Thunberg ironizon me Trump-in: Duket si një plak shumë i lumtur që pret një të ardhme të ndritur

Aktivistja e njohur, Greta Thunberg ka ironizuar momentin e largimit të Donald Trump nga Shtëpia e Bardhë.

Aktivistja kundër ndryshimit të klimës nuk ka hezituar që për herë të fundit ta gacmojë presidentin amerikan para se të udhëtonte drejt Floridas.

Përmes llogarisë së Twitter, Greta ndau një pamje të 74-vjeçarit duke hipur në helikopterin presidencial “Marine One” në lëndinën e Shtëpisë së Bardhë.

“Duket si një plak shumë i lumtur që pret një të ardhme të ndritur dhe të mrekullueshme. Sa bukur për tu parë!”, ka shkruar 18-vjeçarja.

Ironia dhe tallja mes Gretës dhe Trumpit ka qenë gjithmonë e pranishme  që pas deklaratës së famshme të vajzës para një viti.

Në nëntor të vitit 2020, adoleshentja i tha presidentit të atëhershëm në detyrë të ‘qetësohej’ pasi ai i cilësoi zgjedhjet presidenciale si ‘mashtrim’ dhe se rivali i tij, Joe Biden nuk kishte fituar në mënyrë të drejtë.

Gjatë një konference për shtyp para një viti, republikanit i kishte thënë aktivistes se duhej të punonte me ‘zemërimin’ e saj.

Trump gjithmonë i ishte referuar suedezes si fëmijë dhe adoleshente që duhet të mësojë më shumë në shkollë gjithmonë duke e nënvizuar. / KultPlus.com

Si bëhet gati Shtëpia e Bardhë për familjen e re presidenciale?

Në Ditën e Inaugurimit, Shtëpia e Bardhë ka vetëm gjashtë orë për të hequr objektet e familjes në largim dhe për t’u bërë gati për banorët e saj më të rinj.

 “Dita e Inaugurimit mund të konsiderohet si kaos i organizuar. Ka vetëm rreth gjashtë orë në dispozicion për të nxjerrë njërën familje jashtë dhe për të sistemuar familjen tjetër”, thotë Anita McBride, ish-shefe e personelit e ish-Zonjës së Parë, Laura Bush.

“Të gjithë punojnë në ato gjashtë orë për ta bërë shtëpinë sa më komode për familjen e re të parë”, thotë zonja McBride.

Anita McBride ka punuar për tre administrata presidenciale.

McBride e di personalisht se çfarë mund të presin ditën e parë Presidenti Joe Biden dhe zonja e parë Jill Biden.

“Kur ata hyjnë në Shtëpinë e Bardhë për herë të parë, tradicionalisht pas paradës së përurimit, të gjitha rrobat e tyre janë të varura në dollap, të gjitha fotografitë e familjes janë në vendet ku ata donin t’i kishin. Është me të vërtetë një transformim i mahnitshëm”, thotë ajo.

Transformimi koreografohet me kujdes. Familja e parë e re ka zgjedhur që më parë mobiljet dhe veprat e artit nga koleksioni i gjerë i Shtëpisë së Bardhë, i cili ruhet në një depo në Mariland.

Një gjë të tillë, zonja e parë e ardhshme Michelle Obama e mësoi gjatë një takimi para inaugurimit me Laura Bushin.

“Zonja Obama kishte thënë se sa bukur ishte gjithçka dhe kështuqë ajo e dinte që më parë se e vetmja gjë që duhej rregulluar ishte zbukurimi i dhomave të vajzave që të ishin të përshtatshme për fëmijë”, tha zonja McBride.

Presidenti i ri zgjedh vetë se si ta rregullojë Zyrën Ovale. Shumica e presidentëve zgjedhin të përdorin tryezën që i ishte dhënë Presidentit Rutherford B. Hayes nga Mbretëresha Victoria në fund të viteve 1800.

“Është mjaft interesante që tapeti luan rol për të përcjellë ndjesitë dhe shijen e një presidenti ose emocionet që ata kanë për t’u ulur në atë zyrë. Sigurisht që portreti i George Washingtonit, gjithmonë ka vendin e vet të spikatur mbi oxhak dhe askush nuk e ka ndryshuar atë.”

Është një ditë me emocione të mëdha.

“Marrëdhënia mes stafit të përhershëm dhe një familjeje të parë, dhe veçanërisht kur familja e parë ka fëmijë të vegjël, bëhet mjaft e afërt dhe ndarja është e vështirë. “

Largimi nga Shtëpia e Bardhë mund të jetë veçanërisht e vështirë për një president me një mandat.

“Ka një ndjesi sikur ‘nuk bëra gjithçka ashtu siç shpresoja’. Kur largohesh pas katër vjetësh dhe veçanërisht për një familje të parë është emocionuese dhe në fakt George HW Bush ka shkruaj më kujtimet e tij, se ishte e dhimbshme. Dhe Barbara Bush e ndjeu një gjë të tillë. Familja e ndjeu thellë, por ata gjithashtu janë patriotë të vërtetë dhe u sollën në lartësinë e duhur”, thotë zonja McBride.

Lamtumirat mund të jenë të vështira edhe për anëtarët e stafit që kujdesen për kafshët shtëpiake të familjes së parë. Siç ishte për shembull punonjësi veteran Dale Haney.

