Zelensky i drejtohet perëndimit: Ndalojani hyrjen të gjithë rusëve

Presidenti i Ukrainës, Volodymyr Zelenskiy, u ka kërkuar vendeve perëndimore që të ndalojnë hyrjen e të gjithë qytetarëve rusë.

Në një intervistë me Washington Post, Zelensky tha se sanksionet më të rëndësishme kundër Rusisë do të ishin mbyllja e kufijve, “sepse rusët po ia marrin tokën dikujt tjetër”.

 Ai tha se rusët duhet “të jetojnë në botën e tyre derisa të ndryshojnë filozofinë e tyre”.

Zelensky ka përjashtuar çdo bisedë paqeje me Rusinë nëse Rusia vazhdon me referendume në zonat e pushtuara. Ai këtë e tha pasi një pjesë e rajonit Zaporizhzhia, e pushtuar nga Rusia nënshkroi një dekret të hënën që parasheh një referendum për bashkimin me Rusinë./Gazeta Express/KultPlus.com

Zelensky përjashton bisedimet nëse Rusia mban referendume në zonat e pushtuara

Presidenti ukrainas, Volodymyr Zelensky, ka thënë se nëse Moska mban referendume në zonat e pushtuara të vendit të tij për bashkimin me Rusinë, nuk mund të ketë bisedime me Ukrainën apo aleatët e saj ndërkombëtarë.

Zelensky tha në adresimin e tij të vonë të natës së 7 gushtit se Ukraina po qëndron fort në pozicionin e saj për të mos i dhënë asnjë territor Rusisë.

“Nëse pushtuesit vazhdojnë rrugën e pseudo-referendumeve, ata do të mbyllin çdo shans për bisedime me Ukrainën dhe botën e lirë, të cilat qartë do t’i duhen palës ruse në një moment”, tha ai.

Trupat ruse dhe separatistët e mbështetur nga Moska tani kontrollojnë sipërfaqe të mëdha territori në rajonin Donbas të Ukrainës lindore dhe në zonat jugore.

Zyrtarët e mbështetur nga Rusia në të dyja zonat kanë ngritur mundësinë e mbajtjes së referendumeve për bashkimin me Rusinë.

Zyrtarët rusë dhe ukrainas mbajtën disa seanca bisedimesh në mars, por u arrit pak përparim dhe secila palë fajësoi tjetrën për ndërprerjen e kontakteve. / KultPlus.com

Dita e Forcave Ajrore, Zelensky shpërndan çmime

Presidenti ukrainas Volodymyr Zelensky uroi aviatorët ushtarakë dhe shpërndau çmime në Ditën e Forcave Ajrore.

“Çdo avion rus i shkatërruar, rotator dhe raketë, çdo detyrë e përfunduar nga Forcat Ajrore është një jetë e shpëtuar e qytetarëve tanë”, tha Zelenskyy, përpara se të shpërndante çmimet pas vdekjes për gratë e veja.

“Jam i sigurt se do të vijë dita kur mund të themi se Forcat tona Ajrore të Forcave të Armatosura janë bërë jo vetëm një nga më të aftët luftarakë në botë, por edhe një nga më modernet dhe teknologjikisht më të avancuara”, tha udhëheqësi ukrainas.

Ukraine që nga 24 shkurti po i reziston Rusisë e cila po përpiqet ta pushtojë. / KultPlus.com

Zelensky i drejtohet G7: Na duhen armë, lufta duhet të mbarojë para dimrit

Presidenti ukrainas Volodymyr Zelensky, iu bashkua sot virtualisht mbledhjes së G7 duke kërkuar nga krerët e shteteve që të furnizonin vendin e tij me më shumë armë në mënyrë që lufta tha ai të  mbarojë para dimrit. Ndër  të tjera presidenti ukrainas  kërkoi ndihmë për rindërtimin dhe për eksportet e grurit.

Pasi dëgjuan Zelenskyn, liderët e G7 dolën me një deklaratë të përbashkët duke premtuar mbështetjen e tyre të vazhdueshme për Ukrainën.

“Ne do të vazhdojmë të ofrojmë mbështetje financiare, humanitare, ushtarake dhe diplomatike dhe do të qëndrojmë me Ukrainën për aq kohë sa të jetë e nevojshme”, thuhet në deklaratë.

