Aurela Krasniqi fiton çmimin kryesor në Festivalin e këngës popullore “Kosovarja Këndon”

Medina Pasoma

Edicioni i 48-të i Festivalit të Këngës Popullore “Kosovarja Këndon” bashkoi zëra të vajzave të talentuara. Çmimin kryesor në këtë përvjetor kur ky organizim iu dedikua të mbijetuarëve të dhunës seksuale, e rrëmbeu Aurela Krasniqi, shkruan KultPlus.

Festivali i cili i kishte rezistuar vështirësive të luftës e të paqes, arriti të organizohej në Ferizaj sonte pavarësisht pandemisë. Kësaj here, përveç përballjes me virusin e padukshim njerëzor, ky festival përqoi edhe një mesazh tjetër.

Lulja anemonë kishte marrë vendin e saj në çdo pjesë të festivalit, në skenë, te konkurrentet, ansambli dhe moderatorja. Nga çdo anë, kombinimi i ngjyrave vjollcë-verdhë përçonin shpresë. Kjo lule e cila ishte simbol i fushatës “Bëhu Zëri im” nga QKRMT, shprehu përkrahje ndaj të mbijetuarëve të dhunës seksuale në këtë organizim.

Nga ana tjetër 13 zëra të talentuar me pjesëmarrje nga Prishtina, Gjilani, Fushëkosova, Obiliqi e Artana për shkak të pandemisë u detyruan të këndojnë pa duartrokitjet e publikut, ndërkaq vajzave të Preshevës e të Shqipërisë iu privua tërësisht pjesëmarrja për shkak të gjendjes së krijuar. Secila nga to garuan për tre çmimet e para, çmimin “Nexhmije Pagarusha” dhe çmimin “Skënder Idrizi”.

Përderisa ulëset ishin të zbrazëta, ato morrën vendet e tyre në skenë me radhë, duke sjellur nëpërmjet interpretimeve të tyre këngë popullore që kanë hyrë në historinë e kulturës dhe muzikës shqiptare.

Për t’i shoqëruar me tingujt e harmonikës, klarinetit, flautës, gitarës, violinës dhe instrumenteve të tjera prezente ishte Ansambli i Këngëve dhe Valleve “Kastriotët” me formacion të zgjeruar nën udhëheqjen e Fitim Bytyqit, të cilët ishin edhe organizatorët e këtij Festivali të muzikës popullore.

E para e cila performoi në skenë ishte fituesja e edicionit të kaluar, Alma Haxhiu me këngën “Kno bylbyl me ma t’madhin za”. Pas saj, nën moderimin e Vjosa Abazit këngëtaret konkurrente i falin publikut virtual emocione të paharrueshme, të buruara nga pjesë muzikore të cilat kulmojnë kulturën shqiptare.

Blerina Musa me këngën “Kur më shkon si zog n’hava”, Arjanita Zymberi nëpërmjet pjesës artistike “Doli goca në penxhere”, Shpresa Krasniqi me “Moj bardhoke”. Aurela Krasniqi duke performuar “Valsi i lumturisë”, Anesa Bunjaku me këngën “Kroi i fshtatit tonë”, Diana Mehmeti nëpërmjet “Kur bjen fylli e çiftelia”, Blerta Curri me performancën e “Të deshta me hakikat, Patrisa Piskala  me “Fërfëlloj thëllënza”,  Anduena Ramadani me këngën “Dua më shumë Shqipërinë” , Diellza Dedushi  nëpërmjet performancës me “Nënë moj”, Flandra Aliu me këngën “Rrallë kam pa këso bukurie”, Naile Halili nën interpretimin e “Një Lule” dhe Anisa Shabani me “Zambaku i Prizrenit” përmbyllën performancat garuese të këtij edicioni.

Pas këtyre interpretimeve, radha ishte që juria e përbërë prej solistes dhe veteranes së festivalit Shpresa Berishës, sopranos Arta Jashari soprano, profesoreshës dhe muzikologes Rreze Kryeziu, kritikut muzikor Sami Piraj dhe Murat Baliu të vendosnin për fitueset e çmimeve. Përgjatë kësaj kohe, skena nuk mbeti e zbrazët. Liridon Sadriu, Alma Haxhiu, Mentor Haziri dhe potpuria e udhëhequr nga Elife Podvorica i falin muzikë të mirë publikut, duke i bërë konkurrentet të jenë edhe më kureshtare për vendimet e jurisë.

