Albumi i Raif Hysenit nominohet për çmimin “CD of the Year” në New York

Albumi i këngëtarit shqiptar Raif Hyseni është nominuar për çmimin “CD of the Year” nga “Accordion Stars Magazine” në New York. Këngëtari shqiptar prej vitesh jeton në Shtetet e Bashkuara të Amerikës dhe vitin që lam pas vendosi që investimin e tij në muzikë për vite ta investojë një album, si një trashëgimi e vlerave etnomuzikore dhe bashkëpunimeve të shumta ndër vite.

Lajmi për nominimin e albumit të Hysenit është bërë i ditur nga Anna Cordoba, kryeredaktore e Revistës. Bordi Redaktues dhe shkrimtarët e revistës “Accordion Stars” kanë përzgjedhur disa personalitete të fizarmonikës për vitin 2021, ndër to edhe bashkëshortin e këngëtares së njohur të muzikës popullore shqiptare, Merita Halili, Raif Hysenin.

CD-album i Raif Hysenit u publikua në dhjetor të vitit 2020. Në album marrin pjesë 28 muzikantë. Muzikantët janë shqiptarë nga Shqipëria, Kosova dhe Maqedonia. Por gjithashtu marrin pjesë edhe muzikantë amerikan nga Nju Jorku, Nju Xhersi, Konektikat, Illionis, Miçigen, Nju Meksiko, Arizona, Finladez e Turq. / Diaspora Shqiptare / KultPlus.com

“Oda Quartet” vjen me një album shumëngjyrësh, një mozaik i bukur mes tingujsh

Sukseset jo çdo herë kanë një planifikim paraprak, e sidomos nga ato që bashkojnë 4 bota diversive të cilat gërshetohen në një melodi unike dhe frymojnë në një rrymë të veçantë. E tillë është edhe historia e formacionit ‘Oda Quartet’, të cilët fillimisht kanë dëshmuar talentin individual e pastaj edhe atë të përbashkët, shkruan KultPlus.

Ideja për të formuar një ‘quartet’, ju erdhi shumë spontanisht sepse artistët kishte kohë që njiheshin mes vete e bashkëpunonin në raste të ndryshme.

“Me Gjilberta Lucaj Cohen, e cila njëkohësisht është violonçelistja e ‘Quartetit’, kemi bashkëpunuar tashmë prej 7 vitesh, me Yasuhiko Fukuoka i cili është pianisti, kompozitori dhe aranzhuesi i këngëve të ‘Quartetit’, kemi bashkëpunuar tanimë prej 5 vitesh dhe me Joana Kaimi, e njohur si violinistja e ‘Quartetit’, kemi bashkëpunuar tashmë prej 2 vitesh sepse Kaimi ishte në Amerikë”, fillon kështu rrëfimin e tij, solisti Ergin Oda në intervistën e dhënë për KultPlus.

Këta solistë tërhoqën vëmendjen e madhe të publikut me nismën ‘koncerti vendi im’, duke promovuar kështu kulturën dhe muzikën shqipe në New York. E duke pasur parasysh nevojën e madhe të një rryme të veçantë të cilën nuk e kemi dëgjuar më parë, grupi ‘Oda Quartet’, lansoi ditën e djeshme edhe këngën ‘Volver’.

“Koncerti ‘Vendi im’, i realizuar në vitin 2018 la një jehonë të madhe sidomos në vitin e fundit për shkak të pandemisë. Ky koncert i cili erdhi pa publik, një koncert i detajuar deri në përpikëri me një sallë, ndriçim dhe kast të shkëlqyer, u prezantua si promovim i një vule të kulturës shqiptare, jo vetëm në New York por edhe në botë. Mesazhet e shumta nga Stambolli, Franca, Italia, Australia, Shqipëria, Kosova dhe gjithandej, na targëtuan neve si një kuartet të spikatur prandaj vendosëm që të rikthehemi me një ‘singel’ si ‘Volver’ dhe një album i cili do të lansohet më 20 prill”, shpalos Oda.

Zgjedhja e një kënge dhe shpalosja e një kuptimi të fshehur pas saj, gjithmonë ka qenë një sfidë për artistët, ku edhe vetë Oda potencoi se nuk ishte e thjeshtë duke pasur para vetës një gamë të tërë këngësh të bukura e që të zgjedhësh një këngë që t’i paraprijë albumit e që të jetë pothuajse si një himn apo një kompozim muzikor, kënga e lansuar mbrëmë ishte një rikthim i shumëpritur për publikun.

“Volver si ‘singel’ i parë në gjuhën spanjolle i bie ‘të rikthehesh’. Duke marrë parasysh se koncerti ‘Vendi im’, pati vëmendje të veçantë, ne vendosëm që të sjellim ‘Vovler’ sepse i bie që t’i rikthehemi publikut prapë, e këtë herë t’i japim më shumë. Pra, kënga ‘Vovler’ është një tango klasike, e realizuar rreth viteve 50-të nga kompozitori Carlos që është nga Argjentina, një emër i spikatur i muzikës botërore, me një videoklip i cili po ashtu është shumë i veçantë, me balerinën mysafire Akreoma Saliu nga Tirana që solli një numër të baletit modern”, tregon Oda.

Tutje ai shpalosi se si erdhi ideja deri tek bashkimi i një grupi me 4 anëtarë, të cilët biseduan gjatë karantinës në pandemi se si ata të shkriheshin në një kuartet të vetëm, duke pasuar në një vendosje zyrtare në muajin dhjetor për daljen e tyre në tregun ndërkombëtarë. “Oda Quartet”, pra është pagëzuar me një emër që pasqyron një thesar të shqiptarëve duke kujtuar se në oda janë thurur qindra këngë të cilat kanë një traditë të madhe pas tyre.

“Tani në New York ekzistojnë shumë kuartete të natyrave të ndryshme ku shumë prej tyre sjellin vetëm muzikë klasike, gjë që është klishe dhe neve donim që të vinim në treg më një ide më inovative, diçka që nuk ekziston këtu ose që ekziston më pak. Neve nuk kemi dëgjuar shumë për klasik-folk, kështu që këtë formacion e kemi sjellë në këtë formë, një kuartet që për ‘background’, ka muzikën klasike dhe prandaj vendosëm që muzikën popullore të popujve, jo vetëm të popullit shqiptar, por edhe atë franceze, italiane, spanjolle e portugeze, ta sjellim në këtë formë, nën petkun e muzikës klasike dhe sigurisht në nuanca moderne”, rrëfeu ai.

Ndërsa për planet dhe rrugëtimin e mëtutjeshëm, i cili jo çdo herë është i lehtë, por që gjithmonë ngërthen në vete një kujtim të bukur, e tregon edhe solisti Oda.

“Me 20 prill lansohet albumi ynë i parë, një EP i një albumi të pa kompletuar me një përmbajtje të muzikës shqiptare me vetëm 2 këngë të kënduara në gjuhën shqipe dhe 2 këngë në gjuhën spanjolle. Pastaj janë 3 vepra solo, nga muzika e filmave shqiptarë, njëra nga Joana në violinë, njëra nga Gjilberta në cello dhe tjetra nga Yasuhiko në piano”, tregon Oda për KultPlus.

E arsyeja se pse ky album është i pa kompletuar është sepse në tetor mendohet që të kompletohet me këngë në frëngjisht, italisht dhe ‘boradway’ sepse për grupin Oda Quartet, natyrisht është një obligim moral dhe artistik sepse vinë nga New York, por që pjesa dërmuese e albumit do të jetë në gjuhën shqipe.

“Një album shumëngjyrësh, shumë gjuhësh, një mozaik i bukur mes tingujsh”, potencon ai.

Në mesin e albumit do të përfshihen edhe këngë shqiptare si kënga ‘Dashuro’, e kënduar dikur nga ikona e madhe Nexhmije Pagarusha, kënga ‘Margjelo’, e realizuar nga kompozitori legjendar Prenk Jakova, e për të cilën grupi pati mjaft pyetje rreth origjinës së saj prandaj edhe ishin të gëzuar se kjo këngë do të jetë pjesë e albumit. Por këto këngë tani do të vinë si pjesë e versionit realizues të studios së albumit EP.

Përzgjedhja e këngës e cila e paraprinë albumin është mjaft e vështirë por aspak e lehtë edhe përzgjedhja e këngëve të tjera ku secila ka një hijeshi më të bukur se tjetra e detaje nga më të ndryshmet.

