“Gardhi” garon për “Kalorësin e artë” në Dresden

Festivali Ndërkombëtar i Filmit të Shkurtër në Dresden është stacioni i radhës i “Gardhit”.

Filmi nën regji të Lendita Zeqirajt është në garë zyrtare në edicionin e 31-të të këtij festivali. Do të jetë premierë gjermane. Suksesi i këtij filmi vjen edhe pas atij të shikueshmërisë në platformat online. Para pak ditësh “Gardhi” u lansua në platformën online “Vimeo”. Për vetëm 24 orë kishte mbledhur 52 mijë shikime, përderisa për dy javë numri i shikuesve ka tejkaluar çerekmilionëshin, shkruan Koha Ditore.

Në Dresden International Shortfilm Festival, që do të mbahet prej 9 deri më 14 prill, garon për “Golden Horsemen” (Kalorësin e artë) me 47 filma të tjerë, disa edhe të nominuar për “Oscar” – siç është rasti i filmit kanadez “Fauve” të Jeremy Comte – e fitues në festivalet e njohura si ai në Cannes, Berlin e Toronto.

Producenti i filmit, Bujar Kabashi, ka thënë se “Gardhi” gjendet në mesin e filmave më të suksesshëm të këtyre dy vjetëve.

Përfshirjen e “Gardhit” në konkurrencë zyrtare të Dresden International Shortfilm Festival, që është njëri nga tri festivalet më të mëdha të filmit në Gjermani, Zeqiraj e cilëson edhe si konfirmim të punës së saj.

Në fillim të këtij viti uebfaqja e njohur për film, “Close-Up Culture” e ka përfshirë filmin “Gardhi” në mesin e 30 filmave më të mirë të shkurtër të 2018-s.

Në film luajnë Art Lokaj, Adriana Matoshi, Melihate Qena, Xhejlane Godanci, Kumrije Hoxha, Ilire Vinca, Rozafa Çelaj, Arta Selimi, Alketa Sylaj, Edita Dula, Timur Urqan e Norik Xhemajli. /KultPlus.com

‘Gardhi’ i Lendita Zeqirajt shfaqet nesër në Kino ABC

Filmi “Gardhi” me regji të Lendita Zeqiraj i cili ka triumfuar në Palm Springs si filmi më i mirë i shkurtër duke fituar kështu të drejtën e garimit për OSCAR, tashmë do të shfaqet edhe në “shtëpinë e tij” në Prishtinë, shkruan KultPlus.

Filmi do të shfaqet nesër në ora 18:00 në Kinemanë ABC.

‘Gardhi’ është bashkëprodhim i shtëpisë filmike kosovare N’art, Sacrebleu Productions nga Franca dhe Woof Films nga Kroacia, dhe është përkrahur financiarisht nga Qendra Kinematografike e Kosovës, Cinema Fondacioni – Region Ile De France, dhe me mbështetje nga Komuna e Prishtinës.

Në këtë film luajnë: Arti Lokaj, Ilire Vinca, Adriana Matoshi, Rozafa Celaj, Melihate Qena, Xhejlane Godanci, Kumrije Hoxha, Arta Selimi, Alketa Sylaj, Edita Dula, Timur Urqan, Norik Xhemajli dhe qenushja Nina. / KultPlus.com

“Nëntor i Ftohtë” dhe “Gardhi” dy filmat kosovarë në Festivalin e Selanikut

Në edicionin e 59’të të Festivalit Ndërkombëtar të Filmit të Selanikut që do të mbahet nga data 1 deri më 11 Nëntor Kosova përfaqësohet me 2 filma; “Nëntor i Ftoht” i regjisorit Ismet Sijarina dhe “Gardhi” nga regjisorja Lendita Zeqiraj.

Që të dy filmat do të jenë pjesë e Seksionit “Balkan Survey” i kuruar nga Dimitris Kerkinos. “Balkan Survey” ka shfaqur shembujt më të mirë të prodhimeve filmike nga rajoni i Ballkanit. Regjisorë të mirënjohur, dhe ata debutant trajtojnë një sërë temash sfiduese në thelbin e edicionit të sivjetshëm të 15 filmave të metrazhit të gjatë dhe të shkurtë. “Balkan Survey” paraqet gjithashtu programin “Before the Wave Breaks” me 8 filma ikonikë të regjisorëve paraardhës të kinemasë së re rumune.

