Sukses historik: Kori Siparantum në Wiener Konzerthaus për 200-Vjetorin e Simfonisë së Nëntë të Beethovenit

Kori Siparantum shënoi një moment të pazakontë në historinë muzikore tek ne, duke u ngjitur kështu në skenën e Wiener Konzerthaus, Großer Saal, së bashku me koristët e Vienna Singakademie dhe Orkestren Simfonike të Vjenës – Wiener Symphoniker për të festuar 200-vjetorin e Premierës së Simfonisë së Nëntë të Ludwig van Beethoven – Ludwig van Beethoven Symphonie Nr. 9 d-moll op. 125.

Dirigjenti i Korit Siparantum, Memli Kelmendi, ndau ndjenjat e gëzimit dhe mirënjohjes: “Jemi jashtëzakonisht të lumtur që në këtë ngjarje të madhe, në këtë skenë prestigjioze me rastin e shënimit të 200-vjetorit të Simfonisë së 9të të Beethoven, jemi ngjitur dhe ne. Padyshim që ky është suksesi më i madh i arritur ndonjëherë në muzikën korale tek ne dhe aq më shumë që kjo vjen nga Kori Siparantum, i cili ka më pak se 8 vite.  Jam shumë i lumtur që puna jonë po vlerësohet kudo dhe kjo e bën të shenjtë punën dhe padyshim që ky është një motiv shtesë që ne të vazhdojmë tutje”

Koncerti është transmetuar në ORF III dhe në kanalin ARTE. ARTE ka kombinuar në këtë transmetim katër kohët e simfonisë botërore të famshme  – interpretuar nga katër orkestrat kryesore evopiane: Gewandhausorchester Leipzig me Andris Nelsons në kohën e parë, Orchestre de Paris nën drejtimin e Klaus Mäkelä në kohën e dytë, Orchestra del Riccardo Chailly në Milan 0 Teatro alla Scala në kohën e tretë dhe koha e katërt me #WienerSymphoniker nën dirigjimin e Maestro Petr Popelka.

Pas koncertit, Maestro Heinz Ferlesch, dirigjenti i Vienna Singakademie, e cilësoi ardhjen e Korit Siparantum si një moment shumë të rëndësishëm: “Ardhja juaj nga Kosova është një shenjë e rëndësishme këtu, pasi para 25 viteve vendi juaj ishte në luftë. Kjo është një shenjë shumë e rëndësishme për ju dhe shtetin tuaj, duke treguar se përmes muzikës, bashkëpunimi dhe ndërtimi i një realiteti të ri është i mundur. Faleminderit të gjithë anëtarëve të Korit Siparantum për kontributin në këtë koncert të mrekullueshëm. Këto lula dua t’i dhurroj juve dhe Memlit si shenjë falenderimi”.


Simfonia e Nëntë e Beethovenit është një monumentalitet në historinë e muzikës.  E kompozuar në periudhën e fundit të jetës së Beethovenit, simfonia tregon një thellim emocional dhe një qëllim humanist. Për më shumë se dy shekuj, ajo ka përfaqësuar një shprehje të fuqishme të vullnetit për liri, unitet dhe solidaritet njerëzor.  Simfonia e nëntë e Beethoven është interpretuar pikërisht 200 vite më parë në Vjenë me 7 Maj të vitit 1824.

Në këtë përfaqësim të madh të muzikës, Kori Siparantum u bë një pikë referimi e shquar, duke sjellë frymën e Kosovës në një kontekst ndërkombëtar. 

Kori Siparantum edhe me një paraqitje në skenën prestigjioze të Vjenës

Kori Siparantum është shndërruar një prej përfaqësime më dinjitoze të Kosovës, shkruan KultPlus.

Pas paraqitjeve të shumta dhe të suksesshme nëpër gara të ndryshme botërore, Kori Siparantum do të paraqitet në Vjenë, në Wiener Konzerthaus.

Për këtë prezantim të radhës ka njoftuar Memli Kelmendi i cili ka shtuar se ky prezantim do të transmetohet edhe në televizionin ARTE.

Më poshtë e keni njoftimin e plotë të Kelmendit.

Të dashur miq,

Po fillojmë një lajm të jashtëzakonshëm për ne!

Nga data 4 – 8 MAJ 2024, Kori Siparantum do të udhëtojë për në Vjenë, ku do të ngjitet përseri në skenën prestigjioze për koncertin e datës 7 Maj në Wiener Konzerthaus, Großer Saalme me Orkestren Simfonike të Vjenës, Wiener Symphoniker me korin e njohur Wiener Singakademie me rastin e 200 vjetorit të Premierës së Simfonisë së Nëntë të Ludwig van Beethoven (Ludwig van Beethoven Symphonie Nr. 9 d-moll op. 125) Koncerti do të dirigjohet nga dirigjentja botërore Joana Mallwitz dhe do të transmetohet në ARTE.

Për detaje të tjera do të ju informojmë gjatë ditëve në vijim./ KultPlus.com

Kori Siparantum përfaqëson Kosovën në garën prestigjioze “European Festival for Young People”

Kori Siparantum ka njoftuar se do ta përfaqësojë Kosovën në “European Festival for Young People”, që është një nga garat më prestigjioze të muzikës për të rinj në Neerpelt.

Në njoftimin e tyre thuhet se në Kori Siparantum do të jetë pjesëmarrës nga data 26 deri më 29 prill dhe do të jenë bashkë me 93 kore nga 19 shtete të botës.

Korali do të prezantojë një repertor të pasur me vepra nga autorë të shquar:

“Me nji lule” (With a Flower) – Memli Kelmendi

“A Little in the Dream, A Little Awake” – Baki Jashari

“Ta na Solbici” – Samo Vovkhttps://zeri.info/inarticle.html

“Atsalums” (Coldness) – Jëkabs Janëevskis

“En ‘s Avonds” – Arr. Memli Kelmendi

Memli Kelmendi, dirigjent

Gara do të mbahet  më 27 Prill, rreth orës 14:00 në CC Palethe Overpelt, ndërsa rezultatet e jurisë do të shpallën më 27 Prill në ora 17:30 në Sporthal Dommelhof.

Kori Siparantum ngjiten në skenën madhështore për provat gjenerale të koncertit të fundvitit në Wiener Konzerthaus

Kori Siparantum është ftuar të marrë pjesë në festën e fundvitit me Wiener Singakademie në koncertet e Wiener Konzherthaus dhe tashmë ata janë ngjitur në skenën madhështore për provën gjenerale bashkë me Orkestren Simfonike të Vienës dhe Korin Wiener Singakademie.

Lajmin e ka bërë të ditur dirigjenti Memli Kelmendi, i cili ka thënë se kjo është një ëndërr që po bëhet realitet.

“Kori Siparantum tashmë është ngjitur në skenën #Wiener #Konzerthaus në proven gjenerale për koncertin e Vitit të Ri, së bashku me #WienerSingakademiedhe #WienerSymphoniker / Wellber nën drejtimin e Maestro Omer Meir Wellber.
Ludwig van Beethoven
Symphonie Nr. 9 d-moll op. 125 (1822–1824)
Çfarë emocioni!”, ka shkruar Memli.

Performanca tradicionale e Simfonisë së 9-të të Beethoven-it (në d-mol, e kompozuar në mes 1822-1824) është pjesë e festave të Vitit të Ri në Wiener Konzerthaus për 26 vjet. Këtë vit, kënaqësia jonë është e dyfishtë, pasi Kori Siparantum do të jetë pjesë e këtyre koncerteve.

Koncertet do të drejtohen nga Omer Meir Wellber dhe janë planifikuar për datat 30 dhe 31 dhjetor 2023, si dhe 1 janar 2024, në orën 19:00. / KultPlus.com

Shot with OldRoll Nostal.