Liderët  u zotuan se do të punojnë së bashku për të ndihmuar Ukrainën të mbrohet edhe pasi të përfundojë lufta. prej kohwsh perwndimi dhe shba janë duke tentuar të shpërfaqin një front të bashkuar, pasi kancelari gjerman Olaf Scholz, ka thënë se sulmet e fundit  me raketa  në Kiev tregojnë se “ka qenë vendim i drejtë që të bashkohemi dhe të mbështesim ukrainasit”.

Pas Samitit të G7-ës, që këtë herë u mbajt  në Bavari, liderët e NATO-s do të takohen më pas në Spanjë. Sekretari i përgjithshëm i natos në deklaratë në pritje të këtij samiti tha se: “Rusia përbën kërcënimin më të madh dhe të drejtpërdrejtë për sigurinë tonë. Në samitin e nesërm ne do të biem dakord për një paketë të forcuar të ndihmës gjithëpërfshirëse për Ukrainën, duke përfshirë sistemet e sigurta të komunikimit dhe sistemet anti-drone. E gjithë kjo po bën një ndryshim në fushën e betejës çdo ditë”.

Stoltenberg tha gjithashtu se aleatët e NATO-s do të rrisin forcat e tyre të gatishmërisë së lartë nga 40,000 aktuale në “mbi 300,000” ndërsa forcojnë mbrojtjen e tyre në përgjigje të luftës së Rusisë kundër Ukrainës. / KultPlus.com

Zelensky: ‘Glastonbury’, përqendrimi më i madh i lirisë

Presidenti ukrainas, Volodymyr Zelensky e përshkroi “Glastonbury” si përqendrimin më të madh të lirisë teksa iu drejtua festivalit duke i bërë thirrje botës që të përhapë të vërtetën në lidhje me pushtimin rus të Ukrainës.

Glastonbury është një festival pesëditor i arteve bashkëkohore interpretuese që zhvillohet në Pilton, Somerset, në Angli.

“Festivali rifillon këtë vit pas një pauze dyvjeçare, pandemia ka lënë në pritje jetën e miliona njerëzve në mbarë botën”, tha Zelensky përmes një videomesazhi.

“Ne, në Ukrainë do të donim të jetonim jetën si dikur, dhe të shijonim lirinë dhe këtë verë të mrekullueshme, por nuk mund ta bëjmë këtë sepse ka ndodhur më e tmerrshmja, Rusia na ka vjedhur paqen”, tha Zelensky.

“Ukraina nuk do të lejojë që lufta e Rusisë të na mposhtë. Ne dëshirojmë që lufta të ndalet përpara se ajo të shkatërrojë jetët e njerëzve në vendet e tjera të Evropës, Afrikës, Azisë, Amerikës Latine”, shtoi ai.

“Përhapni të vërtetën për luftën e Rusisë, ndihmoni ukrainasit që janë të detyruar të ikin nga shtëpitë e tyre për shkak të luftës”, tha ai.

“Koha është e paçmuar dhe çdo ditë matet me jetë njerëzore. Sa më shumë njerëz të bashkohen me ne për të mbrojtur lirinë dhe të vërtetën, aq më shpejt do të përfundojë lufta e Rusisë kundër Ukrainës. Vërtetoni se liria fiton gjithmonë!”shtoi ai.

Ai e përfundoi mesazhin e tij duke thënë “Slava Ukraini”, që përkthehet “Lavdi Ukrainës”, që u prit me brohoritje dhe duartrokitje të forta nga të gjithë të mbledhurit në skenën në “Worthy Farm”, Somerset./ KultPlus.com

Reagimi i Zelenskyt pasi Ukrainës iu dha statusi i kandidatit për anëtarësim në BE

“Është një moment unik dhe historik”. Kështu ka shkruar presidenti Volodymyr Zelensky në Twitter pasi Këshilli i BE-së i ka dhënë dritën jeshile statusit të kandidatit për anëtarësim vendit të tij.

Ai ka falënderuar “Charles Michel, Ursula von der Leyen dhe liderët e BE-së për mbështetjen e tyre.

“E ardhmja e Ukrainës qëndron brenda BE-së”, shtoi ai.

Ndërsa presidentja e KE-së Von der Leyen deklaroi se vendet kandidate do të duhet të bëjnë detyrat e tyre të shtëpisë, duke kryer reformat e kërkuara nga BE veçanërisht në zbatimin e ligjit.

