Azerbaxhani, Elvini është rritur në kryeqytetin turk, Ankara, ku dhe prindërit punonin si pjesëtar të Filarmonisë së Turqisë.

Ndërkaq, sot, Elvini jeton në Gjermani, ku nuk resht së marri mësime në nivelet e larta të konservatorit nga pedagogë nga më kryesorët në Evropë.

Shqipëria është hera e parë që merr një çmim kaq prestigjioz në konkursin “Szymanowski International Competition./GazetaTema / KultPlus.com

Mjeshtërisht të rrallë, violinisti Hoxha- Ganiyev dhe pianistja Tare emocionuan audiencën e Chopin Piano Fest

Vjollca Duraku

Një publik entuziast i cili u ngrit dhe qëndroi në këmbë tre herë përgjatë koncertit, ishte rezultat i një interpretimi mjeshtërisht të rrallë të realizuar mbrëmë nga violinisti i shquar Elvin Hoxha-Ganiyev dhe pianistja Klejda Tare, në koncertin e dytë të festivalit Chopin Piano Fest Prishtina 2023, shkruan KultPlus.

Violinisti i famshëm me prejardhje shqiptaro-azerbejxhaniane, Elvin Hoxha-Ganiyev dhe pianistja Klejda Tare, me profesionalizmin e tyre mbrëmë dhuruan çaste të paharrueshme për publikun në sallë, duartrokitjet e të cilëve bënë që muzicientët të performonin edhe një pikë tjetër shtesë në nderim të gjithë atij entuziazmi.

Kjo mbrëmje  u hap nga organizatorja e festivalit, Besa Luzha, e cila qysh në hapje të koncertit e paralajmëroi profesionalizmin dhe nivelin e lartë të performancës së muzicentëve të cilët do të perfomonin pas pak. Pas fjalimit të saj, dritat u fikën, dhe tanimë violinisti Elvin Hoxha Ganiyev pushtoi skenën, me veprën e kompozitorit Eugene-Auguste Ysaye, Sonata nr.2, op.27.

Natës së errët me yje dritëshumë, i ngjante edhe paraqitja e violinistit, i cili me një elegancë të theksuar, me kostume të zeza dhe një nur që i shndriste, e tërhiqte publikun si magnet edhe me pamje.

Këtë interpretim, dukej sikur e ndjeu shumë vet mjeshtri i violinës, pasi lëvizjet trupore, mimika dhe forma e kaçurreleve të tij, ndryshonin në bazë të shkallës emocionale në të cilën gjendej muzicienti i shquar përgjatë atyre sekondave.

Nga jashtë dukej sikur violinisti brenda botës së tij ishte në kërkim të diçkaje në dhomat imagjinare të mendjes, e të cilën ndjesi dukej se e gjeti vetëm kur filloi të interpretonte me gishtërinjtë e tij instrumentin për të cilin ai kishte studiuar mijëra orë. Një frymëmarrje e thellë dhe e ngadaltë, një fytyrë që buzëqeshte sikur rrinte e përqafuar me violinën, tani kur tingujt ekzekutoheshin me gishtërinjtë e violinistit, konfirmonin se në ato çaste artisti u përmbush shpirtërisht, dhe kjo njëkohësisht shënoi edhe pikën kulmore të interpretimit.

Pikat tjera të koncertit përfshinë veprat e kompozitorëve Claude Debussy  me Sonata për violinë në G minor L. 140 dhe Oliver Messiaen me Theme et variations, ku këtu në skenë u shfaq edhe pianistja Klejda Tare.

Në këto pika të interpretimit, u vë në pah ligji i polaritetit si në tingujt të cilët ofroheshin, e që herë ishin të butë e herë më dinamikë, po ashtu edhe në emocionet e muzicientit, që herë ishin lumturi e gëzim, e herë melankoli, mall e trishtim.

Me një komunikim të hatashëm përmes syve, muzicientët u morën vesh për të filluar edhe pjesën e fundit të interpretimit të kompozitorit Sergei Prokofiev, Sonata nr1, ne F minor, op.80, të cilën e shijuan shumë edhe muzicientët, e po ashtu edhe publiku.