Kori Siparantum sonte me koncert në Vjenë, ju pret një udhëtim i jashtëzakonshëm në muzikën klasike

Një ngjarje kulturore shumë e veçantë pritet të ndodhë sonte në Vjenë, shkruan KultPlus.

Sot, datë 29 Dhjetor, ora 20:00, Kori Siparantum, ndër më të njohurit dhe të respektuarit, do të mbajë një koncert shumë të veçantë në Votivkirche, që ndryshe nga ky vend kanë dalur shumë vepra të kompozitorit të madh Anton Bruckner, si ‘Locus iste’ dhe shumë të tjera.

Organo historike në Kishën Votive u ndërtua në 1878 nga kompania e njohur e ndërtimit të organove E. F. Walcker dhe u inspektua nga Anton Bruckner, ky vend është një thesar i padiskutueshëm i artit dhe performimi në këtë ambient është një kënaqësi e rrallë.

Hyrja në këtë koncert është pa pagesë, duke bërë këtë ngjarje akoma më të arritshme për të gjithë dashamirët e muzikës klasike. Për Korin Siparantum, ky nuk është vetëm një koncert, por një ëndërr që po bëhet realitet.

Kori Siparantum ka një traditë të gjatë dhe të pasur në interpretimin e muzikës klasike, dhe kjo është arsyeja pse ky koncert në Votivkirche po pritet me shumë entuziazëm.

Për rezervimin e vendit tuaj në këtë koncert ju mund të kontaktoni [email protected]. / KultPlus.com

Konferenca më e madhe e muzikës korale po vjen në Pejë

Konferenca më e madhe e muzikës korale po vjen në Pejë. Kështu ka bërë të ditur dirigjenti Memli Kelmendi i cili ka njoftuar se “Quo Vadis Choral Music Conference” do të jenë në Pejë më datë 14-17 Shtator për të mbushur këtë qytet me tingujt mahnitës të muzikës korale.

Organizuar nga ChoralSpace dhe Korin Siparantum, kjo konferencë do të sjellë nën çatinë e vet personalitete të shquara të muzikës korale në nivel botëror.

Memli Kelmendi gjithashtu ka brë me dije që hyrja është e lire.

“Hyrja është e lirë, kështu që nuk ka asnjë arsye për të mos u bashkuar me ne për këto tre ditë të jashtëzakonshme të muzikës”.

Programi i koncerteve është si vijon:

14.09.2023 | 20:00
KORI I FILHARMONISË SË KOSOVËS
Dirigjent: Memli Kelmendi
Lokacioni: Kisha Katolike “Shën Katerina”, Pejë

16.09.2023 | 20:00
KORI SIPARANTUM
Lokacioni: Kisha Katolike “Shën Katerina”, Pejë

17.09.2023 | 10:30
KORI I SHKOLLËS SË MUZIKËS “HALIT KASAPOLLI”
KORI I SHKOLLËS SË MUZIKËS GJILAN”
KORI I FËMIJËVE “OKARINA”
KORI I FËMIJËVE “SIPARANTUM KIDS”
Lokacioni: Shkolla e Muzikës “Halit Kasapolli”, Pejë. / KultPlus.com

Kori Siparantum mbështetet nga Sunny HIll Foundation, merr pjesë në garën më të madhe të koreve në botë

Kori Siparantum do të prezantohet në edicionin e 12-të të garës botërore për kore në Kore, përkatësisht në Gangneung, ku do të marrin pjesë 324 grupe nga 46 shtete të botës, shkruan KultPlus.

Nëpërmjet një njoftimi bëhet e ditur se Kori Siparanatum do të prezantohet në dy kategori: Kor të përzier dhe në kategorinë  e muzikës bashkëkohore; garë mes kampionëve.

Ndërkohë, Kori Siparantum për shkak të mos mbështetjes financiare ka rrezikuar në mospjesëmarrje në këtë garë, por sipas Memli Kelmendit, Fondacioni i Dua Lipës, “Sunny Hill Foundation” ka mbështet korin Siprarantum, sikurse që është mbështetë edhe nga kompani të tjera./ KultPlus.com

Kori i famshëm ‘Siparantum’ merr ftesë për garën më të madhe botërore, bën thirrje për mbështetje

Kori ‘Siparantum’ do të marrë pjesë në konkursin më të madh të muzikës korale në botë ‘World Choir Games’ që do të zhvillohet në Korenë Jugore në korrik të vitit 2023, përcjell KultPlus.

Por, për të arritur këtë ëndërr, kori ‘Siparantum’ ka kërkuar donacione në mënyrë që pjesëtarët e tij të mund të marrin pjesë në këtë garë.

Në vijim KultPlus ua sjell postimin e plotë të korit ‘Siparantum’:

Të dashur miq,

Me kënaqësi ju njoftojmë se Kori Siparantum do të marrë pjesë në konkursin më të madh të muzikës korale në botë, World Choir Games, që do të zhvillohet në Korenë Jugore në korrik të vitit 2023. Ne do të përfaqësojmë vendin tonë, Kosovën, për herë të dytë në këtë garë, me synimin që të vazhdojmë suksesin e arritur më herët. Në vitin 2021, Kori Siparantum triumfoi në Lojërat Botërore të Korit në Belgjikë, duke fituar kategorinë e “Muzikës Contemporanea” dhe marrë vendin e parë dhe diplomën e artë. Kjo na bëri shumë krenarë dhe ju falënderojmë për mbështetjen tuaj të vazhdueshme!

Pas një vonesë prej një viti, Lojërat Botërore të Korit do të kthehen në Korenë Jugore në vitin 2023, me Gangneung-un zgjedhur si qytetin pritës.

Ne jemi në përpjekje të palodhshme për të përsëritur suksesin e mëparshëm dhe dëshirojmë më shumë se kurrë të prezantojmë kulturën dhe vendin tonë në nivelin më të lartë të mundshëm. Kori Siparantum ka treguar një performancë të jashtëzakonshme në këtë drejtim.

Për të realizuar këtë ëndërr, ne kemi nevojë për përkrahjen tuaj. Donacionet tuaja janë thelbësore për të bërë këtë ëndërr realitet.

Beneficiary: SIPARANTUM CHOIR
Bank name: NLB BANK
Bank account: XK05 1706 0016 0008 8587
Bank code: NLPRXKPR
IBAN: XK05 1706 0016 0008 8587
Swift Code:NLPRXKPR

Bashkohuni me ne në fuqizimin e këtyre artistëve të talentuar duke dhuruar sot. Mund të na kontaktoni në [email protected] për të marrë pjesë në këtë përpjekje.

Ju falënderojmë për mirëkuptimin dhe mirënjohjen tuaj të madhe.

Me respekt,
Kori Siparantum Siparantum./KultPlus.com

Me një performancë brilante, Kori Siparantum hipnotizoi mbrëmë publikun në Kishën ‘Shën Ndou’

Vjollca Duraku
Fotografitë: Rrahman Osmani

Me gjithsej 14 pika interpretuese dhe një performancë brilante, mbrëmë në ambientet e Kishës Katolike ‘Shën Ndou’, interpretoi kori më me zë në skenën e muzikës kosovare, Kori Siparantum, shkruan KultPlus.

Realizimi i këtij interpretimi, në ambientet e kishës, ishte një element i cili i dha ngjarjes një lloj madhështie, të cilën në plotni e kanë shijuar të gjithë të pranishmit në sallën e improvizuar e që ishin në numër të madh.