“Neve kalojmë nëpër një rrëmujë të vërtetë, nëpër një stuhi të vërtetë kur bëhet fjalë për përzgjedhjen e këngëve. Pjesa më e vështirë është shkrirja e këngëve njëra pas tjetrës. Në fund vendosim në këngën më të denjë sepse nuk janë këngë origjinale por albumi i radhës natyrisht që do të ketë origjinalitetin e vet”, pohon Oda.

Për atë se çfarë e dallon një grup nga tjetri, natyrisht janë elementet unike që për secilin muzikantë mban një domethënie të veçantë, kurse për grupin Oda, elementi më i fuqishëm i tyre është shkrirja e të katër talenteve në rryma të tjera dhe këndimi në shumë gjuhë nëpërmjet së cilës ata shkrihen në aksentin origjinal të asaj gjuhe duke bërë kështu që kur këngët të dëgjohen të lënë një përshtypje se janë të kënduara nga një spanjoll apo edhe të tjerë. Por veçantia e tyre shtrihet edhe tek ripërpunimi i këngëve të vjetra të cilat janë nga kombe e gjuhë të ndryshme.

Ndërsa kur flasim për muzikën dhe definicionin e saj, natyrisht që për dikë është mjaft i lehtë definimi i saj, por për të tjerë definimi nuk e përcakton atë se çka me të vërtetë është muzika sepse përjetimi i saj nuk ka vend për limite. Prandaj për solistin Oda, muzika është një univers i tërë, çdo gjë që dëgjojmë përreth është muzikë, edhe qetësia është muzikë. “Gjuha më e bukur universale që na e ka dhënë natyrën si dhuratë”, potencon ai.

Teksa flet tutje për planet e radhës, duke përfshirë këtu edhe koncertet, solisti pohoi se grupi po planifikon një ‘mini tour’, që do të fillojë në Shqipëri, Kosovë dhe Maqedoni por për shkak të pandemisë e cila është e paparashikueshme, një datë konkrete nuk është e caktuar ende. Por është menduar që për këtë vit, në fundin e muajit tetor dhe fillimin e nëntorit të zhvillohen këto 3 koncerte pastaj synohet që të zhvillojnë koncert edhe në qytetin e Stambollit dhe Parisit.

I pyetur se a do të ekzistojnë bashkëpunime me artistë të tjerë, Oda pohon se ka vend për bashkëpunime me artistë profesional në nivelin e tyre dhe që natyrisht kanë lënë gjurmë në karrierën muzikore.

“Por tani për tani, është shumë herët sepse njerëzit duhet të familjarizohen me ‘Oda Quartet’. Ndërsa pas periudhës së këtij albumi dhe zhvillimin e koncerteve do të bisedojmë për një bashkëpunim me një artistë të spikatur prej solisti”, përfundon Oda.

Grupi ‘Oda Quartet’ pas lansimit të këngës ‘Volver’, po planifikon hedhjen e albumit në tregun ndërkombëtarë dhe lansimin e një tjetër videoje muzikore në kanalin YouTube, por për të cilën ende nuk është e vendosur se cila do të jetë ajo. Deri në këtë moment, ju mund t’i shijoni pafund projektet e lansuara deri më tani nga ky formacion unik. / Era Berisha / KultPlus.com

Nga mirëmbajtës tashmë në Oscars, Edon Molla: Takimi me Roberta Flack më ndryshoi jetën

Suada Qorraj

Ndonëse është larguar nga atdheu qysh fëmijë, madje dhe ëndrrat e majat e sukseseve po i realizon dita ditës në tokën e ëndrrave, Edon Molla nuk harron të përmend faktin se krenaria më e madhe është prejardhja e tij, shkruan KultPlus.

“Jam jashtëzakonisht krenar që jam shqiptar, mendoj se është aq e bukur sa kemi kapërcyer kaq shumë dhe njerëzit tanë vazhdojnë të frymëzojnë, duan dhe mbështesin njëri-tjetrin”, fillon kështu tregimin për jetën dhe sukseset e tij Molla.

Kompozitor, këngëtar e producent, të gjitha këto të mbërthyera në karakterin e tij, i hapën rrugë duke mundësuar që zëri e kompozimi i tij të jenë muzika e filmit ‘Mmmmm (Sound of Pain)’, që tashmë është nominuar për çmimet Oscar.

Edon Molla nga New Yorku, ka dhënë një intervistë për KultPlus ku ka rrëfyer emocionin e pas marrjes së këtij lajmi, duke potencuar se ende i duket e pabesueshme.

“Unë ende nuk e besoj që kemi arritur të jemi pjesë e nominimeve Oscar. Të jesh pjesë e një filmi të fuqishëm dhe të tregosh një histori të vërtetë rreth problemeve klimatike e bënë atë që të ndikoj më shumë. Regjisori dhe pjesa tjetër e ekipës së filmit kishin qëllim që të tregojnë një histori që duhej të tregohej dhe unë jam shumë i lumtur që kënga ime e interpretuar dhe kënduar nga unë ka gjetur një përdorim pozitiv”, pohoi Molla.

Tutje ai tregon se Jubair Muhammed, producenti i muzikës së filmit, ishte ai i cili kishte dëgjuar albumin e tij ‘For Merita’, ku dhe ishte lidhur aq fort me tekstin dhe mesazhin e këngës dhe më pas i kishin kërkuar Edonit që të krijonte kolonën zanore për filmin e tyre.

Për Mollën, pjesa më e vështirë e kompozimit të kësaj kënge që tashmë është përdorur si kolonë zanore në filmin ‘Mmmmm (Sound of Pain)’, ishte fakti që duhej të përdorte imagjinatën për të vizualizuar atë që supozohej të ndodhte në film.

“Kam kaluar rreth një javë duke shkruar këngën dhe mendoj se pjesa më e vështirë ishte fakti që nuk e kisha filmin përpara meje në mënyrë që ta shkruaja tekstin. Unë duhej të përdorja imagjinatën time, skenarin dhe imazhet nga filmi për të shkruar një këngë që tregonte historinë që regjisori dëshironte të rrëfente”, tha Edon Molla për KultPlus.

Por, rrugëtimi drejt muzikës i Edonit, nuk fillon këtu dhe nuk është nga historitë e zakonshme sepse në vitet e hershme, ishte basketbolli ai që kishte zënë primatin në jetën e tij. Siç e përshkruan dhe vetë për KultPlus, takimi me Roberta Flack, fituesen e çmimeve Grammy i ndryshoi atij jetën.

“Kam punuar si mirëmbajtës në ‘The Dakota’ në verën e vitit 2015 ndërsa isha në kolegj dhe akoma luaja basketboll në atë kohë, pata mundësinë të këndoja një këngë origjinale për Roberta Flack. Kur më dëgjoi teksa këndoja, asaj i pëlqeu zëri im dhe kërkoi që unë të interpretoja e të shkruaja këngë me të. E dija që muzika ishte profesioni im kur një legjendë si zonja Flack shfrytëzoj kohën e saj të çmuar dhe tërë atë verë e kalova duke krijuar muzikë që do ta kujtoj përgjithmonë”, rrëfeu ai.

Disa vite pas këtij takimi, në Janarin e vitit 2019, Edon Molla publikoi këngën e tij të parë solo, të titulluar ‘Tears’. Molla lansoi albumin e tij të parë ‘Alone’ në vitin 2019, kurse albumi i tij i dytë ‘For Merita’, u lansua në tetor të vitit 2020, emri i të cilit përkon me historinë e një gruaje që lufton me kancerin.

“Albumi im ‘For Merita’ ka arritur mbi tre milion dëgjime nëpër platformat digjitale, dhe unë jam përgjithmonë mirënjohës për njerëzit që lidhen me muzikën time”, vazhdon rrëfimin tutje Molla.

Krejt në fund, Edon Molla ka pohuar se ka dëshirë të bashkëpunoj me artistë dhe producent shqiptarë. Madje ai ka bërë të ditur se tashmë ka një bashkëpunim me një artist shqiptar i cili pritet të publikohet së shpejti, por këngëtari nuk ka shpalosur më shumë detaje.