Fundin e performancës e shoqëroi një tërheqje e lehtë e duarve nga piano te lartë, të cilën lëvizje  mjeshtërisht e realizoi pianistja Tare me qëllim që tingujt e fundit të jehonin më gjatë në sallë dhe në veshët e publikut.

Pas performancës me gjithë ata tinguj të bukur dhe asaj kënaqësie estetike e cila u dhurua në sallë, radha ishte që të kthehej mbrapsht kundrejt burimit. Publiku u ngrit në këmbë dhe për disa minuta qëndroi ashtu duke duartrokitur, dhe duke kthyer nderin të cilin e morën përgjatë një orë e gjysmë performance.

Meqë duartrokitjet zgjatën për disa minuta, muzicientët vendosën ta interpretojnë edhe një pjesë tjetër, si shenjë respekti për nderimet që po u bëheshin, për të vënë kështu qërshinë mbi tortë me interpretimin e tyre të fundit në këtë mbrëmje artistike.  

Pas përfundimit të performancës, emocionet dhe vlerësimin e saj i dha për KultPlus, edhe Drejtoresha Artistike e Chopin Piano Fest, Lejla Pula, e cila tha se koncerti ishte i jashtëzakonshëm, pasi muzicientët edhe pse të rijnë në moshë, kishin sjell një program me kërkesa jashtëzakonisht të vështira teknike, muzikore artistike.

Ajo po ashtu duke thënë se artistët dhanë një perfomancë kulmore, u shpreh se ndihej e kënaqur që kishin arritur të sillnin në skenën e Kosovës, muzicientë të nivelit të tillë.

‘Ishte një koncert i jashtëzakonshëm. Kemi qenë dëshmitarë të një muzikimi të rrallë. Rrallë kemi dëgjuar artistë të rijnë, të këtij niveli, me një bashkëpunim artistik të jashtëzakonshëm me mes Elvin Hoxhës-Ganiyev dhe Klejda Tarës. Vërtetë e kanë sjellë një program me kërkesa jashtëzakonisht të vështira teknike, muzikore artistike. Do të thotë program të kërkesave kulmore virtuoze, duke krijuar një atmosferë të mrekullueshme artistike të cilën e ka shijuar publiku jashtë mase dhe ne jemi të lumtur që në skenën tonë sollëm artistë të këtij niveli’, ka thënë drejtoresha Pula.

Ndërsa Pianistja Klejda Tare, në një prononcim për KultPlus tha se ndihet e nderuar që ishte pjesë e festivalit Chopin Piano Fest, pasi që sipas saj është një ndër festivalet me prestigjioze jo vetëm në trojet shqiptare por edhe më gjerë.

Ajo po ashtu tha se bashkëpunimi me violinstin Hoxha-Ganiyev edhe pse nën presionin e kohës, ka qenë i mrekullueshëm, me shpresë që kanë arritur që të përcjellin emocione të cilat do të zgjasin gjatë në mendjen e  publikut.

“Është ftesa e parë të cilën na e kanë bërë organizatorët e festivalit ChopinPiano Fest në Prishtinë, dhe u ndjeva mjaft e nderuar, sepse është një nga festivalet më prestigjioze, jo vetëm të trojeve shqiptare por edhe më gjerë. Për shembull bashkëpunimi me Elvinin ishte diçka e re, sepse unë vij nga Tirana ndërsa Elvini erdhi nga Gjermania, dhe na është dashur vetëm një ditë për të bërë prova. Kështu që ishim pak nën presion, por besoj se ia dolëm me sukses. Këto janë eksperienca të bukura, që brenda një kohe shumë të shkurtër duhej të merreshim vesh me njëri tjetrin dhe të arrijmë të realizojmë veprat më së miri’, ka thënë Tare.

