Mediat ndërkombëtare shkruajnë për Alkent Pozhegun, realizoi mozaik me drithëra të figurës së Mbretëreshës

Artisti Alkent Pozhegu njihet për stilin e tij te veçantë, i cili arrin që të krijojë vepra arti përmes drithërave, shkruan KultPlus.

Së fundmi, Pozhegu ka arritur që të krijojë një mozaik të Mbretëreshës Elizabeth II, e cila vdiq ditë më parë.

Për punën e tij të palodhshme dhe magjike, mediat ndërkombëtare kanë kanë vendosur që të realizojnë storie për të.

Televizioni francez “EuroNews” ka realizuar një kronikë televizive, duke shfaqur punën dhe talentin e Pozhegut. “Artisti krijon portret për nder të Mbretëreshës duke përdorur drithëra (fara)”

Edhe një televizion tjetër, ABC, nga Mbretëria e Bashkuar ka realizuar një storie për Alkent Pozhegun, i cili deri tani veçse mban 3 rekorde botërore.

Ndërkaq, kjo nuk është hera e parë që ai po shfaqet nëpër media ndërkombëtare, pasi një gjë të tillë e ka bërë me vite. /KultPlus.com

Sot hapet ekspozita “Mozaik me drithëra” në Muzeun Kombëtar të Kosovës

Artisti Alkent Pozhegu vjen me ekspozitë personale në Muzeun Kombëtar të Kosovës, përcjell KultPlus.

Ekspozita personale e titulluar “Mozaik me drithëra” do të hapet sot duke filluar nga ora 19:00.

Ndërkaq, kjo ekspozitë do të qëndrojë e hapur deri më 15 prill. / KultPlus.com

Alkent Pozhegu realizon mozaikun artistik, falënderon kancelaren Merkel për mbështetjen e saj ndaj kosovarëve

Artisti kosovar Alkent Pozhegu së fundmi ka shpalosur artin e tij krejtësisht të veçantë në një mënyrë për të falënderuar kancelaren gjermane, Angela Merkel e cila vazhdon të mbetet një shembull për të gjitha gratë e botës e sidomos për mbështetjen që ajo i ka dhënë vendit të saj për plot 16 vjet, përcjell KultPlus.

Një mozaik nga fara të llojllojshme, ka gjetur formën e figurës së Merkel pikërisht në ditën kur Gjermania ka votuar për një kancelar të ri. Pozhegu kësaj radhe, me mënyrën e tij unike falënderon Merkel për kontributin e saj të dhënë për Kosovën.

Sheshi i Gjakovës sot ka ndjerë drithërat e ndryshme si: misri i kuq, i portkollat, orizi i bardhë dhe farat e lulediellit, me ç’rast duket qartë se arti gjithmonë nderon një person, pa marrë parasysh pozitën e tij.

Nëpërmjet artit, artisti Pozhegu ka arritur të identifikohet lehtë nga mediat e ndryshme të huaja e në veçanti nga ato gjermane të cilat kanë kushtuar artikuj të ndryshme për artin e tij.

Pozhegu, mozaikun e kancelares gjermane e ka vendosur në një shesh të Gjakovës duke e shkruar edhe fjalën ‘DANKE’ në gjuhën gjermane.

“Unë besoj që për botën është shumë, sepse një femër ka arritur të jetë më e fuqishme në botë që ka fituar katër mandate dhe ka arritur t’i jap shembull të gjitha femrave në botë. Kurse ne në Kosovë duhet të jemi falënderues gjatë tërë jetës sepse gjatë tërë kohës nuk ka munguar mbështetja e fuqishme që e kemi pasur nga Angela Merkel”, tha Pozhegu.

“Materialet për mozaikun janë, misër i kuq, i portokallt, oriz dhe fara luledielli, përmasat janë përafërsisht 3 me 4, kurse sasia e kokrrave janë shpenzuar afër 1 kilogram prej secilit përbërës”, tregon tutje ai.

Përndryshe, kujtojmë se Alkent Pozhegu mban dy rekorde ‘Guinness’ për mozaikët e tij gjigantë të bërë me fara. / KultPlus.com

Mozaiku i kosovarit për Joe Bidenin, lajm në mediet më të mëdha amerikane

Mozaiku i artistit kosovar, Alkent Pozhegu, ku paraqitet figura e presidentit të zgjedhur amerikan, Joe Biden, është shfaqur edhe në ekranin e televizionit amerikan “ABC News”.

Puna e artistit ka marrë vëmendje edhe në shumë medie të tjera ndërkombëtare, në kohën kur shteti më i fuqishëm i botës po pret që në krye të tij të vendoset politikani që dikur shërbente si nënpresident.

Pozhegu ka thënë se për punimin e këtij mozaiku ka përdorur 120 kilogramë drithëra, misër, fara luledielli, oriz dhe fasule.

Ndryshe, Joe Biden do të inaugurohet zyrtarisht si shef i Shtëpisë së Bardhë dhe president i 46-të i Shteteve të Bashkuara të mërkurën rreth orës 12 sipas kohës lokale apo rreth orës 18 sipas kohës në vendin tonë, shkruan Gazeta Express.