“Ai kujdeset për territorin përreth Shtëpisë së Bardhë, por kishte edhe përgjegjësinë të kujdesej për kafshët shtëpiake të familjes. Ishte një përvojë e vështirë për të ditën e ikjes kur kafshët shtëpiake me të cilat është mësuar aq shumë, që ishin bërë si familje, u larguan me familjen e parë.”

Kuratorët sigurohen që gjërat me vlerë të Shtëpisë së Bardhë të mos merren gabimisht nga një familje e parë në largim.

“Ata njohin çdo gjë që i përket koleksionit të Shtëpisë së Bardhë. Ata gjithashtu dinë çdo gjë që është objekt personal dhe të gjitha këto sende etiketohen një nga një “, thotë McBride./ express/ KultPlus.com

Fansat e “Home Alone” kërkojnë që pjesa ku Donald Trump luan të hiqet nga filmi

Adhuruesit e filmit “Home Alone 2”, kanë kërkuar të largohet pjesa ku luan Donald Trump.

Rrënimi i Donald Trump ka qenë një spektakël që e gjithë bota ka parë të shpaloset këtë javë, shkruan Mirror.

Por ish-presidenti i SH.B.A.-së ka arritur një dështim të ri pasi adhuruesit e filmit po kërkojnë të shohin pjesën e tij të hequr dixhitalisht nga një film portreti.

Donald bëri një paraqitje të famshme në vazhdimin e “Home Alone” në vitin 1992 Lost In New York.

Ai i tregon Kevin McCallister (Macaulay Culkin) si të shkoj në hollin e hotelit në një paraqitje të shkurtër në filmin ikonik festiv.

Por tani adhuruesit e filmit po kërkojnë që pjesa e tij të hiqet.

“A ka menduar dikush që të redaktojë “Home Alone 2” për të hequr Donald Trump? Duket si diçka që ndoshta duhet bërë dhe unë dua ta shoh, “shkroi një ndjekës.

“Zëvendëso Donald Trump në Home Alone 2 me Danny Devito”, kërkoi një tjetër./ KultPlus.com

Gallup: Donald Trump dhe Michelle Obama personat më të admiruar në SHBA

Presidenti amerikan Donald Trump dhe ish-Zonja e Parë Michelle Obama janë burri dhe gruaja më e admiruar në Shtetet e Bashkuara për vitin 2020, sipas një sondazhi vjetor nga “Gallup”.

Michelle është gruaja më e admiruar për të tretin vit radhazi, ndërsa Trump mundi bashkëshortin e saj, ish-presidentin Barack Obama, për herë të parë këtë vit, me 18 % të të anketuarve që thanë se e admironin më shumë Trumpin.

Për krahasim, vetëm 15 përqind e amerikanëve thanë se admironin më shumë ish-presidentin Obama.

Përgjigjet u ndanë kryesisht përgjatë vijave të partisë, me Republikanët që thanë se admironin Trump dhe Demokratët Obaman.

Zëvendëspresidentja e zgjedhur, Kamala Harris, u listua si gruaja e dytë më e admiruar në SHBA.

Në përgjithësi, 6 % e amerikanëve e votuan presidentin e zgjedhur Joe Biden dhe 3 % specialistin kryesor për Sëmundjet Infektive, Anthony Fauci./ /atsh/ KultPlus.com

Muzeu i famshëm ‘Madame Tussauds’ në Londër ia ndërron stilin Trumpit

Muzeu i njohur i figurave prej dylli, Madame Tussauds në Londër ia ka ndërruar veshjet figurës së Donald Trumpit pas fitores së demokratit Joe Biden.

Muzeu i njohur ia ka kthyer Trumpit rrobat e një golfisti për të reflektuar se tani ai do të ketë shumë kohë të lirë.

Deri të shtunën ai kishte të veshur kostume, po tani do të ketë stilin e një golfisti.

Ai ka zënë një qoshe në pjesën e Liderëve të Botës në muze.

Trumpi njihet si merakli i golfit që prej kohës së zgjedhjes së tij si president në vitin 2016. / KultPlus.com

Nëse kërkoni “dështak”, Twitter e rendit Trumpin të parin

Presidenti i 45’të SHBA’së, Donald Trump, renditet i pari si ‘dështak’ nga Twitter i nëse eventualisht kërkoni këtë fjalë. Përkundër asaj se Trump konsiderohet përdorues i rregullt i twitter’it, kjo platformë sociale herë pas here ia ka censuruar cicërimat presidentit amerikan.

Trump konsiderohet si ‘dështak’ nga twitter  për shkak se humbi zgjedhjet e fundit presidenciale nga presidenti i ardhshëm i SHBA’së, Joe Biden.

Biden grumbulloi më shumë se 270 vota, mjaftueshëm për të shkuar në Shtëpinë e Bardhë.

Trump, edhe pse nuk dihet arsyeja, po paralajmëron se kjo çështje do të shkojë në Gjykatën Supreme të Amerikës.