Lartësia e mureve të kishës, ngjyra e errët si dhe ajri i ftohtë në kishë, ishin elemente të cilat i jepnin madhështi, dramacitet dhe mister ngjarjes, e cila pati edhe një kombinim perfekt me anëtarët e korit të cilët ishin të veshur në të zeza.

Nën tingujt e instrumentit goditës, Bass Drumm, anëtarët e korit hynë në skenë nga fundi i sallës me lëvizje të shpejta. Numri i madh i anëtarëve të korit, veshja e tyre me ngjyrë të zezë si dhe hyrja e djemve në njërën anë dhe vajzave në anën tjetër, duke u pozicionuar në mënyrë perfekte në skenë në dy rreshta, ishte veç një paralajmërim për një perfomancë të hatashme e cila pritej të zhvillohej në vijim.

Lëshimi në tokë i dosjeve të cilat përmbanin pikat të cilat do t’i interpretonin, anëtarët e korit, krijoi një tingull dhe jehon të veçantë, i cili veprim paraqiste një formë të veçantë të artit në vete

Në këtë pikë, dukej sikur publiku ishte hipnotizuar nga vetë hyrja e veçantë e korit Siparantum. Tani ata të llahtarisur nga performanca e tyre, me buzëqeshje në fytyrë, syhapur dhe një pozitë trupore kurrize, sikur donin të thonin çka pastaj?

Me duartrokitje të shumta përfundoi dhe filloi çdo pikë interpretuese e korit më me nam në vend, vlerësim ky të cilin vazhdimisht e merrte nga publiku, në çdo performancë e vend.

Ndryshimi i pozicioneve të anëtarëve të korit, herë duke u ndarë e herë duke u bashkuar grupi i djemve dhe vajzave, në secilën pikë interpretuese, ishte një element tjetër i cili e bënte të veçantë interpretimin e tyre.

Publiku u mbajt pezull gjatë gjithë koncertit, pasi me plotë kureshtje e shikonin pikën e cila po interpretohej por duke e vrarë edhe mendjen se cila ishte befasia e radhës e këtij kori fantastik.

Kulminacioni i shfaqjes u arrit në pikën e tretë interpretuese ‘Mirëmbrëma’ të autorit Lorenc Anton, kur anëtarët e korit u zhvendosen me qirinjë në duar rreth sallës. Në këtë pikë publiku thuajse u mishërua me performancën, pasi koristët e transmetonin energjinë e tyre artistike fare afër audiencës, e cila ishte në një numër shumë të madh, ku një pjesë e konsiderueshme e tyre qëndronin në këmbë, pasi nuk kishte ulëse aq sa kishte të pranishëm në sallë.

Në këtë pikë magjepsjeje kori filloi interpretimin e tij, tingujt jehonin në sallë kurse publiku i stepur nga performanca shikonin me admirim rreth sallës, anëtarët e korit dhe dritën e vobektë e cila buronte nga qirinjtë. Këto pamje do të mbeten gjatë në memorien e publikut.

Po ashtu, një element i cili e bënte të dallojë këtë kor nga koret e tjera të zakonshme, ishte se pjesë e interpretimit të tyre ishte e plotësuar edhe me lëvizje mjaft unike me këmbë e duar, të cilat ishin të përgatitura mjeshtërisht. Kombinimi i këtyre lëvizjeve me tingujt nganjëherë të qetë e nganjëherë shpotitës, i jepnin performancës autenticitet dhe magnetizëm, të cilit ishte e pamundur t’i shpëtoje.

Përgjatë koncertit, përveç korit në përgjithësi,  pati edhe pikë të cilat u interpretuan nga pianistët Denita Dedushaj dhe Agron Shujaku, sopranot Kaltrina Miftari dhe Edina Pllana, altoja Donika Rushiti dhe solistja Fiona Shabani, ndërsa interpretues me me instrumente goditëse ishin Fidan Strumcaku dhe Rizah Jahaj, të cilët i jepnin një ngjyrim madhështor e plotësues performancës.

Fundi i interpretimit pasoi me duartrokitje të gjata, të cilat nuk i kursenin fare të pranishmit pas gjithë atyre minutave shumë të ngjeshur me performanca të veçanta, e të bukura secila në llojin e vet.

Edhe pse vërehej që mbrëmjen e shijonin edhe vetë anëtarët e grupit, me një super energji ku e dhanë edhe shpirtin e tyre në sallë, këtë për KultPlus, personalisht e pohoi edhe organizatori i festivalit i cili në këtë mbrëmje ishte edhe interpretues, baritoni Shaban Behramaj.

“Për mua është festë e dyfishtë sonte, sepse edhe jam organizator i festivalit, por edhe si pjesë e Korit Siparantum, njërit prej koreve më aktive dhe më të suksesshme, tashmë në Kosovë. Kështu që për mua ishte një ndjenjë e veçantë për të performuar para publikut sonte. Ne e kemi sjellë një program goxha të mirë edhe goxha të larmishëm. Uroj që ta kenë pëlqyer publiku”, ka thënë Behramaj.

Kurse dirigjenti i Korit Siparantum, Memli Kelmendi, pas qindra urimeve, përshëndetjeve dhe falënderimeve nga të pranishmit, shumë i emocionuar dha një prononcim për KultPlus ku tha se ndihej shumë i lumtur që e dhanë para prishtinasve një performancë të tillë, të cilën anëtarët e korit e bënin krejtësisht në baza vullnetare.

‘’Me thënë të drejtën nuk kemi heshtur as unë dhe as njëri prej koristëve që këtë program të ja rikthejmë Prishtinës. Jam tepër i lumtur, tepër i emocionuar edhe tepër krenarë që kemi sjellë sonte një energji të cilën e kemi përmbledhë përgjatë këtyre muajve punë, dhe e kemi shfaqur para publikut të Prishtinës. Po shpresoj që njerëzit këtu e kanë shijuar edhe kanë arritur ta shohin një punë të përbashkët, e cila është e gjitha në baza vullnetare. Në këtë vend ka shpresë për gjëra të bukura”, ka thënë për KultPlus dirigjenti Kelmendi.

Ai po ashtu potencoi edhe vështirësinë e realizimit të këtij koncerti pasi rrjedha e tij kërkon përkushtim dhe dinamikë të veçantë, duke nënkuptuar që kjo edhe ishte arsyeja se përse publiku pati gjithë atë reagim.

“Ne sonte jemi paraqitur me një program krejtësisht ndryshe. Është një program që kërkon përkushtim edhe dinamikë të veçantë, nuk është një program i njëtrajtshëm i cili mund të luhet vazhdimisht.”

Interpretimi i korit Siparantum, ishte në kuadër të koncerteve të cilat po mbahen në Festivalin Ndërkombëtar “Re Musica”.

Koncerti i radhës dhe i fundit për këtë edicion do të jepet më 23 maj në Sallën e Kuqe, nga European Union Youth Orchestra, në ora 20:00. /KultPlus.com

Koncerti “Nga Bjeshkët” në Filharmoninë e Berlinit

Këngët me motive shqiptare dhuruan shumë emocione për audiencën berlineze. Performanca e Korit Siparantum nga Peja në Filharmoninë e Berlinit, përmes koncertit “Nga Bjeshkët”, kaloi nëpër zhanre të shumta.

Ata performuan laramani vepra të periudhave të ndryshme solistike, që nga muzika e renesancës deri tek muzika bashkëkohore, përfshi vepra të kompozitorëve botërorë dhe shqiptarë.

Koncerti u organizua nga Ambasada e Republikës së Kosovës në Berlin dhe CHORALSPACE – International Academy for Choral Arts në prag të festimit të përvjetorit të 15-të Pavarësisë së Republikës së Kosovës. / KultPlus.com

“Mirëmbrama” nga Lorenc Antoni e “Ater Umbra” nga Memli Kelmendi interpretohen sot në Berlin

Kompozitori Memli Kelmendi, njofton se sot, Kori Siparantum do të ngjitet në skenën më të rëndësishme të muzikës në botë, Berlin Philharmonie, shkruan KultPlus.

