Përkrenaret e Skënderbeut, Orges Kokoshari i dizenjoi në SHBA

Orgesi ka 18 vjet që jeton në New York, por largimi nga Shqipëria nuk e ka shkëputur nga vendlindja e tij. Përkundrazi, prej 3 vitesh ai ka studiuar imtësisht figurën e Skënderbeut. Ka shkuar posaçërisht për të në muzeun e Vjenës.

“Thjesht në mënyrë natyrale ndjek instinktin, dhe dashurinë time për të përhapur sa më shumë historinë e Shqipërisë, në mënyrën që unë kam mundësi ta bëj”, tha Orges Kokoshari.

Studimi i vleu për të prodhuar përkrenaren e Skënderbeut. 1000 të tilla, për të provuar fillimisht interesin e shqiptarëve dhe të huajve. Orgesi na tregon se ka qenë bashkëshortja e tij shtysa për ta përfunduar këtë projekt në kohë për Vitin e Skënderbeut.

“Sarah është kanadeze, por shumë e apasionuar pas historisë së Shqipërisë, duke më parë dhe mua për punën që po bëj. Madje kutinë e ambalazhimit e kam bërë vetë dhe ka qenë gjithmonë një mbështetje kur unë kam menduar se ndoshta mund ta lemë për më vonë”.

Puna me artet vizuale, ja ka lehtësuar procesin e dizenjimit të helmetave, 42 vjeçarit.

“Të gjitha detajet janë të bashkuara siç është helmeta origjinale. Mbishkrimet që ka helmeta sipër janë në latinisht, këtu të përkthyera. Helmeta e Skënderbeut kushton 299 dollarë, dhe është prodhuar në plastikë që të ishte sa më e lehtë”, u shpreh Kokoshari.

“Këtu kemi dhe simbolin e dhisë, një element shumë kryesor që nga antikiteti që ka pasuar historinë tonë. Kemi po të njëjtin simbol, që përsëritet që nga koha Ilire me Aleksandrin e Madh, Pirron dhe po Skënderbeun./KultPlus.com

Përkrenarja e Skënderbeut në konferencën ndërkombëtare në New York (FOTO)

Sot në New York, u mbajt konferenca e Akademisë Shqiptaro-Amerikane të Arteve dhe Shkencave, për nderë të figurës së heroit kombëtar shqiptar Gjergj Kastrioti Skënderbeu, shkruan KultPlus.

Në këtë konferencë përpos të tjera u ndanë edhe certifikata nderi për ata që kontribuuan në bashkësinë shqiptare. Një nga këto certifikata iu nda edhe artisti Orges Kokosharit, themeluesit të brendit të aksesorëve “Gheg & Tosk” në New York.

Kësisoj, Kokoshari, në këtë konferencë takoi edhe pasardhësin e familjes Muzaka që aktualisht jetojnë në Teksas të SHBA-së. Me këtë rast, sipas njoftimi të vetë Kokosharit, në rrjetin social Facebook, ai ia dhuroi një nga helmetat e Skënderbeut familjes Muzaka në njohjen e trashëgimisë së tyre.

Po sjellim të plotë postimin e Orges Kokosharit:

“Sot në konferencën e Akademisë Shqiptaro – Amerikane të Arteve dhe Shkencave për nder të figurës së Skënderbeut. Kam pasur nderin të takoj personalisht pasardhësit e familjes Muzaka që aktualisht jetojnë në Teksas të SHBA. Një nga helmetat e mia Skënderbej iu dha familjes në njohjen e trashëgimisë së tyre. Faleminderit akademisë për certifikatën e nderit për mua dhe Sarah për kontributin tonë në bashkësinë shqiptare, SHBA”, ka shkruar ai./ KultPlus.com

Aksesorë me motive nga kultura trashëgimia shqiptare, unazë edhe me Skënderbeun (FOTO)

Gheg & Tosk boutique përfshinë bizhuteri origjinale të frymëzuara nga kultura dhe trashëgimia shqiptare, shkruan KultPlus.

Këto bizhuteri janë të punuara në formë esenciale të periudhës historike që i përkasin, pa diamante apo gurë të çmuar, por me materiale që i përshtaten kësaj periudhe si argjend, flori 14k , 18k ari, platin…, pat thënë nënjë intervistë më të hershme për KultPlus, Orges Kokoshari, themelues i brendit Gheg & Tosk.