Koncerti i radhës së Chopin Piano Fest do të mbahet më 15 maj në të cilin do të performojnë: Marina Nkolovska-Obo, Orges Malaj-Fagot, Ilir Kokëdhima-Korno, Enkelejda Zajmi-Gorani, Astrit Mustafa-Klarinet dhe Lejla Pula-Piano.

Edicioni i 13-të i festivalit të muzikës klasike, Chopin Piano Fest Prishtina, do të jetë deri më 9 qershor, në të cilin festival adhuruesit e muzikës klasike mund të shijojnë vepra të autorëve më të mirë botërorë./ KultPlus.com

Artisti shqiptar që pëlqehet edhe nga Putini

“Isha i ftuar të luaja në Kremlin dhe aty ndodhej Putin, familja presidenciale dhe politikanë. Aty luajta me orkestrën e mrekullueshme. Putin tha se ishte e mrekullueshme dhe më ftuan në Moskë për disa herë të tjera”.

Elvin Hoxha është djali i muzikantit të shquar shqiptar nga Shkodra, Hajredin Hoxha, i cili është larguar nga Shqipëria në vitet ’90. Ai është gjithashtu edhe djali i një artisteje të njohur nga Ajzerbaxhani, Nermin Ganijev.

Elvini është cilësuar si “Paganini shqiptar” dhe në një konkurs ndërkombëtar që është zhvilluar në Shangai të Kinës, me më të mirët e më të mirëve, ai është renditur në 8 muzikantët më të mëdhenj të botës. Ai është vetëm 24 vjeç dhe me performancat e tij ka pushtuar skenat botërore. Madje edhe Putin e pëlqen shumë.

Elvini ishte në një lidhje “Skype” nga Gjermani me emisionin “Shqipëria Live” për të folur rreth suksesit të tij, si dhe për objektivat që ka për të ardhmen. Elvini ka treguar se që kur ka qenë 4 vjeç, gjyshja e tij dëshironte që të bëhej violinist.

Ai u shpreh se më shumë luan në Evropën perëndimore dhe në Turqi. “Por kam qenë edhe në Shqipëri për të takuar familjarët e babait, por edhe për koncerte, në Shkodër dhe në Tiranë”, shtoi violinisti. I pyetur nëse është e vërtetë se Vladimir Putin e pëlqen shumë atë, Evini tregoi se si është njohur. “Isha i ftuar të luaja në Kremlin dhe aty ndodhej Putin, familja presidenciale dhe politikanë. Aty luajta me orkestrën e mrekullueshme. Putin tha se ishte e mrekullueshme dhe më ftuan në Moskë për disa herë të tjera”, vijoi ai. I pyetur se pse jeton në Gjermani, duke qenë se është lindur dhe rritur në Turqi, Elvini tha se ka profesorin e tij në këtë shtet.

“Gjermania është një prej vende më të rëndësishme për muzikën klasike. Erdha për të studiuar me një profesor shumë të mirë të violinës. Dua që edhe emrin tim ta bëj më të njohur në Evropë”, rrëfeu violinisti. Gjithashtu Elvini tregoi se ka objektiva për të ardhmen e tij, ai dëshiron që të bëhet një solist. “Dua të jem një solist, më pëlqen orkestra, por dua të luaj në salla ta mëdha që të luaj vetëm. Dua të jem Elvin Hoxha nga Shkodra, dua të jem vetvetja, dua të krijoj emrin tim”, tha ai, i cili shtroi se për t’u bërë violinist i suksesshëm duhet të punosh të paktën 4-5 orë çdo ditë. Hoxha tregoi në fund se në prill do të vijë në Tiranë, pasi është i ftuar që të jetë pjesë e një koncerti. / KultPlus.com

Violinisti Elvin Hoxha përzgjedhet në 8 muzikantët më të mëdhenj të botës

Muzikanti me prejardhje shqiptare dhe i njohur botërisht, Elvin Hoxha është renditur në 8 muzikantët më të mëdhenj të botës në konkursin ndërkombëtar të Kinës, në Shangai.

Ai është vetëm 24 vjeç por me performancat e tij ka pushtuar skenat botërore.