Pas vendimit të Brukselit ka folur edhe presidenti i Këshillit Evropian, Charles Michel, i cili e konsideroi një hap themelor në rrugën drejt BE.

“Bashkimi Evropian sapo ka vendosur t’i japë Ukrainës dhe Moldavisë statusin e kandidatit për në BE. Një moment historik. Kjo ditë shënon një hap themelor në rrugën tuaj drejt BE. Urime Zelensky dhe Sandu, popullit ukrainas dhe popullit moldav. E ardhmja është bashkë”. Duke folur për Gjeorgjinë, Michel deklaroi se BE “është gati të japë statusin e kandidatit pasi të jenë adresuar prioritetet e pazgjidhura”.

Kujtojmë që Ukraina aplikoi vetëm pak kohë më parë për marrjen e statusit të vendit kandidat për në BE, pas nisjes së pushtimit rus. / KultPlus.com

Zelensky krahason sulmin rus me atë të Hitlerit

Volodymyr Zelenskyy, president i Ukrainës e ka krahasuar sulmin rus ndaj vendit të tij si sulmet e papritura të Hitlerit ndaj Bashkimit Sovjetik në vitin 1941.

Deklarata e tij vjen në një kohë kur po vazhdon beteja për qytetin Severodonetsk dhe Lysychansk.

Forcat ruse pretendojnë se i kanë rrethuar ushtarët e Ukrainës në jug të qytetit.

Perëndimi është zotuar se do ta furnizojë Ukrainën me armë të avancuara.

Lufta në lindje po vazhdon, ku Rusia ka pushtuar 20 për qind të territorit ukrainas. /Express / KultPlus.com

Njoftimi në ditën e vizitës së Ramës e Abazoviqit, Ukraina: Parandaluam një sulm terrorist ndaj lidershipit tonë

Agjencitë e sigurisë të Ukrainës kanë parandaluar një sulm terrorist ndaj lidershipit të vendit. Njoftimin e bëri zëvendësministri i Brendshëm, Jevhen Jenin.

“Falë informacionit që marrim nga burimet tona operacionale, ne kemi arritur të parandalojmë një akt terrorist kundër udhëheqjes së vendit tonë”, u shpreh ai.

Duke folur për mediat vendase, zyrtari ukrainas tha se nuk mund të japë më shumë detaje lidhur me këtë çështje.

Jenin shtoi se “do të jetë e mundur që të publikohen të dhëna domethënëse vetëm pas fitores”, në luftën e nisur nga Rusia.

Këto raportime vijnë në një ditë kur në Kiev po qëndron kryeministri shqiptar, Edi Rama, dhe ai i Malit të Zi, Dritan Abazoviç.

Në vizitën e tyre nuk është raportuar asnjë rrezik për kryeqeveritarët./a2cnn/ KultPlus.com

Abazoviqi në konferencë me Zelenskyn dhe Ramën: Ne në Ballkan e dimë çka është lufta

Kryeministri i Malit të Zi, Dritan Abazoviq, në Kiev pas takimit me presidentin Volodymyr Zelensky, se vendet e Ballkanit Perëndimor do të vazhdojnë të ndihmojnë Ukrainën. Tha se e dinë se çfarë po kalon Ukraina, për shkak se e kanë përjetuar luftën disa dekada më parë.

“Do të keni mbështetjen e plotë për rindërtimin e vendit tuaj. Ne nuk kemi shumë kapacitete, jemi të vogla por megjithatë do të japim kontributin tonë ashtu siç tani po japim kontributin duke ndihmuar me disa pajisje e një lloj mbështetje financiare që ndoshta nuk është mjaft, por është përgjegjësia jonë”, tha Abazoviq.

Avazoviq tha se ata kanë mirëpritur refugjatët ukrainas.

“Nga ana jonë do të keni mbështetjen tonë”, shtoi ai.

“Dua të përmend se çdo ukrainas që është tashmë në Malin e Zi, dhe janë 10 mijë tashmë, 1.8 për qind e popullsisë tonë, sepse ne jemi një komunitet i vogël, janë mëse të mirëpritur”, tha Abazoviq.

Abazoviq tha se populli i Ballkanit Perëndimor e di se çfarë po përjetojnë ukrainasit pasi kanë përjetuar luftën.