“Nëse ka ndonjë artist që po e lexon këtë, mos u trembni dhe më drejtohuni drejtpërdrejt në Instagram nëse dëshironi të punoni së bashku”, përfundon kështu intervistën Molla. / KultPlus.com

Nga Koloseu tek ura e Londrës, imazhet e rralla nga një prej fotografëve të parë në histori

Afro 200 imazhe nga një prej fotografëve të parë të historisë, William Henry Fox Talbot, do të dalin në shitje në Nju-Jork muajin e ardhshëm, duke iu ofruar koleksionistëve një vështrim të rrallë në Britaninë e hershme Viktoriane.

Sipas shtëpisë së ankandeve Sotheby, e cila po merret me shitjen, koleksioni është padyshim pjesa më e rëndësishme e fotografive të shekullit të 19-të që kanë dalë në treg.

Imazhet përshkruajnë skena të brendshme dhe të jashtme, që mbulojnë arkitekturën dhe jetën e përditshme në vitet 1840.

Talbot, një shkencëtar dhe shpikës anglez, gjithashtu shkrepi portrete të ndryshme të anëtarëve të familjes dhe miqve, ndërsa eksperimentoi me teknologjinë e tij pioniere të kamerës.

Ofruar në ankand si një pjesë e vetme, koleksioni përfshin mbi 70 fotografi dhe tri albume me imazhe të shtypura. Ai gjithashtu përfshin versione të rralla të botimit të Talbot “Sun Pictures in Scotland” i cili dokumenton udhëtimet e tij nëpër Skoci, si dhe disa pjesë të veprës së tij të famshme “Lapsi i Natyrës”.

Më poshtë gjeni foto galerinë./a2/ KultPlus.com

Mira Konçi dhe Ergin Oda, kauza që bashkoi artistët shqiptarë në New York

Artistja shqiptare Mira Konçi, e cila jeton dhe punon tashmë prej shumë vitesh në Nju-Jork të Shteteve të Bashkuara të Amerikës do të jetë pjesë e koncertit “Vendi im”.

Ky koncert do të zhvillohet më datë 26 shkurt 2021, për nder të Pavarësisë së Republikës së Kosovës. Qëllimi i koncertit është të përcjellë vlerat më të mira të muzikës tonë, ku do të prezantohen dhe disa nga këngët më të bukura shqiptare.

“E pranova me shumë kënaqësi ftesën për të qenë pjesë e koncertit, sepse është për një kauzë shumë sensitive dhe domethënëse për ne shqiptarët. Unë do të këndoj disa këngë me pjesëmarrësit e tjerë dhe dy këngë solo, të cilat janë Zambaku i Prizrenit dhe Moj e Bukura Arbëri”, – tregon Mira Konçi.

“Unë idenë e kam biseduar me njerëz të rëndësishëm këtu të komunitetit shqiptar dhe doja ti jepja një kahe tjetër kësaj feste, të festohet në mënyrë dinjitoze, koncert solemn, me artistë të spikatur profesionistë dhe që kanë një karrierë të bukur dhe i takojnë një zhanri të rafinuar të muzikës. Qëllimi kyç kjo festë të niste në vitin 2018 e të vazhdojë tutje për tu zgjeruar, mos ti dedikohet vetëm publikut shqiptar po dhe një audience amerikane, në mënyrë që të njihet me milosin e pasur shqiptar”, thotë Ergin Oda. /Diaspora Shqiptare / KultPlus.com

Koreografi Jurgen Bala, pjesë e stafit të shkollës së njohur të kërcimit në New York

Jurgen Bala, koreograf dhe balerin i njohur shqiptar është bërë pjesë e Arthur Murray NYC Broadway në Nju Jork si një kërcimtar dhe instruktor profesionist.

Ai është fitues i Vendit të Parë (kategoria ritmike) dhe Vendin e Tretë (kategoria e lehtë) që u zhvilluan në Uashington në dhjetor të 2019.

“Duke shkuar nga Tirana në Nju Jork mendova se do të ishte e vështirë si fillim, por e gjeta veten në shtëpi në Artur Murray Broadway. Unë kam një respekt dhe një admirim të madh për Arthur Murray, një mënyrë e mrekullueshme për tu lidhur dhe ku balerinët aspirojnë të shprehin talentin e tyre profesionalisht. Në përgjithësi, përvojat këtu në Nju Jork dhe në SHBA në përgjithësi më kanë ndihmuar të rritem si artist, duke parë vende të reja, duke bërë miq të rinj dhe duke pasur role të ndryshme”, tha Bala për gazetën “Dielli”, transmeton KultPlus.

Karrierën e kërcimit profesional Jurgeni e nisi me balet por ai ka qenë kërcimtar me kompani danci si në SHBA dhe në Shqipëri. Jurgeni është diplomuar në Universitetin e Arteve të Bukura në Tiranë në Koreografi.

“Baleti dhe klasat e kercimit krijojnë një mjedis të sigurtë që nxit këdo të lëvizë në një mënyrë që lidhet thellësisht me zgjuarsinë e mendjes dhe trupit. Jemi të lumtur që ofrojmë pasion, mbështetje dhe disiplinë në Arthur Murray Dance Center në Nju Jork. Unë jam shumë i lumtur të ndajë pasionin tim për kërcimin me nxënësit në Arthur Murray”, vijon ai. / KultPlus.com

79-vjeçari tregon se si ka udhëtuar nga New York-u në Vietnam për t’iu dërguar ushtarëve birra

Ai e gjeti vetën në mes të fushëbetejës më vdekjeprurëse, vetëm sa të iu sjellë ca kënaqësi dhe relaksim miqve ushtarë.

Një marins i pensionuar ka ndarë historinë se si ka udhëtuar nga Nju Jorku deri në Vietnam gjatë luftës së Vietnamit që të dërgonte birra për miqtë e vet amerikan që po shërbenin si ushtarë atje, shkruan “DailyMail”, transmeton KultPlus.

John “Chick” Donohue, tani 79 vjeç, u nis me barkë në udhëtimin e tij thuajse 13 mijë kilometra, që zgjati 4 muaj në nëntor të vitit 1967.

Në atë kohë ai ishte 26 vjeç dhe kishte shërbyer që prej 4 vitesh në marinën amerikane. Ai ka treguar se si ai donte të iu sjellë pak gëzim ushtëtarëve që po shërbenin në Vietnam, duke u përpjekur ta shuajnë luftën.

Gjatë rrugëtimit të tij, ai u kap në mes të një prej betejave më të  mëdha të luftës së Vietnamit, dhe në një pikë ai edhe pothuajse u vra nga forcat amerikane, sepse ky udhëtim ishte i dyshimtë dhe i paautorizuar nga ushtria apo marina.

Kur u nis në udhëtim, ai kishte me vete vetëm birra, çorape, një brisk rroje dhe dokumentet që e identifikonin si marins.

Ai nuk i tregoi askujt për udhëtimin e tij. Udhëtimi ishte shumë i vështirë sepse ai donte të shkonte tek 12 miqtë e vet, por ai kishte një ide shumë të zbehtë se në cilin regjion ata ndodheshin.

Ai u përball me oficer të lartë që ishin të dyshimtë rreth tij duke menduar se ai ishte një agjent i CIA që ishte dërguar për të infiltruar komunitetet lokale vietnameze për t’i kthyer kundër komunistëve, transmeton lajmi.net.

Shumica e trupave ishin konfuz se pse ai kishte ndërmarrë gjithë këtë udhëtim në një zonë të rrezikshme lufte vetëm për të dërguar birrë.

Mirëpo pas 4 muajsh mundime dhe trauma, ai më në fund u kthye në shtëpi. Ai më vonë shkroi një libër rreth udhëtimit të tij, i cili pritet së shpejti të kthehet në një film. / KultPlus.com

New York mbulohet me borë: Foto mahnitëse

Qyteti i New Yorkut, 5 qytet-lagjet e tij, sot për herë të parë në këtë session, panë edhe borën e parë. Një borë e lehtë kjo me një “mantel të hollë” që është ende duke rënë, dhe pritet të bjerë edhe nesër sipas metereologve.

Po sipas parashikimeve të fundit nga Shërbimi Kombëtar i Motit, thuhet se me nisjen e dimrit bora është në rrugën e natyrshme, dhe pritet simbas tyre për të rënë deri në 12 inç dëborë, të mërkurën dhe të enjten.

