G7 merr vendimin për asetet e ngrira ruse, do mbeten peng deri në zgjidhjen e konfliktit me Ukrainën

Asetet ruse që janë aktualisht në juridiksionet e vendeve të G7, do të mbeten të palëvizura derisa të ketë një zgjidhje të konfliktit me Ukrainën, thanë ministrat e jashtëm të G7 në një deklaratë të përbashkët pas takimit të tyre në Karuizawa të Japonisë.

“Ne jemi të vendosur, në përputhje me sistemet tona ligjore përkatëse, që asetet e Rusisë në juridiksionet tona do të mbeten të palëvizura derisa të ketë një zgjidhje të konfliktit që adreson shkeljen e sovranitetit dhe integritetit territorial të Ukrainës nga Rusia”, thuhet në deklaratë.“Çdo zgjidhje e konfliktit duhet të sigurojë që Rusia të paguajë për dëmin që ka shkaktuar,” vunë në dukje ministrat e jashtëm të G7/Ballkanweb/ KultPlus.com

G7 në Gjermani: Pesë miliardë dollarë për të rritur sigurinë globale të ushqimit

Udhëheqësit e G7-ës do të zotohen deri në pesë miliardë dollarë për të përmirësuar sigurinë globale të ushqimit, në sfondin e një krize urie të afërt, të shkaktuar nga pushtimi rus në Ukrainë, tha sot një zyrtar amerikan.

Zyrtari konfirmoi marrëveshjen në kuadër të një samiti të G7-ës, në Gjermani, duke shtuar se SHBA do të japë më shumë se gjysmën e kësaj shume.

”Paratë do të mbështesin përpjekjet në mbi 47 vende, do të ndihmojnë në shpëtimin e jetëve përmes ndërhyrjeve të drejtpërdrejta humanitare dhe do të rrisin qëndrueshmërinë dhe produktivitetin e sistemeve ushqimore në mbarë botën, veçanërisht në rajonet e cenueshme”, tha zyrtari.

Lufta në Ukrainë, tashmë në muajin e saj të pestë, po parandalon largimin e grurit nga portet e vendit dhe po e bën ushqimin më të shtrenjtë globalisht, me ekspertët dhe grupet e ndihmës që paralajmërojnë për një potencial për zi buke në pjesë të Afrikës.

Moska fajëson sanksionet perëndimore për krizën ushqimore./ atsh / KultPlus.com

26 June 2022, Bavaria, Elmau: (L-Clockwise) Italian Prime Minister Mario Draghi, Canadian Prime Minister Justin Trudeau, French President Emmanuel Macron, German Chancellor Olaf Scholz, US President Joe Biden, Uk Prime Minister Boris Johnson, Japanese Prime Minister Fumio Kishida, European Commission Preisdnet Ursula von der Leyen and European Council President Charles Michel attend the working dinner at the G7 Summit at Schloss Elmau. Photo: Michael Kappeler/dpa

Zelensky i drejtohet G7: Na duhen armë, lufta duhet të mbarojë para dimrit

Presidenti ukrainas Volodymyr Zelensky, iu bashkua sot virtualisht mbledhjes së G7 duke kërkuar nga krerët e shteteve që të furnizonin vendin e tij me më shumë armë në mënyrë që lufta tha ai të  mbarojë para dimrit. Ndër  të tjera presidenti ukrainas  kërkoi ndihmë për rindërtimin dhe për eksportet e grurit.

Pasi dëgjuan Zelenskyn, liderët e G7 dolën me një deklaratë të përbashkët duke premtuar mbështetjen e tyre të vazhdueshme për Ukrainën.

“Ne do të vazhdojmë të ofrojmë mbështetje financiare, humanitare, ushtarake dhe diplomatike dhe do të qëndrojmë me Ukrainën për aq kohë sa të jetë e nevojshme”, thuhet në deklaratë.

Liderët  u zotuan se do të punojnë së bashku për të ndihmuar Ukrainën të mbrohet edhe pasi të përfundojë lufta. prej kohwsh perwndimi dhe shba janë duke tentuar të shpërfaqin një front të bashkuar, pasi kancelari gjerman Olaf Scholz, ka thënë se sulmet e fundit  me raketa  në Kiev tregojnë se “ka qenë vendim i drejtë që të bashkohemi dhe të mbështesim ukrainasit”.

Pas Samitit të G7-ës, që këtë herë u mbajt  në Bavari, liderët e NATO-s do të takohen më pas në Spanjë. Sekretari i përgjithshëm i natos në deklaratë në pritje të këtij samiti tha se: “Rusia përbën kërcënimin më të madh dhe të drejtpërdrejtë për sigurinë tonë. Në samitin e nesërm ne do të biem dakord për një paketë të forcuar të ndihmës gjithëpërfshirëse për Ukrainën, duke përfshirë sistemet e sigurta të komunikimit dhe sistemet anti-drone. E gjithë kjo po bën një ndryshim në fushën e betejës çdo ditë”.

Stoltenberg tha gjithashtu se aleatët e NATO-s do të rrisin forcat e tyre të gatishmërisë së lartë nga 40,000 aktuale në “mbi 300,000” ndërsa forcojnë mbrojtjen e tyre në përgjigje të luftës së Rusisë kundër Ukrainës. / KultPlus.com