“Ne do të bëjmë më të mirën për tu mbështetur dhe të jeni të sigurt se ne e ndajmë këtë përvojë prej rreth tre dekadave më parë në Ballkanin Perëndimor dhe e dimë saktësisht se çka është agresioni, shkatërrimi i luftës dhe krimet e luftës”, tha ai. / KultPlus.com

Edi Rama: Nuk e keni njohur ende Kosovën, ajo e mbështet Ukrainën

Kryeministri i Shqipërisë, Edi Rama po qëndron në kryeqytetin ukrainas Kiev i shoqëruar nga kryeministri i Malit të Zi, Dritan Abazoviq. Të dy patën takim me presidentin e Ukrainës, Volodymyr Zelensky.

Në një konferencë të përbashkët për media, Rama përmendi edhe Kosovën.

Ai tha se përveç 5 vendeve të Ballkanit Perëndimor që janë rreshtuar krah Ukrainës, është edhe një vend, Kosova të cilën nuk e ka njohur Ukraina.

Kryeministri shqiptar tha se Kosova po bën të njëjtën gjë që kanë bërë shtete tjera me sanksione kundër Rusisë, anipse Ukraina nuk e ka njohur.

Ka edhe një gjë që ende nuk munda ta flas me presidentin, por dua t’ja them më vonë. Ballkani Perdimor ka 5 vende në Kombet e Bashkuara, të gjitha ato janë rreshtuar krah Ukrainës, pavarësisht historisë së ndryshme, pavarësisht konteksteve të ndryshme, pavarësisht marrëdhënieve me Rusinë. Por, ka edhe një vend të 6 që Ukraina ende nuk e ka njohur, Kosova e cila pavarësisht kësaj, po bën saktësisht të njëjtën gjë që po bëjnë të gjithë me sanksione dhe me mbështetje të plotë.

Kjo do të thotë se jemi në një linj të mirë përkufizuar, pastaj çfarë jemi dhe çfarë përfaqësojmë, besoj fortë që është gjëja e duhur për t’u bërë”, tha Rama. / KultPlus.com

Zelensky: Mbi 200 mijë fëmijë janë marrë me forcë nga Rusia, shumica ishin në jetimore

Presidenti ukrainas Volodymyr Zelensky ka akuzuar Rusinë se po ndjek një “politikë të vazhdueshme kriminale të deportimit të popullit tonë” në zonat kryesisht të largëta të Rusisë.

Zelensky tha sot se më shumë se 200,000 fëmijë janë marrë deri më tani. Rusia “largon me forcë nga Ukraina si të rriturit ashtu edhe fëmijët. Ky është një nga krimet më të tmerrshme të luftës në Rusi. Në total, më shumë se 200,000 fëmijë janë marrë deri më tani. Këta janë jetimë nga jetimoret. Dhe fëmijë me prindër. Dhe fëmijë të divorcuar nga familjet e tyre”, tha Zelensky.

Sipas tij, shteti rus i shpërndan këta njerëz në territorin e tij, në rajone të largëta. “Qëllimi i kësaj politike kriminale nuk është thjesht të vjedhë njerëzit, por t’i bëjë të dëbuarit të harrojnë Ukrainën dhe të mos mund të kthehen”, shton presidenti.

Ai tha gjithashtu se deri më tani të paktën 243 fëmijë kanë humbur jetën gjatë luftës, 446 janë lënduar dhe 139 të tjerë janë të zhdukur./ KultPlus.com

Boris Johnson vazhdon të mbështesë Ukrainën, zhvillon një bisedë telefonike me Zelenskyn

Presidenti i Ukrainës, Volodymyr Zelensky tha se ka folur në telefon me kryeministrin e Mbretërisë së Bashkuar Boris Johnson për të diskutuar një sërë temash.

Në postimin e tij në Twitter, Zelensky thotë se të dy udhëheqësit diskutuan për forcimin e mbështetjes së mbrojtjes për Ukrainën, intensifikimin e punës për garancitë e sigurisë dhe furnizimin me karburant në Ukrainë.

“Ne duhet të punojmë së bashku për të parandaluar një krizë ushqimore dhe për të zhbllokuar portet e Ukrainës,” thotë ai.