Kryebashkiaku Bill de Blasio dha një azhurnim të martën pasdite mbi parashikimin e motit, duke u referuar metereologve, ai ka permendur parashikimin e NWS të, se trashësia mundet të jet 8-12 inç dëborë, pra midis të mërkurës dhe të enjtes, megjithëse ai theksoi se ky numër mund të ndryshojë në 24 orët e ardhshme.

Bora e cila fillojë sot rreth orës 1:00 pm(1:00 pasdite) nesër, e enjte në mëngjes, thane meterologët mund të ketë “kushte të ngjashme me stuhinë”, pra shoqëruar me erë të fortë dhe dëborë të fortë.

Shërbimi Kombëtar i Motit “ka lëshuar një “Snow Alert” që në dimër paralajmëron për ardhjen e një stuhie dimërore; “kjo është një stuhi serioze”, tha kryetari i bashkisë, së qytetit të New Yorkut, de Blasio, duke iu lutur njujorkezëve që të jenë më të kujdesshëm në planet e tyre për të mërkurën dhe të enjten.

“Për fat të mirë ne nuk kemi pasur shumë stuhi,në vitet e fundit,si kjo që pritet, të vijë, falë Zotit … kështu që kjo mund të jetë stuhia më e madhe në disa vjet,” tha kryebashkiaku i New Yorkut.

Automjetet e pastrimit të rrugve që bëjnë zakonisht dhe hedhjen e kripës, janë gati, ato filluan të dalin sot nëpër rrugët e qyteti, pak përpara mbërritjes së borës, dhe do të vazhdojnë të pastrojnë rrugët e hedhin kripë deri në mbrëmje vonë.

Rregullat alternative të parkimit anësor pezullohen për të mërkurën dhe të enjten, pra mund të parkoni pa pagesë. Shkollat do të jenë të hapura të Mërkurën dhe të Ejten, për të mësuar personalisht dhe për të mësuar në distance( nga shtëpia), tha ai.

Kryebashkiaku Bill de Blasio, paralajmëroi se njujorkezët të bëjnë kujdes me daljet e tyre nga shtëpia “njerëzit të qëndrojnë në shtëpi nëse nuk kanë të domosdoshme për të dalë” tha ai..

Po ashtu Kryebashkiaku tha se MTA, ka njoftuar se trenat, autobusët dhe tragetet, do të funksionojnë për sa kohë që është trashësia e leht deri tani çka nuk e vështërson lëvizjen, por nëse në vazhdim rritët trashësia e dëborës, metrot do të mbyllen përkohësisht. /express/ KultPlus.com

Bebe Rexha këndon drejtpërdrejtë, transmetohet në Time Square

Këngëtarja e famshme shqiptare, Bebe Rexha ka shpërndarë në rrjete sociale performancën e saj të drejtpërdrejtë, shkruan KultPlus.

Bebe ishte e pranishme në mëngjesin e sotëm në Serinë e koncerteve të ”Good Morning America”, e që performanca e saj u transmetua edhe në sheshin e famshëm të Nju Jorkut, Time Square.

Ajo interpretoi drejtpërdrejtë këngën e saj të njohur, “Baby I’m Jealous”, një sekuencë prej së cilës e ka shpërndarë në instagram.

 “E dua këtë version shumë 😭😭 Faleminderit @goodmorningamerica që më kishit sot në mëngjes për ta kënduar versionin e parë natyral për “Bab I’m Jealous. A duhet ta vendos në transmetim?”, ka shkruar Rexha.

KultPlus ua sjell videon ku ylli shqiptar performon mrekullueshëm:

https://www.instagram.com/p/CIY13tPF7vE/?igshid=2ypd9xze8y2l&fbclid=IwAR0-KHCgi6_8ZmENugROLdw2QiFriTAJuT7g3ZMCDx1aD1FcZvBfY0MgS94 . / KultPlus.com

Brooklyni stoliset me flamuj kuq e zi me rastin e Ditës së Flamurit

Një nga lagjet më të mëdha të New Yorkut, Brooklyn, e cila është edhe një nga pesë ndarjet kryesore të New York-ut, i është bashkuar me rastin e festës kombëtare të shqiptarëve, festës së Pavarësisë së Shqipërisë – 28 Nëntorit, për herë të pestë, në stolisjen e shtyllave të rrugëve me flamuj kuqezi.

Edhe këtë vit në Brooklyn, flamujt kuq e zi me shqiponjën e zezë dykrenore janë vendosur me iniciativën dhe kontributin e dy vuthjanëve në Nju-Jork, Shkumbin Hasangjekaj dhe Shkumbin Balidemaj, në një nga rrugët kryesore të qytetit Brooklyn, dy anët e rrugës në bulevardin Bay Parkway, ku jetojnë shumë familje shqiptare, nga Shqipëria, Kosova dhe trevat shqiptare.

Zbukurimet për nder të festës së flamurit, janë bërë pothuajse traditë tashmë. Të gjitha shtëpitë, klubet, e lokalet e shqiptarëve, makinat e tyre, po edhe në disa prej rrugëve e shesheve ku shqiptarët banojnë me shumicë, Bronx, Staten Island, Queens, Brooklyn, e të tjerë, marrin pamjen kuq e zi në nëntor.

Përkrah këtyre flamujve, në shenjë falënderimi ndaj SHBA-së për kontributin e saj për Kosovën e çështjen shqiptare, valëviten edhe flamujt amerikanë, në çdo shtyllë.

“Kjo i jep bashkësisë shqiptare, këto ditë feste edhe një ndjenjë tjetër të krenarisë sonë kombëtare, kur për të parë këta flamuj kuq e zi – duke u valëvitur, përkrah flamurit amerikan si një falënderim për atë çfarë kanë bërë për ne Shtetet e Bashkuara”, ka thënë Këshilltari i Bashkisë së Nju-Jorkut, Mark Gjonaj.

Sipas Gjonaj, jozyrtarisht në zonën e Tri-Shtetëshit, mendohet se janë mbi 250.000 shqiptarë dhe afërsisht 100,000 jetojnë në lagjet Bronx, Kuins, Bruklin dhe Staten Island në Nju-Jork.

“Është e rëndësishme për shqiptarët që të vazhdojnë për të festuar kulturën dhe trashëgiminë e tyre”, ka deklaruar Gjonaj. / Diaspora shqiptare/ KultPlus.com

Eksodi masiv, pse qytetarët po ikin nga Nju Jorku?

Qytetarët e Nju Jorkut po largohen masivisht nga qyteti i tyre dhe arsyet kryesore për të emigruar janë krimi, përhapja e koronavirusit, por edhe varfërimi dhe pasojat e tjera ekonomike të pandemisë. Që nga marsi i këtij viti, gati 300,000 familje e kanë lëshuar Nju Jorkun.

Shërbimi Postar i Shteteve të Bashkuara të Amerikës (SHBA) njoftoi se nga 1 marsi deri më 31 tetor kanë marrë gati 295,000 kërkesa përndryshim të adresës së atyre që u larguan nga Nju Jorku, që zakonisht nënkupton familje të tëra, dhe jo vetëm individë.

Vetëm nga marsi deri në korrik, kishte 245,000 kërkesa të tilla, që është më shumë se një rritje e dyfishtë krahasuar me të njëjtën periudhë të vitit 2019, kur kishte 101,000.

Eksodi masiv nga qyteti më i madh amerikan shpjegohet me frikën e përhapjes së koronavirusit, problemet ekonomike, shkallës së krimit në rritje, por edhe shkollës me reputacion të keq, shkruan RT.

Shteti i Nju Jorkut regjistroi deri në 33,000 vdekje nga COVID-19 , që është shifra më e lartë në SHBA, nga të cilat deri në 24,000 ishin në New York.

Metropoli amerikan kishte disa nga karantinat më të rrepta në SHBA, prandaj mijëra kompani të vogla kolapsuan, siç janë restorantet, dyqanet e sallonet e bukurisë.

Gjithashtu, që kur protestat filluan pas vrasjes së George Floyd, jo vetëm që Nju Jorku u prek nga trazirat në ato demonstrata, por shkalla e krimit gjithashtu shpërtheu në të gjithë SHBA-në.