Filharmonia e Berlinit i përkushton për herë të parë një koncert të plotë muzikës nga Kosova, me korin Siparantum.

“Na ndajnë vetëm pak orë nga performanca jonë e radhës në Filharmonikën e Berlinit. Jam shumë i emocionuar që sot do të drejtoj dy vepra me shtatë kore të tjera pjesëmarrëse; do të këndojnë mbi 150 këngëtarë; “Mirëmbrama”, nga Lorenc Antoni, dhe kompozimi im “Ater Umbra” për bariton solo dhe kor miks (që do të interpretohet nga Shaban Behramaj.) Çfarë eksperience!

Të lumtur që koristët tanë (Kori Siparantum), gjatë qëndrimit të tyre në Berlin, kanë marrë përvoja fantastike nga dirigjentë fantastikë; Mihály Zeke, Boryana Velichkova, Sofia Gioldasi, Oliver Rudin dhe Ron Gang”, thuhet në postimin e tij. / KultPlus.com


Kori Siparantum krenar që mori pjesë në akademinë përkujtimore të Masakrës së Reçakut: Nëpërmjet këndimit nderojmë kujtimin e tyre

Sot në Shtime është mbajtur akademi përkujtimore në nderim të viktimave të 15 janarit të vitit 1999, nga Masakra e Reçakut, shkruan KultPlus.

Përmes një postimi në “Facebook”, pjesëmarrësit e kësaj akademie përkujtimore, Kori Siparantum, u shprehen të lumtur që morën pjesë këtu.

Postimi i plotë:

“Sa nder dhe ndjesi e pabesueshme për Korin Siparantum të performojë në Ceremoninë Përkujtimore të 24 vjetorit të Masakrës së Reçakut, në prani të Zyrës së Kryeministrit, ambasadorit William G. Walker dhe të ftuarve të tjerë të shquar!
Ndjenja bëhet edhe më e fortë kur shumica e anëtarëve të Korit janë fëmijë të lindur në kohë lufte, të cilët tani këndojnë për PAQE!
Nuk do ta harrojmë kurrë Reçakun, nuk do t’i harrojmë kurrë viktimat e luftës në Kosovë!
Nëpërmjet këndimit, ne lavdërojmë me përulësi kujtimin e tyre!”, thuhet në postimin e tyre. /KultPlus.com

Kori Siparantum do të përfaqësojë Kosovën në Portugali, në mesin e 17 shteteve të botës

Kori Siparantum do të përfaqësoj Kosovën në Festivalin Internacional të Koreve “Lisbon Sings” – Portugali, në mesin e 22 koreve nga 17 shtete të botës, aktivitet ky që është pjesë e “WORLD’S BEST CHOIRS Rankings of the Top 1000 Choirs and Ensembles”, ku tashmë Kori Siparantum është pjesë e saj. Festivali do të mbahet nga data 09-14 Nëntor.

“Jemi tejet të lumtur që do të përfaqësojmë vendin tonë në këtë festival tepër të rëndësishëm të muzikës korale. Përpos sfidave dhe sakrificave që ballafaqohemi, falë punës, përkushtimit maksimal dhe dashurisë për vendin tonë, ne po ia dalim suksesshëm. Kemi punuar gjatë dhe me shumë përkushtim për këtë program, shpresoj që do të kthehemi me suksesin e radhës. Ne tashmë e kemi dëshmuar këtë”, thotë Memli Kelmendi, dirigjent i korit.

Kori Siparantum garon në dy kategori: Competition in Category A1 – Choirs of Mixed  Voices – Difficulty Level I (Kategoria më e vështirë e festivalit) dhe Competition in Category S – Sacred Choral Music a cappella. 

Përpos këtyre dy aktiviteteve Kori do të jetë pjesë e koncertit Friendship Concert e cila do të mbahet në sallën e njohur Universidade de Lisboa – Aula Magna (Universidade de Lisboa – Aula Magna Universiteti i Lisbonës (Universidade de Lisboa) është universiteti më i madh dhe më prestigjioz në Portugali dhe është një nga universitetet kryesore të Evropës). 

Rikujtojmë që Kori Siparantum është shpërblyer me pikët maksimale në Festivalin Internacional të Koreve “The Golden Lime of Tuhelj” Kroaci, duke i sjellur vendit tonë “Medalje të Artë”; Fitues i kategorisë “ Musica Contemporanea” në garën më të madhe të koreve në botë, WORLD CHOIR GAMES (2021) dhe Diplomë të Artë; Fitues i dy vendeve të para (Kategoria F dhe Kategoria G) në Europian Festival for Young People, Belgjikë.  Kori Siparantum ka qenë pjesë e skenave të mëdha në mesin e tyre, salla më e njohur “Berlin Philharmonie” që ndryshe konsiderohet ëndërr e çdo artisti. / KultPlus.com

‘Kori Siparantum’ nis sezonin me koncert në festivalin ‘We Are Singing Ljubljana’

Kori Siparantum’ do të fillojë sezonin me koncertet në Slloveni në kuadër të festivalit ‘We Are Singing Ljubljana nga data 20-23 tetor, përcjell KultPlus.

Lajmin e ka bërë të ditur dirigjenti Memli Kelmendi përmes një postimi në Facebook duke njoftuar se në këtë festival ‘Siparantum Choir’ do të paraqitet me vepra të larmishme të kompozitorëve të shquar të periudhave të ndryshme stilistike përfshirë edhe vepra të kompozitorëve shqiptarë.

KultPlus ua sjell postimin e dirigjentit Kelmendi:

Next #Slovenia

Të dashur miq,

Po e fillojmë këtë nisme të këtij sezoni me udhëtimin e radhës në #Slloveni, në festivalin “We Are Singing Ljubljana” ku me Siparantum Choir ne do të qëndrojmë nga data 20-23 Tetor 2023.

21 Tetor 2022, Open Air Concert in the Square of Ljubljana

21 Tetor 2022 në ora 17:00 në  Saint Nicholas’s Cathedral

22 Tetor 2022 në ora 18:99 në Ljubljana Music and Ballet Conservatory

Në këtë festival ne do të paraqitemi me vepra të laramanishme të kompozitorëve të shquar të periudhave të ndryshme stilistike përfshi edhe vepra të kompozitorëve shqiptar.

I lumtur që në këtë festival do të takoj shumë miq dhe kolegë me të cilët kam pas rastin të jem pjesë e bashkëpunimeve të mëhershme; Klara Maljuga, Oliver Rudin etj./ KultPlus.com

Kori Siparantum dhe Gospelchor am Münster nga Bazeli vijnë me koncert në Pejë

Kori Siparantum kësaj radhe në Pejë vjen me koncertin e radhës duke sjellur në Kosovë Korin e suksesshëm Gospelchor am Münster nga Bazeli me dirigjentin e njohur Oliver Rudin, fitues i shumë shpërblimeve në festivale të ndryshme botërore përfshi dhe suksesin e tyre të fundit në World Choir Games (2021).

