Kryeministri i Kosovës, Albin Kurti, ka marrë pjesë në hapjen solemne të Kampionatit Shtetëror të Esports.
Në komunikatën për media bëhet e ditur se Kurti është shprehur që Federata për herë të parë ka mbështetje financiare serioze nga Ministria e Kulturës, Rinisë dhe Sportit.
“Me ligjin e ri për sportin, i cili është në procedura parlamentare dhe ka kaluar në lexim të parë tashmë, kemi krijuar bazën ligjore që mundëson zhvillimin e esports në Kosovë. Jemi ndër shtetet e pakta në rajon dhe në tërë Evropën, që po ndërtojmë politika shtetërore të cilat mundësojnë zhvillimin e lojërave elektronike”, është shprehur Kurti.
Ai tutje ka thënë se për Kosovën, kjo është mundësi për të treguar talentin dhe inovacionin edhe në arenën ndërkombëtare.
“Për Kosovën, kjo është mundësi për të treguar talentin dhe inovacionin edhe në arenën ndërkombëtare. Bashkimi i këtyre dy sektorëve sjell potencial më të madh për zhvillim, edhe që duhet të promovohet me kujdes të shtuar nga të gjithë ne në të ardhmen”, është shprehur kryeministri.
Kombëtarja U18 e Kosovës në hendboll (vajzat) është kualifikuar për në Kampionatin Botëror, që do të mbahet në gusht në Kinë.
Në ndeshjen vendimtare për kualifikim, Kosova e mposhti Nigerinë me rezultat 22:16.
Për këtë arritje të kombëtares së Kosovës ka reaguar përmes platformës “X”, presidentja Vjosa Osmani.
Ajo ka shkruar “nuk ka kufij për vajzat që të arrijnë”.
“Vajzat tona kanë dëshmuar edhe një herë se nuk ka kufi për atë që mund të arrijnë! Urime ekipit tonë të hendbollit të femrave U18, trajnerëve të tyre të përkushtuar dhe të gjithëve në Federatën e Hendollit për kualifikimin në Kampionatin Botëror. Vazhdoni të ngrini lart flamurin tonë”, ka shkruar Osmani.
Our girls have proven yet again that there are no limits to what they can achieve! 👏
Congratulations to our Women's Handball Team U18, their dedicated trainers, and everyone at @FHK_Zyrtare for qualifying for the World Championship.
Organi drejtues i futbollit evropian, UEFA, zbuloi topin zyrtar të ndeshjes që do të përdoret gjatë Euro 2024.
”Në një event të veçantë përpara stadiumit olimpik të Berlinit, i cili do të presë finalen e turneut, FUSSBALLLIEBE, që në gjermanisht do të thotë ‘dashuria për futbollin’, u prezantua me një dizajn të frymëzuar nga gëzimi i futbollit dhe energjia e turneut”, deklaroi UEFA.
Topi është kryesisht i bardhë, me skaje, kthesa dhe pika me ngjyra.
Ilustrimet e secilit prej stadiumeve të turneut shfaqen gjithashtu në top, së bashku me emrin e çdo qyteti pritës.
‘FUSSBALLLIEBE po shfaq teknologjinë e topit të lidhur për herë të parë në Kampionatin Evropian, duke ofruar një pasqyrë të paprecedentë në çdo element të lëvizjes së topit dhe duke kontribuar në procesin e vendimmarrjes së ndihmës gjyqtarit video të UEFA-s”, theksoi federata.
”Kampionati Evropian i Futbollit të UEFA-s përfaqëson kulmin e garave të ekipeve kombëtare në Evropë dhe ne jemi të përkushtuar të sigurojmë që çdo aspekt, nga mjediset te pajisjet, të përmbushë standardet më të larta të cilësisë dhe performancës”, theksoi drejtori teknik i UEFA-s Zvonimir Boban.
Euro 2024 do të zhvillohet nga 14 qershori deri më 14 korrik 2024 në 10 qytete pritëse në Gjermani, përkatësisht Berlin, Këln, Dortmund, Düsseldorf, Frankfurt, Gelsenkirchen, Hamburg, Leipzig, Mynih dhe Shtutgart./ atsh / KultPlus.com
Ministri i Kulturës,Rinisë dhe Sportit, Hajrulla Çeku, me rastin e vendimit për organizimin e Kampionatit Evropian të Xhudos në Kosovë, ka thënë se kjo ngjarje i sjell vendit promovim dhe shumë të mira të tjera, shkruan KultPlus.
‘’Në fund të këtij viti, qytetarët tanë e sportdashësit do të kenë mundësi të shohin ndeshjet mes xhudistëve më të mirë të Evropës. Një ngjarje ndërkombëtare sportive që do të sjell promovim dhe të mira të tjera për vendin tonë.’’, ka thënë Çeku.
Ministria e Kulturës, Rinisë dhe Sportit ka bërë të ditur se Kampionati Evropian i Xhudos për vitin 2023, do të mbahet në Kosovë, shkruan KultPlus.com.
‘Pas sukseseve të jashtëzakonshme të xhudistëve tanë në garat ndërkombëtare, ata dhe xhudistë nga gjithë Evropa do të kemi mundësi ti shohim duke u ndeshur në Kosovë.’, thueht në një njoftim nga MKRS.