Shkalla në të cilën Nju Jorku është bërë një vend i padëshirueshëm për të jetuar tregohet gjithashtu nga rezultatet e hulumtimit të kryer nga Instituti Manhattan në korrik dhe gusht. Sipas këtij studimi, rreth 44% e banorëve të Nju Jorkut që kanë të ardhura vjetore prej më shumë se 100,000 dollarë, po mendojnë të largohen nga qyteti. Deri në dy të tretat mendojnë se situata e përkeqësuar do të bëhet jeta e përditshme e Nju Jorkut. Shumica besojnë se cilësia e jetës ka rënë në mënyrë dramatike dhe kënaqësia me situatën në qytet është përgjysmuar.

Ndër arsyet kryesore për pakënaqësi, përveç koronavirusit dhe vështirësive ekonomike, është edhe rritja e krimit . Sipas të dhënave zyrtare të policisë së Nju Jorkut, nga janari deri në shtator të vitit 2020, janë regjistruar 344 vrasje, që tejkalon shifrën e tërë vitit të kaluar, kur kishte 335 vrasje.

Sipas American Post, shumica e qytetarëve që largohen nga Nju Jorku, lëvizin në qarqet përreth, të tilla si New Jersey dhe qarqet në shtetin e Nju Jorkut që janë jashtë qytetit. Sidoqoftë, 13,000 familje u transferuan në Florida dhe deri në 9,000 familje në Los Anxhelos.

Sipas vlerësimeve ka 16,000 apartamente bosh vetëm në Manhattan. /GazetaExpress/ KultPlus.com

Kamionët kuq e zi pushtojnë rrugët e New York-ut për Muajin e Pavarësisë

Muaji i Pavarësisë së Shqipërisë, në Amerikë çdo vit shënohet me aktivitete të ndryshme kulturore-artistike në çdo vend ku ka shqiptarë.

Kompania Shqiptare “Protect Dismantling”, e njëjta kompani që kontribuoi për projektin e Nëna Terezës, të vendosur në Brooklyn, New York, me pronarë dy djem nga Dibra e Madhe në SHBA, Belul Qoku dhe Murat Marke, kanë gjetur mënyrën e tyre origjinale për të treguar krenarinë shqiptare në rrugët e New York-ut në çdo përvjetor të Pavarësisë së Shqipërisë.

Siç shihet edhe në këto fotografi, kamionët janë të lyer me ngjyrë të kuqe, ndërsa mbi kapakun e madh të mbulesës së motorit të këtyre kamionëve është vendosur një shqiponjë e zezë e madhe sa e gjithë pjesa e përparme e motorit të kamionit.

Kamionët me ngjyrë të kuqe dhe me një shqiponjë të zezë, e madhe sa e gjithë mbulesa e kamionit, kanë nisur mbarë muajin e Nëntorit të pavarësisë së Shqipërisë nëpër rrugët e New York-ut, duke i rënë borisë dhe lajmëruar amerikanët se shqiptarët këtë muaj kanë festë, është Nëntori Kuq e Zi, 28 Nëntori i Shpalljes së Pavarësisë së Shqipërisë.

Kompania Shqiptare “Protect Dismantling” i ka të gjithë kamionët e biznesit të tyre të lyer krejt me ngjyrat e flamurit tonë kombëtar, flamurin kuq e zi dhe në mes të tyre kanë vendosur shqiponjën e zezë dykrenare, si dhe në zyrat e saj sot kudo është vendosur flamuri kuq e zi.

“Ata janë disa kamionë të peshave të rënda, që pothuajse mund t’i shohësh gati çdo ditë pune në rrugët e Brooklinit dhe qytetet tjera të New York-ut të lëvizin lirshëm nëpër kantiere ndërtimi”, ka njoftuar Beqir Sina. /KultPlus.com

Dua Lipa shfaqet në ekranin më të famshëm në botë (Foto)

Pop ylli 25-vjeçar, Dua Lipa, është njëra ndër protagonistet që zuri vend në njërin ndër ekranet më të famshme në botë, atë të Times Square-t që gjendet në New York, shkruan KultPlus.

Në fotografi shihet Dua Lipa së bashku me DaBaby, me të cilin këngëtarja shqiptare ka bashkëpunuar për projektin e fundit muzikor, ‘Levitating’.

Lajmi është bërë i ditur nga vetë këngëtarja e cila ka postuar disa fotografi në rrjetin social Facebook.

‘NY Times Square – Jemi me ‘Levetating’ (nëse dikush e di kush e mori këtë lmk që t’i jap kreditet)”, ka shkruar 25 vjeçarja në Facebook./ KultPlus.com

https://www.facebook.com/DuaLipa/posts/3373429839409576

Aktori i famshëm sulmohet në mes të rrugës

Aktori, Rick Moranis, i njohur për rolet e famshme në “Ghostbusters” dhe “Honey, I Shrunk the Kids”, u sulmua nga një i panjohur, ndërsa po shëtiste në Upper West Side të New York City.

Sulmi ndodhi pak para orës 7:30 të mëngjesit të së premtes në Central Park West, njoftoi Departamenti i Policisë i New-Yorkut, shkruan A2News të shtunën.

Videoja e marrë nga kamerat e sigurisë përreth tregon të dyshuarin duke ecur drejt aktorit 67-vjeçar, dhe duke e goditur atë në kokë, derisa ai u rrëzua.

Avokatët e aktorit konfirmuan sulmin, por thanë se gjendja shëndetësore e Moranisit është e mirë.

“Ai është mirë dhe mirënjohës për mendimet dhe urimet e të gjithëve”, u shprehën ata.

Sipas raportit të Policisë, Moranisi kishte dhimbje në kokë dhe në shpinë, ndërsa i dyshuari që u largua duke ecur krejt i qetë në këmbë nuk është identifikuar ende. / KultPlus.com

1923, Kur në New York inçizohej “Muaj i majit” (VIDEO)

Është një këngë e vjetër, me tekst e muzikë nga Mihal Grameno. Një prej këngëve më të bukura shqiptare, trashëguar ndër breza, “Muaji i majit”, për herë të parë u regjistrua para 96 vjetësh.

Ishte patrioti, artisti dhe muzikanti korçar, Spiridon Ilo, i cili regjistroi në disk këngën “Muaji i majit”, në kompaninë e tij “Albanian Phonograph Record”.

Spiridon Ilo ishte një prej firmëtarëve e aktit të pavarësisë, më 1912, po ashtu ndër patriotët që kanë kontribuar me të ardhura, për formimin e shtetit shqiptar.

Patriotizmi i tij, vjen i qashtër mes nesh, me regjistrimin e kësaj kënge, krijimi brilant i Mihal Gramenos. “Muaj i majit”, kjo serenatë kaq e njohur dhe e dashur, do të këndohet me krenari, brez pas brezi.

Këtë regjistrim e ka shpërndarë për publikun Niko Kotherja, drejtor pranë Qendrës Kombëtare të Veprimtarive Tradicionale, i cili shkruan:

‘Para 96 vitesh, në kompaninë e tij “Albanian Phonograph Record”, patrioti, artisti dhe muzikanti korçar Spiridon Ilo regjistroi këtë disk me këngën “Muaj i majit”, një krijim brilant me tekst dhe muzike të Mihal Gramenos.

Një serenatë aq e njohur dhe e dashur, e kënduar në breza dhe dekada, përcillet këtu në regjistrimin e parë, i kryer në Nju Jork, në vitin e largët 1923.

Nuk kishte kitare korçare që të mos e njihte këtë serenate!..’ / KultPlus.com

Para 96 vitesh, ne kompanine e tij “Albanian Phonograph Record”, patrioti, artisti dhe muzikanti korcar Spiridon Ilo regjistroi kete disk me kengen “Muaj’ i Majit”, nje krijim brilant me tekst dhe muzike te Mihal Gramenos. Nje serenate aq e njohur dhe e dashur, e kenduar ne breza dhe dekada, percillet ketu ne regjistrimin e pare, i kryer ne Nju Jork, vitin e larget 1923. Nuk kishte kitare korcari qe te mos e njihte kete serenate…!

Gepostet von Niko Kotherja am Montag, 6. Mai 2019

Revista amerikane shkruan për nismën e shqiptarit në New York, ‘Ushqim për të gjithë’

“Ushqim për të Gjithë” u quajt organizimi që u mbajt më 20 shtator në Jerome Avenue, në lagjen Bedford Park në Bronx.