“Jemi të lumtur që këtë sezonë po e fillojmë me koncertin e parë në bashkëpunim me korin Gospelchor am Münster nga Bazeli. Programi do të jetë interesant dhe tejet atraktiv për audiencen. Pas suksesit që kishim në World Choir Games, tani po takohemi përsëri, kësaj radhe në një skenë të përbashkët. Tashmë jemi rikthyer me prova dhe energjinë pozitive që gjendet mes nesh, mezi po e presim koncertin e së hënës”, Memli Kelmendi, dirigjent i Korit Siparantum

Koncerti i Gospelchor am Münster (Zvicër) me dirigjent Oliver Rudin dhe Siparantum Choir (Kosovë) me dirigjent Memli Kelmendi,  mbahet të hënën me 29 Gusht në ora 20:00 në Kinema “Jusuf Gërvalla” në Pejë. Koncerti është mbështetur nga Komuna e Pejës dhe Kinema “Jusuf Gërvalla”. / KultPlus.com

Siparantum sjell korin e suksesshëm Gospelchor am Münster me koncert në Pejë

Kori Siparantum vjen më koncert në Pejë më 29 gusht ku do ta sjellë edhe korin e suksesshëm Gospelchor am Münster (Zvicër) me dirigjentin e njohur Oliver Rudin, përcjell KultPlus.

Njoftimi është dhënë në faqen zyrtare të korit Siparantum në Facebook.

KultPlus ua sjell postimin e plotë:

Të dashur miq,

Jemi shumë të lumtur që në Kosovë do të sjellim korin e suksesëshëm Gospelchor am Münster (Zvicër) me dirigjentin e njohur Oliver Rudin, fitues i shumë shpërblimeve evropiane përfshi suksesin e tyre në Ëorld Choir Games. Ky koncert është si rrjedhojë e bashkëpunimit në mes të Korit Siparantum (Kosovë) dhe Gospelchor am Münster nga Baseli (Zvicër).

Mos e humbisni këtë koncert me një program tejet atraktiv. Koncerti mbahet me 29 Gusht në ora 20:00 në Kino “Jusuf Gërvalla”. Hyrja është gratis.

Koncerti është mbështetur nga Komuna e Pejës dhe Kino “Jusuf Gërvalla”./ KultPlus.com

‘Siparantum Choir’ mbyll edicionin e festivalit DAM

Të dielën përmbyllet programi kulturor i festivali DAM. Pas një edicioni me plotë aktivitete të muzikës serioze dhe një varg eventesh tjera kulturore, festivali DAM përmbyll edicionin e këtij viti nën interpretimin e Korit ‘Siparantum’ me Memli Kelmendin.

Të dielën me fillim nga ora 19:30, kori i njohur në kishën katolike ‘Shen Ndou’ do të përformoj para publiku në ditën mbyllëse të festivalit.

Festivali DAM filloi edicionin e sivjetmë më 24 korrik me një varg aktivitetesh, duke sjellë publikut kosovar tinguj të muzikës klasike dhe dokumentare e ngjarje të ndryshme kulturore.

Dokumentari mbi okarinën e Runikut, promovimi i librit nën fjalët e Shaqir Hotit, koncertet e nxënësve, çmimet për pianistin e ri, recitali i Gëzim Latifit dhe Elena Atanasovskas ishin disa prej aktiviteteve që e pasuruan edicionin e këtij viti të festivalit ndërkombëtar të muzikës në kryeqytet.

DAM festivali, ka një kohë të gjatë që sjellë në Kosovë risi në fushën e muzikës klasike duke qenë nikoqire e një numri të madh muzikantësh brenda e jashtë vendit.

Edicioni i sivjetmë ishte edicioni i 17-të me radhë./Express/ KultPlus.com

Kori Siparantum shënon 5 vjetorin e themelimit me koncert kushtuar sukseseve përgjatë këtyre viteve

Në qytetin e Pejës, në KINO “Jusuf Gërvalla” në Pejë, është mbajtur koncert i 5 vjetorit të themelimit të Korit Siparantum, përcjell KultPlus.

Koncertit i ka paraprirë një dokumentar (22min) kushtuar sukseseve të korit përgjatë këtyre 5 viteve.

Programi ka përfshirë vepra të kompozitorëve të njohur botëror dhe shqiptarë të periudhave të ndryshme stilistike deri tek muzika bashkëkohore.

Kori Siparantum përgjatë këtyre viteve vendit tonë i ka sjellur suksese dhe çmime të rëndësishme në muzikën korale; Pllakën e Artë dhe pikët maksimale në “Golden Lime of Tuhelj” Kroaci, fitues i kategorisë “Musica Contemporanea” në Ëorld Choir Games 2021 dhe fitues i Diplomës së artë, në Europian Festival for Young People në Belgjikë Kori Siparantum ka fituar të dy kategoritë F (Pennant Category) dhe G (Free Program).

Rikujtojmë që dy muaj më parë kori Siparantum ka përformuar në skenën e njohur me akustikën më të mirë në botë, Berlin Philharmonie, skenë kjo e cila konsiderohet ëndërr e çdo artisti.

Foto: Ardit Neziri / KultPlus.com

Kori Siparantum mban koncert për nder të 5-vjetorit të themelimit

Kori Siparantum është duke bërë përgatitjet e fundit për koncertin e nesërm që shënon 5 vjetorin e themelimit të korit. Një rrugëtim i gjatë me plotë sfida dhe suskese. Përgjatë këtyre viteve Kori Siparantum ka shënuar suksese të shumëta duke qënë pjesëmarrës në festivale të ndryshme evorpiane, duke i sjellur vendit tonë suksese dhe shpërblime të shumëta . Fitness i Pllakës së artë në “The Golden Lime of Tuhelj”, Kroaci;  Fitness i kategorisë “Musica Contemporanea” në “World Choir Games 2021” dhe fitues i Diplomës së artë; fitues i kategorisë G dhe kategorisë më të vështirë (Kategoria Pennant). Kori Siparantum së fundmi ka përformuar në sallën më të më të njohur, me akustikën të mirë në botë “Berlin Philharmonie” e cila konsiderohet ëndërr e çdo artisti. 

“Janë 5 vite punë, sakrificë dhe përkushtim maskimal. Do të thoja që ne kemi bërë një punë shumë të mirë pa u ndalur asnjëherë, ndonëse të gjithë ne funksionojmë mbi bazë vullnetare. Nuk e do të besoja që brenda një periudhe kaq të shkurtër ne do të prekim gjitha këto suksese. Kjo tregon rëndësinë e punës që ne bëjmë si shoqëri. Të gjithë ata që duan të shohin nga afër punën tonë, këtë mundësi do të kenë në koncertin e nesërm, program të cilin e konsideroj si njëri prej më të mirave deri më tani”, u shpreh Memli Kelmendi, dirigjent i Korit Siparantum. 

Koncerti do të mbahet, nesër e shtunë me 18 qershor në Kino “Jusuf Gërvalla” në Pejë në ora 20:00./ KultPlus.com

Puna dhe përkushtimi si “dirigjues” të suksesit, Kelmendi: Gjithmonë kemi dashur t’i sjellim fitoren vendit tonë

Uranik Emini

Një punë ekipore dhe patjetër e ndërsjellë, mes dirigjentëve dhe muzikantëve që e ndjekin atë, e ka arritur me sukses kori “Siparantum” i drejtuar nga dirigjenti Memli Kelmendi. Edhe pse arti i dirigjimit ekziston prej shekujsh, në Kosovë nuk vlerësohet dhe diskutohet për të sa duhet. Dirigjimi përpos përgjegjësisë fillimisht, është një punë që në radhë të parë kërkon besim, inteligjencë dhe aftësi të shkëlqyera si njerëzore ashtu edhe muzikore. Kosova është ngritur në majat më të larta në botë sa i përket muzikës klasike përmes korit “Siparantum”, të udhëhequr nga Kelmendi, shkruan KultPlus.

Dirigjenti Memli Kelmendi ka arritur që të korr suksese të mëdha me korin që ai udhëheq dhe realisht, suksesi ishte gjëja për të cilën ai kishte punuar më së shumti.