Hoxha ka treguar se që kur ka qenë 4 vjeç, gjyshja e tij dëshironte që të bëhej violinist. Ai u shpreh se më shumë luan në Evropën perëndimore dhe në Turqi.

“Por kam qenë edhe në Shqipëri për të takuar familjarët e babait, por edhe për koncerte, në Shkodër dhe në Tiranë”, tregoi violinisti per “Shqipëria Live”.

Evini tregoi eksperiencen e tij në Rusi: “Isha i ftuar të luaja në Kremlin dhe aty ndodhej Putin, familja presidenciale dhe politikanë. Aty luajta me orkestrën e mrekullueshme. Putin tha se ishte e mrekullueshme, dhe më ftuan në Moskë për disa herë të tjera”, vijoi ai.

I pyetur se pse jeton në Gjermani, duke qenë se është lindur dhe rritur në Turqi, Elvini tha se ka profesorin e tij në këtë shtet.

“Gjermania është një prej vendeve më të rëndësishme për muzikën klasike. Erdha për të studiuar me një profesor shumë të mirë të violinës. Dua që edhe emrin tim ta bëj më të njohur në Evropë”, rrëfeu violinisti.

Gjithashtu Elvini tregoi se ka objektiva për të ardhmen e tij, ai dëshiron që të bëhet një solist.

“Dua të jem një solist, më pëlqen orkestra, por dua të luaj në salla ta mëdha që të luaj vetëm. Dua të jem Elvin Hoxha nga Shkodra, dua të jem vetvetja, dua të krijoj emrin tim”, tha ai, i cili shtroi se për t’u bërë violinist i suksesshëm duhet të punosh të paktën 4-5 orë çdo ditë.

Hoxha tregoi në fund se në prill do të vijë në Tiranë, pasi është i ftuar që të jetë pjesë e një koncerti. / KultPlus.com

Për herë të parë një shqiptar në gjysmëfinalen e Kompeticionit të Violinës në Lituani

Kompeticioni ndërkombëtar i violinës në Lituani, Jascha Heifetz ka shpallur ditën e sotme gjysmë-finalistët, ku pjesë e listës është edhe një shqiptar, edhe pse në këtë rast nuk përfaqëson Shqipërinë. Ai është Elvin Hoxha me origjinë shqiptare, i cili jeton në Turqi. Ai është djali i muzikantit shkodran Hajredin Hoxha.

Ky konkurs është i hapur për të gjithë violinistët nga e gjithë bota, të cilët janë nën 26 vjeç. Fituesi i çmimit të madh do të marrë 10,000 euro me vete. Juria e këtij konkursi përbehet nga violinistë të famshëm si Gidon Kremer, Isabelle Van Keulen, Sergej Krylov, Rūta Lipinaitytė, Svetlana Makarova dhe Rusnė Mataitytė.

Ndërkohë që gjysmë-finalistët janë 17 nga disa vende të botës, mes tyre edhe Shqipëria, një gjë e cila ndodh për herë të parë.

LISTA e fituesve
Yoshie Okura (Japoni)
Mayu Ozeki (Japoni)
Pauline Van Der Rest (Belgjikë)
Saulė Buikaitė (Lituani)
Leonard Toschev (Gjermani)
Qingzhu Weng (Kinë)
Amia Janicki (Zvicër)
Lorenz Karls (Suedi)
Giuseppe Gibboni (Itali)
Marija Pranskutė (Lituani)
Jevgēnijs Čepoveckis (Letoni)
Manon Galy (Francë)
Jackie Tso (Shtetet e Bashkuara)
Eva Rabchevska (Ukrainë)
Jason Moon (Shtetet e Bashkuara)
Javier Comesaña (Spanjë)
Elvin Hoxha Ganiyev (Azerbajxhan/Turqi). /shqiptarja/ KultPlus.com

Violinisti shqiptaro-turk kandidat për çmimin “George Enescu”

Elvin Hoxha Ganiyev, violinisti shqiptaro-turk, i cili ndjek studimet në Gjermani, është kandidat për çmimin “George Enescu”, si pjesëmarrës në konkursin ndërkombëtar me të njëjtin emër, shkruan KultPlus.