 Çmimin e parë të këtij edicioni e morri Aurela Krasniqi me këngën “Vals i Lumturisë” të cilin ia dha Xhemile Murati Shabani. Çmimin e dytë do ta jepte Berisha Rexhepi për konkurrenten Naile Haliti. Çmimi i tretë shkoi në mes dy këngëtareve, për perfomancën e këngës “Zambaku i Prizrenit” nga Anisa Shabani dhe “Nënë moj” nga Diellza Dedushi, të cilave ia dorëzoi Murat Baliu. Në anën tjetër, çmimin “Nexhmije Pagarusha” nga kori i grave “Nexhmije Pagarusha” e dhuroi Nazlije Beadini për performuesen Diana Mehmeti. Anesa Binaku u bë fituese e çmimit “Skënder Idrizi” nga Klubi i gazetarëve “Haki Braha”.

Për fund, fituesja e çmimit të parë risjelli edhe një herë emocionet që i dha publikut nëpërmjet këngës “Vals i lumturisë”, duke e kënduar edhe një herë.

Ky organizim muzikor ishte përkrahur nga Ministria e Kulturës, Rinisë dhe Sportit si dhe Drejtorisë për Kulturë në kuadër të Komunës së Ferizajit. / KultPlus.com

De-stigmatizimi ndaj të mbijetuarve vjen në formën e diskutimit online

Për rreth 20.000 të mbijetuarë të dhunës seksuale shumë shpesh është konkluduar se janë kategori e stigmatizuar nga shoqëria.

Pikërisht për ta trajtuar këtë temë dhe proceset reformuese, Qendra e Kosovës për Rehabilitimin e të Mbijetuarve dhe Torturës bashkë me Debate Center do të organizojnë diskutim me temën “De-stigmatizimi i dhunës seksuale në Kosovë”.

Diskutimi i cili do të mbahet më 30 dhjetor do të jenë online dhe do të filloj nga ora 17:00.

Ky aktivitet do të organizohet me qëllim të luftimit të stigmatizimit të të mbijetuarve të dhunës seksuale gjatë luftës në Kosovë dhe familjeve të tyre.

Për të marrë pjesë në diskutim plotësoni linkun në vijim:
https://docs.google.com/…/1FAIpQLSehddDSzLd…/viewform… / KultPlus.com

Publikohet Protokolli që ka fokus dokumentimin e krimeve të dhunës seksuale sipas të drejtës ndërkombëtare

Rreth 20.000 gra dhe burra mbesin të dhunuar nga lufta e fundit e Kosovës. Për verifikimin dhe njohjen e statusit të viktimës së dhunës seksuale përgjatë kësaj lufte, ata duhet t’iu nënshtrohen disa procedurave. Pikërisht për t’i lehtësuar këto procedura, Qendra Kosovare për Rehabilitimin e të Mbijetuarve të Torturës (QKRMT) në bashkëpunim me organizata të këtij profili dhe institucione shtetërore ka bërë përpilimin e Protokollit për identifikimin, hetimin dhe trajtimin e rasteve të dhunës seksuale gjatë luftës në Kosovë, shkruan KultPlus.

Protokolli i cili u realizua përmes punës së QKRMT’së, grupeve punuese nga Sektori për krime të luftës në kuadër të Policisë së Kosovës, Prokuroria e shtetit, Qendra për Promovimin e të drejtave të grave, Medika Kosova dhe Medika Gjakova, u prezantua sot nën prezencën e drejtuesve të organizatave, familjarëve të të mbijetuarve dhe mediave.

Paneli i diskutimit përbëhej nga Feride Rushiti, drejtoreshë në QKRMT, Drita Hajdani, Prokurore Speciale në Prokurorinë Speciale të Kosovës dhe Fadil Gashi, drejtor në Drejtorinë për hetimin e krimeve të rënda. Përgjatë diskutimit u shpalos qëllimi i përpilimit të këtij protokolli, përdorimi dhe rëndësia e tij. Në të njëjtën kohë u bë ndarja e përvojave të ndryshme në mes të organizatave dhe institucioneve.

Qëllimi kryesor i Protokollit është të shërbejë si një dokument udhërrëfyes për institucionet që merren me hetimin dhe gjykimin e çështjeve dhe udhërrëfyes për palët në procedurë, në mënyrë që palët të njoftohen më për së afërmi me kompetencat e organeve të caktuara, të përfshira në këtë protokoll.