Kujtojmë se Trump përdori twitter’in më shumë se çdo president tjetër, sidomos gjatë fushatës së vitit 2016, me arsyetimin se duhet ta informojë popullin amerikan sepse, sipas tij, mediat prodhonin lajme të rreme./ KultPlus.com

“Nuk do të më shihni më”, gjithçka që Trump ka thënë se do të bëjë nëse humb zgjedhjet

Gjatë fushatës se tij kundrejt kundërshtarit demokrat, presidenti Donald Trump kishte menduar edhe për mundësinë e humbjes së zgjedhjeve.

Shumica prej deklaratave të tij publike kishin të bënin me komentet për Joe Biden.

Gjatë tetorit në kuadër të një vizite në Wisconsin, Trump tha se Biden nuk ishte kandidat i denjë për të dhe humbja nga ai do të ishte poshtëruese.

“Nëse humbas, do të kem humbur ndaj kandidatit më të keq, kandidatit më të keq në historinë e zgjedhjeve presidenciale”, kishte thënë Trump.

Por ai humbi, pasi Biden u zgjodh presidenti i 46’të i SHBA’së.

Por komentet e Trumpit hidhnin pak dritë mbi pyetjen se si do të vazhdonte jeta e Trump nëse do të dilte i humbur.

Gjatë zgjedhjeve të vitit 2016 dhe 2020, Trump dhe rrethi i tij i ngushtë kanë dhënë sugjerime se çfarë do të mund të bënte ai pas humbjes, që nga përballja me media e deri te mundësia që të mos dukej më në publik.

Në muajin qershor Trump tha për Fox News: “Nëse nuk fitoj, nuk fitoj” dhe se ai do “të vazhdojë të bëjë gjëra të tjera”.

Atëkohë kjo u pa si pranim i rezultatit nga ana e tij.

Por që nga atëherë shumëçka ka ndryshuar. Jo rrallë, Trump ka lënë të kuptohet se nuk do të pranonte humbjen.

“Të shohim, nuk do të them ‘po’ as nuk do të them ‘jo’ dhe nuk e thash as herën e kaluar”, citohet të ketë thënë Trump në muajin korrik kur u pyet nëse do e pranonte humbjen.

“Duhet të presim dhe të shohim çfarë do të ndodh”, u përgjigj Trump në muajin shtator në të njëjtën pyetje.

Mbesa e Trump, Mary Trump, e cila mbështeti Joe Biden, gjatë shtatorit tha se xhaxhai i saj “mund të bënte atë që nuk imagjinohet” vetëm për të qëndruar në Shtëpinë e Bardhë.

Një përpjekje e tillë do të ishte e pashembullt në historinë e Shteteve të Bashkuara të Amerikës.

Më 19 shtator në një tubim në Karolinën e Veriut, Trump iu rikthye të njëjtës temë.

“Nëse humbas kundrejt tij (Biden), nuk e di se çfarë do të bëjë”, tha ai. “Nuk do të ju flasë kurrë më dhe nuk do të më shihni më”.

Nënkuptimi ishte se humbja ndaj Biden do të ishte aq poshtëruese sa ai do të duhej të zhdukej dhe turma e mori si shaka.

Diçka të ngjashme Trump kishte thënë edhe në prillin e vitit 2016.

‘Nuk jam i sigurt se do të më shihni më këtu. Nuk po them se do të humbas, por nëse ndodh, nuk mendoj se do të më shihni sërish. Do të shkoj në Turnberry të luaj golf ose diçka të tillë’, kishte thënë Trump.

Trump kishte shënuar fitore tronditëse ndaj Hillary Clinton.

Trump humbi zgjedhjet kundrejt Biden por ka edhe 77 ditë si president në detyrë.

Demokrati Joe Biden është zgjedhur presidenti i 46’të i Shteteve të Bashkuara të Amerikës.

Biden në gjithë procesin e numërimit të votave ka qenë duke prirë, derisa vendimtare ka qenë përmbysja që i ka bërë në Trumpit në shtetin e Pensilvanisë./ KultPlus.com

FILE PHOTO: U.S. President Donald Trump arrives for a photo opportunity with sheriffs from across the country on the South Lawn of the White House in Washington, U.S., September 26, 2019. REUTERS/Erin Scott/File Photo

The Guardian shkruan për mozaikun e kosovarit, mozaiku i Alkent Pozhegut, fotografi e ditës

Alkent Pozhegu i cili është i njohur për rekordet  e Guines, i cili ka realizuar shumë portrete me drithëra, tashmë është në vëmendjen e medieve prestigjioze të botës, i cili ka realizuar së fundi portretin e kandidatit për president te SHBA-ve, Joe Biden, shkruan KultPlus.

Ai përpos që ka promovuar punën e tij me Biden, në të njëjtën kohë ka promovuar edhe shtetin e Kosovës, pasi që The Guardian përshkrimin e kësaj fotografie e ka bërë që se kjo fotografi është realizuar nga Alkent Pozhegu, e që është realizuar në Gjakovë të Kosovës.

Për këtë punim kanë shkruar edhe shumë medie të njohura në botë, pikërisht në momentin kur jemi në prag të betejës për udhëheqjen e SHBA-ve nga Biden dhe Trump./ KultPlus.com

Shtëpia e Bardhë hap dyert për Halloween

Familja Trump po përgatitet për festën e Halloween, të dielën e ardhshme në ambientet e Shtëpisë së Bardhë, ku midis kungujve dhe zbukurimeve të vjeshtës do të hapen edhe portat për fantazmat, zanat dhe super heronjve.