Biseda e tyre vjen pasi Ukraina përballet me humbje në rritje në lindje, ndërsa Rusia kërkon të sigurojë një territor të mëtejshëm në rajonin e Donbasit. /KultPlus.com

Zelensky akuzon Moskën për gjenocid në Donbas, vriten 9 civilë në Kharkiv

Presidenti i Ukrainës, Volodymyr Zelensky, ka akuzuar Moskën për kryerjen e një gjenocidi në rajonin lindor të Donbasit, ku qyteti i Sievierodonetsk po përjeton një sulm të bombardimeve ruse.

Në fjalimin e tij të fundit kombëtar Zelensky tha se sulmi brutal i Rusisë në Donbas mund ta lërë të gjithë rajonin të pabanuar.

 “Ofensiva aktuale e pushtuesve në Donbas mund ta bëjë rajonin të pabanuar. Ata duan të djegin e të bëjnë hi Popasna, Bakhmut, Lyman, Lysychansk dhe Severodonetsk, si Volnovakha, si Mariupoli”, tha Zelensky

Në qytetet më afër kufirit rus si Donetsk dhe Luhansk, forcat ruse “mbledhin të gjithë ata që munden për të mbushur vendin e të vrarëve dhe të plagosurve në kontingjentin pushtues”, shtoi ai.

“E gjithë kjo, duke përfshirë dëbimin e popullit tonë dhe vrasjet masive të civilëve, është një politikë e dukshme gjenocidi e ndjekur nga Rusia”, vijoi më tej presidenti ukrainas.

Zelensky tha se ushtrimi i presionit ndaj Rusisë “është një çështje e shpëtimit të jetëve” dhe se çdo vonesë, mosmarrëveshje ose propozim për “të qetësuar” Rusinë çon në “ukrainas të rinj të vrarë” dhe kërcënime të reja për të gjithë në kontinent.

Ndërkohë nëntë persona, përfshirë një foshnjë 5-muajshe, u vranë në Kharkiv të enjten mes “granatimeve të dendura” në zonat e banuara pranë qendrës së qytetit. Lajmi ëhstë konfirmuar nga  kreu i administratës ushtarake të rajonit Kharkiv, Oleh Synyehubov.

Sipas tij në mesin e të vrarëve ishte “një familje që thjesht po ecte në rrugë, një burrë mbante në duar foshnjën e tij pesë muajshe, teksa humbi jetën. Nëna e foshnjës është plagosur rëndë dhe tani është në spital. Synyehubov shtoi se përveç të vrarëve, 19 kanë mbetur të plagosur, mes tyre edhe një fëmijë 9-vjeçar.

Ai përshkroi gjithashtu artilerinë e përdorur dhe tha se shënjestrimi i zonave të banuara në qytetin e dytë më të madh të Ukrainës mund të ishte vetëm për qëllimin e “terrorizimit” të banorëve vendas./A2CNN / KultPlus.com

Zelensky kërkon vendosjen e vizave për qytetarët rusë

Presidenti ukrainas Volodymyr Zelensky mbështeti një peticion për miratimin e kërkesës për vizë për qytetarët rusë që duan hyjnë në Ukrainë.

”Për shkak të agresionit rus, çështja e ngritur është e rëndësishme dhe urgjente”, shkroi Zelensky.

Që nga mbrëmja e djeshme, peticioni në internet ka mbledhur afro 27 000 nënshkrime.

Udhëheqësi ukrainas tha se e sheh nevojën për të forcuar kontrollin mbi hyrjen e qytetarëve rusë në territorin ukrainas.

Qeverisë së kryeministrit Denys Shmyhal i është ngarkuar përpilimi i një rregulloreje.

Në parim, ekziston një regjim pa viza midis Ukrainës dhe Rusisë.

Megjithatë, ka pasur kufizime për hyrjen ruse dhe shumë personave u ishte ndaluar hyrja në vend./ KultPlus.com

In this image from video provided by the Ukrainian Presidential Press Office, Ukrainian President Volodymyr Zelenskyy speaks from Kyiv, Ukraine, early Monday, March 21, 2022. (Ukrainian Presidential Press Office via AP)

Festivali i Filmit në Kanë hapet me apelin e Zelensky: Bota e kinemasë të flasë kundër luftës

Presidenti ukrainas, Volodymyr Zelensky iu drejtua pjesëmarrësve mbrëmjen e së martës, në Festivalin e Filmit në Kanë përmes një lidhjeje me video, ndërsa aktiviteti vjetor po zhvillohej.