Ai njihet si mik i madh i Kosovës. Ka shprehur përkrahje të vazhdueshme për shtetin tonë dhe shumë vjet më parë e ka kritikuar ashpër “kasapin e Ballkanit”, Sllobodan Millosheviq, për politikat shtypëse në ish-krahinat e Jugosllavisë. / KultPlus.com

The Guardian shkruan për mozaikun e kosovarit, mozaiku i Alkent Pozhegut, fotografi e ditës

Alkent Pozhegu i cili është i njohur për rekordet  e Guines, i cili ka realizuar shumë portrete me drithëra, tashmë është në vëmendjen e medieve prestigjioze të botës, i cili ka realizuar së fundi portretin e kandidatit për president te SHBA-ve, Joe Biden, shkruan KultPlus.

Ai përpos që ka promovuar punën e tij me Biden, në të njëjtën kohë ka promovuar edhe shtetin e Kosovës, pasi që The Guardian përshkrimin e kësaj fotografie e ka bërë që se kjo fotografi është realizuar nga Alkent Pozhegu, e që është realizuar në Gjakovë të Kosovës.

Për këtë punim kanë shkruar edhe shumë medie të njohura në botë, pikërisht në momentin kur jemi në prag të betejës për udhëheqjen e SHBA-ve nga Biden dhe Trump./ KultPlus.com

‘The Guardian’ shkruan për Mozaikun e Dua Lipës punuar nga Alkent Pozhegu

Alkent Pozhegu ka marrë tri certifikata nga libri i rekordeve Guinness, për artin e veçantë që bën.

Ai ka realizuar mozaikë për disa prej personaliteteve më të njohur, përfshirë edhe artisten shqiptare me famë botërore, Dua Lipa.

Mozaiku që Alkenti e bëri në Gjakovë për Dua Lipën, ka marrë jehonë edhe tek mediet ndërkombëtare.

Prestigjiozja “The Guardian” ka zgjedhur foton e tij si më të mirën, në artikullin ku përmbledh fotografitë më të mira të ditës së enjte.

“Artisti Alkent Pozhegu punon në prekjet e fundit të një mozaiku të bërë me kokrra dhe fara që përshkruan Dua Lipën, një pop-yll britanik me prejardhje kosovare. Fotografia: Armend Nimani / AFP / Getty Images”, është përshkrimi që iu bë mozaikut të punuar nga Pozhegu. / KultPlus.com

Krijoji portretin e Donald Trump, The Guardian shkruan për Alkent Pozhegun

Rekordi për Mozaikun më të madh me fara i takoi për dy herë radhazi artistit nga Gjakova Alkent Pozhegut. Në vitin 2014, Pozhegu ka punuar një mozaik nga drithërat. Ky mozaik sportiv ka pasur dimensionet 20×25 m, me një hapësirë 500 metra katrorë dhe për këtë punim ai ka përdorur 2500 kilogramë drithëra për të krijuar emrat e dy futbollistëve – Messi dhe Ronaldo dhe pikërisht me këtë punim Pozhegu u fut për herë të parë në Librin Guiness. Hera e dytë për të që përjetoi një sukses të tillë ishte me portretin e Rita Orës, shkruan KultPlus.

Ndërsa tashmë Pozhegu ka përfunduar portretin e presidentit amerikan, Donald Trump dhe pikërisht me këtë portret ai ka arritur të marrë vëmendjen e mediave ndërkombëtare, të cilat dedikuan artikuj për gjakovarin.

Prestigjiozja The Guardian ka publikuar mozaikun me portretin e Donald Trump dhe kanë shkruar për punën e Pozhegut.

Me këtë portret, ai po synon të vendosë një rekord të ri, duke krijuar mozaikun më të madh me gurë me imazhin e presidentit amerikan, Donald Trump.

Ky mozaik është 560 metra katrorë dhe është punuar me kokrra misëri, farë luledielli, oriz dhe grurë. Po ashtu, artisti kosovar deri më tani ka realizuar edhe shumë vepra të tilla, duke zgjedhur gjithmonë fytyrat më pikante. Rita Ora, Leonardo Di Caprio, Marilyn Monroe, Angelina Jolie, Dua Lipa e Shkëlzen Doli, janë vetëm disa nga emrat që patën fatin të bëhen pjesë e krijimtarisë së veçantë të Pozhegut. / KultPlus.com

Alkent Pozhegu realizon mozaik me fara me portretet e Dua Lipës e Shkëlzen Dolit (FOTO)

Rekordi për Mozaikun më të madh me fara tashmë i takon artistit Alkent Pozhegu. Ishte mozaiku i tij me fara me portretin e Rita Orës që bëri që Pozhegu të futet në Librin e Rekordeve Guinness, shkruan KultPlus.

Mozaiku i cili shfaq imazhin e Rita Orës është 300 m² dhe është arritur duke përdorur misër, grurë, farë luledielli dhe fasule.



Për Alkent Pozhegun, ky ishte rekordi i dytë në Guinnes pas atij në vitin 2014 ku ai punoj një tjetër mozaik nga drithërat. Ky mozaik sportiv kishte dimensionet 20×25 m, me një hapësire 500 metra katrorë. Për këtë punim ai ka përdorur 2500 kilogramë drithëra për të krijuar emrat e dy futbollistëve – Messi dhe Ronaldo. Në mozaik janë edhe simbolet e klubeve Real Madrid dhe Barcelona.

Por Alkenti nuk e ka ndërmend të ndalet. Ai tashmë ka realizuar portretet e dy figurave të shquara të muzikës shqiptare. Atë të Dua Lipës dhe Shkëlzen Dolit.

Materiali me të cilin janë punuar këto portrete janë: fasule, farë luledielli, grurë dhe oriz, por si duket këto portrete janë realizuar në dimensione më të vogla dhe pa pretendimin që të thyejnë ndonjë rekord. /KultPlus.com