Folësja e parë, Feride Rushiti tregoj se ky protokoll është burim i atij ndërkombëtar për dokumentimin e hetimit të dhunës seksuale në konflikt, i cili është publikuar në vitin 2014, i udhëhequr nga Ministria e Punëve të Jashtme të Britanisë së Madhe dhe ambasadorja e vullnetit të mirë të OKB-së për refugjatë, Angelina Jolie, ndërsa ka qenë prezent edhe QKRMT.

“Ky protokoll ka për qëllim pikë së pari t’i koordinoj të gjithë hallkat institucionale dhe mekanizmat jo institucional, pra organizatat jo qeveritare dhe agjencitë e tjera të pavarura në mënyrë që t’iu lehtësojnë të mbijetuarve të dhunës seksuale të kenë qasje në drejtësi, dokumentim, hulumtim, rehabilitim dhe integrim në shoqëri”, u shpreh drejtoresha e QKRMT, Rushiti.

Prokurorja Speciale, Drita Hajdari teksa foli për rëndësinë e procedurave, tregoj kërkesën e saj që me rastet e të mbijetuarve të dhunës seksuale të merren policet dhe prokuroret, specifikisht gratë në këto institucione.

“Kam marrë një përgjegjësi shumë të madhe, mirëpo me një dëshirë dhe vullnet që këto krime të zbardhen dhe kryesit e këtyre veprave të vendosen para drejtësisë”, u shpreh prokurorja Hajdari.

Drejtori i drejtorisë për hetimin e krimeve të rënda në kuadër të Policisë, Fadil Gashi u shpreh se këtë kategori të luftës duhet ta mbrojmë si shoqëri dhe mos ta stigmatizojmë, teksa në fund shprehu rëndësinë e këtij protokolli: “Ky protokoll i cili u formua të ketë si fokus kombinimin ndër institucional dhe të organizatave të tjera, që qasja, identifikimi, dokumentimi i këtyre rasteve të jetë i njëjtë dhe të mos ketë të panjohura në mes nesh”.

Fokusi i Protokollit është në dokumentimin e krimeve të dhunës seksuale sipas të drejtës ndërkombëtare. Protokolli gjithashtu do të shërbejë si një strategji praktike që profesionistët mund t’i përdorin për të zvogëluar dhe adresuar rreziqet e mundshme që lidhen me dokumentimin dhe hetimin e dhunës seksuale në luftë, si dhe për të tejkaluar disa nga pengesat që paraqiten në përpjekjet e llogaridhënies për përmirësimin dhe të kuptuarit se si të mblidhen dhe të dokumentohen informatat për dhunën seksuale, gjithmonë duke pasur parasysh parimin e mos bërjes dëm.

Prandaj, ky dokument do të përdoret për të trajtuar, mbështetur dhe përfaqësuar të drejtat e të mbijetuarve dhe të dëshmitarëve të dhunës seksuale në luftë.

Në fund të këtij organizimi, fjala iu dha edhe të pranishmëve të tjerë për të diskutuar rreth problemeve të kësaj kategorie të dalë nga lufta. / Medina Pasoma / KultPlus.com

Vizita e nobelistit Mukwege në Kosovë, një mbështetje e drejtpërdrejt për të mbijetuarit e dhunës seksuale gjatë luftës në Kosovë

Komisioni Qeveritar për Njohjen dhe Verifikimin e Statusit të Personave të Dhunuar gjatë Luftës, kishte nderin që në ambientet e punës së tij të pres në vizitë Denis Mukwege – Laureatin e Çmimit Nobel për Paqe për vitin 2018.

Në këtë takim Mukwege u shoqërua nga drejtoresha e Fondacionit Mukwege, Esther Dingemans, si dhe ekipi i tij dhe përfaqësuese të rrjetit Sema Vasfije Krasniqi dhe përfaqësuese nga Sudani Jugor dhe komuniteti Jazidi nga Iraku. Përfaqësues të Qendrës Kosovare Për Rehabilitimin e Torturës Feride Rushiti, ishin gjithashtu prezent, si organizatë që ftoi Mukwege në Kosovë.

Komisioni Qeveritar shprehu vlerësime të larta për vizitën e Mukwege në Kosovë, si një mbështetje që vjen drejtpërdrejt për të mbijetuarit e dhunës seksuale gjatë luftës në Kosovë si dhe për angazhimin e shtetit të Kosovës në adresimin e këtij mjeti të luftës. Komisioni Qeveritar gjithashtu vlerësoi angazhimin e pakursyer të Mukwege në ngritjen e vetëdijes dhe në ofrimin e mbështetjes dhe ndihmës së nevojshme për të mbijetuarit në mbarë botën.

