Çfarë ka ndryshuar në portin e Bejrutit 6 muaj pas shpërthimit?

Fotografi të realizuara me dron tregojnë gjendjen në portin e Bejurit në Liban, gjashtë muaj pas shpërthimit që tronditi vendin dhe që shkaktoi të paktën 200 viktima, ndërsa më shumë se 6000 persona mbetën të plagosur.

Shpërthimi mendohet se u shkaktua nga një sasi prej 2750 tonë nitrat amoni të vendosur në një magazinë aty pranë. Ngjarja tragjike vetëm sa shtoi problemet te një popullsi e dërrmuar nga kriza ekonomike dhe pandemia e koronavirusit.

Komuniteti ndërkombëtar, me në krye Francën, u zotua të jepte një fond prej rreth 300 milionë dollarësh ndihma për Libanin. Bashkimi Europian, Organizata e Kombeve të Bashkuara dhe Banka Botërore kanë hartuar gjithashtu një plan për të ndihmuar në ringritjen ekonomike të qytetit. Sipas vlerësimit të tyre, vetëm për vitin e parë do të duhen 426 milionë dollarë.

Madje, Banka Botërore vlerëson se dëmet e shkaktuara nga shpërthimi kapin vlerën e 8,1 miliardë dollarëve. Në dhjetor, kryeministri në detyrë Hassan Diab, dhe 3 ish-ministra Ali Hassan Khalil, Ghazi Zaiter dhe Youssef Fenianos, u akuzuan se nuk reaguan pas paralajmërimeve për magazinimin e pasigurt të nitratit, që ishte sekuestruar nga një anije ruse.

Gjashtë muaj pas ngjarjes, thuajse asgjë nuk ka ndryshuar nga vendi i shpërthimit, çka vë edhe më shumë në dukje punën gjigante që do të duhet për rikthimin e gjërave në normalitet./ KultPlus.com

”Wounded art” kujton shpërthimin më të madh jobërthamor në Bejrut

Ekspozita ”Wounded art” është hapur në Bejrut deri në fund të javës për të kujtuar shkatërrimin e shkaktuar nga shpërthimi i dyfishtë i portit të Bejrutit, më 4 gusht të vitit të kaluar.

Në atë që është përshkruar si një nga shpërthimet më të fuqishme jobërthamore në histori, 200 persona vdiqën, mbi 6 000 u plagosën dhe një e treta e shtëpive të kryeqytetit u dëmtua duke detyruar rreth 300 000 njerëz të largoheshin shtëpitë e tyre përkohësisht ose përgjithmonë.

Punimet e ekspozuara përfshijnë piktura nga artisti britanik Tom Young, i cili u transferua në Bejrut vite më parë, ku studioja dhe shtëpia e të cilit u dëmtuan nga shpërthimi.

Pikturat e tij të ekspozuara deri më 16 janar do të shfaqen të dëmtuara, por të riparuara.

Në ekspozitë ndodhet edhe skulptura metalike e Nayla Romanos Illiya, e dëmtuar nga shpërthimi./atsh/ KultPlus.com

Më shumë se një muaj nga shpërthimi në Bejrut, ende raportohet për të zhdukur

Ushtria e Libanit sot deklaroi se 9 persona vazhdojnë të jenë të zhdukur pas shpërthimit të muajit të kaluar në Portin e Bejrutit.

Ushtria përmes një deklarate tha se dy shtetas sirianë ishin midis personave të zhdukur pas shpërthimit në port.

“Kjo skedë nuk do të mbyllet për sa kohë vazhdojnë hetimet”, thuhet në deklaratë.

Më 4 gusht, një shpërthim i madh në Portin e Bejrutit tronditi qytetin, duke vrarë 192 persona dhe duke plagosur mbi 6.000 të tjerë.

Shpërthimi shkaktoi dëme që sipas vlerësimeve arrijnë në 15 miliardë dollarë.

Shpërthimi ndodhi derisa Libani po përjetonte krizën më të keqe ekonomike, përfshirë një rënie dramatike të vlerës së paundit ndaj dollarit./ KultPlus.com

Veniten shpresat për të gjetur të mbijetuar të tjerë në rrënojat e Bejrutit

Janë duke u venitur shpresat në Bejrut për gjetjen e ndonjë personi tjetër të mbijetuar nën rrënojat e ndërtesave të shembura nga shpërthimi masiv i muajit të kaluar.

Punëtorët e ekipeve të kërkim-shpëtimit filluan të kërkojnë në rrënoja pasi një pajisje me sensor dha sinjal për shenja të mundshme të personave të gjallë, shkruan BBC, transmeton KultPlus.