“Gheg & Tosk” në Neë York ka lansuar shumë aksesorë me motive nga kultura dhe trashëgimia shqiptare, duke përfshirë edhe unazë me përkrenaren e Skënderbeut, helmetën ilire, unazë me shqiponjë dhe shumë aksesorë të tjerë, të cilat edhe shiten online./KultPlus.com

Orges Kokoshari: Me veshjen e Skënderbeut do të paraqitem në paradën shqiptare në New York

Orges Kokoshari, themelues i brendit të aksesorëve “Gheg & Tosk” në New York ka lansuar shumë aksesorë me motive nga kultura dhe trashëgimia shqiptare, duke përfshirë edhe unazë me përkrenaren e Skënderbeut, helmetën ilire, unazë me shqiponjë dhe shumë aksesorë të tjerë, të cilat edhe shiten online. Në një intervistë për KultPlus ai ka treguar edhe për përgatitjet e reja, sipas të cilit, më 17 qershor , në paradën shqiptare në New York, brendi Gheg & Tosk do të prezantohet me Skënderbeun dhe Donikën.

Ardianë Pajaziti

KultPlus: Ju jeni themelues i brendit “Gheg & Tosk”, në New York, nëpërmjet të cilit i ofroni tregut aksesorë me elemente shqiptare, kur e keni hapur këtë brend dhe si ju lindi ideja të bëni këto aksesorë me motive shqiptare?
Orges Kokoshari: Gheg & Tosk filloi në vitin 2016, si një mundësi për promovimin gjithëpërfshirës të elementeve më të spikatura të popullit shqiptarë. Siç mund të kuptoni, brendi Gheg & Tosk përmban në vete hapësirën shqiptare në Ballkan, që përfshinë gjitha trojet shqiptare pa kufij, pa ndarjet që na janë imponuar përherë nga të tjerët. Qëllimi i Gheg & Tosk është paraqitja sa me artistike dhe dinjitoze e elementeve historike dhe kulturore që na bashkojnë dhe që duhet të krenohemi me to si popull. Niveli artistik është prioritet kryesor që unë personalisht jam i angazhuar. Besoj se çdo kush që ka mundësinë për të përfaqësuar sa me bukur dhe denjësisht kombin e tij, duhet të bëj diçka në këtë drejtim.

 

KultPlus: Me çfarë materiale punohen këto aksesorë?
Orges Kokoshari: Gheg & Tosk boutique përfshinë bizhuteri origjinale të frymëzuara nga kultura dhe trashëgimia shqiptare. Këto bizhuteri janë të punuara në formë esenciale të periudhës historike që i përkasin, pa diamante apo gurë të çmuar, por me materiale qw i përshtaten kësaj periudhe si argjend, flori 14k , 18k ari, platin…

 

KultPlus: A keni menduar që të krijoni edhe aksesorë me motive të tjera shqiptare, nëse po, çfarë prurje do të ketë?
Orges Kokoshari: Së shpejti do sjellim për publikun Helmetën e Skënderbeut. Të cilin , çdo shqiptar mund ta gëzoj në ambiente festive të ndryshme. Poashtu, më 17 qershor kemi paradën shqiptare në New York, për nderë të arbëreshëve dhe Gheg & Tosk do të paraqitet me Skënderbeun dhe Doniken. Unë do të paraqitem me veshjen e Skënderbeut, kurse gruaja ime do të paraqitet si Donika, e cila do të ketë kurorë bizantine të punuar posaçërisht për këtë paradë. Në bashkëpunim me Albanian Roots in NY, komuniteti shqiptarë këtu është bërë një mundësi e rritjes së bashkëpunimit të shqiptarëve të diasporës.

 

KultPlus: Dhe për fund, pas kësaj parade, a ka ndonjë projekt tjetër që është menduar që të lansohet brenda këtij viti?
Orges Kokoshari:
Jemi në përgatitje edhe të projekteve të tjera, por për momentin nuk mund të flas më shumë për shkak se nuk është momenti i duhur. Në anën tjetër, unë jam artist i efekteve vizuale në New York dhe shoh mundësi reale për një film të shkurtër apo të gjatë për Skënderbeun, si krye hero i ynë, që të arrihet deri në shkallën hollivudiane. Talentet i kemi, na duhet vullnet i përbashkët që të arrijmë dhe një gjë të tillë. Pasi, atë çka nuk e bën politika mund të arrihet me art. Bota duhet të njohë thelbin the historinë e popullit tonë, pasi shume heronj na janë marrë nga shtetet fqinje, sidomos Greqia./KultPlus.com

www.gheg-tosk.com/