Ngjarja u organizua nga Aleksander Nilaj, themelues dhe president i Shoqatës Shqiptaro Amerikane “Albanian American Open Hand Association Inc. (AAOHA)” si dhe me ndihmën e organizatës vullnetare “Bake Back America”, Miriam Quiñones reportere dhe fotografe në “Noreood News”, dhe Melisa Subin nga “Subin Associates, LLP”.

Rreth 80 kuti me ushqime të thata dhe të freskëta iu dhanë rreth 75 banorëve vendas.

Shoqata Shqiptaro Amerikane “Albanian American Open Hand Association Inc. (AAOHA)” ka planifikuar shpërndarje të ngjashme ushqimore në Bronx për muajt në vazhdim dhe planifikon të bëjë më shumë në të ardhmen pasi pasiguria ushqimore vazhdon të jetë një shqetësim pas rënies ekonomike të shkaktuar nga pandemia e koronavirusit.

Aleksander Nilaj, u pa duke shpërndarë kuti me ushqime ditën, së bashku me disa lodra për fëmijë. Një “frigorifer për komunitetin” i mbushur me ushqime të paketuara ishte një tjetër risi në këtë ditë.

Mesazhi i përcjell nëpërmjet nismës “Frigoriferë për komunitetin” konsistonte në faktin që njerëzit mund të marrin atë që duan prej tyre dhe gjithashtu donatorët mund të dhurojnë ushqim dhe ta vendosin brenda për ta marrë të tjerët pa asnjë kosto. Sidoqoftë, njerëzit janë informuar që të mos lënë qumësht ose mish të gjallë.

Pothuajse të gjithë organizatorët dhe marrësit e ushqimit u panë duke mbajtur maska për të respektuar rekomandimet në lidhje me zvogëlimin e përhapjes së koronavirusit, ndërkohë që raportimet për një valë të dytë vazhdojnë në të gjithë botën.

Kutitë e ushqimeve të shpërndara u përgatitën nga “Great Performance” dhe sponsorizuan nga Shoqata Shqiptaro Amerikane e Duarve të Hapura “Albanian American Open Hand Association Inc. (AAOHA)”.

Miriam Quinoñes ishte e kënaqur me suksesin e ngjarjes dhe lëshoi një mesazh falënderimi në faqen e saj në Facebook.

“Aleksander Nilaj dhe unë falënderojmë të gjithë ata që erdhën për të ndihmuar në këtë nismë. Ne shpërndamë 80 kuti me ushqim. Zoti ju bekoftë të gjithëve. ” shkroi ajo. / KultPlus.com

Pas 114 vjetësh, festa e Viti të Ri nuk do të pritet në “Times Square”

“Times Square” i Nju Jorkut do t’i japë lamtumirën vitit 2020 pa festimet e zakonshme me grumbuj njerëzish që bllokojnë rrugët për Vitin e Ri, shkruan DailyMail, përcjell KultPlus.

Këtë vit “Times Square” do të rrethohet nga Policia e Nju Jorkut më 31 Dhjetor. Ndërkaq organizatorët po planifikojnë një ngjarje virtuale dhe një aplikacion ku njerëzit mund të ndjekin numërimin për 2021 nga larg.

Aleanca “Times Square”, e cila drejton ngjarjen, tha se vetëm një grup shumë i kufizuar i njerëzve do të lejohen të hyjnë në shesh për qëllime transmetimi.

 “Do të ketë disa aktivitete të distancuara nga shoqëria në “Times Square”, por do të jetë kryesisht për transmetim te audienca”, tha Tim Tompkins, Presidenti i Aleancës Times Square, për New York Post.

Jamestown, i cili zotëron One Times Square, ka ndërtuar një botë virtuale të Time Square dhe një aplikacion për të transmetuar numërimin e Vitit të Ri. Aplikacioni do të lejojë që njerëzit nga e gjithë bota të përjetojnë momentin.

Kremtimi i Vitit të Ri në Times Square është ndër më të mëdhatë në botë, duke tërhequr zakonisht rreth një milion njerëz në rrugët e qendrës së Manhatanit, me më shumë se një miliard përcjellje në televizion./KultPlus.com

Maskat Made in Kosova nga FreshAlb po shfrytëzohen nga Doktorët Amerikan në New York!

Në Spitalin amerikan New York Presbyterian/Columbia, stafi mjekësor po përdor maskat me Shqiponjën kuq e zi qe janë prodhuar në Kosovë nga FreshAlb. 

Nga kompania FreshAlb kemi mësuar që kanë shpërndarë afër 5,000 maska falas popullatës shqiptaro amerikane si dhe stafit mjekësor nëse spitale si shenj respekti dhe falënderimi.

FreshAlb gjithashtu ne muajin Prill kishte marrë billboard ne zemër te New Yorkut në Times Square për të falënderuar kardiologun me famë botërore shqiptaro-amerikanin Dr. Sulejman Celaj i cili vazhdoi të jep kontribut te madh në luftën kundër Coronavirusit.

Gratё shqiptare promovojnё kulinarinё e vendlindjes nё New York

Kur gratё dhe vajzat shqiptare bёhen bashkё tё duket sikur ёshtё krijuar njё Shqipёri e vogёl nё mes tё New York-ut. Sa bukur ёshtё tё dёgjosh tё flitet shqip, kёndohet dhe vallёzohet nёn tingujt e muzikёs shqiptare e ndёrthurur kjo muzikё me melodinё e dallgёve buzё oqeanit dhe valёvitjen e flamurit kuqezi.

Gratё dhe vajzat qё u mblodhёn tё dielёn pёr tё kaluar njё ditё tё kёndshme, pas njё pandemie tё gjatё, nё parkun e “Manhattan Beach” janё pjesёtare tё grupit “Albanian Women in USA”.

Ky grup u formua rreth tre vjet mё parё dhe ishte ideja e gazetares nga Shqipёria, Arjola Alldashi. Njё grup ku gratё shqiptare mund tё njiheshin me njёra-tjetrёn, tё shkёmbenin pёrvojat e tyre nё tokёn amerikane, e cila pёr shumё prej nesh ka qenё ёndёrr. Mё vonё kёtij grupi iu bashkangjitёn si drejtuese edhe Alma Muçaj, Aida Gora, Eda Gega dhe Gina Torra.

Si fillim grupi ishte fare i vogёl prej 10 vetash, por sot pas tri vitesh numёron plot 9800 anёtare nga tё katёr anёt e Shteteve tё Bashkuara tё Amerikёs dhe pёr shumё prej nesh ёshtё vёrtet bekim. Misioni i kёtij grupi, pёrveç njohjes dhe mbajtjes sё lidhjeve me njёra-tjetrёn ёshtё ndihmesa falas nё shkёmbimin e informacioneve tё ndryshme, gatishmёria pёr tё ndihmuar nёnat nё nevojё pёr punё apo qoftё edhe gratё nё situata tё vёshtira shёndetёsore ose financiare, sidomos pёr tё sapoardhurat qё janё nё fillimet e tyre nё Shtetet e Bashkuara tё Amerikёs, ku ky grup tё ngjan me njё familje tё vogёl.

Tё dielёn u zhvillua njё aktivitet i larmishёm ku qёllimi kryesor ishte ruajtja e traditёs sё gatimeve tradicionale shqiptare. Sapo tavolinat filluan tё shtroheshin ndieje aromёn e mrekullueshme tё gatimeve qё amvisat tona i kishin pёrgatitur me shumё dashuri. Tavolina e parё kishte tё veçantё flinё e gatuar nga njё shqiptare e Kosovёs. Nё tavolinёn e dytё ta bёnte me sy njё tepsi e mbushur plot e pёrplot me petulla tё fshira nga Dibra e Korça. Patjetёr qё nuk mungonte byreku, lakrori i shijshёm i Korçёs, tradita elbasanase e shkodrane, japrakёt edhe turshitё, meqenёse po lёmё pas verёn e po i afrohemi stinёs sё ftohtё. Tavolina e tretё ishte e ёmbёlsirave ku vendin kryesor e zinte bakllavaja, e pёrgatitur nga dy vajza nga Pogradeci, syri mё zuri hallvёn edhe pengjiren me tё cilёn njё shqiptare donte tё pёrcillte traditёn e mamasё sё saj. Tavolina e katёrt ishte e mbushur me fruta e pije edhe ato tё servirura aq kёndshёm ashtu siç gratё shqiptare dinё t’i bёjnё.

