Kuvendi kërkon që lënda e edukimit seksual të përfshihet në shkolla

Nëntëmbëdhjetë rekomandime i kanë listuar partitë politike për parandalimin dhe dënimin e abuzimeve seksuale të të miturve.

Njëra pre tyre parasheh që Ministria e Arsimit, Shkencës dhe Teknologjisë, në kuadër të kurrikulës ekzistuese për shkollat e mesme të ulëta dhe të larta, të përfshijë një lëndë zgjedhore për edukimin seksual, shkruan sot “Koha Ditore”.

Po ashtu, i kërkohet Qeverisë që me rishikimin e buxhetit për vitin 2019, të sigurojë një numër fillestar të psikologëve dhe pedagogëve nëpër shkolla.

Hartimi i rekomandimeve ka pasuar pas debatit rreth keqpërdorimit seksual të një të miture në Drenas, i cili u zhvillua muaj më parë, gjatë një seance plenare të jashtëzakonshme. Tani rekomandimet pritet të hidhen në votim dhe të miratohen në seancën e radhës, në momentin që do të caktohet nga Kryesia e Kuvendit.

1 minutë heshtje nё kuvend pёr albanologun Robert Elsie

Kuvendi i Republikës sё Shqipёrisё, nisi sot me 1 minutё heshtje nё nderim tё albanologut me origjinё kanadeze Rober Elsie, shkruan KultPlus.

Elsie, ishte studiues i gjuhës dhe kulturës shqiptare, përhapësi i pashoq i veprave të saj, prezantuesi i historisë së dokumentuar të popullit shqiptar, përkthyesi i letërsisë shqipe në gjuhët angleze dhe gjermane si dhe miku i madh të botës shqiptare. Ai u nda nga jeta pak ditё mё herët nё Berlin, Gjermani pas njё sёmundje tё rёndё, ndërsa ende po vazhdojnë mbledhjet përkujtimore e ekspozita tё ndryshme nё kujtim tё tij./ KultPlus.com