Megjithatë, punëtorët kilianë e përfunduan ditën e dytë të kërkimeve pa asnjë rezultat.

Bejruti mbajti një minutë heshtje të premten për ta shënuar njëmujorin e shpërthimit, ku mbetën të vrarë rreth 200 persona.

Mijëra persona të tjerë u lënduan nga shpërthimi që u shkaktua prej 2,750 tonëve të nitratit të amonit, që është lëndë shpërthyese.

Pavarësisht se qeveria libaneze dha dorëheqje disa ditë pas shpërthimit, protestuesit nuk u qetësuan dhe u përplasën me policinë për disa net me radhë.

Sipas zyrtarëve libanezë, një muaj pas shpërthimit, shtatë persona ende mbeten të zhdukur. / KultPlus.com

Një jetë e ndalur në gjysmë: Infermieres që në vend të dasmës i organizuan funeralin

Infermierja 24 vjeçare Sarah Fares, po planifikonte dasmën e saj, por në vend që të vishte fustanin e bardhë, familja i organizuan funeralin, pasi që ajo vdiq në shpërthimin e madh të së martës në Bejrut.

Këtë të enjte i fejuari dhe familja e Sahras ia dhanë asaj dasmën, që s’do të mund ta ketë kurrë. Dasma u organizua ashtu siç e kërkon tradita libaneze, por këtë herë nusja ishte brenda arkivolit. Muzikantët në rrobat e arta ceremoniale luanin, ndërsa zjarrfikësit mbanin në supe një arkivol gjersa anëtarët e familjes hodhën petale trëndafili dhe oriz, shkruan New York Times, transmeton KultPlus.

I fejuari i saj, Gilbert Karaan, u bart mbi supet e një të afërmi, gjersa përshëndeti të fejuarën e tij me lot.

“Gjithçka që dëshirove do të bëhet, por vetëm ti nuk do të jesh e veshur me fustanin e bardhë. Më ke thyer zemrën, dashuria ime. Jeta nuk ka kuptim që kur ke ikur”, ka shkruar Karaan në mediat sociale para ceremonisë.

Fares, infermierja 24-vjeçare, ishte një prej të paktën 145 personave të vrarë të martën nga shpërthimi masiv që rrafshoi pjesën më të madhe të Portit të Bejrutit, shkatërroi lagje të tëra, plagosi më shumë se 5,000 njerëz dhe la qindra mijëra të pastrehë.

Sahar e thirri të martën të fejuarin e saj për t’i treguar rreth zjarrit të madh që shpërtheu në portin detar. Meqenëse askush nuk kishte nevojë për ndihmë mjekësore në atë kohë, ajo ishte ulur në kamionin duke parë kolegët që po luftonin me zjarrin. Ndërsa zjarri u rrit, ajo doli nga kamioni për t’i treguar më mirë të fejuarit se çfarë po ndodhte. Ajo i tha se dëgjonte tinguj të çuditshëm që nuk i kishte dëgjuar kurrë më parë. I fejuari iu lut që të qëndronte larg, gjë që ajo e bëri, por ishte shumë vonë. Një shpërthim i madh pasoi.

 “Nusja ime e bukur. Dasma jonë duhej të mbahej më 6 qershor 2021”, shkroi ai të mërkurën në internet, shoqëruar me një foto ku ajo pozonte me krenari në uniformën e saj. Përkundrazi, do të jetë ‘nesër, dashuria ime’. Të kam dashur, të dua dhe do të të dua gjithmonë, derisa të ribashkohem me ty, ku ne do të vazhdojmë udhëtimin tonë së bashku.”

Një muajt para se të vdiste, Sahra Fares ishte duke kursyer për të përgatitur shtëpinë e saj, për dasmë dhe për të blerë veshjen e saj të dasmës, por shpërthimi i madh i së martës i morri asaj jetën, e shumë libanezë i la në rrënojat e shtëpisë. / KultPlus.com

Heronjtë e vërtetë të Bejrutit: Ekipi i zjarrfikësve kishin mbërritur në depo pak momente para shpërthimit, të gjithë humbën jetën

Në rrjetet sociale janë shfaqur fotografi që tregojnë momentet e fundit të zjarrfikësve, që tentojnë të parandalojnë përhapjen e mëtejme të zjarrit në depon e 12-të në portin e Bejrutit, vetëm pak momente para shpërthimit të kimikaleve.