Të ftuar do të jenë punonjësit e vijës së parë, anëtarët e familjes si dhe ushtarë e studentë, të shoqëruar nga prindërit e tyre.

Sidoqoftë, kësaj here janë planifikuar masa anti-Covid-19 të detyrueshme si maska, distancim shoqëror, mjete pastruese për duar, doreza dhe një qasje pa prekje për shpërndarësit e produkteteve.  / KultPlus.com

Donald Trump dhe gruaja e tij rezultojnë pozitivë me COVID-19

Presidenti i Shteteve të Bashkuara të Amerikës, Donald Trump dhe gruaja e tij, Melania Trump, kanë rezultuar pozitivë me virusin COVID-19.

Kjo u bë e ditur nga vetë Trumpi përmes një “cicërime” në Twitter. Ai nuk ka folur për gjendjen e tij shëndetësore.

“Sonte, unë dhe Zonja e Parë kemi dalë pozitivë me COVID-19 [v.j. sëmundjen që e shkakton koronavirusi]. Do të nisim karantinën dhe procesin e shërimit menjëherë. Do t’ia dalim bashkë”, shkroi Trump në Twitter, në orët e para të së premtes, sipas kohës lokale.

Disa orë më parë, Trump tha se do të nisë procesin e karantinës, pasi një ndihmëse e afërt e tij rezultoi pozitive në testin për koronavirus.

Hope Hicks, këshilltare e presidentit, u diagnostikua më 1 tetor, pas disa udhëtimeve me presidentin këtë javë.

Trump njoftoi në një tjetër postim në Twitter se ai dhe Zonja e Parë janë duke pritur rezultatet e tyre të testit dhe se do të hyjnë në karantinë.

“Hope Hicks, e cila ka punuar shumë, pa bërë asnjë pushim të vogël, sapo ka dalë pozitive me COVID-19. E tmerrshme! Zonja e Parë dhe unë jemi duke pritur rezultatet e testit tonë. Ndërkohë, ne do të nisim procesin e karantinës”, shkroi Trump.

Hicks udhëtoi me presidentin në avionin Air Force One për debatin e parë presidencial, në Kllivllend, më 29 shtator, dhe me helikopterin e presidentit Marine One, për një tubim në Minesota, më 30 shtator.

Zëdhënësi i Shtëpisë së Bardhë, Judd Deere, tha përmes një deklarate se presidenti “e merr shumë seriozisht shëndetin dhe sigurinë e vetes dhe të të gjithëve që punojnë në mbështetje të tij dhe të popullit amerikan”.

“Operacionet e Shtëpisë së Bardhë bashkëpunojnë me Mjekun e Presidentit dhe Zyrën Ushtarake të Shtëpisë së Bardhë, për të siguruar se të gjitha planet dhe procedurat përfshijnë udhëzimet aktuale të CDC-së [v.j. Qendrës për Kontrollin dhe Parandalimin e Sëmundjeve] dhe praktikat më të mira për kufizimin e ekspozimit ndaj COVID-19, në masën më të madhe të mundshme, si në kompleks, ashtu edhe kur presidenti udhëton”, tha Deere.

Hicks, më herët, ka shërbyer si drejtore e komunikimeve e Shtëpisë së Bardhë, ndërsa është ribashkuar me administratën këtë vit, përpara zgjedhjeve të 3 nëntorit.

Hope Hicks
Hope Hicks

Në muajt e fundit, disa punonjës të Shtëpisë së Bardhë kanë dalë pozitivë me koronavirus, përfshirë Katie Millerin, sekretaren e shtypit të nënpresidentit Mike Pence, dhe këshilltarin e sigurisë kombëtare të Shtëpisë së Bardhë, Robert O’Brien.

Shtëpia e Bardhë teston çdo ditë ndihmësit dhe këdo tjetër që bie në kontakt me presidentin.

Nga postimi i Trumpit në Twitter, është e paqartë se çfarë do të përfshijë karantina dhe nëse ai planifikon ta ndalojë fushatën për zgjedhjet presidenciale të 3 nëntorit.

Trump është 74 vjeç dhe kjo e vë atë në rrezik më të lartë nga komplikimet serioze që mund të sjellë koronavirusi.

Koronavirusi ka prekur mbi 7.2 milionë amerikanë. Prej tyre, mbi 200,000 kanë vdekur dhe mbi 2.8 milionë janë shëruar./GazetaExpress/ KultPlus.com

Reuters raporton: Thaçi do ta nderojë Trumpin me ‘Urdhrin e Lirisë’

Kosova do t’ia japë presidentit të SHBA-së, Donald Trump nderin më të lartë, për rolin e tij në ndihmën dhënë Kosovës dhe Serbisë për arritjen e një marrëveshjeje për normalizimin e marrëdhënieve ekonomike, raporton të enjten agjencia e lajmeve Reuters, transmeton KultPlus.

Presidenti i Kosovës, Hashim Thaçi, në një letër të cilën e ka parë agjencia e lajmeve Reuters, e ka informuar Trumpin se atij do t’i ndahet Urdhri i Lirisë.

