Etiketë: Kori Lira

Me rastin e 20 vjetorit të themelimit, Kori ‘Lira’ organizon koncert në TKK

Posted on by Kult Plus

Me rastin e 20 vjetorit të themelimit, Kori ‘Lira’ organizon koncert në Teatrin Kombëtar të Kosovës më 24 dhjetor, duke filluar nga ora 20:00, përcjell KultPlus.

Koncerti vjen nën dirigjimin e Valire Sphaija Buzës si dhe me pjesëmarrësit: Profesor Sedat Kuçi, mysafirja speciale nga Hamburgu, Hava Bekteshi në çifteli si dhe këngëtari e moderatori, Andi Belegu.

Po ashtu, në këtë mbrëmje do të performojnë edhe Kori i fëmijëve ‘Okarina’, Lulzim Kazazi dhe Leonora Rugova.

Koncerti do të mbahet sipas masave dhe udhëzimeve të miratuara nga Qeveria e Republikës së Kosovës. Ndërkaq, hyrja është e lirë. / KultPlus.com

Mbahet Festivali Ndërkombëtar i Koreve të Grave, Kori ‘Lira’ prezantohet me këngë kushtuar Prishtinës

Posted on by Kult Plus

Këtë të shtunë në Prishtinë u mbajt Festivali i Tretë Ndërkombëtar i Koreve të Grave. Në këtë edicion morrën pjesë kore nga Kosova, Maqedonia e Veriut dhe Kroacia, përcjell KultPlus.

Kori Lira si nikoqir i këtij festivali u prezantua me disa këngë ndër të cilat edhe një këngë premierë kushtuar qytetit të Prishtinës. Të gjitha këngët erdhën të përpunuara nga mjeshtri Tomor Berisha i cili për dhjetë vite ka përgatitur këngët për korin.

Në këtë edicion morën pjesë koret Petrusice nga Petrinja e Kroacisë, Val Choir nga Rijeka, dhe Zlata Maglenska nga Maqedonia e Veriut.

Ky edicion u organizua me mbështetjen financiare të Komunës së Prishtinës. Festivali u mbajt në hotel Nartel dhe për skenografinë u përkujdes Red Flowers Prishtinë. / KultPlus.com