Fotografitë, autenticitetin e të cilave e ka konfirmuar Daily Mail, shfaqin zjarrfikësit para dyerve masive të metalit të një depoje me mbishkrim “hyrja nr 12” ku paralajmërohen për kimik*alet, transmeton Telegrafi. Guvernatori i Bejrutit ka bërë të ditur se ekipi i zjarr*fikësve që ishin në port janë zhdukur pas shpërthimit. E personi që i ka fotografuar zjarrfikësit gjithashtu ka vdekur, e imazhet janë gjetur në telefonin e viktimës. Fotografitë janë shpërndarë në masë të madhe në profile të ndryshme në Twitter, kurse përdoruesit e rrjeteve sociale kanë nderuar zjarrfikësit e zhdukur. / KultPlus.com

Banorët e zemëruar të Bejrutit kërkojnë përgjigje për shpërthimin e madh të së martës

Banorët e Bejrutit kanë shprehur zemërimin e tyre kundrejt qeverisë për neglizhencën e tyre që edhe dërgoi në shpërthimin e madh të së martës.

Presidenti Michel Aoun tha që shpërthimi ishte shkaktuar nga 2.750 ton nitrat amoniumi të ruajtur në mënyrë të pasigurt në një depo, shkruan BBC, transmeton KultPlus.

Kanë qenë të shumta akuzat për korrupsion, neglizhencë dhe keqmenaxhim, në drejtim të autoriteteve vendase.

Gjendja e jashtëzakonshme dy javore në Bejrut ka filluar, pas shpërthimit që vrau të paktën 137 njerëz dhe plagosi rreth 5,000 të tjerë, ndërsa dhjetëra janë ende të humbur.

“Bejruti po qan, Bejruti po ulërin, njerëzit janë histerikë dhe të lodhur”, tha regjisori Jude Chehab, duke bërë thirrje që personat përgjegjës të përballen me drejtësinë.

Chadia Elmeouchi Noun, një banor i Bejrutit i cili aktualisht gjendej në spital është prononcuar për BBC-në.

“Unë e kam ditur gjatë gjithë kohës që udhëhiqemi nga njerëz të paaftë, qeveri jo kompetente […] Por ajo se çka mund të them tani është se ndodhitë e fundit janë akt kriminal.”

Qeveria e Libanit të mërkurën ka njoftuar se një numër i madh i zyrtarëve të portit të Bejrutit gjenden në arrest shtëpiak, në pritje të një hetimit mbi shpërthimin e së martës.

Këshilli i Lartë i Mbrojtjes  në vend këmbëngul që ata të cilët janë përgjegjës për këtë katastrofë të përballen me “dënimin maksimal”.

Ndërkohë, Amnesty International dhe Human Rights Watch kanë bërë thirrje për një hetim të pavarur për shpërthimin. Në një deklaratë, HRw tha se kishte “shqetësime serioze në lidhje me aftësinë e gjyqësorit libanez për të kryer një hetim të besueshëm dhe transparent.” / KultPlus.com

Para dhe pas, imazhet satelitore tregojnë dëmet e shkaktuara nga shpërthimi në Bejrut

Imazhet satelitore të cilat CNN i ka siguruar nga Planet Labs Inc, shfaqin kraterin masiv në vendin ku ndodhi shpërthimi i fuqishëm – më saktësisht pranë portit të qytetit të Bejrutit.

Imazhet tregojnë sesi pothuajse çdo ndërtesë ka pësuar dëme të mëdha, apo janë shkatërruar plotësisht nga shpërthimi.

Ndërtesa gjigante të cilës pothuajse i ka mbetur vetëm një pjesë e murit, shihet se si ende qëndron në afërsi të kraterit të mbushur me ujë, ku dikur në këtë pjesë të portit ishin dy ndërtesa.

Dëmet e shpërthimit janë më të theksuara në pjesën lindore, ku përveç ndërtesave që “u fshin nga faqja e dheut”, një anije gjigante që ishte pranë portit është fundosur.

Hiq më lehtë nuk kanë shpëtuar as pjesët tjera përreth portit, ku nga shpërthimi nuk ka mbetur asgjë nga shumë lokale afariste si dhe depo të shumta që përdoreshin për mallra të ndryshme.

Sipas kryeministrit libanez Hassan Diab, rreth 2.750 tonelata të materieve kimike kanë shpërthyer gjatë të martës. E nga shpërthimi i fuqishëm është ngritur në ajër një re në formë të kërpudhës, që ngjante shumë me sulmet bërthamore në Hiroshima dhe Nagasaki. / KultPlus.com

Shkencëtarët: Shpërthimi në Bejrut sa një e pesta e bombës atomike në Hiroshimë

Shpërthimi i jashtëzakonshëm që ndodhi në Bejrut ditën e djeshme (e martë) tronditi banorët e botën mbarë.