Dy ndihmësit e Trumpit, këshilltari amerikan për Siguri Shtetërore, këshilltari amerikan për Siguri Shtetërore, Robert O’Brien dhe i dërguari i SHBA-së në dialog, Richard Grenell, do të nderohen me medaljen presidenciale të Meritave.

Në letrën dërguar Trumpit, përmes së cilës Thaçi e ka shprehur “mirënjohjen e thellë për kontributin personal në ndërmjetësimin e marrëveshjes”, Thaçi e ka ftuar presidentin e SHBA-së ta vizitojë Kosovën. / KultPlus.com

Trump nominohet për Çmimin Nobel për Paqe

Vetëm disa javë pasi ndihmoi për të ndërmjetësuar paqen midis Izraelit dhe Emirateve të Bashkuara Arabe  Presidenti i SHBA-së Donald  Trump është nominuar për Çmimin Nobel të Paqes në 2021, shkruan FowNews, transmeton KultPlus.

Emërimi është paraqitur nga Christian Tybring-Gjedde,  anëtar i Parlamentit Norvegjez, për përpjekjet e tij drejt zgjidhjes së konflikteve të zgjatura në të gjithë botën.

“Për meritat e tij, unë mendoj se ai ka bërë më shumë duke u përpjekur për të krijuar paqe midis kombeve sesa shumica e të nominuarve të tjerë për Çmimin e Paqes,” Tybring-Gjedde, një anëtar me katër mandate i Parlamentit i cili shërben gjithashtu si kryetar i delegacionit Norvegjez në Asamblenë Parlamentare të NATO-s , i tha Fox News në një intervistë ekskluzive./ KultPlus.com

Trump i dhuron Kosovës “Çelësin e Shtëpisë së Bardhë”

Presidenti amerikan Donald Trump i ka dhuruar çelësin e Shtëpisë së Bardhë delegacionit kosovar.

Përmes një fotografie të postuar në Facebook, Shefja e Kabinetit të kryeministrit Avdullah Hoti, Ardita Dushi ka njoftuar për dhuratën e Trumpit.

“Çelësi i Shtëpisë së Bardhë. Dhurata e Presidentit Trump”, ka shkruar ajo në mbishkrimin e fotografisë.

Kosova dhe Serbia dje nënshkruan marrëveshje për normalizim ekonomik në Shtëpinë e Bardhë në prezencë të Presidentit Donald Trump. / KultPlus.com

Key of White House#PresidentTRUMPpresent

Gepostet von Ardita Dushi am Freitag, 4. September 2020

Reagimi epik i Angela Merkel, qesh kur pyetet nëse Trumpi e ka magjepsur

Kancelarja gjermane, Angela Merkel, ka qeshur kur është pyetur nëse presidenti amerikan Donald Trump e ka magjepsur ndonjëherë.

Richard Grenell, ish-ambasadori amerikan në Gjermani, të mërkurën deklaroi se kishte parë vetë teksa Trumpi kishte magjepsur Merkelin.

E pyetur për këtë koment, në konferencën e së premtes, Merkel u pa e befasuar nga pyetja duke kërkuar sërish sqarime nga gazetari, duke i thënë “Çfarë ka bërë ai (Trumpi)?”

Kur gazetari shtoi se Grenelli ka thënë se Trumpi “ka magjepsur” Merkelin, kancelarja gjermane u ndal pak dhe nisi të qeshte.

Më pas refuzoi të komentonte duke thënë se nuk preferon të flasë për bisedat private. / KultPlus.com

Dua Lipa kërkon nga fansat që mos ta votojnë Donald Trump: Ky njeri është qesharak

Ngjarja tragjike që ndodhi mbrëmë në Bejrut të Libanit, ka tronditur gjithë botën, indiferente nga kjo ngjarje nuk ka mbetur as këngëtarja shqiptare Dua Lipa, shkruan KultPlus.

Në rrjetin e saj social Instagram, Dua Lipa ka ndarë disa imazhe nga ky shpërthim teksa shprehet e tmerruar dhe zemërthyer nga kjo ngjarje.

Gjithashtu ajo shprehet e revoltuar me Presidentin e Shteteve të Bashkuara të Amerikës, Donald Trump.

Ajo ka ndarë edhe disa nga deklarata më qesharake dhe jo-serioze të presidentit.

Lipa ka bërë të ditur që nuk dëshiron që Trump të jetë më në krye të Amerikës dhe një gjë të tillë e ka kërkuar edhe nga fansat e saj.

“Ky njeri është një shaka, por çfarë ka të re? Votojeni atë të largohet”, shkruan Lipa. / KultPlus.com

Aplikacioni i famshëm Tik Tok ndalohet edhe në Amerikë

Presidenti i SHBA-së, Donald Trump, ka paralajmëruar se do ta ndalojë aplikacionin kinez TikTok në SHBA, shkruan BBC, përcjellë KultPlus.

Ai i ka thënë gazetarëve se sot do ta nënshkruaj një urdhër ekzekutiv.

Zyrtarët e sigurisë në SHBA kanë shprehur shqetësimin se aplikacioni, që është në pronë të firmës kineze ByteDance, mund të përdoret për të mbledhur të dhënat personale të amerikanëve.