Festivali i Selanikut është njëri ndër festivalet më të vjetër dhe të rëndësishëm në Ballkan ku pjesë e programit të edicioneve të kaluara kanë qenë edhe filmat tjerë nga Kosova, si “Tri Dritare dhe një Varje”, “Home Sweet Home” “Si qeni n’rrush” etj./KultPlus.com

“Gardhi” triumfon në Hamptons Film Festival

Filmi “Gardhi” nga Lendita Zeqiraj fiton çmimin kryesor në Hamptons Film Festival në SHBA, duke iu ofruar edhe më afër mundësisë për t’u nominuar për OSCAR.

“Gardhi” është bashkëprodhim i shtëpisë filmike kosovare N’art, Sacrebleu Productions nga Franca dhe Woof Films nga Kroacia dhe është përkrahur financiarisht nga Qendra Kinematografike e Kosovës, Cinema Fondacioni – Region Ile De Francedhe me mbështetje nga Komuna e Prishtinës, raporton 21.

Në këtë film luajnë: Arti Lokaj, Ilire Vinca, Adriana Matoshi, Rozafa Çelaj, Melihate Qena, Xhejlane Godanci, Kumrije Hoxha, Arta Selimi, Alketa Sylaj, Edita Dula, Timur Urqan, Norik Xhemajli dhe qenushja Nina./ KultPlus.com

Art Lokaj përfaqëson ekipin e filmi “Gardhi” në festivalin “Hamptons”

Aktori i ri nga Kosova Art Lokaj, i cili së fundmi ka qenë pjesë e filmit “Gardhi” nga Lendita Zeqiraj, film ky i cili ka triumfuar në Palm Springs si filmi më i mirë i shkurtër duke fituar kështu të drejtën e garimit për OSCAR, tashmë një prezantim të denjë ka bërë edhe në Festivalin e 26-të të filmit ‘Hamptons’, shkruan KultPlus.

Pjesëmarrës në këtë prezantim ishte edhe aktori Art Lokaj, i cili ka njoftuar përmes faqes së tij në Facebook se ky përfaqësim ishte privilegj për të.

“Ishte previlegj qe te perfaqesoj ekipin e filmit FENCE dhe te flas per punen e mrekullueshme te regjisores Lendita Zeqiraj. Me vet faktin qe ishim pjesemarres ne kete festival te njohur ne Amerike do te thote shume per mua per filmin qe perfaqesova dhe per vet #Kosoven”, ka shkruar Lokaj.

‘Gardhi’ është bashkëprodhim i shtëpisë filmike kosovare N’art, Sacrebleu Productions nga Franca dhe Ëoof Films nga Kroacia, dhe është përkrahur financiarisht nga Qendra Kinematografike e Kosovës, Cinema Fondacioni – Region Ile De France, dhe me mbështetje nga Komuna e Prishtinës.

Në këtë film luajnë: Arti Lokaj, Ilire Vinca, Adriana Matoshi, Rozafa Celaj, Melihate Qena, Xhejlane Godanci, Kumrije Hoxha, Arta Selimi, Alketa Sylaj, Edita Dula, Timur Urqan, Norik Xhemajli dhe qenushja Nina. / KultPlus.com

“Gardhi” shkon në CIFF, edhe një shancë drejt OSCAR-it

Me dy trofe tashmë, “Gardhi” i Kosovës vazhdon rrugëtimin nëpër festivale.

Pas suksesit në një prej festivaleve më prestigjioze të filmit të shkurtër në veri të ShBA-së, ”Palm Springs International Short Film Festival”, ku në qershor mori çmimin si filmi më i mirë i shkurtër duke fituar të drejtën për kualifikim për “Oscar”, triumfit në “DokuFest”, dhe në garë zyrtare në “New Orleans Film Festival” filmi i Lendita Zeqriajt tashmë është në garë zyrtare edhe në Camden International Film Festival, shkruan KultPlus.

CIFF, nis më 13 shtator dhe përfundon më 16 shtator, ndërsa “Gardhi” është në garë në kuadër të filmave të metrazhit të shkurtër.

“Gardhi” po vlerësohet ndërkombëtarisht ndërkohë që në Kosovë është filmi me më së paku buxhet, filmat e tjerë që kanë qenë në listë kanë marrë dy herë më shumë sesa ‘Gardhi’”, ka thënë Zeqiraj, për filmin e saj në të cilin luajnë Arti Lokaj, Ilire Vinca, Adriana Matoshi, Rozafa Çelaj, Melihate Qena, Xhejlane Godanci, Kumrije Hoxha, Arta Selimi, Alketa Sylaj, Edita Dula, Timur Urqan, Norik Xhemajli dhe qenushja Nina./ KultPlus.com