Aktiviteti u hap me njё valle pogonishte pёr tё vazhduar me valle tё krahinave tё tjera shqiptare nga jugu nё veri. Mё tej lojёra tё ndryshme qё na kujtonin fёmijёrinё tonё nё Shqipёri, ishim kujdesur qё tё kishim edhe njё top volejbolli me flamurin kuqezi. Tingujt e kitarёs nuk munguan po ashtu. Nё mesin tonё ishin tri parukere tё talentuara qё pavarёsisht erёs qё frynte nuk ngurruan qё t’u jepnin grave dhe vajzave njё model ndryshe flokёsh.

Flamuri kuqezi, rrethuar me njё dekor tullumbacesh dhe lulesh tё punuara mjeshtёrisht nga duart e dy vajzave drejtuese tё kёtij grupi posaçёrisht pёr kёtё rast, tёrhiqte vёmendjen e çdo kalimtari dhe sigurisht mbushte plot zemrёn tonё dhe duart kryqёzoheshin pёr tё bёrё shqiponjёn dykrenare dhe sigurisht pёr ta ngulitur nё kujtesё kёtё ditё. Nuk munguan fotografёt profesionistё shqiptarё, tё cilёt kapnin çdo detaj me syrin e tyre, kamera e televizionit shqiptar Usalb TV dhe gazetari qё merrte nё intervistё pjesёmarrёset.

E veçanta e kёtij takimi ishin fёmijёt, ku zёrat e tyre nё atё park u ngjanin cicёrimave nё gjuhёn e ёmbёl shqipe. Njё surprizё e kёndshme pёr tё gjithё pjesёmarrёset ishte hedhja e njё shorteu nga pёrfaqёsuesja e “Buy to America” e cila ndau tri çmime fituese. U takuam nё kёtё park rreth orёs 11:00 dhe u shpёrndamё plotёsisht vetёm me perёndimin e diellit, pasi dukej sikur askush nuk donte tё largohej nga shoqёria dhe atmosfera e ngrohtё qё u krijua. / Gazeta Dielli / KultPlus.com

Action Bronson promovon kuzhinën shqiptare në emisionin e tij në SHBA

Një ndër artistët më të njohur shqiptarë në arenën ndërkombëtare është edhe Action Bronson, shkruan KultPlus.

Hip-hop artisti shqiptar, i cili në realitet quhet Arian Asllani, gjithashtu ka një ndër emisionet më të shikuara të gatimit në SHBA.

Ai ka nxjerrë në shitje edhe librin për gatime i cili rezultoi si shumë i suksesshëm.

Shefi i kuzhinës, Arian Asllani, drejtuesi i programit televiziv “That’s Delicious” në New York, në serinë e ardhshme të “That’s Delicious” ai dhe skuadra e tij do të flasin për kuzhinën shqiptare gjatë një vizite në restorantin “Çka ka Qëllu” të shqiptarit Ramiz Kukaj i cili ndodhet në Nju Jork e ku servohen ushqime tradicionale shqiptare. Gjithashtu restoranti është vlerësuar si një ndër dhjetë restorantet më të mira atje.

Përveç ushqimit në këtë restorant gjithçka flet shqip. Vendi është i mbushur me elemente shqiptare në të katër anët e brendësisë. Më shumë rreth kësaj storie Bronson do të shpalos sonte në emisionin e tij.

Kujtojmë se Action Bronson në gushtin e vitit 2018 ishte prezent në Kosovë, duke performuar në festivalin muzikor, “Sunny Hill”. / KultPlus.com

Media prestigjioze shkruan për idenë gjeniale të shqiptarit në New York

Revista Forbes i ka kushtuar një shkrim shqiptaro-amerikanit Premtim Gjonbalic dhe firmës së tij Butler Hospitality që shërben si “kuzhinë fantazëm” e disa prej hoteleve më të famshëm në New York e përtej.

Premtimi ishte vetëm 23-vjeçar kur si menaxhues i një restoranti i kishte shkuar mendja për një zgjidhje të një problemi që prej dekadash tmerronte industrinë e mikpritjes njujorkeze e mbase edhe atë botërore.

Është sa e thjeshtë aq edhe e pabesueshme që nuk e ka menduar e realizuar dikush më parë si çdo ide tjetër gjeniale.

Që një hotel të ketë një numër të repektueshëm yjesh, ai duhet të ofrojë edhe shërbim ushqimi në dhomë. Kjo ka qenë një traditë e vjetër e hoteleve, po që dalëngadalë ka humbur frekuencën e dikurshme. Njerëzit gjithnjë e më shumë filluan të preferojnë restorantet sesa të ngrënën në dhomën luksoze. Hotelet e vogla e të parëndësishme hoqën dorë, por ato me emër nuk mundeshin. Oferta e ushqimit mbetej në letër, ndonëse shpesh shkonte dëm duke sjellë humbje të mëdha financiare.

Kostoja e punës, mbajtja e një kuzhienieri të talentuar, plus ingredientët e gatimit e gërshetuar me pasigurinë e kërkesës për shërbim në dhomë, krijuan një vrimë të madhe financiare edhe për hotelet më të fuqishme.

“Imagjinoni një hotel me 150 dhoma, me staf të plotë, shtatë ditë në javë, tre turne në ditë, që shet një produkt që mund të kalbet e skadojë shumë shpejt”, shpjegon për revistën Forbes Premtim Gjonbalici, duke e përshkruar situatën si një monstër që hotelet vetë e kishin krijuar e nuk shpëtonin dot prej saj. Nëse e heq kuzhinën, nuk mund të shesësh dot rezervime masive për grupe korporatash se duhet përfshirë në biletë mëngjezi falas. Nga ana tjetër, nëse ke kuzhinë të përhershme humbja është e garantuar.

Kështu që në vitin 2015, Premtimi krijoi firmën Butler Hospitality, një platformë që ofronte në bazë kërkese shërbim dhome dhe oferta të ndryshme duke vepruar praktikisht si një “kuzhinë fantazëm” për hotelet në New York. Hotelet nuk kishin nevojë të shpenzonim para për të mbajtur në punë kuzhinat e tyre që nuk dihej se kur do të përdoreshin, ndërkohë që për Butler Hospitality, nëse nuk kishte kërkesë për ushqim dhome në një hotel, kishte mesiguri në një hotel tjetër.

Si veprohet? Kuzhinat e hoteleve “flenë gjumë” nëse nuk ka kërkesë për ushqim dhome, apo mëngjeze masive, dreka e darka. Kështu që nuk humbasin para. Mirëpo, në letër hotelet ofrojnë ushqime nga më të mirat. Nëse vërtet ka klientë që kërkojnë të ushqehen në hotele atëhere lajmërohet Butler Hospitality. Ata vijnë marrin në dorë kuzhinën e restorantin e hotelit, sjellin gjithshka që duhet, me një ekip talentesh, dhe gatuajnë gjithshka me nivelin e yjeve të hotelit që i thërret.

Suksesi ishte aq i madh saqë kompania e tij, në raportin e fundit, kishte vlerën 85 milionë dollarë sipas revistës “Forbes”.

Kompania ka të paktën katër restorante hotelesh që i përdor rregullisht, në New York, por dërgon ushqime të gatimit të lartë dhe shërbime të ndryshme dhome për 119 hotele dhe një totali prej 30,000 dhomash. Sipas revistës “Forbes”, mes klientëve të Butler Hospitality numërohen hotelet e njohura si Hilton, Marriott, Hampton Inn, Holiday Inn etj.

Gjonbalic thotë se kompania e tij çdo vit ka dyfishuar numrin e dhomave që u shërben dhe në fund të vitit 2019 kishte rreth 250 të punsuar me kohë të plotë. Suksesi në New York City ka bërë që të zgjerohet edhe në Chicago, Miami dhe D.C. Marrëveshja me hotelet është e thjeshtë dhe shumë përfituese. Butler Hospitality merr 90% të fitimeve dhe vetëm 10% u shkon hoteleve, një raport shifrash që dëshmon sesa e mirëpritur ka qenë kjo nismë nga industria e hotelerisë amerikane.

Sigurisht, ky është një vit që do të sfidojë botën e turizmit dhe hotelerisë, për shkak të epidemisë së COVID-19. Por, Gjonbalic është optimist se porosia nga dhomat e hotelit do të mbetet një kërkesë edhe në epokën e re, kur të rifillojë udhëtimi masiv.