Kjo garë ndërkombëtare më çmimin kryesor €300.000, organizohet nga Kosova Judo Federation, dhe përkrahet nga MKRS dhe Federata Evropiane e Xhudos./KultPlus.com
Botërori i këtij viti do të zhvillohet në Katar nga data 20 nëntor deri më 18 dhjetor. Është hera e parë në historinë e këtij kompeticioni, që një turne zhvillohet në stinën e dimrin, duke imponuar ndërprerjen për gati 2 muaj të gjithë kampionateve të mëdha evropiane.
Që nga vendimi, organizimi dhe në fund mbajtja e Kupës së Botës, ka shumë pikëpyetje dhe jo pak mistere që rrethojnë FIFA-n dhe Katarin, i cili ia arriti qëllimit përmes korrupsionit, lojërave politike, skandaleve dhe mijëra të vdekurve në punë.
Duke filluar që me Muhamed bin Hamam. Ish-anëtar i Komitetit Ekzekutiv të FIFA-s dhe ish-president i Konfederatës Aziatike të Futbollit (AFC). I hetuar 2 herë nga organizata botërore e futbollit, fillimisht për korrupsion – në vitin 2011 tentoi të “blinte” presidencën e FIFA-s përmes zarfeve me nga 40 mijë euro ryshfet – dhe më pas për konflikt interesi (para majit të vitit 2011 askush nuk ishte dakord që bin Hamam të ishte si president i AFC, ashtuedhe anëtar i ekzekutivit të FIFA-s).
Në vitin 2014, britanikja “The Sunday Times” pretendoi se kishte zbuluar disa ryshfete me vlerë 5 milionë dollarë, pikërisht në lidhje me kandidimin dhe zgjedhjen më pas të Katarit si vendi pritës i Kupës së Botës 2022. Por a ia vlen botërori gjithë këto shkelje?
Kështu mund të mendojnë Mishel Platini dhe ish-presidenti francez Nikolas Sarkozi. Më 23 nëntor 2010, Tamim bin Hamad Al Thani – që në vitin 2013 do të bëhet Emir i Katarit – dhe të tjerë drekuan së bashku në Elize, si të ftuar të kreut francez të shtetit.
Ndër të tjera aty u diskutua edhe për blerjen e ekipit të Paris Saint-Germain nga kompania “Qatar Sport Investment”, dhe themelimi i një kanali të ri sportiv. Fakt është se 9 ditë më vonë, Platini do të votojë në komitetit ekzekutivin e FIFA-s në favor të zhvillimit të botërorit në këtë Emirat.
Ndërkohë vitin 2019, Platini u arrestua dhe u mor në pyetje për korrupsion, për shkak të disa konsultimeve të paguara nga FIFA në favor të tij, me vlerë 2 milionë franga zvicerane. Përfitimet kishin ndodhur ndërmjet viteve 1999–2003, por që rastësisht ishin paguar në shkurtin e vitit 2011.
Dy protagonistët e fundit të historisë janë Naser Al-Khelaifi, president i PSG-së dhe Zherom Valcke, sekretar i përgjithshëm i FIFA-s deri në vitin 2016. Arma e krimit:një vilë në Costa Smeralda. Sipërmarrësi nga Katari bleu në vitin 2013 Villa Bianca, ish-rezidencën e Lele Mora.
Këtu përmes një kompanie panameze off–shore, hyn në lojë Valcke, që e mori me qira vilën për shumën 96 mijë euro në vit. Pak kohë më vonë, rrjeti shtetëror BeIN bleu të drejtat për Afrikën e Veriut dhe Lindjen e Mesme të edicioneve 2026 dhe 2030 të Kupës së Botës me një shifër qesharake dhe shumë të dyshimtë:vetëm 480 milionë dollarë. Dyshimi, i lindur nga një investigim i “L’Espresso”, është se në lojë ishte programi dimëror i këtij kompeticioni.
Mijëra të vdekurit gjatë punimeve për stadiumet e reja
Në fund të këtij turneu të madh, ata do të humbasin më shumë do të jenë njerëzit e zakonshëm. Sipas britanikes “The Guardian”, mesatarisht 12 punëtorë emigrantë nga India, Bangladeshi, Nepali dhe Sri Lanka kanë vdekur çdo javë që nga dhjetori i vitit 2010, qëkur Doha u shpall organizatore e botërorit të këtij viti.
Janë 5927 të ashtuquajturit “skllevërit modernë”, që kanë humbur jetën midis viteve 2011–2020. Sipas ambasadës pakistaneze në Katar, 824 punëtorë të vdekur duhet të shtohen në këtëllogari gjatë 10 viteve të fundit për përshtatjen dhe ndërtimin e stadiumeve të reja.
Në fakt numri i vërtetë i viktimave është dhe më i lartë, sepse deri më sot nuk mund të numërohen ende me saktësi emigrantët e shumtë nga Filipinet dhe Kenia, që kërkojnë një punë, e cila në fund u merr jetën.
Shtatë stadiume të reja, një aeroport, rrugë, transport publik, një hotel dhe madje një qytet krejtësisht i ri, që do të presë finalen e Kupës së Botës. Që të gjitha punime të kryera në më pak se 12 vjet, me çmimin e jetëve njerëzore të shfrytëzuara pa rënë në sy, dhe mbi të gjitha nën sytë e të gjithëve. Edhe nëse besoni (apo besojmë) se jemi të pafajshëm në këtë tragjedi, të gjithë janë fajtorë me heshtjen e tyre. / Opinione.it / KultPlus.com
