Lansohet traileri i filmit ‘West Side Story’ të Steven Spielberg (VIDEO)

Regjisori i famshëm amerikan, tashmë ka publikuar pamjet e para të filmit të tij të cilin e ka paralajmëruar kohë më parë, përcjell KultPlus.

Filmi mban titullin ”West Side Story” dhe në të do të luajnë aktorët Ansel Engort dhe Rachel Zegler, të cilët portretizojnë dy të rinj që bien në dashuri në New York-un e viteve të 50-ta.

Ndërsa aktorët e tjerë që do të luajnë në këtë film janë Ezra Menas, Julius Anthony Rubio, Ana Isabelle, Brian d’Arcy James, Corey Stoll etj.

“West Side Story” ishte planifikuar të lansohet nëpër kinema në fund të vitit 2020, por ishte shteyr shkaku i pandemisë.

Filmi pritet të ketë premierën e tij në dhjetor të këtij vitit. / KultPlus.com

Steven Spielberg vjen me serial horror, episodet do të shfaqen vetëm pas perëndimit të diellit

Steven Spielberg raportohet se po shkruhet një serial të zhanrit horror për shërbimin e drejtpërdrejtë Quibi (“Quick Bites” for short), ku shikuesit do të jenë në gjendje ta shikojnë vetëm kur jashtë bije errësira.

“Steven Spielberg erdhi dhe më tha se ‘Kam një histori super të frikshme që dua të bëj’”, tha themeluesi i Quibit, Jefrie Katzenberg në Festivalin Botëror të Banff në Kanadë, raporton Variety.

“Ai e ka shkruar vetë. Ai kurrë nuk e ka përshkruar ndonjë projekt të vetin si fantastike”, shtoi më tutje ai.

Steven Spielberg (Foto by John Phillips/Getty Images/Guliver)

Spielberg kërkoi që shfaqja të shihej vetëm pas mesnatës, kështu që inxhinierët e Quibiit dolën me një plan.

Një orë do të shfaqet në telefonat e shikuesve, duke përcjellë diellin. Ora gjithashtu gjurmon kur dielli kthehet, gjatë asaj kohe shfaqja do të jetë e padisponueshme derisa të vjen edhe një herë mesnata.

Sipas Katzenberg, Spielberg ka “shkruar pesë ose gjashtë episode” tashmë me një mundësi 10-12 në vepra. Titulli i punës është “Spielberg’s After Dark”. 

Ky është seriali i Steven Spielberg i cili do të mund të shihet vetëm natën

Steven Spielberg po shkruan një serial televiziv horror për ‘Quibi’ që do të shikohet vetëm natën, kur celularët do të tregojnë se jashtë është errësuar, shkruan lapsi.al.

Për momentin titulli i zhvillimit të serialit është “Spielberg’s After Dark”. Regjisori i famshëm ka shkruar gjashtë episode të një historie të përbërë nga 10 ose 12 seri. Nuk dihet ende data e publikimit dhe historia e këtij projekti.

Karriera e regjisorit Steven Spielberg vjen në një dokumentar (VIDEO)

Steven Spielberg ka qenë një prej producentëve më të njohur e më të suksesshëm të Hollywoodit që nga fillimi i viteve ’70, tani, ai do të dalë para kamerave për të folur për karrierën e tij, në një dokumentar të ri të “HBO”-së, të titulluar “Spielberg”.

“Është një eksperiencë shumë interesante të jesh subjekt i një filmi, kur ke kaluar të gjithë karrierën duke kërkuar subjekte filmash. E papritur, je ti subjekti”, tha Steven Spielberg, regjisor.

Producenti ikonë, që qëndron pas sukseseve si “E.T. Jashtëtokësori”, “Shpëtoni ushtarin Ryan”, etj., rrëfen eksperiencën e tij në prodhimin e filmave dhe tregon sesi jeta e tij personale ndikonte në zgjedhjet kinematografike.

Ai shpjegon edhe sesi funksionon puna e tij. Spielberg mori pjesë në një premierë ekskluzive për yjet në studiot e kompanisë “Paramount”, i shoqëruar nga producentja e dokumentarit, Susan Lacy. “Nuk kishim folur për të më parë. Shkëlqimi i një artisti është të kuptosh artistin tjetër. Ai asnjëherë nuk më bëri asnjë pyetje. Nuk më pyeti se çfarë filmi po bëja. E ky është një nivel besimi që të lë pa fjalë”, thotë Susan Lacy, producente e dokumentarit.

Vlerësimet për regjisorin dhe producentin e madh të “Hollywood”-it vijnë edhe nga bashkëpunëtorët e tij. “Ai më ndryshoi jetën. Ky është ‘Hollywood’-i. Ai është njeriu që më punësoi mua. I pari! Ai krijoi një rol në ‘Shpëtoni ushtarin Ryan’, për mua”, tha Vin Diesel, aktor. / KultPlus.com

8 thënie inspiruese nga Steven Spielberg

Kemi shumë për të mësuar nga njeriu i cili qëndron prapa filmave tuaj më të preferuar klasikë si Jaws, E.T dhe Jurassic Park. Me imagjinatën dhe aftësinë e tij për të sjellë në jetë idetë e tij më të mëdha, njeriu i dashur i Hollywood, Steven Spielberg është një shembull për të gjithë.

Pasioni i tij, kreativiteti dhe motivimi tregojnë se gjithçka është e mundur. Nga një moshë e re, ai ishte gati për famë kinematografike.

Pasi u largua nga kolegji kur iu ofrua një mundësi në Universal Studios, Spielberg shtroi rrugën e tij drejt suksesit. Mirëpo, pas shumë vitesh si mogul i filmave dhe duke rritur shtatë fëmijë, Spielberg vendosi të kthehej në shkollë për t’iu dhënë shembull fëmijëve. Në moshën 55-vjeçare, ai diplomoi nga kolegji.

Shembuj të këtillë tregojnë se si gjenitë e filmave nuk na inspirojnë vetëm në ekran, por edhe jashtë ekranit. Dhe kemi shumë për të mësuar nga ai.

Shikoni këto tetë thënie nga njëri prej udhëheqësve më inspirues të Hollywood.

Për suksesin
“Jeta është një varg i fuqishëm dhe i gjatë i momenteve të cilat definojnë karakterin tuaj’’.

Për pasionin
“Dëgjoni atë zë i cili ju thotë se mund të bëni diçka. Asgjë nuk definon karakterin tuaj më shumë se ai’’.

Për motivimin
“Mos u largoni nga ajo e cila është e dhimbshme. Kontrollojeni atë. Sfidojeni atë.

Për udhëheqjen
“Puna juaj është të krijoni një botë e cila zgjat përgjithmonë’’.

Për të ardhmen
“Mënyra se si e krijoni një të ardhme më të mirë është duke studiuar të kaluarën’’.

Për fuqizimin
“Në momentet tuaja definuese, mos lejoni që gjendja juaj morale të luhatet nga komoditeti ose përshtatshmëria. Të qëndruarit në karakterin tuaj kërkon shumë guxim’’.

Për mënyrën e të menduarit
“Zëvendësoni frikën me kuriozitet’’.

Për ndryshimin
“Të gjithë ne, çdo vit, jemi persona të ndryshëm. Nuk mendoj se jemi personi i njëjtë gjithë jetën’’. / KultPlus.com