Aplikacioni që po rritet shpejt ka deri në 80 milionë përdorues aktivë në muaj në Amerikë dhe ndalesa do të ishte goditje e rëndë për ByteDance.

“Sa i përket TikTok-ut, ne do ta ndalojmë atë në SHBA”, ka thënë Trump.

Zëdhënësja e TikTok-ut, Hilary McQuaide, ka refuzuar të komentojë këtë lëvizje, por thotë se kompania është e bindur në suksesin afatgjatë të këtij aplikacioni. / KultPlus.com

Lady Gaga e quan presidentin Donald Trump një “budalla dhe racist”

Ylli i hitit “Poker Face”, Lady Gaga, së fundmi shpërtheu nga mllefi dhe reagoi si një person i zakonshëm në Amerikë, duke e akuzuar presidentin Donald Trump për dështim në udhëheqjen e duhur të shtetit, për shkak të paragjykimeve të tija personale.

Gaga insistoi duke thënë se nuk dëshiron të nxisë më shumë zemërim, sidomos pas vdekjes së George Floydit i cili e humbi jetën pasi një polic i vuri gjurin në fyt për nëntë minuta, gjatë kohës sa po e arrestonte atë në Minnesota, ngjarje kjo e cila zuri vend javën e kaluar dhe e cila nga atëherë ka shkaktuar protesta të dhunshme në mbarë vendin.

Këngëtarja thotë se dëshiron të ndihmojë në gjetjen e një zgjidhjeje për situatën e fundit të krijuar në Amerikë, transmeton Koha.

Ajo e postoi një deklaratë të gjatë në rrjetet sociale ku ka shkruar: “Kam shumë gjëra për të thënë, por kam frikë të them diçka që do të mund të nxiste më shumë zemërim, edhe pse ky është emocioni më i arsyeshëm në këtë situatë. Nuk dua të kontribuojë në shkaktimin e më shumë dhune, sepse dua që së bashku ta gjejmë një zgjidhje për problemin e racizmit në Amerikë. Jam e prekur tej mase nga vdekja e George Floydit, njësoj sikurse personat e shumë afrikano-amerikan të cilët i kemi humbur gjatë vjetëve në këtë shtet, si rezultat i racizmit sistematik dhe sistemit të korruptuar që e përkrahë atë. Zërat e komunitetit të zezakëve në vendin tonë janë heshtur për një kohë shumë të gjatë, dhe kjo heshtje ka rezultuar me vdekje të njëpasnjëshme. Pavarësisht se çfarë bëjnë për të protestuar, ata ende përballen me jo dhembshuri nga liderët e shtetit të cilët kanë për detyrë t’i mbrojnë ata. Njerëzit e zakonshëm në Amerikë janë racist, dhe ky është një fakt i padiskutueshëm. Ne kemi kohë të gjatë që e dimë se presidenti, Donald Trump, ka dështuar në punën e tij. Ai e udhëheq një prej zyrave më të fuqishme në botë, dhe sërish nuk ofron asgjë për popullin e këtij vendi, përveç injorancës dhe paragjykimeve derisa jetët e afrikano-amerikanëve vazhdojnë të rrezikohen. Ne e dimë që ai është një budalla dhe racist. Ai po e ushqen një sistem që tashmë është i rrënjosur në racizëm, dhe të gjithë po e shohim se çfarë po ndodhë me vendin tonë. Është koha për ndryshim.”

Ylli 35-vjeçar i muzikës ka deklaruar se do të vazhdoj ta shfaq dashurinë dhe përkrahjen e saj ndaj komunitetit afrikano-amerikan, si dhe premtoi se do ta bëjë të pamundurën për të bërë thirrje për ndryshim.

Gaga po ashtu tha se të gjithë personat e privilegjuar në Amerikë, nuk kanë bërë sa duhet për ta luftuar racizmin dhe për t’i përkrahur qytetarët e tjerë të cilët po vdesin si pasojë e racizmit në vend.

Polici Derek Chauvin i cili në pamjet e incizuara me telefona mobil nga disa kalimtarë të rastit, shihet duke qëndruar me gju mbi qafën e George Floydit për nën minuta, pavarësisht se ai po i lutej të largohej ngase nuk po mund të merrte frymë.

Nga atëherë, ai së bashku me policët e tjerë të përfshirë në këtë ngjarje janë pushuar nga puna, si dhe Chauvin është paditur për vrasje. / KultPlus.com

Robert De Niro sërish me akuza ndaj presidentit amerikan Donald Trump

Ylli hollywoodian, Robert De Niro, e ka rinisur zënkën me presidentin e Shteteve të Bashkuara, Donald Trump, duke thënë se atij nuk i intereson se sa njerëz vdesin nga koronavirusi.

Aktori 76-vjeçar i shpërblyer me Oscar, është një prej kritikëve më të ashpër të Trumpit, dhe tani e ka vënë atë në shënjestër për mënyrën se si po e menaxhon situatën e krijuar nga kriza globale shëndetësore, transmeton Koha.

Më shumë se 82 mijë njerëz kanë vdekur nga kjo sëmundje në Amerikë, që është numri më i madh i viktimave nga të gjitha shtetet e botës.