Duke folur gjatë ceremonisë së hapjes, presidenti Zelensky bëri një krahasim me filmin e Charlie Chaplin “Diktatori i Madh” duke i bërë thirrje kinemasë botërore të mos heshtë përballë sulmit rus ndaj Ukrainës.

“Qindra ukrainas po vdesin çdo ditë”, tha ai.

Më pas, aktorja amerikane Julianne Moore hapi zyrtarisht festivalin me filmin e parë zombie (Final Cut). Filmi i Michel Hazanavicius është një komedi, ku ngjarjet janë të vendosura në një fabrikë të pashfrytëzuar.

Fituesi i çmimit Oscar, 60-vjeçari Forest Whitaker, u nderua gjithashtu me çmimin ”Palma e Artë”. Whitaker do të prezantojë filmin e tij “Për hir të paqes” në resortin francez. Bëhet fjalë për njerëzit që punojnë për paqen në Sudanin e Jugut.

Sakaq, muret e dyqaneve dhe rrugëve në Kanë janë veshur me postera filmash dhe një instalacion i madh “Top Gun” është vendosur përpara Grand Hotel. Nga ana tjetër ylli I Hollivudit,  Tom Cruise pritet të prezantojë “Top Gun: Maverick”, vazhdimi i filmit kult të vitit 1986. / Klan News / KultPlus.com

Zelensky premton se do ta organizojë Eurovisionin e ardhshëm në Mariupolin e shkatërruar nga lufta

Ukraina me këngën “Stefania” është shpallur fituese e “Eurovisionit” për vitin 2022, shkruan KultPlus.

Presidenti ukrainas, Volodymyr Zelensky, ka uruar Orkestrën Kalush për fitoren e tyre për Ukrainën.

“Guximi ynë i bën përshtypje botës, muzika jonë pushton Evropën”, ka shkruar ai.

“Ne do të bëjmë çmos që një ditë të presim pjesëmarrësit dhe të ftuarit e Eurovizionit në Mariupolin ukrainas. Të lirë, paqësor, të rindërtuar”, shtoi presidenti.

Populli ukrainas është duke kaluar nëpër kohë shumë të vështirë pasi Rusia ka filluar pushtimin e saj në shkurt të 2022-tës. /KultPlus.com

Del në ankand bluza ushtarake e Zelenskyt, shitet për 105 mijë euro

Bluza e famshme me ngjyrë ushtarake e presidentit ukrainas Zelensky është shitur për 105 mijë euro në një ankand në Londër, sipas mediave të huaja.

Shuma do të jetë pjesë e fondit për Ukrainën. Mediat ndërkombëtare publikuan apelin e kryeministrit britanik Johnson i cili i kërkoi njerëzve të shpenzonin sa më shumë para dhe e cilësoi presidentin ukrainas si  një nga liderët më të pabesueshëm të kohëve moderne.

Një tjetër objekt i vënë në ankanda ishte dhe një kanë uji në formë gjeli që iu dhurua Johnsonit gjatë takimit me Zelenskyn në Kiev. /abcnews.al/ KultPlus.com

Zelensky: Shqipëria të mbyllë dyert për turistët rusë, ndoshta vijnë vrasës të Bucha-s

Presidenti i Ukrainës Volodymyr Zelensky i është drejtuar Parlamentit shqiptar me anë të një lidhjeje direkte nga Ukraina.

Ndërsa uroi shqiptarët për Fitër Bajramin, lideri ukrainas solli në vëmendje mizoritë që po bëhen në vendin që ai drejton ndërsa theksoi se qytete të tëra po shkatërrohen nga bombardimet dhe se civilë të pafajshëm po vdesin.

Ndër të tjera, Zelensky kërkoi nga Shqipëria që të marrë hapa konkretë ndaj pushtuesit rus.

“Jeni padyshim në anë të së vërtetës. Faleminderit për hapat konkrete për Ukrainë, kundër Rusisë, për kujdesin që ju i bëni fëmijëve tanë dhe njerëzve tanë. Qëndrimi juaj ndaj popullit të Ukrainës, ndaj fëmijëve të Ukrainës, ka kujton Nënë Terezës shqiptare, që është kthyer simbol i humanizmit në mbarë botën. Besoj se sëbashku, në mjediset evropianë, në përpjekjet tona, do jemi në gjendje të parandalojmë këtë luftë. Dhe të mbrojmë Europën në të ardhmen nga një luftë. Bandat ruse duhet të shkëputen nga tregu global. Ju duhet të hiqni mundësisë Rusisë në kohën e duhur. Ju kërkoj që të kufizoni portat për anijet ruse dhe të kufizoni ardhjen e turistëve, ndoshta vijnë vrasës të Bucha-s, apo të Irpin. Ta bëjmë një gjë parimore dhe të ndalojmë përdorimin e fondeve të OKB për Rusinë.”, tha ai. / KultPlus.com