Komisioni e njoftoi Mukwegen për punën e Komisionit që nga themelimi i tij në vitin 2018 e deri më sot, progresin e arritur deri më tani në trajtimin e rasteve të aplikimeve për njohjen e statusit si dhe sfidat që po e përcjellin këtë proces kaq të ndjeshëm.

Në takim, u shkëmbyen përvojat e Kosovës në trajtimin e rasteve të dhunës seksuale gjatë luftës, si një nga modelet më të mira në botë që ekzistojnë për rastet e reparacioneve të viktimave të dhunës seksuale gjatë luftës.

Komisioni iu përgjigj pyetjeve që ishin me interes të Mukwege si dhe i prezantoi procedurat e punës deri në marrjen e vendimit, e gjithashtu ofroi edhe rekomandimet e tij se si kjo përvojë të përcillet edhe vë vendet e tjera që kanë kaluar konflikte të armatosura.

Në fund, Mukwege e përgëzoi Komisionin për punën e jashtëzakonshme që po bën me të mbijetuarit e dhunës seksuale gjatë luftës në Kosovë dhe se është krenar që Kosova ka arritur të ndërtojë një model kaq të suksesshëm i cili do të shërbejë si model edhe për vendet e tjera që kanë kaluar konfliktin e armatosur. / KultPlus.com

Laureati i Çmimit Nobel për Paqe, Denis Mukwege viziton QKRMT-në

Në shënimin e 20 Vjetorit të themelimit të saj, Qendrën Kosovare për Rehabilitimin e të Mbijetuarve të Torturës (QKRMT) do ta vizitojë Laureati i Çmimit Nobel për Paqe 2018, Denis Mukwege.

Me ftesën e QKRMT-së, Mukwege do të marrë pjesë në aktivitetet të cilat do realizohen më 10 dhe 11 nëntor 2019.

Aktivitetet kryesore në të cilat do të marrë pjesë Mukwege, mw datw 10 nwntor janw: Denis Mukwege viziton QKRMT, ku do të pritet nga stafi i QKRMT-së dhe përfaqësuesit e OJQ-ve partnere. Takim me të mbijetuarit e dhunës seksuale gjatë luftës në Kosovë. Takim me përfaqësuesit e Komisionit Qeveritar për Njohjen dhe Verifikimin e statusit të viktimave të dhunës seksuale.

Ndwrsa mw datw 11 nëntor, Denis Mukwege do të jetë folësi kryesor në Konferencën e 20 Vjetorit të themelimit të QKRMT-së, nw ora 9.30 – 14.00, nw Hotel Sirius.

Denis Mukwege do të merr pjesë edhe në pritjen (koktej) e organizuar me rastin e shënimit të 20 Vjetorit të themelimit të QKRMT-së nw ora 18.30 – 20.30 nw Sheshi 21.

Në kuadër të kësaj vizite, Denis Mukwege do të takohet edhe me personalitete dhe përfaqësues të institucioneve.

NEW YORK, NY – APRIL 26: Denis Mukwege speaks at the 2016 Time 100 Gala, Time’s Most Influential People In The World at Jazz At Lincoln Center at the Time Warner Center on April 26, 2016 in New York City. (Photo by Kevin Mazur/Getty Images for Time)

Kush është Dr. Denis Mukwege?

Denis Mukwege i lindur më 1 Mars 1955, është gjinekolog Kongolez. Ai themeloi dhe punon në spitalin Panzi në Bukavu (1999), ku u specializua në trajtimin e grave të dhunuar nga rebelët e armatosur. Dr Mukwege ishte i vetmi obstetër-gjinekolog në atë rajon, ndërsa Spitali Panzi u bë strehë për mijëra viktima, ku u ndërtua një model që integron mbështetje psikologjike, ndihmën juridike si dhe mbështetje socio-ekonomike. Me kalimin e viteve, Dr Mukwege u bë ekspert – udhëheqës botëror në trajtimin e të mbijetuarve të dhunës seksuale. Ndërsa numri i viktimave të dhunës seksuale në konflikte po rritej, Denis Mukwege kuptoi se shërbimet mjekësore të vetme nuk do ta zgjidhin problemin. Kështu, ai zgjeroi aktivitetin në mbështetje të të mbijetuarve, dhe përtej ndihmës mjekësore, avokimi dhe nismat vetëdijësuese në nivel global komplementojnë angazhimin e tij human. Kësisoj, së bashku me aktivisten Jezide, Nadia Murad, Dr Mukwege mori çmimin Nobel për Paqen 2018 për përpjekjet e tij për t’i dhënë fund përdorimit të dhunës seksuale si mjet lufte në konflikte të armatosura. Përpjekjet e tij për të sjellë në vëmendjen e Kombeve të Bashkuara dhe organizatave të tjera ndërkombëtare , çështjen e mbrojtjes së grave në zonat e luftës dhe konflikteve të armatosura, dhe për t’i sjellur para drejtësisë ata që janë përgjegjës për dhunën seksuale, e shndërruan atë në aktivistin kryesor të të drejtave të njeriut dhe barazisë gjinore. Dr Mukwege mori çmime të shumta për punën e tij, përfshirë Çmimin e Kombeve të Bashkuara për të Drejtat e Njeriut (2008), Çmimin Sakharov të Parlamentit Evropian (2014).