I rritur në një familje muzikantësh, Kelmendi rrëfen për KultPlus se muzikën e ka të trashëguar nga babai i tij, Xhevat Kelmendi (kantautor), i cili mes tjerash ishte edhe kritiku më i madh në këtë fushë, derisa ai flet edhe për jetën e tij në fëmijëri, studimet në fushën e muzikës, punën e tij të parë, puna si një profesor dhe sukseset e jashtëzakonshme që ka arritur.

KultPlus: Memli, ju jeni një dirigjent i suksesshëm, i pëlqyer nga publiku dhe keni fituar çmime të shumta, a do të thotë kjo se edhe në kohën e fëmijerisë jeni shquar për muzikë?

Memli Kelmendi: Muzikën e kam trashëgim nga babai im, Xhevat Kelmendi (kantautor). Me muzikë jam rritur, babai im ka qenë çdoherë kritikuesi më i madh (në kuptimin pozitiv). Daja im i ndjerë, Refik Çakolli ka qenë këngëtar poashtu. Si fëmijë kam qenë pjesëmarrës në festivale të ndryshme, kjo ka bërë që unë të vazhdoj pikërisht muzikën. Dashuria për muzikën lindi që nga fëmijëria.

KultPlus: Cili mendoni se ka qenë momenti kyç kur ju keni filluar që të merreni me muzikë dhe realisht edhe ta studioni si lemi?

Memli Kelmendi: Siç e potencova më lartë, unë që në fëmijëri jam rritur nën ndikimin e muzikës së së bukur shqipe, serenatave korçare, këngëve arbëreshe, muzikës së lehtë. Muzikën klasike e kam pelqyer dhe kjo është dëgjuar në shtëpinë tonë, ndonëse në familjen time askush nuk ka studiuar për muzikën klasike. Regjistrova fakultetin e muzikës dhe muzika gjithnjë e më shumë bëhej pjesë e jetës.

KultPlus: A janë sfiduese studimet në fushën e muzikës?

Memli Kelmendi:  Mendoj që po, veçanërisht këtu në vendin tonë. Kur isha student mendoja krejtësisht ndryshe, sot sigurisht që mendoj edhe më ndryshe. Ndoshta përvoja e ka bërë të veten apo kontakti me njerëz të fushës profesionale. Unë shpesh bisedoj me nxënësit apo me studentët për tema të tilla dhe të ndryshme të cilat lidhen me sfidat studimore. Pavarësisht jetës studentore, ne duhet të kërkojmë rrugë, rrugë të cilat na shpien drejt suksesit. Ato janë të shumëta!

KultPlus: Kur keni diplomuar, në atë kohë Kosova ishte e re si shtet dhe realisht mundësitë që të kyceshit në punë ishin më ndryshe. Kur dhe ku keni filluar punën tuaj të parë?

Memli Kelmendi: Pasi përfundova fakultetin, unë u punësova në Shkollën e mesme të muzikës “Halit Kasapolli” (2010) në Pejë. Në fillim ligjërova lëndët Teknologji muzikore dhe Lexim partiturave pastaj më vonë më është dhënë këndimi koral. Natyrisht që 12 vite më parë kishte më pak të diplomuar prandaj mundësia e punësimit ishte më afër.

KultPlus: Ka vite që tanimë po udhëhiqni korin “Siparantum”, por si ka qenë karriera juaj përpara këtij kori, çfarë keni bërë në profesion konkretisht?

Memli Kelmendi: Kori i shkollës së mesme të muzikës “Halit Kasapolli” ka luajtur një rol kyç në zhvillimin e muzikës korale në Pejë. Janë mbajtur 7 edicione të muzikës korale, koncerte me vepra stilistike të periudhave të ndryshme, që nga renesanca deri tek muzika bashkëkohore. Çdo herë kam qenë insistues në përzgjedhjen e repertorit, stileve të ndryshme të repertorit koral botëror. Në vitin 2014 u nis një iniciativë vulletare në formimin e korit “Peja” (2014) , një frymë e re artistike për qytetin e Pejës. Me përkrahjen e Qendres Rinore “Atë Lorenc Mazreku” dhe Drejtorisë për Kulturë, Rini dhe Sport, menjëherë kori bëri lëvizjen e parë duke prekuar “Basilica di San Marco” Venecia, që ndryshe njihet si Pasuria e Njerëzimit, pastaj një koncert tjetër në “Mestre” dhe “San Lio” në Venezia. Në vitin 2017, u formua Kori Siparantum, gjithnjë duke u bazar në formë vullnetare me ide të promovimit të kulturës dhe muzikës korale shqiptare në vende të ndryshme të botës. Ide e cila rezultoi me shumë sukses.

KultPlus: A mund të na tregoni ndonjë rast vështirësie ose veçantie qe lidhet me punen tuaj si dirigjent? Njerëzit që merren me muzikë në Kosove kryesisht përballen me situata të vështira, a ju ka ndodhur juve që të përballeni me ndonjë situatë të veshtire ose diçka të ngjashme?

Memli Kelmendi: Hmmm, vështirëssitë janë të ndryshme, të natyrave të ndryshme. Profesioni i dirigjentit në vendin tonë është vërtetë i vështirë. Kërkon punë, sakrificë dhe sigurisht që është sfiduese. Kushtet dhe rrethanat që ne rrethohemi si shoqëri, sigurisht që është vështirë. Nganjëherë është më vështirë të dëpërtosh këtu (në Kosovë) se kudo tjetër në botë. Puna është se ne jetojmë të rrethuar me gjëra të vogla ndërsa bota është vërtetë e madhe. Sigurisht që ballafaqohem me sfida të ndryshme. Fokusi im/ynë është që duke e ditur që ky profesion kërkon përkushtim dhe sfidë, ne duhet punuar maksimalisht pavarësisht problemeve të cilat mund të paraqiten gjatë rrugëtimit me qëllim të promovimit, zhvillimit të kulturës sonë në vende të ndryshme të Evropës. E përmenda më lartë, jeta e artistit në Kosovë është vërtetë e vështirë. Duhet punuar disa punë, disa projekte për të bërë një jetë solide. Mbi të gjitha rëndësi ka që shpirtësisht jeta e artistit është e pasur, me ide për të sjell dicka të bukur për shoqërinë tonë.

KultPlus: Ju keni arritur që të fitoni shumë çmime nëpër festivale të ndryshme nëpër Evropë dhe jo vetëm, a keni menduar se do ta arrini gjithe këtë sukses ndonjë ditë?

Memli Kelmendi: Me punë, sakrificë dhe përkushtim arrihet çdo gjë. Unë besoja në suksesin, puna sjell sukses. Nuk do të besoja që brenda një periudhe kaq të shkurtër do të prekim suksese të tilla sepse problemet me të cilat rrethohemi shpeshherë vështirësojnë rrugëtimin e suksesit, që nga procesi i vizave deri tek gjëra të tjera. Ky rrugëtim nuk ka qenë aspak i lehtë. Kemi punuar vërtetë shumë, shumë, shumë! Pjesëmarrja e korit në festivale të ndryshme ka ndikuar vërtetë shumë (për të mirë), kemi mësuar shumë nga kjo përvojë përgjatë këtyre viteve, megjithatë ne ende jemi të rinj.

KultPlus: Kori “Siparantum”, po vazhdon që t’i sjell Kosovës çmime të ndryshme, a keni marrë mbështetje të mjaftueshme nga Qeveritë e Kosovës ndër vite?