“Derisa t’u ngrijnë këmbët”, Zelensky rrëqeth në Kuvendin e Shqipërisë me rrëfimin se si torturohen të rinjtë nga ushtria ruse

Vlodymir Zelensky, gjatë fjalës së tij ka rrëqethur me rrëfimin që ka bërë për torturat ushtria ruse po bën në Ukrainë.

“Bombardimet vazhdojnë, Mariopol është shkatërruar. Nuk ka asnjë ndërtesë imagjino. Është një qytet gjysmë milion dhe sot nuk ka banesa. Nuk lejojnë ujin ushqim dhe as ilaçe. Është gati qytet plotësisht i djegur. Por edhe skenat kështu janë të njëjta. Shkatërrim dhe vrasje, skena terrorizmi. Plaçkitje totale. Të moshuarit thonë që nuk kanë parë mizori të tillë më parë. Tani po shikojnë ushtrinë ruse që qëllojnë fëmijët në fytyrë. Shikojnë fshatarët që janë zënë robër dhe janë shtrirë në tokë ditë e natë në temperatura nën zero. Ushtria ruse detyron dhe torturon të rinjtë u mbushin këpucët me ujë dhe i lënë në të ftohtë. Ata nuk i lënë të lëvizin. Në zona të çliruara gjejmë njerëz të masakruar. Shumë prej tyre të qëlluar në pjesën e pasme të kokës. Ka trupa kudo, në pyje në bodrum. Ushtria ruse la të vdekur shumë njerëz në rrugë. Është kërkuar që të pushtonin zjarri në pashkë ortodakse. Edhe sot u kërkuam por nuk e bënë. Mendoni se sa objekte fetare janë shkatërruar. Nuk po mbron asgjë. Rusia është bërë kërcënim i madh në botë.”

Në fund Zelensky ka thënë se i është mirënjohës Shqipërisë për mbështetjen që i ka dhënë Ukrainës.

“Jeni në anën e lirë, jeni në anën e të vërtetës.” tha Zelensky. / KultPlus.com

Zelensky i referohet Nënë Terezës në Kuvendin e Shqipërisë: Shembulli i dashurisë ndaj njerëzimit, faleminderit shqiptarë

Gjatë fjalimit të tij të mbajtur në Kuvend, presidenti i Ukrainës Volodymyr Zelensky përmendi Nënë Terezën si shembullin më të mirë për dashurinë ndaj njerëzimit. Zelensky e tha këtë teksa theksoi se i është mirënjohës shqiptarëve që nuk e menduam dy herë se cilin popull do të mbështesnin kur Rusia pushtoi Ukrainën.

“Kujtoj Shën Terezën, shqiptaren që është kthyer në simbolin dashurisë ndaj njerëzimit në të gjithë botën. Ajo e mësoi njerëzimin që të mposhtë të keqen. Unë besoj se duke punuar sëbashku me gjithë europianët ne do të jemi në gjendje që ta ndalojmë këtë luftë dhe të mbrojmë Europën në të ardhmen”, tha Zelensky.

“Tani po diskutohet paketa e gjashtë e sanksioneve në BE dhe pritet të përfshijë embargon e naftës. Bankat ruse duhen shkëputu përfundimisht nga sistemi financiar global”, tha ai teksa shtoi se ka shtete që janë të mëdhenj në hartë dhe janë treguar të vegjël, si edhe ka shtete që janë të vegjël në hartë, por janë treguar të mëdhenj me qasjen e tyre. /abcnews.al / KultPlus.com

Gjatë fjalimit të tij të mbajtur në Kuvend, presidenti i Ukrainës Volodymyr Zelensky përmendi Nënë Terezën si shembullin më të mirë për dashurinë ndaj njerëzimit. Zelensky e tha këtë teksa theksoi se i është mirënjohës shqiptarëve që nuk e menduam dy herë se cilin popull do të mbështesnin kur Rusia pushtoi Ukrainën.