Revista TIME e renditi atë në mesin e 100 personave më me ndikim në botë dhe Fondacioni Carter e quajti atë “qytetar të botës”.

Çmime ndërkombëtare:

· Nobel Peace Prize, with Nadia Murad (October 2018) · Time magazine’s 100 Most Influential People (2016) · Seoul Peace Prize (Seoul, Korea, October 2016) · Scandinavian Human Dignity Award Laureate, by the Scandinavian Human Rights Lawyers & Committee (Stockholm, October 2016) · Four Freedoms Award Laureate for the Freedom From Want, by the Roosevelt Institute in New York and Franklin D. Roosevelt Stichting (Middelburg, Netherlands, April 2016) · Fortune Magazine 35th World Greatest Leader of 2016 (March 2016) · University of Pennsylvania School of Nursing Renfield Foundation Award for Global Women’s Health (Philadelphia, March 2016) · Prix Héros pour l’Afrique (Hero for Africa) (Brussels, January 2016) · Women for Women International “Champion for Peace Award” (New York, November 2015) · Gulbenkian Prize (Lisbon, July 2015) · The Sakharov Prize for the Freedom of Thought, received from the European Parliament (Strasbourg, November 2014) · Solidarity Prize received from Médecins du Monde and the Saint-Pierre University Hospital (Brussels, October 2014) 2 · The Inamori Ethics Prize from the Case Western Reserve University Inamori Center for Ethics and Excellence (October 2014) · The Hillary Clinton Award (Washington, DC, February 2014) at Georgetown University for Advancing Women in Peace and Security[36] along with the British Secretary of State for Foreign Affairs William Hague · Right Livelihood Award (September 2013) · “Prize for Conflict Prevention” by the Fondation Chirac (Paris, October 2013) honored by the presence of 2 French presidents Jacques Chirac and François Hollande · Human Rights First Award (August 2013) · Civil Courage Prize (October 2013) · Officier de la Légion d’Honneur Française (Panzi, July 2013) brought to Bukavu by the First Lady of France Valérie Trierweiler and the Minister of Francophonie Yamina Benguigui. · The 2011 Deutscher Medienpreis (German Media Award) (Baden Baden, Germany, February 2012) · Clinton Global Citizen Award for Leadership in Civil Society (New York, September 2011) by President Bill Clinton. · The King Baudouin International Development Prize (Brussels, 24 May 2011)[29] by the King of Belgium Albert II. · The Wallenberg Medal (University of Michigan, October 2010) · Van Heuven Goedhart-Award (June 2010) from the Netherlands Refugee Foundation (Stichting Vluchteling) · Chevalier de la Légion d’Honneur by the French government (Kinshasa, November 2009) by French Ambassador Pierre Jacquemot · African of the Year (Nigeria, January 2009), awarded by Daily Trust · Olof Palme Prize (Sweden, 2008) · UN Human Rights prize (New York, December 2008)

Tituj nderi:

· Honorary degree from Université de Montréal (Montréal, Canada, June 2019) · Honorary degree from New University of Lisbon (Lisbon, Portugal, May 2019) · Honorary degree from Pennsylvania State University (Philadelphia, United States, May 2019) · Honorary degree from University of Liège Honorary Degree Doctor Honoris Causa (Liège, Belgium, September 2018) · University of Angers (French: Université d’Angers) Honorary Degree of Doctor of Medicine (Angers, France, January 2018) · University of Edinburgh Honorary Degree of Doctor of Medicine (Scotland, December 2017) · Harvard University Honorary degree as Doctor of Science (Boston, May 2015) · Honorary degree from the University of Louvain (UCLouvain, Belgium, February 2014)[49] along with Lawrence Lessig and Jigme Thinley · Honorary Doctorate by the faculty of medicine at Umeå University (Sweden, June 2010). / KultPlus.com