Memli Kelmendi: Do të thoja që tani është më mirë se herave të tjera. Qasja ndaj korit është shumë më mirë, njerëzit kanë kuptuar rëndësinë e punës që ne bëjmë, në formë vullnetare. Kori Siparantum tashmë ka hyrë në rrjetin e koreve evropiane, botërore. Për të realizuar një projekt jashtë vendit, duke marrë parasysh që në korin tonë janë mbi 45 persona, atëherë vërtetë kjo kërkon fonde të mëdha. Falë përkrahjes institutionale dhe duke mos harruar sponzorëve dhe artdashësve, ne po arrijmë që ëndërrat tona t’i bëjmë realitet.

KultPlus: Cili është çmimi më i madh që e keni fituar të cilin ju e veçoni dhe nuk do ta harroni asnjëherë?

Memli Kelmendi: Ndonëse ne kemi dal të paret me pikët maksimale në festivalin “Zlatna Lipa Tuhlja” në Kroaci në mesin e 16 koreve pjesëmarrëse, së fundi në Europian Festival for Young People – EMJ në Neerpelt ne kemi fituar Kategoritë (vendin e parë) G dhe F (kategoria më e vështirë), për neve çmimi më emocional dhe më i rëndësishëm mbetet fitorja në kategorinë “Musica Contemporanea” në WORLD CHOIR GAMES 2021. Sigurisht, vet pjesëmarrja qe një rezultat i madh për ne, muzikën korale dhe shtetin tonë. Ishim tejet të lumtur që për herë të parë në historinë e muzikës korale ne arritëm të vendosim shtetin tonë përbrenda garës më të madhe korale në botë. Të gjithë e donim suksesin, kjo vërehej në fytyrën e secilit anëtarë të korit. Ne donim që vendit tonë t’i sjellim fitore, kështu ndodhi. Jam tejet i lumtur që puna jonë është vlerësuar shumë nga kritikë të shumtë të muzikës që ishin nga mbarë bota, kjo tregonte rëndësinë e punës që ne po bëjmë. Kemi punuar gjatë, e në fund ezultuam me suksese. Ne kemi hyrë në Top 1000 best choirs of the world të INTERKULTUR dhe akutalisht ne renditemi në pozitën 460. Vërtetë ky është një sukses tepër i madh për vendin tonë! Duhet cekur poashtu rëndësinë e pjesëmarrjes së Korit Siparantum muajin e kaluar në sallën më të njohur me akustikën më të mirë në botë, Berlin Philharmonie e cila konsiderohet ëndërr e çdo artisti. Jemi tejet të lumtur që arritëm të prekim njëren prej skenave më të rëndësishme të muzikës, skenë në të cilën kanë kalaur artistët më të mëdhenj botërorë.

KultPlus: Në korin “Siparantum” ka anëtarë të shumtë dhe performancat e juaja gjithnjë sjellin dicka të re, e energji të madhe te publiku, sa është e veshtirë që të punosh me shumë njerëz dhe si e vlerëson suksesin e këtij kori?

Memli Kelmendi: Me formimin e korit Siparantum, ideja ishte që të bëjmë diçka më ndryshe, diçka që do të ngacmonte audiencën. Kjo ka funksionuar. Kori tashmë identifikohet me levizje koreografike, gjëra të papritura të cilat ndodhin gjatë përformancës. Muzika në fakt duhe të prek emocionin, nese këtë e arrijmë të bëjmë përmes tingullit atëherë mendoj që kemi arritur sukses. Programi ynë është laramani stilesh të ndryshme, ne duam që të gjithë të marrin dicka nga paraqitja jonë. Kështu në këtë formë ne aplikojmë edhe kur jemi në festivale garuese, ne tashmë kemi ndërtuar stilin tonë. Për korin kjo pjesë është vërtetë e lodhshme sepse fokusi nuk është vetëm vokali, por koristët këtë e bëjnë me shumë dashuri.

KultPlus: Tutje, përpos punës suaj si një dirigjent, ju jeni edhe profesor në universitetin AAB, si është të edukosh kolegët e tu të ardhshëm?

Memli Kelmendi: Ne u referohemi literaturave, hulumtimeve të ndryshme por gjithnjë ne diskutojmë dhe analizojmë edhe përvojat tona këtu. Puna me studentë është vërtetë impresionuese. Për mua është një përgjegjësi sepse profesioni i të qenurit dirigjent është vërtetë dicka komplekse, prandaj unë cdoherë mundohem maksimalisht që të bazohem në praktika të ndryshme me qëllim që studentët të përfitojnë prej këndvështirmeve të ndryshme. Sot kemi vërtetë gjenerata të mira, por ajo që unë insistoj është që atyre të ju japim shpresë dhe t’u tregojmë që sukseset kulminante mund të prekën edhe nga këtu, vetëm duhet punë!

KultPlus: A mendon se shkollat e muzikës po sjellin kuadro mjaftueshëm të kualifikuar në Kosovë?

Memli Kelmendi: Unë mendoj që shkollat e muzikës duhet të punojnë më shumë në zhvillimin e muzikës korale dhe vecanërisht krijimin e orkestrave dhe kuadrove të reja të cilat janë në nevojë. Çdo qytet potencialisht do të duhej të ketë një orkestër, asnjëherë nuk është vonë. Unë e di që në shkollat e muzikës punohet maksimalisht por mendoj që fokus kryesor do të ishte zhvillimi i kuadrove në nevojë, drejtime të reja të cilat janë në mungesë në vendin, e qytetin tonë.

KultPlus: Në fund, por jo nga rëndësia, cilat janë planet e tua të ardhshme që mund t’i ndash me lexuesit e KultPlus, çfarëdo qoftë edhe nga koncertet e radhes apo edhe karriera jote?

Memli Kelmendi: Me datën 18 qershor në Pejë ne kemi koncertin që shenon 5 vjetorin e themelimit të Korit Siparantum. Jemi duke punuar shumë dhe gjatë për këtë koncert. Pastaj, në fillim të muajit të ardhshem do të jemi në Prishtinë, në fillim të muajit korrik.

Dirigjentët janë profesionistë që nuk lavdërohen kurrë siç duhet për punën që bëjnë. Në hap me muzikantët, dirigjentët jo vetëm veprojnë si udhërrëfyes, por edhe zgjedhin punën që bëjnë këta të fundit. Lajmet si “Kori Siparantum nga Kosova merr çmimin e parë/kryesor” në festivale të ndryshme prej kohësh tradicionalisht janë bërë të pranishme muaj pas muaji e festival pas festivali nëpër portalet e vendit, e gjithë kjo falë punës dhe suksesit të madh që ky kor ka arritur dhe po arrin ndër vite. Në anën tjetër, promovimi i vlerave kulturore të Kosovës në skenat më të mëdha botërore, mbetet misioni kryesor i tyre. /KultPlus.com

Dirigjenti Kelmendi prezanton kompozimin ‘Me nji lule’: Jam shumë i lumtur që ia sollëm dy çmimet e para vendit tim, Kosovës

Kori Siparantum po merr pjesë në festivalin evropian, “European Music Festival for Young People” dhe së fundmi dirigjenti Memli Kelmendi ka ndarë disa momente fantastike nga ky rrugëtim, përjcell KultPlus.

“Gjatë qëndrimit tim në Neerpelt me ftesë të festivalit EMJ mbajta punëtorinë me temë “Muzika korale e Kosovës”, në fokus ishte prezantimi i kompozimit “Me nji lule” i cili u kompozua posaçërisht për festivalin EMJ në kuadër të projektit WeBeUni Ted”, ka shkruar Kelmendi në rrjetet sociale.

Në këtë punëtori morën pjesë mbi 170 anëtarë të korit; Stelute cors, Rumani; Siparantum Choir, Kosovë; Jeugdkoor Villanella, Belgjikë; Zërat Mashkullorë të Korit të Djemve Lucern, Zvicër dhe Jeugdkoor Waelrant, Belgjikë.

