Stina Shala, fituese e Prishtina Kids Fest 2017

Edicioni i tetë i Festivalit për Fëmijë “Prishtina Kids Fest 2017”, ka nxjerrë fituese të edicionit këngëtaren Stina Shala, të cilës edhe i është ndarë çmimi “Grand Prix”, shkruan KultPlus.

Kurse në këtë edicion të këtij festivali që organizohet nga Drita Rudi, janë ndarë edhe çmimet në dy kategori. Në kategorinë e parë, me çmime janë shpërblyer: Erza Hasolli, çmimi i parë, Ana Kodra, çmimi i dytë dhe Aglea Kaneva me çmimin e tretë.

Kurse në kategorinë e dytë, me çmimin e parë është shpërblyer Elit Hoti, me të dytin Arselinda Sheqeri, kurse me çmimin e tretë Erika Shllaku. Në këtë edicion është ndarë edhe çmimi i debutantes më të suksesshme, çmim që ka shkuar për Anea Sylejmanin, kurse ai i publikut është ndarë për Kada Elshanin./KultPlus.com

Nesër festivali i këndimit “Prishtina Kids Fest”

Festivali Ndërkombëtar i këndimit ”Prishtina Kids Fest“ këtë vit shënon 8 vjetorin e tij.

Përmes një komunikate për media bëhet e ditur se një javë më parë u mbajt audicioni i hapur për solistët nga Kosova të cilët do ta përfaqësojnë vendin në mbrëmjen finale të Festivalit të këndimit “Prishtina Kids Fest” edicioni i 8-të. Përpos solistëve nga Kosova do të garojnë solistët nga: Republika Çeke, Shqipëria, Bullgaria dhe Maqedonia.

Festivali Ndërkombëtar i këndimit ”Prishtina Kids Fest“ është festivali i parë i këtij lloji në Kosovë, të cilin e organizon Qendra Multikulturore Ndërkombëtare për Fëmijë dhe të Rinj, me drejtoreshë Drita Rudi.

Në mbrëmjen finale (të dielën) do të paraqiten para publikut gjithsej 14 konkurrent. Do të ndahen nga 3 shpërblime në dy kategori (KATEGORIA I – 6 deri ne 11 vjeç dhe kategoria II – 12 deri ne 16 vjeç) dhe natyrisht, çmimi më i madh i Festivalit, për vokalin më të mire të të dy kategorive “GRAND PRIX”. Fituese të çmimit “Grand Prix” në PKF viteve të kaluara ishin: Greata Azizi, Antoania Dora, Klesta Qehaja etj.

Këtë vit, për herë të pare Festivali Nderkombëtar i këndimit “Prishtina Kids Fest” do të ndanë “Çmimin e Publikut” të cilin çmim do ta vlerëson publiku në sallë, përmes votimeve për të preferuarin e tyre.

Fëmijët dhe të rinjtë që do të marrin pjesë janë: (KATEGORIA I) Anea Sylejmani, Ana Kodra, Eros Hysaj, Aglea Kaneva, Erza Hasolli, Rinea Vitija, Stina Shala.

(KATEGORIA II) Arselinda Sheqeri, Jovana Belevska, Elena Halilaj, Kada Elshani, Erika Shllaku, Elit Hoti, Rinesa Nura
Anëtarët e jurisë që përcollën rrugëtimin e solistëve që nga audicioni e deri në përfundim të mbrëmjes finale të PKF 2017, përbëhet nga: Adelina Paloja, soprano dhe anëtare e Filharmonise së Kosovës; Safet Berisha, kontratenori i pare shqiptar; Kaltrina Miftari, soprano dhe anëtare e Filharmonise së Kosovës. / KultPlus.com

‘Prishtina Kids Fest’ zgjedhë finalistin më 29 tetor

“Prishtina Kids Fest”, që është edhe festivali i parë ndërkombëtar për fëmijë dhe që ka për qëllim zbulimin e vokalistëve më të mirë, shënon edicionin e tetë me radhë, shkruan KultPlus.

Audicioni është mbajtur dhe finalistët do të shkojnë në garë për çmimin Grand Prix, në mbrëmjen finale që do të mbahet më 29 tetor në Amfiteatrin e Ri të Bibliotekës Universitare duke filluar nga ora 18:00.

Vitin e kaluar fituese e këtij çmimi ishte Greta Azizi. /KultPlus.com

“Prishtina Kids Fest” fton fëmijët për audicion

“Prishtina Kids Fest”, që është edhe festivali i parë ndërkombëtar për fëmijë dhe që ka për qëllim zbulimin e vokalistëve më të mirë, ka hapë thirrjen për audicion, ku mund të aplikojnë fëmijët, shkruan KultPlus.

Organizatorët kanë bërë të ditur se konkursi është i hapur për të gjithë solistët brenda dhe jashtë Kosovës, dhe mosha e fëmijëve duhet të jetë prej 7 deri 15 vjet. Konkursi është i hapur deri më 16 tetor, kurse informata më të detajuara mund ti merrni në https://www.facebook.com/PrishtinaKidsFest/.

Seleksionimi i solistëve përgjatë audicionit do të bëhet nga juria e festivalit, kurse finalistët do të shkojnë në garë për çmimin Grand Prix, në mbrëmjen finale që do të mbahet më 29 tetor të këtij viti./KultPlus.com