Të paktën 100 persona deri tani janë konfirmuar si të vdekur e mbi katër mijë të plagosur.

Sipas presidentit Michel Aoun eksplozioni ndodhi si pasojë e 2,750 tonëve nitrat amonit të vendosur në një depo në afërsi të portit të kryeqytetit.

E tani shkencëtarët vlerësojë se shpërthimi në Bejrut ishte baras me tre kilotonë TNT.

Përkthyer ndryshe, kjo i bie rreth një e pesta e bombës atomike “Little Boy” të hedhur në Hiroshimë gjatë Luftës së Dytë Botërore.

Shpërthimi gjithashtu prodhoi valë sizmike të barabarta me një tërmet të shkollës 4.5. / KultPlus.com

Fotografitë tronditëse nga shpërthimi në Bejrut, prekin zemrat e miliona njerëzve në botë

Së paku 100 të vrarë deri më tash dhe më shumë se 4.000 të plagosur është bilanci i shpërthimit që ndodhi në kryeqytetin e Libanit, Bejrut, më 4 gusht.

I gjithë qyteti u trondit nga shpërthimi, afër pjesës ku ndodhet porti.

Incidenti shkaktoi dëme të shumta materiale, duke e bërë qytetin e Lindjes së Mesme të ngjante me një zonë të luftës.

Fotografitë që po qarkullojnë në rrjetet sociale janë tejet të dhimbshme dhe kanë prekur zemrat e miliona njerëzve nëpër botë të cilët po solidarizohen me këtë ndodhi të tmerrshme.

Njerëz të vdekur, fëmijë të gjakosur, lot, dhimbje e ndërtesa të shkatërruara janë imazhet që po tronditin botën.

KultPlus ka përzgjedhur disa nga fotografitë më tronditëse nga kjo tragjedi. / KultPlus.com

A wounded man walks near the scene of an explosion in Beirut on August 4, 2020. – A large explosion rocked the Lebanese capital Beirut on August 4, an AFP correspondent said. The blast, which rattled entire buildings and broke glass, was felt in several parts of the city. (Photo by Anwar AMRO / AFP) (Photo by ANWAR AMRO/AFP via Getty Images)

Pamje nga droni, qyteti i Bejrutit pas shpërthimit (VIDEO)

Së paku 100 të vrarë dhe më shumë se 4.000 të plagosur është bilanci i shpërthimit që ndodhi në kryeqytetin e Libanit, Bejrut, më 4 gusht.

I gjithë qyteti u trondit nga shpërthimi, afër pjesës ku ndodhet porti.

Incidenti shkaktoi dëme të shumta materiale, duke e bërë qytetin e Lindjes së Mesme të ngjante me një zonë të luftës. Ministri i Shëndetësisë, Hamad Hassani tha se numri i viktimave pritet të rritet.

Nuk është e qartë se çfarë e shkaktoi shpërthimin.

Presidenti i Libanit, Michel Aoun, tha se 2,750 ton kimikate bujqësore ishin ruajtur në mënyrë të pa sigurtë në një depo për gjashtë vjet. / KultPlus.com

Pamje rrëqethëse: Kjo është gjendja në qytetin e Bejrutit sot

Në kryeqytetin e Libanit, Bejrut, po vazhdojnë kërkimet për të mbijetuarit nga shpërthimi i tmerrshëm që ndodhi të martën.

Banorët e Bejrutit janë zgjuar në shkatërrim pas shpërthimit të madh në portin e qytetit libanez, të martën, duke vrarë të paktën 100 persona dhe duke plagosur mijëra të tjerë, shkruan Independent.

Kryeministri i Libanit, Hassan Diab ka thënë se shpërthimi në Bejrut lidhet me rezervat e rrezikshme të kimikateve që ishin ruajtur në port që nga viti 2014, megjithëse paralajmërimet e zyrtarëve të portit se materiali nuk ishte i sigurt.

Mëngjesin e sotëm, qyteti i Bejrutit shihet tërësisht i shkatërruar. Videon shiko KËTU.

Për këtë shpërthim presidenti amerikan, Donald Trump, thotë se mund të ketë qenë një sulm.

“Duket si një sulm i tmerrshëm”, kështu ka thënë Trump gjatë një konference për media në Shtëpinë e Bardhë.

Zyrtarët ushtarakë amerikanë mendojnë se shpërthimi në Bejrut ishte një sulm./ KultPlus.com