Premtimi është djalë i shqiptarëve nga Mali i Zi, të cilt u vendosën në New York në fillim të viteve 1990. Revista “Forbes” shkruan se ai u rrit në kuzhina restorantesh, ku punonte pa u lodhur babai i tij përpara se të hapte restorantin e tij, ku Premtimi punonte si pjatalarës, si shërbyes, si shpërndarës ushqimi, e më në fund, si menaxher.

Me një intuitë dhe shpirt nismëtar, ai krijoi diçka të re në Qytetin ku duket sikur është zbuluar gjithshka që mund të zbulohej, mirëpo ku vazhdimisht habitesh me fantazinë e shpritin praktik të njerëzve. Premtim Gjonbalic është një nga herojnë e kësaj Bote gjithmonë te Re.

Shqiptarja që ofron byrekun tradicional në mes të New Yorkut

Ariana Malushi është banorja e re e New Yorkut, që së bashku me hallën Alidën, udhëheq në një nga qytetet më të mëdha të botës, fabrikën tashmë të famshme të përgatitjes së byrekut, “Balkan Bites”.

Gazeta e njohur kroate, Jutarnji List, ka publikuar një shkrim të gjatë për Arianën, që ka lidhje edhe me Kroacinë. Rrëfimin për Ariana Malushin, gazeta kroate e ka vlerësuar shumë interesant.

“Për shumë arsye, por të fillojmë me prejardhjen e saj. Nëna e Arianës është nga Kroacia, babai nga Kosova, ndërsa ajo është rritur e lidhur ngushtë me rrënjët ballkanike. Numër të pafund të verave i ka kaluar në Evropë me gjyshërit, duke u ushqyer me ushqime tradicionale”, shkruan në artikullin e “jutarnji.hr”.

Ariana ka treguar se ndonëse e lindur në SHBA, është rritur duke mbajtur lidhjen e fortë me familjen. Ajo gati çdo verë ka vizituar familjen në Evropë.

“Verat e kaluara në Kroaci gjithnjë kanë qenë të lumtura dhe të mbushura me delikatesa gastronomike dhe me ditë tjera në plazh. Ushqimin më të mirë e kam hëngër në shtëpi. Gjyshi im ishte peshkatar dhe çdo ditë ka sjellë në shtëpi peshqit e freskët që i ka peshkuar. Gjyshja ime dhe unë kemi përgatitur lloje të ndryshme makaronash. Dreka ishte gjithnjë vakti kryesor i ditës. Nuk kanë pasur shumë, por më të mirën gjithnjë e kanë ruajtur për ne”, ka treguar Ariana.

Shumë anëtarë të familjes Malushi janë shpërngulur nga Kosova në SHBA pak para luftës së fundit apo gjatë saj. Kanë marrë me vete traditën e ushqimit, si specat e mbushur dhe byrekun.

Ariana ka studiuar për marketing dhe financa në Miami, ndërsa karrierën e ka nisur në një agjenci marketingu. Gjithnjë ka pasur pasion udhëtimet. Në fillim të njëzetave ka udhëtuar për në Azinë Jugore, për të punuar si vullnetare dhe për të mësuar për kultura të ndryshme dhe kuzhina të ndryshme. Deri më tani ajo ka vizituar mbi 54 vende të botës.

“Në secilin vend ku kam qëndruar së pari kam shijuar ushqimin e rrugës dhe kështu jam lidhur me njerëzit lokalë. Prej kohës së kaluar në Kroaci dhe Kosovë e kam ditur se ushqimi i përgatitur në shtëpi është plotësisht i ndryshëm me ushqimin që mund ta gjeni në restorante”.

Pas një viti punë në marketing dhe në organizatat jofitimprurëse, Ariana ka nisur punën që kulturën ballkanike të shpërndajë dhe të ruajë përmes recetave autentike, që në familjen e saj janë trashëguar për dekada. Vendosi që idenë e saj ta ndajë me personin për të cilin e ka ditur se do ta ndihmojë për të përmbushur misionin – hallën Alida.

“Kur jam kthyer në New York, kam vendosur të punojë në një organizatë jofitimprurëse e cila ndihmon në luftë ndaj varfërisë dhe në përmirësim të kualitetit të jetës së njerëzve në gjithë botën. Kur u krijua ‘Balkan Bites’ ende e kam pasur atë punë, por kam kuptuar se për rritje afariste është e domosdoshme që projektit të ri t’iu përkushtohem plotësisht. Atë angazhim e kam përfunduar vitin e kaluar dhe prej atëherë punoj në ‘Balkan Bites’ me orar të plotë”, tregon Ariana, raporton “jutarnji.hr”.

E tëra nisi kur Ariana e luti hallën Alida që ta mësoj që të përgatit recetat tradicionale shqiptare, në nderim të gjyshesh së ndjerë, Magbules. Të dielave ato kanë pjekur dhe kanë gatuar së bashku, kujtonin gjyshen e saj dhe shumë shpejtë ofruan byrekun për tregjet lokale.

Halla e Arianës, Alida, në Kosovë ka punuar si gazetare, kurse trazirat politike e kanë shtyrë që të shpërngulet në SHBA në vitin 1991. Pas vendosjes në New York, Alida mori mësime në Qendrën Ndërkombëtare të Kuzhinës dhe pasionin e saj për gatim e ktheu në karrierë.

Jo shumë kohë pasi e hapi furrën e saj, nëna e saj Magbulja, u sëmur. Në qetësi mbylli dyqanin që për më shumë se një dekadë të kujdeset për nënën. Më pas Ariana ia prezantoi idenë për ‘Balkan Bites’.

“Një të diel, pasi gjyshja ime vdiq, halla ime dhe unë kemi përgatitur byrek dhe kemi biseduar për atë se si është e vështirë të gjendet byrek tradicional për të blerë. Kemi lexuar thuajse të gjitha etiketat në pjesën e prapme të byrekut të ngrirë që ishte në treg. Kemi parë që shumica nuk përdornin fare gjalpë ose e hollonin atë me vaj soje apo margarinë. Kështu kemi vendosur të fillojmë me përgatitjen dhe shitjen e byrekut”, ka treguar Ariana.

Vitin e kaluar byrekun e freskët e kanë shituar në tregje të ndryshme në New York, si në Queens Night Market dhe Urbanspace Holiday Market, por edhe në lokale të ndryshme. Për shkak të pandemisë u janë ndalë të gjitha këto burime dhe kështu kanë vendosur të shesin byrekë të ngrirë në mënyrë që njerëzit t’i shijonin ata në shtëpitë e tyre. Sot ato dërgojnë porosi në gjithë SHBA-në dhe shpresojnë që shpejtë të hyjnë në tregun ushqimor.

Ariana ka treguar se shumica e amerikanëve për herë të parë njoftohen me byrekun. Në New York në fakt janë disa restorante që ofrojnë byrek.

Për Arianën byreku përfaqëson shumë më tepër se vetëm një ushqim. Përfaqëson lidhjen me familjen, kulturën, traditën, bashkësinë familjare. Synimi i saj është që përmes Balkan Bites të ofrojë ushqimin ballkanik për pjesën tjetër të botës, që të heq kufijtë (fizik dhe në kokën e njerëzve) si dhe të ofrojë njerëzit e kulturave të ndryshme.

Nga bardh e zi në shumë ngjyra, imazhe të New York-ut ndër dekada

Një fotograf me përvojë shumëvjecare me syrin fotografik vendosi që të merrej edhe me ngjyrosje të imazheve domethënëse që shkrepuara gjatë dekadave.

Tërë kjo nisi nga ideja e tij që udhëtimi me kohë do të ishte argëtues, por ndryshimi i rrjedhës së kohës është një dhimbje dhe thjesht nuk ia vlen.

Kur ngjyros, ai shprehet se ndihet një udhëtar duke parë detajet nga afër dhe duke mbushur me ngjyrë. Pjesët e përfunduara duken sikur ai me të vërtetë është kthyer në kohë dhe i ka bërë ato shkrepje me kamerën e tij.
Shumë prej tyre kanë pamjen e një picture klasike.

Ky grup fotografish është vetëm New York. Disa nga këto ndërtesa janë zhdukur, ndonëse ende mund t’i gjeni disa prej tyre tani. / KultPlus.com