Gjatë një interviste të fundit, De Niro e përshkroi situatën në Shtëpinë e Bardhë si kaos i shkaktuar nga një njeri i çmendur.

“Është me të vërtetë tmerruese. Ai dëshiron të rizgjedhet president i shtetit, ndërsa nuk i intereson se sa njerëz po vdesin nga ky virus,” citohet të ketë thënë aktori.

Donald Trump, gjatë mandatit të tij vazhdimisht është akuzuar për kundërshtimin e këshillave të këshilltarëve të tij shkencorë gjatë kësaj pandemie, si dhe refuzon të mbajë maskë mbrojtëse dhe dorëza.

Ai madje është përqeshur shumë nga publiku mbarë botëror, pasi kishte sugjeruar që ndoshta mund ta trajtojmë koronavirusin duke injektuar dezinfektues në trupin tonë.

Ylli i njohur i kinematografisë, Robert De Niro, po vazhdon të qëndroj në karantinë në shtëpinë e tij në New York, qyteti më i prekur nga pandemia në Amerikë. /KultPlus.com

Trump reagon ndaj ndarjes së çmimit Oscar: Fituesi është nga Koreja e Jugut, çfarë dreqin ishte e gjithë kjo?”

“Sa të këqija ishin çmimet e Akademisë këtë vit?” Trump pyeti në një tubim në Colorado Springs, Kolorado. Turma u përgjigj me boos me zë të lartë.

“Fituesi është një film nga Koreja e Jugut, çfarë dreqin ishte e gjithë kjo?” Pyeti Trump. “Kemi mjaft probleme me Korenë e Jugut me tregtinë dhe në fund, ata u japin atyre filmin më të mirë të vitit.”

Paraziti bëri histori në Oscar, si filmi i parë jo në anglisht që fitoi fotografinë më të mirë. Çmimet për regjinë më të mirë, skenarin më të mirë origjinal dhe filmin më të mirë ndërkombëtar, shkruan TheGuardian, transmeton KultPlus.

“Ishte mirë? Unë nuk e di. Po kërkoj, si ….. si Gone ëith the ëind, ju lutem? ” tha Trump duke brohoritur me zë të lartë.

Ndërsa “Gone with the wind” tregon historinë e vajzës së një pronari të plantacioneve nga Xhorxhia gjatë dhe pas luftës civile, është kritikuar prej kohësh për përshkrimin e saj të marrëdhënieve midis skllevërve me ngjyrë dhe pronarëve të tyre të bardhë. Romani nga i cili është përshtatur filmi e përshkroi Ku Klux Klan si një “domosdoshmëri tragjike”. Prodhuesit pastaj fshinë epitetet racore pasi aktorët me ngjyrë si rasti i aktores Hattie McDaniel, e cila bëri histori si personi i parë me ngjyrë, fitoi një Oscar për rolin e saj.

Kur “Parasite” fitoi Golden Globe për filmin më të mirë në gjuhë të huaj, regjisori i tij, Bong Joon-ho, tha: “Pasi të keni kapërcyer pengesën e titrave, do të prezantoheni me shumë filma më të mrekullueshëm.

“Unë mendoj se ne përdorim vetëm një gjuhë: ajo është kinemaja”, shtoi ai.
Neon, studioja që shpërndau Parazitin në SH.B.A., iu përgjigj Trumpit në Twitter me këtë deklaratë: “E kuptueshme, ai nuk mund të lexojë”. / KultPlus.com

Krijoji portretin e Donald Trump, The Guardian shkruan për Alkent Pozhegun

Rekordi për Mozaikun më të madh me fara i takoi për dy herë radhazi artistit nga Gjakova Alkent Pozhegut. Në vitin 2014, Pozhegu ka punuar një mozaik nga drithërat. Ky mozaik sportiv ka pasur dimensionet 20×25 m, me një hapësirë 500 metra katrorë dhe për këtë punim ai ka përdorur 2500 kilogramë drithëra për të krijuar emrat e dy futbollistëve – Messi dhe Ronaldo dhe pikërisht me këtë punim Pozhegu u fut për herë të parë në Librin Guiness. Hera e dytë për të që përjetoi një sukses të tillë ishte me portretin e Rita Orës, shkruan KultPlus.

Ndërsa tashmë Pozhegu ka përfunduar portretin e presidentit amerikan, Donald Trump dhe pikërisht me këtë portret ai ka arritur të marrë vëmendjen e mediave ndërkombëtare, të cilat dedikuan artikuj për gjakovarin.

Prestigjiozja The Guardian ka publikuar mozaikun me portretin e Donald Trump dhe kanë shkruar për punën e Pozhegut.

Me këtë portret, ai po synon të vendosë një rekord të ri, duke krijuar mozaikun më të madh me gurë me imazhin e presidentit amerikan, Donald Trump.

Ky mozaik është 560 metra katrorë dhe është punuar me kokrra misëri, farë luledielli, oriz dhe grurë. Po ashtu, artisti kosovar deri më tani ka realizuar edhe shumë vepra të tilla, duke zgjedhur gjithmonë fytyrat më pikante. Rita Ora, Leonardo Di Caprio, Marilyn Monroe, Angelina Jolie, Dua Lipa e Shkëlzen Doli, janë vetëm disa nga emrat që patën fatin të bëhen pjesë e krijimtarisë së veçantë të Pozhegut. / KultPlus.com

Rihanna dhe Axel Rose ia ndalon presidentit Trump përdorimin e këngëve të saj në mitingje

Rihanna dhe frontmeni i “Guns N’Roses” kanë kritikuar presidentin për përdorimin e këngëve të tyre për qëllime të qarta partiake, shkruan The Guardian.