Aktualisht Elvin Hoxha është duke kryer studimet Master pranë Hochschule für Musik Theater und Medien në Hannover, pas diplomimit nga Escuela Superior de Música “Reina Sofía” në Madrid.

Ai në konkursin “2020 George Enescu International Competition” është duke kandiduar në kateforinë për violinë, me interpretimin e pjesëve të ndryshme sipas raundeve.

Elvin Hoxha ka performuar me dirigjentë si Zubin Mehta, Yuri Bashmet, Vladimir Fedoseyev, Genadi Rozhdestvensky, Vladimir Ashkenazy, Sascha Goetzel ose Plácido Domingo, si dhe ka punuar me mjeshtrit e muzikës si Ivry Gitlis, Vadim Repin, Anne-Sophie Mutter, Maxim Vengerov, Fazıl Say dhe Viktor Pikayzen./ KultPlus.com

“Paganini” shkodran fiton medalje e artë në konkursin botëror të Berlinit

Elvin Hoxha, violinisti i njohur me origjinë shqiptare, i cili cilësohet si një nga më të famshmit në botë, ka marrë çmimin e parë apo medaljen e artë në Konkursin Ndërkombëtar të Berlinit që është mbajtur më 5 shtator.

Ky është vetëm çmimi i fundit i artistit, i cili performon pa u ndalur në skenat më prestigjioze të të gjithë botës.

Elvini është i biri i Hajredin Hoxhës, një muzikanti nga Shkodra, pinjoll i një familje të njohur intelektuale, i cili jeton në Ankara ku është pjesë e Filarmonisë Republikane të Turqisë.

Një vit më parë, Hajredin Hoxha dhe i biri Elvini, dhanë një koncert madhështor në Shkodër ku performuan së bashku ajkën e këngëve qytetare shkodrane.

Elvin Hoxha është një nga talentet botërore të violinës dhe çmimi i marrë në Berlin është vetëm njëri prej të tillëve që fiton çdo vit.

Elvini, mamanë e ka me origjinë nga Azerbaxhani, presidenti i të cilit i ka dhënë “Paganinit” shkodran një medalje të rëndësishme, shkruan TeSheshi./ KultPlus.com

“Paganini” shkodran dekorohet nga presidenti i Azerbaxhanit

Elvin Hoxha, muzikanti i talentuar shqiptar i cili jeton në Turqi, ka marrë një nderim të lartë nga Presidenti i Azerbaxhanit, Ilham Aliev.

Me rastin e 20-vjetorit të pavarësisë së këtij shteti, Aliev ka nderuar një numër të madh personalitetit të vendit të tij, nga ata që jo vetëm jetojnë në Azerbaxhan por edhe në diasporë.

Aliev i ka dhënë Elvin Hoxhës titullin “Artist i Merituar” i Azerbaxhanit, duke e vendosur në listën e njerëzve më të vlerësuar të vendit.

Dekorimi i një artisti me një dekoratë të lartë në moshën 20-vjeçare përbën një risi në historinë e Azerbaxhanit.

Elvin Hoxha ka nënën e tij nga ky vend, një muzikante gjithashtu e njohur që punon si instrumentiste në Filarmoninë e Ankarasë.

Babai i Elvinit, Hajredin Hoxha, gjithashtu është një prej muzikantëve të Filarmonisë Kombëtare të Turqisë dhe njihet si një nga violonçelistët më të mirë të vendit.

Hajredin Hoxha është një artist nga Shkodra por që prej shumë vitesh punon e jeton në Turqi. I biri i tij, Elvini është një prej artistëve më të famshëm të botës si violinist, ku jep koncerte solo në skenat më të mëdha të botës.

Të gjitha mediat turke e botërore e cilësojnë Elvinin si “Paganini i kohëve të sotme”, shkruan Te Sheshi./ KultPlus.com