Presidenti Zelensky u drejtohet sot deputetëve shqiptarë

Presidenti i Ukrainës, Volodymyr Zelensky do të mbajë një fjalim ditën e sotme në Kuvendin e Shqipërisë përmes një video-mesazhi me ligjvënësit shqiptarë.

Lideri ukrainas pritet të flasë për situatën në vend dhe nevojën për më shumë mbështetje humanitare dhe armatime për të cilat ka nevojë ushtria në përballimin e hordhive ruse.

Fjala e Zelenskyt në Kuvendin e Shqipërisë pritet të mbahet rreth orës 13:00 dhe jo në orën 11:00 nga sa ishte paralajmëruar më herët.

Fjalime të ngjashme, presidenti i Ukrainas ka mbajtur në shumë parlamente të botës që nga nisja e ofensivës ruse më 24 shkurt. / KultPlus.com

Zelensky: Fati i Evropës dhe i demokracisë vendoset në Ukrainë

“Në botë, të gjithë, edhe ata që nuk na mbështesin hapur bien dakord që në Ukrainë vendoset fati i Evropës, fati i sigurisë globale, fati i sistemit demokratik”. Kështu deklaroi presidenti ukrainas Volodymyr Zelensky në fjalimin e tij të fundit.

Ai nënvizoi se Rusia gjithashtu mund të shpenzojë burime të mëdha për të mbështetur luftën dhe mund të kundërshtojë të gjithë botën e lirë.

“Por mësimet e historisë janë të njohura. Nëse keni ndërmend të ndërtoni një Reich mijëvjeçar, ju humbni. Nëse keni ndërmend të shkatërroni fqinjët, ju humbni. Nëse doni të rivendosni perandorinë e vjetër, humbni”, theksoi Zelensky.

Ndërkohë tre sulme ajrore ruse u regjistruan mëngjesin e sotëm në qytetin jugor të Ukrainës, Zaporizhzhia. Kjo është raportuar nga agjencia ukrainase Ukrinform duke cituar administratën ushtarake rajonale./A2CNN / KultPlus.com

Zelensky: Presidenti Biden duhet të vijë në Ukrainë

Presidenti ukrainas Volodymyr Zelensky i ka bërë thirrje presidentit amerikan Joe Biden të vizitojë Ukrainën.

“Unë mendoj se ai është lideri i Shteteve të Bashkuara dhe kjo është arsyeja pse ai duhet të vijë këtu”, tha Zelensky gjatë një interviste për CNN.

“Është vendimi i tij, sigurisht, dhe çdo plan do të varet nga situata e sigurisë”, tha Zelensky duke shtuar se ai mendon se ka gjasa që Biden të vizitojë vendin.

Uashingtoni thuhet se po shqyrton mundësinë për dërgimin e sekretarit të Mbrojtjes Lloyd Austin ose sekretarit të Shtetit Antony Blinken në Ukrainë, gjë që nëse është e vërtetë do ta bënte të pamundur që vetë Biden të udhëtonte në Kiev në një të ardhme të afërt./a.i/KultPlus.com

Zelensky ftesë Macron: Eja shiko gjenocidin e ushtrisë ruse

Presidenti ukrainas Volodymyr Zelensky tha në një intervistë për CNN se ai ka ftuar presidentin francez Emmanuel Macron të vizitojë Ukrainën për të parë vetë se forcat ruse kishin kryer “gjenocid”.

Macron ka hezituar të përdorë fjalën gjenocid, duke deklaruar më parë se ai “nuk ishte i sigurt se një përshkallëzim i retorikës i shërben kësaj kauze.”

“E ftova të vijë kur të ketë mundësi. Do të vijë të shohë dhe jam i sigurt se do ta kuptojë”, tha Zelensky.

Zelensky ka thënë më parë se hezitimi i Macron për të përdorur termin ishte “shumë i dhimbshëm për Ukrainën”.

Shtetet e Bashkuara, të cilat historikisht kanë hezituar të akuzojnë shtetet për gjenocid, javën e kaluar akuzuan presidentin rus Vladimir Putin për kryerjen e akteve të gjenocidit duke u përpjekur të “fshijë idenë” e një identiteti ukrainas.

Konventa e OKB-së për gjenocidin, nënshkruese e së cilës është SHBA, kërkon që vendet të ndërhyjnë pasi gjenocidi të identifikohet zyrtarisht. /abcnews.al/ KultPlus.com