Rihanna dhe Axl Rose janë artistët e fundit që kanë kritikuar Donald Trumpin për përdorimin e paautorizuar të këngëve të tyre në tubimet partiake në prag të zgjedhjeve të afatmesme në SHBA.

Reagimi i këngëtares erdhi pasi Philip Rucker tha se kënga e Rihannës “Don’t Stop Music” u përdor në disa vende ku Trump mbajti tubime partiake.

“Jo për shumë kohë”, ka shkruar Rihanna, duke i përshkruar tubimet e Trump si “tragike”, transmeton lajmi.net.

Të dy artistët i bashkohen listës së gjerë të artistëve që kanë kërkuar që këngët e tyre të mos përdoren në mitingje politike, e i fundit që kishte bërë një reagim të tillë ishte Pharrell Williams. /KultPlus.com

Artisti që e portretizoi administratën e Trumpit si “Kabineti i Tmerreve” (VIDEO)

Artisti gueril, Robbie Conal, është i njohur për krijimtarinë e tij që ngacmon politikanët amerikanë dhe kësaj radhe ai është fokusuar në administratën e presidentit të Shteteve të Bashkuara, Donald Trump.

Ai në ciklin e tij ka përfshirë nga zëvendëspresidenti, Mike Pence, e deri tek këshilltarët, Steve Bannon dhe Kellyanne Conway.

Ekspozita e titulluar “Kabineti i Tmerreve” shfaq edhe veprat që artisti 74 vjeçar ka punuar nëpër rrugët e Los Anxhelosit, shkruan Euronews, transmeton Klan Kosova.

“Veprat e mia ndodhen nëpër vende të ndryshme në mënyrë që njerëzit të hasin në to papritur gjatë jetës së tyre të përditshme dhe të mendojnë për këta njerëz që unë mendoj se kanë abuzuar me fuqinë e tyre dhe me emrin tonë”, ka thënë artisti Robbie Conal.

Artdashësja 68 vjeçare nga qyteti Los Anxhelos, Carole Patchett, ka thënë: “E gjithë puna e Robbies, shfaq djallëzinë prapa maskave shumë-shumë të holla që veshin njerëzit”.

Ekspozita do të mbahet e hapur deri më 8 dhjetor të këtij vitit në galerinë “Track 16” në Los Anxhelos dhe pastaj do të shfaqet edhe në Uashington të Shteteve të Bashkuara./ KultPlus.com

Familja e Princit ia ndalon Trumpit të shfrytëzoi këngët e yllit të ndjerë

Familja e këngëtarit Prince i kërkoi Presidentit Donald Tramp të mos përdorte një këngë të këngëtarit të ndjerë gjatë tubimeve politike.

Sipas vëllait të këngëtares, familja nuk i ka dhënë të drejtë të shfrytëzoj të drejtën e autorit presidentit amerikan.

“Pasuesit e Princit kurrë nuk i kanë dhënë Presidentit Trump ose Shtëpisë së Bardhë një licencë për të përdorur këngët e tij dhe i kërkohet që të ndalojë menjëherë së shfrytëzuari këngët”, tha vëllai i Princet, Omar Baker në Twitter.

Mediat lokale në Shtetet e Bashkuara raportojnë se ekipi i Trump në disa raste ka shfrytëzuar këngën hit, “Purple Rain”.

Prince është edhe një ndër këngëtarët tjerë, i cili nuk dëshiron që këngët e tyre të përdoren në tubime politike.

Shumë muzikantë dënuan përdorimin e këngëve të tyre gjatë fushatës zgjedhore presidenciale në vitin 2016, duke përfshirë Roling Stones, Aerosmith dhe Adele.

Familja e Luciano Pavarotit, një nga tenorët më të famshëm, kritikoi stafin elektoral të Trumpit, i cili përdorte “Nessum Dorma”. /KultPlus.com

Shkatërrohet ylli i Donald Trumpit në Hollywood (VIDEO)

Ylli i presidentit të ShBA-ve, Donald Trump”, në “Walk of fame” ka qenë sërish cak i një vandalizmi.

Kësaj radhe, një tjetër persona është afruar, dhe ka përdorur kazmë për ta thyer atë.

Ngjarja ndodhi në mëngjesin e hershëm të 25 korrikut.

Policia njoftoi se një person është shoqëruar në lidhje me incidentin.

Kjo nuk është hera e parë që ylli i Trumpit në “Walk of fame” vandalizohet.

Në korrik të vitit 2016, një person kishte tentuar të ndërtonte një mur prej gjashtë inç përreth yllit, ndërsa një tjetër në tetor të po atij viti e kishte shkatërruar fare atë.

Më vonë, një person kishte tentuar ta lyejë edhe me llak gjithashtu.

Pas shkatërrimit, autoritet janë kujdesur që ylli i presidentit të kthehet në gjendjen e mëparshme. /KultPlus.com