“U jam shumë mirënjohës dirigjentëve të këtyre koreve që punuan kompozimin tim “Me një lule” në gjuhën shqipe. Jam mahnitur nga puna, perkushtimi i koristereve dhe jam shume i lumtur qe kjo u realizua ne “Happening Concert”, moment dhe eksperience qe nuk do ta harroj kurre”, ka thënë ai.

Më poshtë ua sjellim postimin e tij të plotë:

Momente fantastike nga Festivali @TAG. Jam vërtet i lumtur dhe i befasuar me mikpritjen e festivalit që më është bërë mua dhe gjithë Korit Siparantum.
Gjatë qëndrimit tim në Neerpelt me ftesë të festivalit EMJ mbajta punëtorinë me temë “Muzika korale e Kosovës”, në fokus ishte prezantimi i kompozimit “Me nji lule” i cili u kompozua posaçërisht për festivalin EMJ në kuadër të projektit WeBeUni Ted.
Në këtë punëtori morën pjesë mbi 170 anëtarë të korit; Stelute cors, Rumani; Siparantum Choir, Kosovë; Jeugdkoor Villanella, Belgjikë; Zërat Mashkullorë të Korit të Djemve Lucern, Zvicër dhe Jeugdkoor Waelrant, Belgjikë. U jam shumë mirënjohës dirigjentëve të këtyre koreve që punuan kompozimin tim “Me një lule” në gjuhën shqipe. Jam mahnitur nga puna, perkushtimi i koristereve dhe jam shume i lumtur qe kjo u realizua ne “Happening Concert”, moment dhe eksperience qe nuk do ta harroj kurre.
Anetaret e Siparantum Choir ishin pjese e Workshop-it “singing backing vocals of popsongs”, realizuar nga @TAG, nje mundesi fantastike per koret tona per te punuar me nje njeri brilant si Jo. Gjithashtu, koret tona ishin pjese e seminarit te koleksionit tim ague @TAG.
600 vullnetarë! – Po 600! I magjepsur nga vullneti, përkushtimi i çdo personi që takova gjatë ditëve në festival. Një qytet i tërë i organizuar për këtë festival. Kjo tregon traditën 70 vjeçare të festivalit.
Jam shumë i lumtur që ia sollëm dy çmimet e para vendit tim Kosovës. Puna që po bëjmë si shoqëri po vlerësohet kudo. Kjo tregon se jemi të barabartë me shtetet tjera që kanë traditë shekullore të muzikës korale. Puna, përkushtimi dhe përkushtimi që i bëjmë vendit tonë sjellin rezultate të tilla. Kemi marrë çmimin e parë në kategorinë G dhe çmimin e parë në kategorinë F. Kategoria F (Kategoria Pennant), ishte kategoria më e vështirë sepse në këtë kategori ishte përbërja e detyruar “Laudes Paschales” e kompozitorit Kristian Van Ingelgem. Jemi vërtet të lumtur që patëm rastin të takojmë kompozitorin Kristian Van Ingelgem, Maarten Van Ingelgem dhe jemi shumë me fat që Siparantum Choir këndoi këtë Premierë Botërore, i cili vlerësoi lartë performancën e korit.
Shumë faleminderit presidentit të festivalit EMJ, Rutger Nuyts
Drejtori artistik Frans Ulens, @TAG, @TAG,Jan Coninx, @TAG, @TAG, @TAG, Naim; Kryetari i Bashkisë Peelt, Frank Smeets dhe i gjithë ekipi i festivalit fantastik. Ketu takova shume miq me te cilet jemi takuar edhe me pare ne shume festivale te ndryshme europiane, takova shume miq te rinj, dirigjente dhe shume kore qe moren pjese ne kete festival. Festivalet kryesore japin mundësi të tilla!
Këtu u ndjeva si në shtëpi. Në koncertin përmbyllës “Laureaten Concert” kori ynë u zgjodh nga Juria për të qenë pjesë e programit përmbyllës. Juria zgjodhi veprën “Pax” e cila mbetet një nga vlerësimet më të larta në festivalin, “Laudes Paschales” dhe “Nyon”. Sa do të doja të kishim një video nga performanca e fundit kur ftova për të realizuar pjesën e fundit anëtarin e jurisë, mikun tim, @TAG. Një surprizë e bukur që askush nuk e dinte. Ishte momenti me i bukur i festivalit :)))
Të gjithë jemi të impresionuar dhe mirënjohës.
Do të takohemi përsëri. / KultPlus.com

MKRS-ja krenohet me arritjet e korit “Siparantum”

Kori “Siparantum” është vlerësuar me dy çmime të para në Festivalin Evropian të Muzikës në Belgjikë, shkruan KultPlus.

Për këtë sukses ka shkruar edhe Ministria e Kulturës, Rinisë dhe Sportit, të cilët u krenuan me arritjet e korit.

Postimi i plotë:

“Kori “Siparantum” me dy çmime të para në Belgjikë Kori “Siparantum” po promovojnë vlerat kulturore të vendit tonë në skenat më të mëdha botërore. Kësaj radhe ata morën dy çmime të para në Festivalin Evropian të Muzikës në Belgjikë.Vitin e kaluar kori i udhëhequr nga dirigjenti Memli Kelmendi mori vendin e parë në festivalin dhe garën më të madhe korale në botë, “World Choir Games”.Krenari dhe nder të shohim vlerësime dhe suksese të tilla”, thuhet në njofitmin e MKRS-së. /KultPlus.com

Kori ‘Siparantum’ fiton vendin e parë edhe në Kategorinë F në Festivalin Evropian për të rinjtë

Kori Siparantum po merr pjesë në festivalit evropian, “European Music Festival for Young People”,shkruan KultPlus.

Dje ky kor fitoi çmimin e parë në Kategorinë G nërkaq sot, ‘Siparantum’ fitoi vendin e parë edhe në kategorinë F.

Lajmin e ka bërë të ditur vetë dirigjenti Memli Kelmendi përmes një postimi në Facebook.

“Sapo fituam vendin e 1-rë në kategorinë F (Kategoria Pennant). Kështu për dy ditë morëm dy çmime, dy vendet e para në Festivalin Evropian për të rinjtë. Kori Siparantum është zgjedhur për të performuar sonte në “Laurente Concert” – Con Bravura”, ka shkruar Kelmendi./ KultPlus.com

Kori ‘Siparantum’ fiton çmimin e parë në kategorinë G në “European Music Festival for Young”, nesër garon në kategorinë F

Kori Siparantum po merr pjesë në festivalit evropian, “European Music Festival for Young People”,shkruan KultPlus.

Ky kor ka fituar çmimin e parë në Kategorinë G, ndërkaq nesër do të garojnë edhe në Kategorinë F.

Kombinimi i angazhimit social dhe krijimit të muzikës së bashku e bën Festivalin Evropian të Muzikës për të Rinjtë një ngjarje unike në Evropë! Neerpelt tashmë po përgatitet për edicionin e 70-të të festës më të madhe të muzikës në Evropë.

Në këtë edicion do të marrin pjesë 50 kore nga 11 vende që vijnë nga e gjithë bota.

Siparantum do të garon në dy kategori. Repertori i korit përmban vepra stilistike të periudhave të ndryshme që nga Renesanca, muzika shqiptare deri tek muzika bashkëkohore. Kënga e vjetër fllamane “’Ik seg adieu” (1544), vepër e obligueshme në festival do të paraqitet me një version ndryshe e cila është përpunuar enkas për këtë konkurs, nga kompozitori dhe dirigjenti i korit Memli Kelmendi./KultPlus.com