Fakulteti i Arteve në Pejë së shpejti me edicionin e katërt të javës artistike

Së shpejti fillon edicioni i katërt i javës artistike studentore të Fakultetit të Arteve të Universitetit “Haxhi Zeka” në Pejë, shkruan KultPlus.

Tradita e këtij aktiviteti të degës së muzikës po vazhdon edhe këtë vit me ç’rast do të mbahen gjithsej tri netë artistike.

Koncertet do të mbahen nga data 25.05.22 ku fillimisht do të paraqitet Kori i Fakultetit në Kishën “Shën Katarina”, duke filluar nga ora 19:30. 

Ndërsa, nata e dytë sjell interpretimin e studentëve instrumentistë në Teatrin ‘Istref Begolli’, duke filluar nga ora 19:00. 

Dhe në natën e tretë do të performoj Orkestra e Fakultetit, po ashtu në Teatrin ‘Istreg Begolli’, duke filluar nga ora 19:00. / KultPlus.com

Kori ‘Haxhi Zeka’ nesër mban koncertin premierë që përkon me përvjetorin jubilar të Universitetit

Koncerti i radhës së Korit të Fakultetit të Arteve, mbahet nesër me rastin e 10 vjetorit të themelimit të Universitetit “Haxhi Zeka”, përcjell KultPlus.

Pas koncertit premierë të korit rishtazi, programi i tyre shfaqet edhe për publikun e Pejës, pikërisht në datën që përkon me përvjetorin jubilar të Universitetit.

Koncerti fillon nga ora 19:00 dhe mbahet në kishën katolike “Shën Katarina” në Pejë.

Përvjetorët jubilarë janë momente të rëndësishme në jetën e një institucioni e shteti, janë momente që na mundësojnë të shohim rrugën që kemi bërë në të kaluarën por edhe momente vizioni për të ardhmen të cilën duam ta ndërtojmë.

Andaj, do jetë nder që këtë ditë ta shënojmë së bashku me një program të pasur artistik të përpiluar me vepra botërore dhe kombëtare”, ka shkruar dirigjenti Hysen Nimani në rrjetin social Facebook. / KultPlus.com


Kori i Universitetit ‘Haxhi Zeka’ performon në ‘Shën Ndou’

Këtë të premte, më datë 29 tetor në kishën katolike ”Shën Ndou” do të performoj Kori i Universitetit ”Haxhi Zeka”, përcjell KultPlus.

Performanca e Korit vjen në kuadër të Prishtina International Vocal Festival dhe nën dirigjimin e Hysen Nimanit, ndërkaq koncerti pritet të fillojë në orën 19:00.

Koncerti do të mbahet me numër të kufizuar të audiencës, duke respektuar kështu masat anti-covid. / KultPlus.com